Professional Documents
Culture Documents
Filbook Content Final PDF
Filbook Content Final PDF
Aralin 1.
Sa Madaling Salita: Kasaysayan At Pag-Unlad Ng Wikang Pambansa
Mula sa produksyon ng UP Sentro ng Wikang Filipino – Diliman
ni Ar-Jay O. Torres
Bienvenido L. Lumbera
Pambansang Alagad ng Sining/Propesor ng Wika at Panitikan
Wikang sumasalamin sa mahabang kasaysayan ng mga Pilipino
Isang wikang nagpapakilala kung ano ang mga Pilipino
Portia P. Padilla
Propesor ng Edukasyon
“Sa larangan po ng wika ng pagkatuto ng wika at sa larangan po ng edukasyon, hindi naman po
nag aaway-away at walang kompetisyon ang mga resulta ng mga pag-aaral. Ang sariling wika ay ang daan
papunta sa Pilipino at papunta sa iba pang wika, banyaga man o ibang wika sa Pilipinas. Hindi ito sariling
wika laban sa Filipino, hindi ito sariling wika laban sa Ingles.”
Chito N. Angeles
Tagapamahala ng Aklatan ng Unibersidad
“Sa Library ng UP actually ang pinaka mayaman o pinaka komprehensibo ang pag-uusapan natin
ang koleksyon ng resources sa Filipino kasi ang library ng UP may policy na i-acquire ang lahat ng mga
nailimbag sa Pilipinas. Kasama dyan ang nasusulat sa wikang Filipino so lahat-lahat kung ano man yung
na-publish na tinatawag naming Filipiñana o yung mga materyales na tungkol sa Pilipino, Pilipinas, naisulat
ng mga Pilipino ‘yon yung komposisyon ng mga Filipiñana materials so umaabot tayo sa ngayon mga
111,000 na total na mga titles ng Filipiñana, ganon karami.”
Nicanor G. Tiongson
Kritiko/Propesor ng Pelikula
“Bahagi ako noong henerasyon na lumaki talaga sa Ingles. Wala kaming Filipino subjects, ni wala
kaming Philippine History sa Ateneo noon, so noon pa man sa Ateneo medyo nagrereact na ako bakit
ganon. Noong pagkagraduate ko, ako mismo naghanap ng paraan para – nagpunta ako sa Jolo, nagturo ako
dun kasi gusto kong malaman kumbaga’y ang tunay na kondisyon ng lipunan. At nag-enroll na ako sa UP,
doon nag simula yung pagkamulat ko sa mga nagyayari at alam mo na naman yung panahon na yon, ‘yon
yung panahon ng aktibismo na kinukwestyon ng lahat ang pamantayan sa lipunan hindi lamang sa kultura
kundi sa ekonomiya, sa politika, lahat. Talagang hinahanap natin noon yung – kumbaga’y yung sarili nating
identidad. Sa kultura, napaka lakas noon, sa UP, lalo na di ba?”
Wendell J. Capili
Manunulat/Propesor ng Ingles at Komparatibong Panitikan
“Noong nililinang natin yung Wikang Filipino within the university, merong mga objection mula
sa mga lider ng ating bansa. Ano ba yan? Bakit backward na tayo? – English is medium of instruction, the
lingua franca of world etc. Si Dr. Connie Paz De Jotet Maceda with support of some officials ng UP System,
pumunta sa kongreso para magkaroon ng linaw angating mga kongresista, mga senador at ang iba’t ibang
opisyal ng ating pamahalaan para makita nila kung ano ba yung policy sa wika ng UP at kung paano ito
makatutulong sa pag unlad ng ating bayan.”
Ramon Guillermo
Propesor ng Araling Pilipino
Isang usapin ng orientasyon nito ngating sistemang pang edukasyon kasama ng Unibersidad ng
Pilipinas - nitong mga nakaraan taon ng mga neoliberal na mga reporma ibig sabihin yung
pagsasapamilihan, yung pagsasakalakal ng edukasyon ay naglalayo sa ating unibersidad mula ‘ron sa dapat
niyang talagang orientasyon na tungkulin sa ating lipunan, ang nangyayari ay nahuhumaling angating mga
administrador na pagsikapan na lamang na mapataas yung ating competitiveness sa pandaigdigang
pamilihan kung ‘di man sa pamilihan sa Asya na pang edukasyon. Doon na lamang, ibig sabihin paano
Victor Paz
Propesor ng Arkeoloji
“Tandaan natin na kaya lang naman naging hindi na isyu yung usapin ng wika pero pwede naman
natin sabihin na hindi. Marami pa rin sa mga pulitiko natin hindi nila alam at naniniwala pa rin na dapat
Ingles ang wika natin pero ang datos ay talagang hindi lalapat doon. Karamihan ng mga Pilipino ay hindi
marunong mag Ingles pero karamihan ng mga Pilipino kung hindi man lahat ay marunong mag Filipino.”
Pamela Constantino
Propesor ng Wika
“Dahil nga instrument ang wika pwede mong i-manipulate. Pwede mong rin naming magamit ang
wika parahindi ka mapagcommunicate. Mag-iingles ka sa mga taong di marunong mag-ingles, ang purpose
mo dun ay hindi para magcommunicate. Ang gusto mong ipakita ‘dun siguro ay ipakita na mas mataas ako
sa inyo, mas prestigious yung aking wika at mas nakapag-aral ako kaya ganon. May sariling katangian ang
wika, kung minsan nga sabi nga nila, “Language is an ideology” siya mismo kumukontrol na sa tao, sa pag-
iisip ng tao.”
Teresita G. Maceda
Propesor ng Wika at Panitikan
Miyembro ng KAAKBAY ng pinamunuan ni Jose Diokno
Pinadala ni Diokno sa mga punong-bahay o punong-bayan para magbigay leksyon sa mga
mamamayan (Hal. Utang ng Pilipinas sa IMF o World Bank) ngunit nahirapan sila ipaintindi ang
napaka komplikadong ekonomikong isyu kung gagamitan ng Ingles kaya’t ginamit nilang ang
Wikang Filipino.
Cosuelo Paz
Propesor ng Lingwistiks
“Ang Lingua Franca, ‘yon ang naiintindihan ng karamihan. Dahil iba’t ibang grupo tayo, buhat sa
Norte hanggang Mindanao, magkakaibang tribo, hindi ko gusto ang tribo dahil minamaliit ang galing sa
tribo.”
Rowena L. Guevarra
Propesor ng Inhenyeriya
“Tayo-tayo mismo nag aaway-away tayo kung ano ba talaga ang magiging Filipino language. Ang
aking example actually diyan ay yung Bahasa Malay at tsaka yung Bahasa Indonesia, sana nag ganon tayo,
kaso nandito na tayo sa panahon ngayon na global na ang ating mga workers tapos nag ASEAN Integration
pa tayo. Napakahirap ng ibalik yung nakaraan, ang maganda nalang na nakikita ko ngayon, mas magaling
mag explain yung mga estudyante namin in Filipino. So, sa palagay ko yung kahit na hindi iisa lang ang
ating policy talaga sa wika palagay ko somehow umandar eh dahil ang galing talagang mag-explain ng mga
bata ngayon in the Filipino language kumpara sa aming henerasyon.”
Tatjiana M. Medina
BS Industrial Engineering
“Hindi naman po namin inexpect na makakapag-adjust po lahat ng gagamit pero syempre umaasa
po kami na syempre na magamit din po siya kasi syempre pagka nagkaroon na po tayo ng sarili nating
keyboard layout parang maiisip po natin lagi na syempre parang mas convenient na rin gamitin yung
Filipino language kasi may design na po tayo for it. Isa rin po siyang way para hindi din po tayo mapag-
iwanan ng mga ibang bansa.”
Ginamit ang 10.7 Million Filipino words mula sa Bantay Wika Project ng Triple E ni Sir Randy
Cajote
Pinaka madalas gamitin na Filipino Letters (a,n,g,s,t,p,m, i,o) at inilagay sa gitna para mas madali
abutin.
Agustin L. Arcenas
Propesor ng Ekonomiks
“Ang wika ay mahalaga kasi ito yung paraan mo talaga kung papaano ka magtuturo sa mga
estudyante. May mga bagay na higit na naiintindihan at naibabahagi ng mas mainam kapagka Filipino ang
ginagamit. Kadalasan nga Tagalog kasi kapag Tagalog biglang parang nagpe-pay attention ng malalim yung
estudyante. ‘Yon ang pinaka dahilan kung bakit gumagamit ako ng Filipino, hindi para sa kung ano pa man
kundi talaga para lang maging mas mabisa yung pagtuturo ko.”
Percival F. Almoro
Propesor ng Pisika
“Yung aking karanasan dyan na sa tingin ko ay importante rin yung role ng wika. Sa paglelecture,
kapag mayroon akong binabahagi sa estudyante na mga konsepto na in Filipino then makikita mo sa mga
mata nila na lumalaki. Ibig sabihin, nagreresonate sa kanila, naiintindihan nila.”
Armand Mijares
Propesor ng Arkeoloji
“Yung aking unang MI Thesis ay isang etnograpiya ng pag-aaral sa Bukid-Mangyan. Ang nagtulak
saakin, nagimpluwensya sakin na isulat ko sa Filipino yung aking adviser noon si Dr. Padilla. Siya rin yung
una sa mga antropologo na nagsulat na kanilang mga disertasyon sa Filipino. Pero sa kanilang pag-aaral
kasi Noro-Mangyan, yung aking pinag-aralan ay Bukid-Mangyan so ang aking ginamit ay Filipino medyo
matagal nga yung pagbalik. Noong 1995 ko ginawa ang aking pag-aaral, noong isang taon, nagpunta ako
sa mga Bukid-Mangyan, nagdala ako ang kopya ng aking thesis, binigyan ko si La Yaum, si Mayor Yaum
ng Buid at ilang mga Buid leaders ‘dun at tuwang-tuwa si Yaum at pinagmamalaki niya sa lahat ng lider,
tinitingnan nya at binuksan nya yung thesis, pinapakita nya sabi nya - ito yung unang-unang libro na kaya
niyang basahin at maintindihan.”
Angelito G. Manalili
Propesor ng Gawaing Panlipunan at Pagpapaunlad ng Pamayanan
“Hindi na lamang ito ang nakagapos sa layuning paunlarin ang wikang Filipino na nakabase sa
Tagalog. Angating layunin ay ibase ito sa lahat ng wika, kaya ngayon sa ayaw at sa gustuhin natin ay
umaalagwa tayo. Halimbawa, pinaguusap tayo ng Pilipino pero pwede namang Filipinong Bisaya, pwede
namang Filipinong Bikol, yung ganoong tipo. Bakit? Hindi kailangang maging turista tayo.”
Ang mga bansang napakaloob sa anyong kolonyal na ito ay “hinahayaang manatili ang institusyon
at wika ng taumbayan” ayon sa may akda. Ngunit ayon sa kasaysayan, ginamit at nagsilbing wikang opisyal
ang wikang kolonyal at nagamit rin ang nasabing wika ng mga elite, mapabanyaga man o hindi, partikular
ang wikang Dutch sa Indonesia ng masakop sila ng mahigit tatlong siglo (Paauw, 2009). Tulad din ang
karanasang ito sa pananakop ng Espanyol sa Pilipinas at ang wikang kolonyal rin ay hindi napalaganap
bilang wika ng karamihan, dahil nakareserba ito sa elite o ruling class.
Ayon rin sa may-akda, nagsimula ang pagpapalaganap ng wikang banyaga at pag ukit ng
institusyong panlabas sa ating pag iisip sa panahon ng pananakop ng mga Amerikano, katulad sa wikang
Dutch sa Indonesi, madaling natanggal sa ating bansa ang wikang Espanyol hindi lamang dahil sa ito ay
hindi naukit sa kultura ng karamihan, bunga rin ito ng kawalang presensyang internasyunal. Ayon sa kanya,
nagkukulang ang mga Pilipino ng tinatawag na “Intellectual Tradition” at ito ang sanhi kung bakit ‘walang
karanasang intelektuwal sa kahulugan at layunin’ at kung bakit hindi napapansin ang mga ‘problemang
panlipunan’.
Aralin 1.
“Sariling Atin: Ang Nagsasariling Komunidad na Pangkomunikasyon sa Disiplinang
Araling Pilipino ni Ramon Guillermo”
ni Lonelyn Z. Alba
Ang Araling Pilipinas, Araling Pilipino, Araling Filipino, Filipinolohiya, Philippine Studies. Hindi
pa ganap na nagkakasundo sa terminong dapat gamitin ang mga nasa akademya ngunit may mga bagay
naman na mapagkakasunduan gaya ng makabuluhang adyenda sa pananaliksik na akma sa mga
pangangailangan ng Pilipinas at ng mga Pilipino sa Siglo 21. Pahapyaw na tatalakayin ng papel na ito ang
mga isyu at problemang kinakaharap at kakaharapin pa ng mg mananaliksik sa Pilipinas sa mga susunod
na dekada at siglo, mga bagay na maaaring bigyang-pokus sa mga pananaliksik o kaya’y paghalawan ng
paksa na maaaring saliksikin mula sa politika at ekonomiks,hanggang sa kultura at medisina, at iba pang
larangan.
Ang mga suliraning ito ay bahagi ng “kayraming suliraning oras-oras na dumarating” na
karaniwang di na napapansin dahil tila di kayang lutasin, ayon nga sa awit na “Kahit Konti” ni Gary
Granada. Bagamat maaaring puta-putaki sa unang sipat, hiwa-hiwalay at tila di bahgi ng iisang kabuuan,
ang lahat ng mga ito’y tiyak na magkakaugnay sapagkat, gaya nga ng inilalahad sa awit na “Magkaugnay”
ni Joey Ayala, “Ang lahat ng bahay ay magkaugnay”.
Marami pang mahalagang hakbang na dapat isakatuparan sa ikauunlad ng pananaliksik mula sa at para
sa mga Pilipino. Narito ang mga hakbang na ito:
1. Magpapansinan muna tayo bago magpapansin sa iba. I-cite ang pananaliksik ng kapwa
Pilipubi. Paano babasahin ng ibang bansa ang gawang Pilipino kung hindi rin ito binabasa ng mga
Pilipino mismo? Nakakalungkot na hindi yata nasanay ang mga Pilipino na I-cite ang mga
kababayan kahit na binasa ang gawa nila kasama sa aktwal na sanggunian.
5. Atasan ang lahat ng mga unibersidad na magtayo ng Departamento ng Filipino at/o araling
Pilipinas. Kung paanong bawat institusyong akademiko sa Estados Unidos ay may American
Studies Department o Center. Ang mga ganitong departamento ang magbibigay ng sapat na espasyo
at maglilinang pa sa mga saliksik kaugnay ng Filipino at/o araling Pilipinas sa loob nga bansa.
Aralin 1.
Pagpili ng Batis (Source) ng Impormasyon at Pagbabasa at Pagbubuod ng Impormasyon
ni Hazel Jean P. Crespo, Genevan G. Artates at Vence Brian Barrogo
Pagbubuod
BUOD
Siksik at pinaikling bersiyon ito ng teksto
Ang teksto ay maaring nakasulat, pinanood o pinakinggan
Pinili rito ang pinakamahalagang ideya at sumusuportang ideya o datos
Mahalaga ang pagtutok sa lohikal at kronolohikal na daloy ng mga ideya ng binuod na teksto
2. Iskiming
Ito ay pagsaklaw o mabilisang pagbasa upang makuhaang pangkalahatang ideya o
impresyon, o kaya’y pag pili ng materyal na babasahin. Ito rin ay pagtingin o paghanap sa
mahalagang impormasyon, na maaaring makatulong sa pangangailangan tulad ng term paper o
pamanahong papel, riserts at iba pa. Ang skimming ay pinaraanang pagbasa at pinakamabilis na
pagbasang magagawa ng isang tao. Ang gumagamit ng kasanayang ito ay pahapyaw na bumabasa
ng mga pahiwatig sa selekyon katulad ng pamagat at paksang pangungusap. Binabasa niya nang
pahapyaw ang kabuuan ng seleksyon at nilalaktawan ang mga hindi kawili-wili sa kanya sa
sandaling iyon.
3. Previewing
Sa uring ito, ang mambabasa ay hindi kaagad sa aklat o chapter. Sinusuri muna ang kabuuan at
ang estilo at register ng wika ng sumulat. Ang ganitong paraan ay makatutulong sa mabilis na
pagbasa at pag-unawa sa babasa. May iba’t ibang bahagdan ang pre-viewing gaya ng mga
sumusunod:
a) Pagtingin sa pamagat, heding at sub-heading nakaraniwang nakasulat ng italik.
b) Pagbasa ng heding na nakasulat sa ng blue print
c) Pagbasa sa una at huling talata
d) Pagbasa sa una at huling pangungusap ng mga talata
e) Kung may kasamang introduksyon o buod, larawan, graps at tsart, ito ay binibigyan suri o
basa
f) Pagtingin at pagbasa ng table of contests o nilalaman
4. Kaswal
Pagbasa ng pansamantala o di-palagian. Magaan ang pagbasa tulad halimbawa habang may
inaantay o pampalipas ng oras.
6. Matiim na pagbasa
Nangangalinangan ito ng maingat na pagbasa na may layuning maunawaang ganap ang
binasa para matugunan ang pangangailangan tulad ng report, riserts, at iba pa.
8. Pagtatala
Ito’y pagbasang may kasamang pagtatala ng mga mahahalagang kaisipan o ideya bilang
pag-imbak ng impormasyon. Kasama rito ang paggamit ng marker para bigyan ng pansin o
highlight ang bahaging mahalaga sa binasa lalo na’t ito’y sariling pag-aari.
Aralin 2.
Pagsasalin, Paraphrasing at Iba Pa
ni Veatrice Nicole J. Mallen
Pagsasaling-wika
Ang pagsasaling-wika ay isang proseso kung saan ang isang pahayag, pasalita man o pasulat, ay
nagaganap sa isang wika at ipinapalagay na may katulad ding kahulugan sa isang dati nang umiiral na
pahayag sa ibang wika.
Mi Ultimo Adios Huling caisipan
Ni Jose Rizal Ni Pascual H. Poblete
Adios, Patria adorada, region del sol querida, Paalam na sintang lupang tinubuan
Perla del Mar de Oriente, nuestro perdido Eden! Pinacaiibig na bayan ng araw
A darte voy alegre la triste mustia vida, Perlang mahalaga ng dagat silanganan
Y fuera más brillante más fresca, más florida, Edeng maligayang sa ami'y pumanaw
Tambien por tí la diera, la diera por tu bien. Sa iyoy handog co ang ganap na tuwa
Yaring abang buhay na lantat dalita
Pahimakas Maging dakila may iaaLay din nga
Ni Andres Bonifacio Cung dahil ng iyoy icatitimawa
Pinipintuho kong Bayan ay paalam
lupang iniirog ng sikat ng araw, Huling pahimakas
mutyang mahalaga sa dagat Silangan Ni Julian Cruz Balmaceda
kaluwalhatiang sa ami'y pumanaw. Paalam na mutyang Tinubuang-lupang minahal
Masayang sa iyo'y aking idudulot ng araw,
ang lanta kong buhay na lubhang malungkot; Ligayang naglaho at Perlas ng Dagat sa
maging maringal man at labis alindog Kasilanganan,
sa kagalingan mo ay akin ding handog. Masayang sa iyo’y dulot ko ang aking aba’t
lantang buhay,
Gano mang kaningning, gano man kaganda at
kasariwaanIdudulot ko rin kung dahil sa iyong
ikatitiwasay.
Alusyong Pampanitikan
Isa sa problemang kinakaharap ng tagasalin ng isang akdang pampanitikan ang pagsasaliksik sa
mga posibleng bukas ng akdang isinalin. Hindi naman nagsusulat ang makata ng mga salitang mahuhulog
mula sa langit. Malimit na dinudukal niya o isinusulat sa gunita ang pag alala sa iba’t-ibang pansariling
karanasan. Matatawag natin itong “pinagkukunan” ng kaniyang akda.
Pagbabalangkas
Ang balangkas ay sistema ng isang maayos na paghahati-hati ng kaisipan ayon sa talatuntuning
lohikal na pagkakasunod-sunod bago ganapin ang pag-unlad ng pagsusulat (Arrogante 1992).
Kategorya Ng Balangkas
A. Divisyon - Sa bahaging ito inilalagay ang mga pangunahing ideya. Ito ay ginagamitan ng
panandang bilang (Romano)
B. Seksyon - Sa bahaging ito gumagamit ng mga malalaking letra ng alpabeto.
C. Sab-Divisyon - Sa bahaging ito ginagamit ang mga bilang arabiko.
Pananaliksik
Proseso ng pangangalap ng totoong impormasyon na humahantong sa kaalaman. Isinasagawa ito
sa pamamagitan ng paggamit ng kung ano ang nalalaman o napag-alaman na. Matatanggap ang
karagdagang kaalaman sa pamamagitan ng pagpapatunay ng mga panukala (teoriya) o mga pamamaran ( o
sistema), at sa pagsubok sa mas mainam na pagpapaliwanag ng mga napapansin o obserbasyon. Isang
prosesong mapagsuri, sistemateko o maparaan, organisado o nakaayos, at walang kinikilingan (obhetibo).
Pagbabalangkas
Ang balangkas ay nakasulat sa plano na nagpapakita ng mga bahagi ng bubuo sa isang sulatin. Sa
pamamagitan nito, nalalaman natin kung ano ano ang mga pangunahing ideya.
Ang pagbabalangkas ay maayos na pagtatala ng mga pangunahing kaisipan o paksa ayon sa
pagkakasunod – sunod sa isang katha o seleksyon.
Ito ay ang pinakakalansay ng isang akda bilang karagdagan, ito ay ang paghati-hati ng mga
kaisipang nakapaloob sa isang selekyon ayon sa pagkakasunod – sunod ng mga ito.
Anyo Ng Balangkas
Papaksa – Isinusulat ito sa anyong parilala
Pangungusap – Isinusulat sa buong paangungusap
Paraan ng Pagbabalangkas
1. Isulat ang pamagat o pangunahing ideya
2. Gumagamit ng isang uri ng pamamaraan sa pagbabalangkas
3. Gamitin ng mga Roman Numeral I, II, III, atbp. Ang mga pangunahing paksa malalaking titik A,
B, C, ang mga mahahalagang paksa; ng maliliit na titik a, b, c, ang hindi gaanong mahalagang
paksa. Ang kaayusan ay laging bilang, titik, bilang at titik. Salisihan ang gamit nito
4. Ang mga nasabing titik o bilang ay kailangan isulat ng inihahanay pababa
Aralin 1.
Pagmamapang Kultural, Ekonomikal at Iba pa
nina Rio Candido, Daniel Castro III, Michael Jude A. Laverez, Michael Jela, at Ryan Arnesto
Tinalakay sa sanaysay na ito ang heograpikal at historikal na pagbabago ng Quiapo, gamit ang
pangtubig na halamang "kiyapo" bilang metapor. Ang huli ay tumutulong magpakahulugan at magpakita
ng sitwasyon sa Quiapo na noon ay sentro ng negosyo at kultura at ngayon ay tirahan na ng mga nasa
impormal na sektor tulad ng mga nagbebenta ng mga pinirata o kinopyang pelikula at musika. Sinusuri ng
sanaysay na ito kung paano ang isang lugar sa loob ng isang malaking lungsod ay tila hiwalay na sa buong
kalunsuran, pati narin ang pagmamapa ng teritoryo ng mga nakatira nito. Ginagamit ng sanaysay na ito
bilang kultural na teksto ang mga negosyante at mga aktibidad at proseso na napakaloob sa pamimirata ng
pelikula at musika.
Sa kasalukuyan, angat parin ang notoriety sa imahen ng Quiapo at patunay ito ng Paggamit dito ng
ilang palabas sa telebisyon tulad ng Mangarap Ka. Kundi naman likhang-isip, Pinanatili ng Quiapo ang
bad boy image nito, patunay ng walang tigil na mga raid na ginagawa ng pamahalaan sa mga tindahan at
tagabenta ng mga produkto ng pamimirata.
Layunin ng sanaysay na ito na taluntunin ang ilang bahagi ng masalimuot na kasaysayan at ilang
pagbabagong heograpikal at kultural ng Quiapo, habang tatangkain ding kapain ng konstruksiyon ng tao at
modernidad sa pagaaral ng espasyong ito.
Magsisimula ang papel sa pagtalakay ng postmodernong katangian ng Quiapo, Tinitingnan din
kung paano naglalarawan ng heograpiya ng pakikitunggali ang Quiapo, mula sa pagiging sentro o puso ng
lungsod, hanggang sa pagsuri sa Quiapo bilang sityo ng laylayan sa larangan ng komersyo at kultura.
Kaakibat nito ang usapin ng pagtatag at pagpalaganap ng impormal na sektor ng Quiapo.
Komunidad ng pagbebenta
Lumilikha ng komunidad, sa halip na kompetisyon. Alam naman kasing pare-pareho lang sila ng mga
titulong ibinebenta. Puwedeng rnaghiraman ng kopya ang isa't isa kung sakaling wala nang stock ang isang
nagbebenta at may potensyal itong mamimili. Taliwas ito sa eksklusibo at nagsasariling sistema ng mga
tindahan sa mga mall.
Aralin 2.
Etnograpiya at Pananaliksik na Leksikograpiko
ni Mary Angelique Claire Palanog at Joyce Lynn Mae Diama
Etnograpiya
Ito ay maka agham na estratehiya ng pananalik na kadalasang ginagamit sa larangan ng mga agham
panlipunan, partikular na sa antropolohiya. Kilala din ito bilang isa bahagi ng agham pangkasaysayan na
nag aaral ng mga tao, pangkat etniko, at iba pang kabuuang pangkat etniko.
Layunin ng Etnograpiya
Mailarawan ang kalikasan ng mga pinag aaralan sa pamamagitan ng pagsulat.
Leksikolohiya
Proseso ng paglikha o pag-eedit ng diksyunaryo at mga simulain at praktika ng paggawa ng
diksyunaryo. Tumutukoy sa sangay ng linggiwistika na nakatuon sa proseso teorya at praktika ng pagtitipon
ng mga salita upang makabuo ng mga sangguniang leksikograpikal katulad ng diksyunaryo.
Dibisyon
Lexicographic Practice - pagbuong diksyunaryo; iniuugnay sa industriya ng sanggunian ng aklat.
Lexicographic Theory - pananaliksik ukol sa mga teorya sa pagbuo ng diksyunaryo; iniuugnay sa
akademikong pananaliksik.
Pagtatambal - Marami na ring mga salita ang nabuo sa pamamagitan ng pagtatambal ng mga mor fema na
nagging bahagi na ng wikang Filipino dahil sa tinanggap ito ng masa.
Halimbawa:
Dalawit- pinagtambal na dula at awit.
Bahaghari- bahag at hari.
Anak-araw- anak at araw.
Bahay-bata- bahay at bata.
Boses-palaka- bosses at palaka.
Akronim - Hango ito mula sa mga inisyal o mga unang pantig ng mga salita.
Halimbawa:
NSO- National Statistics Office
LSU- Lasalle University
PAL- Philippine Airlines
GAP- Gender and Development
Pagbabawas o Clipping - Ang prosesong ito ay pagpapaikli ng mga salita na kadalasang ginagamit sa
pasalitang paraan.
Halimbawa:
Dok- Doktor
Kabs- Kababayan
Direk- Direktor
Ads- Advertisement
Mga Salita Mula Sa Mga Pangngalan - Pagiging malikhain sa pagbubuo ng mga salita may mga pangalan
ng produkto o brand na nagiging pandiwa. May ibang brand na kinakabitan ng panlahi.
Halimbawa:
Xerox- nagseroks, magseseroks, nagpaseroks.
Colgate- Mayroon ba kayong kolgeyt na Close up?
Aralin 3.
SWOT Analysis at Literature Review
ni Hermielyn D. Magbanua
SWOT Analysis
Ang SWOT Analysis (o SWOT Matrix) ay isang diskarte sa pagpaplano na ginagamit upang
tulungan ang isang tao o organisasyon na makilala ang mga lakas, kahinaan, oportunidad at pagbabanta na
nauugnay sa kumpetisyon sa negosyo o pagpaplano ng proyekto. Ito ay inilaan upang tukuyin ang mga
layunin ng venture ng negosyo o proyekto at tukuyin ang panloob at panlabas na mga kadahilanan na
kanais – nais at nakapipinsala sa pagkamit ng mga layunin.
Ang mga gumagamit ng isang SWOT analysis ay kadalasang nagtatanong at sumasagot ng mga
tanong upang makabuo ng makabuluhang impormasyon para sa bawat kategorya upang gawing kapaki-
pakinabang ang tool at tukiyin ang kanilang competitive advantage. Ang SWOT ay inilarawan bilang tried-
and true tool ng estratehikong pag-aaral.
Ang mga lakas at kahinaan ay madalas na may kaugnayan sa loob, habang ang mga pagkakataon
at pagbabanta ay karaniwang nakatuon sa panlabas na kapaligiran. Ang pangalan ay isang acronym para sa
apat na parameter na sinusuri ng pamamaraan.
Panloob na Kadahilanan
Ang unang dalawang titik sa acronym, S (strengths) at W (weaknesses), ay tumutukoy sa mga
panloob na mga kadahilanan, na nangangahulugang ang mga lugar na karaniwang itinuturing ay
kinabibilangan ng:
Mga mapagkukunang pinansyal (pagpopondo, pinagkukunan ng kita, mga pagkakataon sa
pamumuhunan)
Mga pisikal na mapagkukunan (lokasyon, kagamitan, kagamitan)
Mga mapagkukunan nga mga tao (mga empleyado, boluntaryo, target audience)
Access sa mga likas na mapagkukunan, mga trademark, mga patente at mga karapatang-kopya.
Kasalukuyang mga proseso (mga programa ng empleyado, mga hierarchy ng departamento, mga
sistema ng software).
Demograpiko
Mga relasyon sa mga supplier at kasosyo Pampulitika, kapaligiran at pang-ekonomiyang mga
regulasyon.
Sa sandaling punan mo ang iyong SWOT analysis, kakailanganin mong makabuo ng ilang mga
rekomendasyon at estratehiya batay sa mga resulta. Sinabi ni Linda Pophal, may-ari at CEO ng kumpanya
sa pagkonsulta sa Strategic Communications, na ang mga estratehiya na ito ay dapat na nakatutok sa
paggamit ng mga lakas at pagkakataon upang mapaglabanan ang mga kahinaan at pagbabanta.
“Ito talaga ang lugar ng pag-unlad ng diskarte kung saan ang mga organisasyon ay may isang
pagkakataon na maging pinaka-creative at kung saan ang mga makabagong ideya ay maaaring lumitaw,
ngunit kung ang pagsusuri ay angkop na inihanda sa unang lugar”, sabi ni Pophal.
Kahalagahan ng Panitikan
1. Nagbibigay ng isang magandang pagtakas sa realidad at ibinabahagi nito ang isang uri ng
libangan para sa tao
2. Nagkakaroon ng malaking tulong ang panitikan sa paghulma ng lipunan dahil tinutulungan nito
ang mga mamamayan na bumuo ng opinion sa mundo at kwestiyonin ang kasalukuyang sistema
3. Nagsasalamin sa kulturang pinagmulan nito
4. Isang uri ng mahalagang panlunas na tumutulong sa mga tao upang makapagplano ng sari-
sariling mga buhay.
Aralin 4.
Pagtatanong-tanong, Obserbasyon, Interbyu at Participant Observation
nina Nicole Rose Bernales, Rejane Bulaclac, Jan Marie Obregon at Alyssa Kyren Mendoza
Obserbasyon
Obserbasyon o pag-oobserba ay maarinv isang gawain ng isang nabubuhay na nilalang katulad ng
tao, na binubuo ng pagtatanggap ng kaalaman ukol sa mundong panlabas sa pamamagitan ng pandama; o
maaaring pagtatala ng dato na ginagamitan ng mga instrumentong pang-Agham.
Maaring bigyan ng kahulugan ang obserbasyon bilang isang tuwirang masusing
pagsisiyasat,mabuting pagsuri, mabuting morning pagmamasid ng sitwasyon o kalagayan. Isa itong masigla
at aktibong pagtatamo ng impormaston at kabatiran mula sa isang pangunahing pagkukunan.
Layunin ng Pakikipanayam
Kumuha ng impormasyon, reaksyon o kurokurong kailangan sa paghahanda ng isang bagay na
ilalathala sa pahayagan
Layuning pagtatampok
Layuning pagtalambuhay
Aralin 5.
Secondary Data Analysis at Experimental na Pananaliksik
nina Ray Ivan Botin at Micole Maganto
Pananaliksik
Isa itong sistematikong paraan ng pag-aaral at pagsusuring lohikal sa pamamagitan ng matiyagang
pagkuha ng mga datos o impormasyon mula sa pangunahing mga materyales ukol sa isang paksa o
problemang pang-agham, panliteratura, pangkasaysayan, pangmedisina at iba pa pang disiplina na
isinusulat at inuulat para sa kaalaman at impormasyon ng mga tao.
Kahalagahan ng Pananaliksik
Maituturing ang pananaliksik na susi sa kaunlaran. Sa halos lahat ng Larangan ng buhay walang
magiging pagsulong o pag-unlad kung hindi gagamit ng pananaliksik maging sa pamahalaan, sa edukasyon,
sa pangangalakal at komersyo, at sa lahat ng uri ng industriya
Mga Bahagi
1. Mga Pahinang Preliminari o Front Matters
2. Kabanata I : Ang Suliranin at Kaligiran
3. Kabanata II : Mga Kaugnay na Pag-aaral at Literatura
4. Kabanata III : Disenyo at Paraan ng Pananaliksik
5. Kabanata IV : Presentasyon at Interpretasyon ng mga Datos
6. Kabanata V : Lagom, Kongklusyon at Rekomendasyon
Sintesis o Buod
Isang pamamaraan kung saan ang isang manunulat o tagapagsalita ay sinasabi ang mga orihinal na
teksto sa mas maikli ngunit kumpleto at detalyadong paraan.
Aralin 6.
Case Study at Aksyong Pananaliksik (Action Research)
ni John Diel Alcones
Pananaliksik - paraan ng paghahanap ng teorya, pagsubok sa teorya at paglutas ng isang suliranin. Ito ay
isang prosesong paghahanap ng mga totoong impormasyon na humahantong sa kaalaman. Isinasagawa ito
sa pamamagitan ng paggamit ng kung ano ang nalalaman o napag-alaman na.
Proseso ng Pananaliksik
Pagpili ng paksa Mga dapat isa-alang alang sa
paglimita ng paksa:
Kasapatan ng Datos
Limitasyon ng Panahon Panahon at Lugar
Kakayahang Pinansyal Respondante
Kabuluhan ng Paksa
Aspekto
Interes ng Mananaliksik
Hanguan ng Paksa
1. Sarili – maaring humango ng paksa mula sa sariling karanasan, nabasa o narinig.
2. Dyaryo at Magazine – mga mapapanahong isyu sa mga pamukhang pahina ng dyaryo at
magazine.
3. Radyo at TV – maaaring making at manood ng mga programa kung may makukuhang paksa.
4. Internet at Aklatan – may mga malawak na ideyang napapaloob.
5. Kaibigan at Guro – sa pamamagitan ng pagtatanong sa ibang tao maaring makakuha ng paksa.
Layunin
1) Makapagbigay ng mungkahing solusyon sa problema
2) Makapagpakatotoo o makapagpangatwiran sa tulong ng mga mapanaligang mga materyales o
dokumento tungkol sa mga paksang nangangailangan ng paglinaw
3) Nakapagbibigay ng mga ideya o mungkahi batay sa pangkasanayang perspektibo para sa isang
pangyayari o senaryo.
4) Sa pagsasagawa ng pananaliksik, dapat na alam kung ano ang layunin ng gawaing ito. Dapat na:
a) Makatuklas ng mga bagong impormasyon ideya at konsepto
b) Makapgbigay ng bagong pagpapakahulugan o interpretasyon sa dating ideya
c) Mabigyang linaw ang isang mahalagang isyu o paksa
3. Panimula o introduksyon
Maipaliwanag ng mabuti ang mga kahalagahan at layunin ng pag-aaral.Matalakay ang mga
salik na nag-udyok sa mga mananaliksik upang gawin mabuo ang tanong (paano na-udyok ang
mga ideya?). Mailarawan kung paano makakatulong sa iyong pag-aaral ang pagsagot sa tanong.
5. Implekasyon
Dito ibinubuod ang mga pinag-aralang mga katanungan at mga pangunahing isyu.
6. Rebyu ng literature
Dito tinatalakay o ipinapakilala ang mga pangunahing teorya na makatutulong sa
mananaliksik sa pagtalakay ng proyekto.
7. Konklusyon
Dito makikita kung ano ang kinalabasan ng iyong pag-aaral.
Aralin 7.
Comparative Analysis at Discourse Analysis
ni Thea Mae B. Bermejo
Discourse Analysis
Ito ay pag-aaral sa diskurso. Isang pag-unawa sa pangunahing istruktura ng isang kontrobersyal na
interaksyon o masusing paglalarawan ng kombersyon.
“Iba na talaga ang mga kabataan ngayon” – mga salitang halos araw araw mong maririnig mula sa
mga matanda. Sa dyip, sa kalye, sa palengke. Halos nakakabingi na nga ‘di ba? Iba na nga talaga ang mga
kabataan ngayon. Ang kabataan ng makabagong henerasyon na maraming alam sa bagong teknolohiya,
maraming pangarap sa buhay, maraming nais maabot. Ang totoo, maraming kapuri-puri sa mga kabataan
ngayon. Marami sa atin ang hindi nakakakita nun dahil inaasahan nating maging pareho sila ng kabataan
noon. Hindi pa ipinapanganak, nakakulong na sa ating mga ganito, ganun. Ano sa tingin mo kaibigan?
Hindi ba pwedeng hayaan natin silang mamuhay sa mundo na kinamulatan nila? Mahirap. Mahirap ang
pilitin silang mamuhay sa mundong ibang-iba na rin. Iba man ang kabataan ng makabagong henerasyon,
tanaw pa rin nila ang pag-asa. Hindi man sa paraan na ating nakikita, pero malay mo, balang araw, mas
magiging maliwanag ang mundo dahil sa kanila.
Aralin 8.
Content Analysis at Saliksik Arkibo (Achival Research)
ni Jazel D. Distor at Kier John Bartolo
Mga Paggamit
Upang maunawaan ang pagbabago sa takbo ng nilalaman sa paglipas ng panahon
Upang ipaliwanag kung bakit may espesyal na pansin o tumuon sa ilang mga paksa ng nilalaman.
Halimbawa, ang nakakaakit na larangan na binubuo ng tsismis ng tanyag na tao ay isang paksa na
malaking pansin sa mga tao sa lahat ng edad
Ang pagtatasa ay maaring gamitin upang ihambing ang mga internasyonal na mga pagkakaiba sa
nilalaman
Tinutulungan ang pagsusuri sa paghahambing ng mga pagkakaiba ng grupo sa nilalaman
Tumutulong sa pagsubaybay sa pag-unlad ng teoretikal sa kasaysayan ng intelektwal
Ang tagapagpanaliksik ay maaaring gumuhit ng isang paghahambing sa pagitan ng aktwal na
nilalaman at ang nilalayon ng nilalamit
Ang mananaliksik ay maaring makita at pagatapos ay ilantad ang paggamit ng mga pinapanigang
tuntunin sa pananaliksik na kinakasangkutan ng impormasyon na nakakaimpluwensya sa mga
opinyon o pag-uugali ng mga tao
Maaaring subukan ng mananaliksik ang mga teorya tungkol sa kultura at simbolikong paggamit ng
mga termino
Maaari itong magamit ng isang mananaliksik para sa mga layunin ng coding. Maaaring code ng
mga mananaliksik ang bukas na natapos na mga tanong sa survey (ang bukas na natapos na mga
tanong sa survey ay ang mga pang tiyak na mga sagot)
Saliksik Arkibo
Ang Saliksik-Arkibo o Archival Research sa kasaysayan at tradisyon ng panitikan at dula, gagamit
ang mananaliksik ng datos, kung saan manggagaling sa mga silid aklatan ngmga kolehiyo at pamantasan.
Ang arkibong pananaliksik ay isang uri din ng pananaliksik kun saan ang mga nasaliksik ay tinatago at
maaring gamitin pa ng mga susunod na mananaliksik.
Ang pananaliksik sa Archival ay isang uri ng pananaliksik na nagsasangkot sa paghahanap at
pagkuha ng katibayan mula sa mga talaan ng archival. Ang mga rekord na ito ay maaaring gaganapin
Lawak ng Sarbey
Sarbey – ilang bahagi lamang ng populasyon
Sensus – isang pag-aaral na sumasalakay sa buong target na populasyon.
Layunin
Makatuklas ng mga bagong impormasyon, ideya, at konsepto.
Mabigyang – linaw ang isang mahalagang isyu o paksa.
Makapagbigay ng mungkahing solusison sa problema.
Aralin 1.
Mga Diskurso sa Nasyonalismo
ni Rafael Cenon P. Montejo
Samakatwid, sa pananaw ni Constantino at ng iba pang nasyonalista, walang saysay ang anumang
programang pang-edukasyon kung hindi nito isinasaalang-alang ang kaunlaran ng mga mamamayan ng
bansa. Sa mas tahas na pananalita: walang saysay ang edukasyong hindi nasyonalista, kahit pa ito’y
sumunod sa “pamantayang global.” Sa kabuuan, binigyang-diin ni Constantino na hangga’t kontrolado ng
mga dayuhan at ng mga Pilipinong elite na kanilang kasabwat, ang ekonomiya, politika at kultura (kasama
na ang edukasyon) ng Pilipinas, mananatiling mahirap at walang pag-unlad ang mayorya ng sambayanang
Pilipino. Sa pangkalahatan, maituturing na kapanalig ng mga naniniwala sa bisa at katotohanan ng
Teoryang Dependensiya si Constantino. Sa mga nakaraang dekada, naging popular ang teoryang ito sa
Latin America at iba pang kontinenteng bahagi ng Third World. Sa pananaw ng mga naniniwala rito,
pinagsasamantalahan ng mga bansang industriyalisado ang mga bansang mahirap sa pamamagitan ng
neokolonyalismo sa ekonomiya.
Sa isang talumpati noong Marso 25, 1964 (“On Development”) sa sesyong plenaryo ng United
Nations Conference on Trade and Development (UNCTAD), ipinahayag ni Dr. Ernesto “Che” Guevara
(isang physician, ekonomista at popular na lider ng mga gerilya na katuwang ni Fidel Castro sa
pagpapatalsik sa diktadura ni Fulgencio Batista), ang buod ng kritisismo ng Teoryang Dependensiya sa
pandaigdigang status quo: “Ang pagpasok ng kapital mula sa mauunlad na bansa’y rekisito sa paglalatag
ng dependensiyang ekonomiko. Ang pagpasok na ito’y may iba-ibang porma: mga utang na may mabibigat
na kondisyon; puhunang naglalagay sa isang bansa sa kamay ng mga mamumuhunan; halos pangkalahatang
subordinasyong teknolohikal ng palaasang bansa sa maunlad na bansa; kontrol ng malalaking monopolyong
internasyonal sa kalakalang panlabas; at sa ilang malalang kaso, paggamit ng dahas bilang sandatang
ekonomiko na sumusuhay sa iba pang porma ng pagsasamantala.” Higit na magiging malinaw ang
kabuluhan ng Teoryang Dependensiya sa pagsusuri ng mga programang pang-edukasyon kung sisipatin
ang binanggit ni Che Guevara na “iba pang porma ng pagsasamantala.”
Nagbigay ng pahiwatig si Vincent Ferraro hinggil sa iba pang porma ng pagsasamantala sa
kabanatang pinamagatang “Dependency Theory: An Introduction,” (sa aklat na The Development
Economics Reader, ed. Giorgio Secondi) na masisipat sa isang webpage ng Mount Holyoke College: “Ang
distinksiyon sa pagitan ng mabagal na pag-unlad at kawalan ng pag-unlad ay naglalagay sa mahihirap na
bansa ng daigdig sa napakakakaibang kontekstong historikal…Sila’y mahihirap sapagkat sila’y sapilitang
isinama sa sistemang ekonomikong Europeo bilang mga prodyuser lamang ng hilaw na materyales o para
maging suplayer ng murang lakas-paggawa, at sila’y pinagkaitan ng oportunidad na ibenta ang kanilang
mga pinagkukunang-yaman sa paraang kokompitensiya sa mauunlad na bansa.” Ang Pilipinas ay isa sa
mga pangunahing “suplayer ng murang lakas-paggawa” sa kasalukuyan. Sa datos ng Philippine Overseas
Employment Agency (POEA), humigit-kumulang sa 3,500 Pilipino ang nangingibang-bayan araw-araw
para maging Overseas Filipino Workers (OFWs). Ipinagmamalaki rin ng gobyerno na ang Pilipinas ay isa
sa mga pangunahing sentro ng Business Processing Outsourcing (BPO) na “nagnanakaw” ng mga trabaho
sa mga Norte Amerikano at Europeo para “ibigay” sa ilang Asyanong bansa na tumatanggap ng mas
mababang lebel ng suweldo kaysa sa mauunlad na bansa, ayon sa mga kritiko nito. Kasama ang Information
Aralin 3.
Pantayong Pananaw
ni Ben Billanes
Aralin 4.
Sikolohiyang Pilipino
Ni Jonas A. Apocero
Virgilio Enriquez
Ama ng Sikolohikang Pilipino
nag-aaral ng post-graduate sa ibang bansa
bumalik sa Pilipinas noong 1970s
Sikolohikang bunga ng karanasan, kaisipan at oryentasyo ng Pilipino, batay sa kabuuang paggamit
ng kultura at Wikang Pilipino.
Sa maikling salita…..
Ang sikolohiya sa Pilipinas ay “bisita sa bahay”
Sikolohiya ng mga Pilipino ay “tao sa bahay”
Sikolohiyang Pilipino ay “ang maybahay”
6. Social Values:
Karangalan: kadalasang nauugnay sa dignidad, na sa katunayan ay nangangahulugan na kung ano
ang palagay ng ibang tao sa kapwa at paano nila ginagamit ang kaalamang ito sa pagkilala at
paghusga ng kanyang buong pagkatao at kahalagahan.
Puri: ito ay ang panlabas ng aspeto ng dangal na tumutukoy sa kung paano natin hinuhusgahan ang
buong pagkatao at kahalagahan ng kapwa.
Dangal: ito ay ang panloob na aspeto ng dangal na tumutukoy sa kung paano niya hinuhusgahan
ang kaniyang pagkatao at kahalagahan.
Katarungan: kadalasan ito ay nauugnay sa katarungan o hustisya, na sa katunayan ay
nangangahulugan na ang pagkamakataong makapagbibigay gantimpala sa kapwa.
Kalayaan: Ito ay nangangahulugang :Freedom and Mobility” sa Ingles. Sa makatuwid ito ay
magkakasalungat sa hindi gaanong mahalaga nap ag-uugali na pakikisama or pakikibagay.
Ang kaalaman natin sa ibat-ibang kultura ay humubog sa atin upang luminang pa ang kaisipan at pag-
unawa.
Aralin 1.
Luntian na Pamayanan: Tungo sa Pag-unlad ng Kalikasan,
Antas ng Pamumuhay at Wika ni R. Nuncio
ni Nica Calvo
Nagmumungkahi ang paksang ito na bigyang-kapangyarihan ang mga luntiang pamayanan bilang
sityo ng pag-unlad ng wika, kabuhayan at kalikasan. Tatlong nagsasangandiwang lapit ang ginagamit sa
papel na ito upang higit na maunawan ang panukalang luntian pamayanan: sosyolohikal na imahinasyon,
panlipunang polisya at diskurso bilang nagkilos. Ang luntiang pamayanan ay bubuuin bilang bahagi ng
ugyan ng pribadong publikong sector tulad ng mga Real Estate Company, pambansa at lokal na pamayanan,
kooperatiba at mga pinansyal na institusyon.
Sisikapin nitong hindi masira ang balanseng ekolohikal ng kapaligiran habang denidebelop ang
mga pabahay ng mayaman maykaya at mahihirap. Ang mga produktong agrikultural ay maaring isama sa
itatayong negosyo pang agrikultura sa tulong ng mga itatayong kooperatiba ng luntiang pamayanan habang
tinutugunan nito ang kabuhayan ng mga tao. Sisisbol ding ang posibilidad ng ugnayan, ng mga tao at ang
pag-unlad ng wika para sa ugnayang iyon.
Kongklusyon
Sa lahat ng ito pinakamahalaga ang wika. Uunlad din ang wika sa bansang maunlad. Ngunit mas
matingkad ang katotohanan ang wika ang susi ng pah-unlas na napatunayan na ang mga bansang tulad ng
tsina, Hapon, Timog Korea aaat ang mga karatig nating bansa sa Asya.
Makikinabang sa ganito ng paglikha ng Luntiang pamayanan bilang agribusiness, ekolohikal na sityo,
speech/community o sitwasyon.pabahay at kumunidad sa posibilidad nap ag unlad ng wikang Filipino.
Ang pangingibang bayan ang isa sa iilang natitirang pamamaraan na nakikita ng maraming
pamilyang Pilipino para sa panlipunang mobilidad sa kasalukuyang panahon. Sa loob ng ilang dekada, ang
polisiya sa pagpapaigting ng labor export ng pamahalaan ang nagtulak sa marami nating kababayan na
maghanap ng kabuhayan sa labas ng bansa. Nilalayaon ng papel na ito na dalamutin ang naging karanasan
ng mananaliksik sa kanyang pakikipag-ugnayan sa komunidad ng mga Pilipinong naninirahan sa Venezia,
Italya at sa pagtuturo ng wika at kulturang Pilipino sa mga bata at kabataang miyembro nito. Bibigyang
pansin ang mga pananda at pakikipagnegosasyon ng mga Pilipino sa kanilang pagbuo, pagpapanatili, at
paghubog ng transnasyonal na Pilipinong identidad sa isang dayuhang bansa. Gamit ang konsepto ng
transnasyonalismong migrasyon, natuklasan na ang mga Pilipino ay patuloy na nakikipagnegosasyon para
panatilihin ang kanilang pagka-Pilipino habang namumuhay at pumapaloob sa kultura at identidad ng mga
Italyano.
Sa nakalipas na mahabang panahon, nanging tahanan na ang bansang Italya ng maraming Pilipino.
Tinatayang nasa mahigit isandaang libong Pilipino ang nagtatrabaho sa bansang ito. Maraming Pilipinong
migrante ang pinipiling manatili sa bansang ito at dito na manirahan kasama ang kanilang pamilya. Dahil
dito may mga kabataang Pilipino na dito na ipinanganak o dito na lumaki’t nagkaisip. Ang phenomenon ng
diaspora ng mga Pilipino ay nagluluwal ng mga kabataang Pilipino na hindi lamang malayo sa pisikal na
lebel sa Pilipinas, kundi maging sa kanilang kamalayan bilang mga Pilipino. Marami sa kanila ay unti-unti
nang nakakalimot at tuluyang napapalayo sa kanilang wika at kultura.
Ang salitang “Ciao” ang isa sa mga pinakaginagamit na salita sa Venezia. Ang ibig sabihin nito sa
wikang Ingles ay maaaring “Hi,” “Hello,” o “Goodbye”. Ito ang salitang sinasambit kapag may
makakasalubong kang kilala o di kaya’y nagpapaalam sa kanya. Kung sa wikang Filipino, maaring
katumbas nito sa esensya ang mga salitang “kamusta,” “paalam,” o “Sige”. Pero kapag Pilipino ang iyong
nakasalubong, hindi lang isang Ciao ang iyong maririnig sa kanila kundi dalawa, Ciao Ciao. Bakit? Dahil
sa ito ay isang uri ng pakikipagnegosasyon ng mga Pilipino sa kanilang identidad.
Mahilig ang mga Pilipino sa pag- uulit ng mga salita, mula sa pangalan tulad ng jekjek, jayjay, john
john at maging sa mga pangkaraniwang salita tulad ng major major. Ang pag-uulit ng salitang Ciao ng mga
Pilipinong nakatira sa Venezia ay isang uri ng negosasyon, hindi lamang sa paggamit ng wikang Italyano,
kundi ng kanilang pagiging Pilipino. Ang konsepto ng negosasyon ay nangangahulugan na hindi tuluyang
at agarang tinatanggap ang ibinibigay o inihahain sa iyo. Gayun din, hindi rin naman nangangahulugan na
ikaw ang may hawak ng makapangyarihan, sa halip ay bahagi ito ng iyong pagigiit ng kapangyarihan,
pagkilala, at pagtanggap. Ipinapakita nito ang appropriasyon ng mga Pilipino sa bansang kanilang tinitirhan
lalo pa’t ito’y dayuhang bayan. Ito’y pagsusuri ng iba pang mga panandang naobserbahan ko bilang taga
labas na hindi rin namn talaga taga labas dahil ako rin ay isang Pilipino, na pumapasok sa loob ng
komunidad ng mga Pilipino sa Venezia.
Kung ikaw ay may trabaho sa ibang bansa, maari kang mabuhay ng marangal, ang sahod ay maaring
maging sapat para ikaw ay mabuhay, makabili ng mga gamit na gusto mo, habang nakakapagpadala sa
iyong pamilya sa Pilipinas. Ang buwis na iyong binabayaran ay bumabalik sa iyo bilang serbisyo, bagamat
laganap din ang korapsyon sa kanilag pamahalaan.
Ayon kay Erwin Nuguid, isa sa mga lider ng komunidad, “sa ngayon, may bukas na ang isip ng
mga Pilipino tungkol sa pagkuha ng Italian Citizenship, mas nagugustuhan na nila ang mag aplay ng dual
citizenship. Isa sa mga pinakamalaking dahilan nito ay ang pasaporte, dahil “para ka lang bilanggo kapag
sa pilipinas ang pasaporte mo: hindi mo mararating ang ibang bansa kung hindi ka kukuha ng Visa tulad
ng sa US, UK, at iba pang bansa.” Ayon nga sa Visa Restriction Index, ang Italyan passport ang pangatlo
Aralin 1.
Ang Gamit at Kahalagahan ng Wikang Filipino sa Pagtuturo ng Agham: Panayam kay
Prop. Fortunato Sevilla III nina W. Fajilan at R.B. Zafra
ni Stefanie Grate Sapeda
Sa kasaysayan ng kolehiyo ng Agham at ng Research Center for the Natural And Applied Siences
ng Unibersidad ng Santo Tomas ay hindi maikakailang malaki ang naging ambag ni Dr. Fortunato Sevilla
III upang ganap na makilala ang kagalingan ng nasabing institusyon, hindi lamang sa pagiging propesor ng
pananaliksik at isa rin siya sa mga nakikiisa sa pagkilala sa kakayahan at kapangyarihan ng wikang Filipino
bilang wikang may kakayahang magamit sa pagtuturo ng mga teknnikal na sabjek gaya ng Kemistri at mga
larangang may direktang kaugnayan dito.
Kung babalikan natin ang nakasaad sa 1987 Konstitusyon ng Pilipinas tunggol sa wika n gating sistemang
pang-edukasyon ay malinaw na isinasaad sa Artikulo XIV, Seksiyon 6 ang ganito :
“ang wikang pambansa ng Pilipinas ay Filipno. Samantalang nalilinang ito ay dapat pagyabungin
at pagyamanin pa salig sa umiiral na mga wika ng Pilipanas at iba pang mga wika. Alinsunod sa mga
tadhana ng batas at sang-ayon sa nararapat na maaring ipasiya ng kongreso, dapat magsagwa ng
hakbangin ang pamahalaan upang abunsod at puspusang itaguyod abg paggamit ng Filipino bilang
midyum ng opisyal na komunikasyon at bilang wika ng pagututoro sa sistemang pang-edukasyon”
Pilipinisasyon
“Haba ng alon” para sa “wavelength,” bilis para sa “speed” at tulin naman sa “velocity”.
Nakakatuwa sa pandinig ngunit naniniwala si Sevilla na higit na mainam gamitin ang wikang Filipino sa
Klase.
Aralin 2.
Mga Teorya ng Relatividad ni Albert Einstein: Isang Pagsusuri sa Kagandahan ng Wikang
Filipino sa Pagtatalakay sa mga Paksang Makabagong Agham ni F.P. Demetrio III
ni Maecon B. Tulale
Mga Susing Salita: Albert Einstein, Espesyal na Teorya ng Relatividad, Pangkahalatang Teorya ng
Relatividad, Wikang Filipino, Pagplanong Pangwika, Agham.
May ilang nagsasabi na hindi sapat ang antas ng inteletuwalisasyon ng wikang ito, na kapag ito ay
tumahak sa domeyn na agham, baka pagkalito lang at hindi pagkakaunawa ang maidudulot nito.
Halimbawa, si Bonifacio Sibayan (2008) na isa sa mga kilalang linggwista sa Pilipinas, ay naniniwalang
kahit sapat na ang antass ng Intelektuwalisasyon ng wikang Filipino sa domeyn ng literature, hindo pa ito
handa sa domeyn ng agham. Ang kaisipan ni Sibayan ay sumasang-ayon nama sa kaisipan ng maraming
Pilipino na naniniwalang maari lamang gamitin ang Filpino sa mga domeyn ng humanidades at agham
panlipunan, habang ingles pa rin ang nararapat para sa mga domeyn ng agham, matematika at teknolohiya.
May iilan nang Pilipinong dalubahasa sa agham ang nagpapatunay na mas epektibo ang pagtuturo
ng agham sa kabataang Pilipino gamit ang Wikang Filipino. Noong Hulyo 17-18, 2008, halimbawa, sa
pambansang seminar ng SANGFIL (Sanggunian sa Filipino) na ginanap sa Unibersidad ng Pilipinas-
Deliman, ibinahagi nina Dr. Severino Capitan, isang beterinaryo sa UPLos Banos, Dr. Isidro Sia, isang
manggagamot sa UP-Manila, Dr. Lilian de las Llagas, isang manggagamot sa UP-Manila, at Dr. Florentino
Sumera, chemist sa UP-Deliman, ang kani-kailang mga positibong karanasan sa paggamit ng Wikang
Filipino hindi lamang sa pagtuturo ng agham, kundi pati na rin sa pagsusulat at paglalathala ng kanikanilang
mga pananaliksik. Sa mga larangan ng agrikultura at pag-aalaga ng hayop, medisina, at sa mga panimulang
pagaaral ng agham sa kolehiyo, naipakita na ng mga dalubhasang ito ang kahandaan at pagiging epektibo
ng wiakng Filipino bilang midyum ng pagtuturo sa agham. Nilayon ng papel na ito na palawakin at
palalimin pa ang kasalukuyang kakayahan at kahandaan ng wika sa pamamgitan ng pagtahak sa isa sa mga
pinkamasalimuot na paksa sa makabago at post-Newtonian na pisika: Ang mga teorya ng relatividad ni
Albert Einstein.
Albert Einstein
Ang pinakamahalagang ambag ni Einstein sa makabagong pisika ay ang kanyang pag-aaral sa
Brownia motion na siyang nagbibigay ng pisikal at matematikal na pruweba sa teorya ng atomismo, ang