Abstrak

Ang pananaliksik na ito ay ginawa upang malaman kung nakatulong ba ang pagpapalit ng
kurikulum sa paglinang ng kaalaman ng mga estudyante pagdating sa kanilang karerang
tatahakin pagkatapos nilang makapag-aral. Sa pamumuno ng dating Pangulo ng Republika ng
Pilipinas na si Benigno Aquino III at ng Kagawaran ng Edukasyon taong 2013, Ang ​Republic
Act 10533 ​o K-12 kurikulum, ay ang naging bagong kurikulum na ginagamit sa ating bansa. Ito
ay umani ng magkakaibang mga reaksyon mula sa mga mamamayan, kung kaya naman ito ang
napiling paksa ng mga mananaliksik. Ang mga mananaliksik ay nagpokus sa perspektibo ng mga
estudyante hingil sa transisyon na nangyari sapagkat sila ang pinakaapektado sa pagbabagong
ito. Layunin ng pag-aaral na ito ay maibigay ang kagandahan ng K-12 kurikulum sa pagsasanay
at paghahanda ng mga estudyante para sa kanilang kinabukasan. Sa pag-aaral din na ito,
maipapaliwanag ang kahalagahan ng ​Academic Strands ​sa hanay ng akademiks ​(STEM, ABM,
HUMMS, at GAS) at ang pagdaragdag ng dalawa pang taon sa ​High School o mas kilala bilang
Senior High​. Bukod dito, naglalayon din ang pananaliksik na maglahad ng mga problemang
kinakaharap ng bansa sa pagbabago ng kurikulum. Ang pagaaral na ito ay isinagawa sa
pamamagitan ng quantitatibong pamamaraan, kumuha ang mga mananaliksik ng impormasyon
sa pamamagitan ng pagsarbey ng mga estudyanteng kasalukuyang kumukuha o nakatapos na sa
ilalim ng K-12 kurikulum.

Keywords: K-12 kurikulum, Academic Strands, STEM, ABM, HUMMS, GAS, Senior High,
Quantitatibong pamamaraan

I. Panimula
Ang edukasyon ay isa sa mga pinakamahalagang aspeto na kailangang pagtuunan ng
pansin ng ating gobyerno. Ang kagawaran ng edukasyon ay gumawa ng isang malaking hakbang
tungo sa pagpapaunlad ng ating antas at kalidad ng edukasyon sa bansa, ito ay sa pamamagitan
ng pagpapalit ng ating kurikulum. Taong 2013, sa pamumuno ng administrasyon ng dating
pangulong Aquino, naisabatas ang Republic Act 10533 K-12 ​educational system o ang
programang pang-edukasyon na binubuo ng anim na taon para sa primarya at mataas na paaralan
na sakop ang apat na taon sa ​Junior High School at dalawang taon sa ​Senior High School. Bago
pa man aprubahan ito, pinakilala na ng Departamento ng Edukasyon ang programa sa mga
nakaraan na taon. Ayon sa dating pangulong si Aquino (2013), ito ay masasabing
makapagbibigay ng magandang kinabukasan sa mga mag-aaral. Ang K to 12 Act ay isang bunga
ng pagsusumikap at paghangad ng makabuluhan na positibong reporma pang sistemang
edukasyon ng bansa para sa lahat ng sektor ng lipunan. Ito ay isang puhunan sa mahalagang
yaman ng Pilipinas, ang mamamayang Pilipino.

Layunin at Kahulugan ng Pag-aaral

Ang pag-aaral na ito ay nabuo upang magbigay ng impormasyon na tutugon sa mga
katanungan patungkol sa bagong kurikulum sa ating bansa. Ito ay nabuo upang higit na mas
maunawaan ang epekto ng bagong sistemang K-12 sa mga estudyante. Ang layunin ng papel na
ito ay ang mga sumusunod:

1. Maibigay ang kagandahan ng K-12 kurikulum sa paghahanda ng mga estudyante para sa

kanilang kinabukasan.
2. Mailahad ang mga problemang kinakaharap ng ating bansa sa aspeto ng edukasyon sa
pagpapalit ng kurikulum.
3. Maipaliwanag ang kahalagahan ng pagkakaroon ng Academic Strands at karagdagang
dalawang taon sa High School.

Mahalaga ang pag-aaral na ito para sa mga estudyante na kasalukuyang kumukuha ng K-12 para
mas lalo nilang maintindihan ang kahalagahan ng programang ito o kung nakakatulong ba talaga
ito para sa kanilang mga pangangailangan para sa kanilang kinabukasan​.

Mga Suliranin
1. Ano ang kapakinabangan ng K-to-12 sa paghahanap ng mga estudyante ng trabaho
pagkatapos nilang mag-aral?
2. Ano ang mga naging suliranin sa pagtransisyon mula sa lumang kurikulum patungo sa
bagong kurikulum?
3. Bakit mahalaga ang pagkakaroon ng Academic Strands at karagdagang dalawang taon sa
Highschool?

Theoretical Framework
Republic Act 10533 - Aksyon ng gobyerno upang mapaganda ang sistemang pangedukasyon sa
atin bansa sa pamamagitan ng pagpapatibay sa kurikulum at pagdaragdag ng mga taon sa
kolehiyo.

Education Act of 1982 - Ang bansa ay nanghihikayat ng bawat Pilipino na magkaroon ng kalidad
na edukasyon. Ano man ang kanyang kasarian, edad, kredo, pang ekonomikong status sa buhay,
pisikal at mental na kondisyon, racial o pangkat etnikio, politikal at iba pa. Ito ay dapat
magbigay ng pagkapantay-pantay na access sa edukasyon at lahat ng benepisyo na kasama dito.
Ang estado ay dapat rin manghikayat ng karapatan sa kultural na komunidad at gamitin ang
karapatan na buoin ang sarili sa konteksto na, kultural, klasikal, tradisyonal, interes, paniniwala,
at ang makilala ang edukasyon bilang isang instrumento para sa pagkaayos ng bansa at sarili.

Educational Decree of 1863 - isang decree na nagsasabi na ang bawat bayan ng Pilipinas ay
dapat mayroong primary school para sa mga batang babae at lalaki.

II. Mga Kaugnay na Literatura at Pag-aaral

Ang kabanatang ito ay maglalahad ng iba’t-ibang mga pag-aaral na may kaugnayan sa pagbuo at
pag-unlad ng K-12 curriculum sa ibang bansa at sa Pilipinas.

Sa Official Gazette ng Gobyerno (2011), ang K-12 na programa ay sumasakop ng

kindergarten at 12 taon ng basic education (6 na taon para sa Primary Education, 4 na taon sa
Junior Highschool at 2 taon para sa Senior Highschool) upang makapagbigay ng sapat na oras
para mahasa sa konsepto at skills na maihahanda ang mga estudyante para sa kolehiyo, mid-level
na trabaho at pagtayo ng sariling business o entrepreneurship. Para sa Senior Highschool, ito ay
dalawang taon para sa specialized na edukasyon. Ang mga estudyante ay maaring mamili ng
strand na tumutugma sa interes nila. Ang kontento ay nababase sa napiling career track. Mayroon
tatlong tracks na puwede pagpilian katulad ng Akademiko, Technical-Vocational, at Sports. Ang
pang akademikong track ay nagsasakop ng tatlong akademik strands tulad ng Accountancy,
Business at Management o ABM; Humanities, Sports at Social Sciences o HUMSS; Science,
Technology, Engineering, at Mathematics o STEM. Pagkatapos, ang mga estudyante ay pinapag
immersion upang maipakita ang ginagawa ng strand nila sa labas ng paaralan.

Ang artikulo ni Uyquiengco (2013) patungkol sa benepisyo ng k-12 kurikulum sa mga

Pilipinong estudyante ay nagsasabi na ang pagdagdag ng dalawa pang taon sa senior highschool
ay alinsunod sa ibang progresibong bansa na pinapahaba ang highschool upang mabawasan ang
taon sa kolehiyo. Ang Pilipinas ay kasama sa natitirang bansa na mayroong sampung taon
lamang ng pag-aaral sa mataas na antas. Ang pagkakaroon lamang ng sampung taon na ​basic
education ay masasabing isang disadvantage sa mga Pilipinong nagkukumpetensya sa global job
market. Ang bagong kurikulum ay isinagawa upang makapagtrabaho agad pagkatapos
grumaduate ng highschool at ihanda ang mga estudyante kung sakaling gustuhin tumuloy sa
kolehiyo.

Isang pag-aaral ang ginawa ni David Michael San Juan (n.d.) ukol sa pagbabago sa
edukasyon at ekonomiya sa ating bansa. Binigyan niya ng kahulugan ang globalisasyon na
tumutukoy sa pangmalawakang sistema ng malayang kalakalan. Binanggit niya rito na ang
Pilipinas ay hindi maasahan na umunlad sa malayang kalakalan kung hindi muna papalakasin
ang mga industriya pati na rin ang agrikultura nito. Ito rin ang naging isa sa mga dahilan sa
pagbago ng sistema ng edukasyon.
Ukol ni David, suportado ng USAID at ng AusAID ang pagpapatupad ng sistemang K-12 sa
Pilipinas at nangako rin naman ang World Bank na tutulong sila sa pagpapatupad ng programang
ito.

Ang ​trackbased ng kurikulum sa grade 11 at 12 ay nakatuon sa tiyak na pangangailangan ng

malalaking korporasyong kapitalista. Sa datos na pinakita ni David sa kanyang pag-aaral, ang
iba’t-ibang programa o kurso ay nasabing direktang magagamit sa korporasyong kapitalista.
Bukod pa rito, ang mga kurso ay nakatuon sa pagbibigay ng kasanayan sa mga mag-aaral uoang
maging handa sa trabaho nila sa kinabukasan.
Makikita rin sa kaniyang pag-aaral ang mga in demand na propesyon sa sampung bansa na
madalas puntahan ng mga Pilipino, pati rin ang mga strand o kurso sa senior high school na
katapat dito.

Pagkatapos ng dalawang taon mula ng ipatupad ang programang K-12 ay

napagdesisyunan ng Departamento ng Edukasyon na bigyan ng pagsusuri ang kurikulum.
Pinahayag ni Secretary Briones (2018) na susuriin nila ang kurikulum mula kindergarten
hanggang K-12 dahil sa mga feedback na nakukuha nila. Dagdag niya rito na handa rin silang
tanggapin ang iba pang feedbacks ng mga tao tungkol sa nilalaman ng kurikulum.
Binanggit rin ni Briones ang tungkol sa pagpokus ng edukasyon sa pagtuturo sa mga estudyant
kung paano magsalita ng Ingles. Ito ay para masundan nila ang ginagawa ng mga call centers,
ang trabahong pinapaniwalaan na magiging trabaho ng maraming magtatapos.

Sagot niya naman dito na ang pagpalit sa ​call centers sa ibang bansa gamit ang mga robots. Ang
ibigsabihin lamang nito na kung ilalaan lang ng edukasyon ang pagturo sa mga mag-aaral ng
magandang pagsasalita ng Ingles, maiiwanan lang sila. Ito ay dahil mabilis ang pagbabago na
nangyayari sa mga bansa kung kaya't sinuggest niya mas turuan ang mga mag-aaral kung pano
rumesponde at makisabay sa pagbabago upang hindi sila mahirapan. Ang pagsasanay rin sa mga
mag-aaral sa pag-aanalisa at pagbibigay solusyon sa mga problema ay magagamit nila sa mga
magiging trabaho nila pagkatapos nila magtapos ng K-12.
III. Metodo
Ang mga impormasyong nakalap sa pag-aaral na ito ay nalikom sa pamamagitan ng
kwantetibong pamamaraan, mula sa paggawa ng sarbey gamit ang ​Google Forms.​ Ang sarbey ay
ipinamahagi ng mga mananaliksik sa 40 na mag-aaral mula sa Metro Manila, na kasalukuyang
kumukuha o nakatapos na ng ​Senior High School ​at nag-aaral sa mga pribadong paaralan.
Tinanong ng mga mananaliksik ang kanilang taon sa kolehiyo o ​Senior High at ang ​academic
strand n​ a kinuha upang malaman ang karaniwang kinukuhang ​strand ng mga mag-aaral sa mga
pribadong paaralan. Sumunod ang kasalukuyan o ang plinaplano na kurso na kukunin sa
kolehiyo at ang pagkatugma ng kursong ito sa ​academic strand na pinili. Ang mga katanungang
nabuo ng mga mananaliksik ay sinasagot ang pagiging epektibo o hindi epektibo ng K-12
kurikulum para sa mga estudyante. Bukod pa rito, nalaman rin ng mga mananaliksik ang
pagsang-ayon o hindi pagsang-ayon ng mga estudyante sa mga ilang pahayag patungkol sa K-12
sa larangan ng pagkakaroon ng trabaho, pagpapaangat ng kwalidad ng edukasyon, at ang
pagiging ​pro-poor nito. Ang panghuling tanong naman ay kung mayroong naging kakulangan sa
kurikulum para sa ating bansa.

IV. Resulta at Diskusyon

Ang mga mananaliksik ay nakakuha ng kabuuang 40 ​respondents p​ ara sa kanilang

pag-aaral. Ito ay binubuo ng mga estudyanteng nakaranas at hindi nakaranas ng bagong
kurikulum. Inalam ng mga mananaliksik ang kasalukuyang taon sa Kolehiyo o ​Senior High
School (Figure 1)​, ​Academic Strand (Figure 2)​, at ang kanilang perspektibo hingil sa epekto
nito sa kanila at mga kapwa nilang mga estudyanteng nagaaral (​Table 1 & 2​). Napagalaman ng
mga mananaliksik ang naging epekto nito sa bansa sa pamamagitan ng pagtatanong ng tatlong
mahahalagang tanong (​Table 3)​ . Dahil sa mga katanungan na ito, nagkaroon ng kaalaman ang
mga mananaliksik sa kasalukuyang kalagayan ng edukasyon sa ating bansa.
Figure 1.​ Kasalukuyang taon sa Kolehiyo o ​Senior High​ ng mga estudyante

Karamihan ng mga estudyanteng sumagot ng sarbey ng mga mananaliksik ay

kasalukuyang nasa unang taon ng kolehiyo na may 57% o 23. Dahil dito, akma ang mga
magiging kasagutan ng mga respondents sa mga tanong sa sarbey ng mga mananaliksik tungkol
sa bagong kurikulum. Ang mga estudyanteng ito ay nabibilang sa unang grupo ng mga mag-aaral
na sumailalim sa makabagong kurikulum. Sumunod na pinakamarami ang mga ikalawang taon o
pataas sa kolehiyo na may 20% o 8. Ang mga estudyante namang ito ay marahil nakatapos na ng
High School bago pa man naisakatuparan ang bagong kurikulum ngunit may sapat na kaalaman
sa transisyon na nangyari noong 2013.

Ang K-12 ay nagdagdag ng dalawa pang taon sa ​High School na tinawag na ​Senior High School.
Dahil dito, nagbukas rin ang Academic Tracks n​ a tutugon sa kagustuhan ng mga estudyante,
nakahilera ito sa karera nilang gustong tahakin. Ang pokus ng mga mananaliksik ay ang
Academic Strand, na nahahati sa limang may sari-sariling pokus. Ito ay ang STEM ​(Science,
Technology, Engineering, and Mathematics), ABM ​(Accountancy, Business, and Management),
GAS ​(General Academic Strand),​ at HUMMS ​(Humanities and Social Sciences).
Figure 2.​ ​Academic Strands ​ng mga estudyanteng sumailalim sa K-12 Program

Tinanong ng mga mananaliksik ang kasulukuyang kinukuha o kinuha at natapos na

Academic Strand ng mga mag-aaral. Ang limang ​Academic Strand na kabilang sa pinagpilian ay
STEM ABM ​, ​GAS, at HUMMS. Mula sa 40 na mga tumugon sa sarbey, 45% o 18 na mag-aaral
ang kasulukuyan o kumuha na ng ​Academic Strand ​na ABM. Ito ay patunay na maraming mga
estudyante ang gustong kumuha ng karera sa pagnenegosyo at pumasok sa mundo ng mga
tagapamahala sa iba’t ibang mga industriya. Ang pangalawang pinakamataas sa apat ay ang
STEM na mayroong 30% o 12 mula sa 40 na mag-aaral na tumugon dito. Ang STEM naman ang
humuhubog sa mga Doktor, Inhinyero, at mga Eksperto sa Teknolohiya na importante mapaloob
o labas man ng ating bansa. Ang pinakamababang persyento naman ay 12.5% sa parehong GAS
at HUMMS na may tig-5 na mag-aaral mula sa 40 na tumugon. Mababa man ang persyento,
hindi nangangahulugan na hindi ito mapapakinabangan ng mga estudyante.
Bagama’t may ​Academic Strands, hindi ibig sabihin na patungo na sa karerang ito ang mga
estudyante. Marami pa rin ang puwedeng magbago sapagkat nagsisilbing mga gabay lamang ang
mga ito sa paglinang ng kanilang mga kagustuhan. Naging maganda ang kurikulum sa
paglilinang ng karera ng mga estudyante na sumailalim dito kung kaya naman ay masasabing
nakatulong ito sa kanila.

Ayon sa Philippine Daily Inquirer (2018), mayroong walong lugar ng pag-aaral ang
pagtutuunan ng pansin sa SHS kurikulum o ang Senior Highschool. Iba pa ang specialized track
subjects na kukunin sa napiling track at strand ng estudyante. Ang sumusunod na mga paksa na
aaralin ay ang Oral Communication, Pagbasa at Pagsulat, Komunikasyon at Pananaliksik sa
Wika at Kulturang Filipino, Pagbasa at Pagsusuri ng Iba’t Ibang Teksto Tungo sa Pananaliksik,
21st Siglong Literatura mula sa Pilipinas at Ibang Bansa, Contemporary Philippine Arts from the
Regions, Media and Information Literacy, General Mathematics, Statistics and Probability, Earth
and Life Science, Physical Science, Introduction to Philosophy of the Human Person, Physical
Education and Health, Personal Development, and Understanding Culture, Society and Politics.
Ang paggawa ng mga tracks ay upang mapantayan ang mga kurso sa kolehiyo na mayroong mga
tiyak na pinagaaralan. Apat na disiplina ang mayroon, katulad ng Academic,
Technical-Vocational-Livelihood (TVL), Sports, and Arts & Design. Ito ay mga paksang
makakatulong at kinakailangan sa kolehiyo, technical vocation, entrepreneurship at pagtrabaho.
Ang Academic track naman ay mayroon four strands kagaya ng Accountancy, Business and
Management (ABM); Science, Technology Engineering and Mathematics; Humanities and
Social Sciences (HUMSS); and General Academic (GAS). Habang ang TVL track ay mayroon
rin four strands: Home Economics (HE), Information and Communication Technology (ICT),
Agri-Fishery Arts and Industrial Arts.

Table 1. ​Bahagdan ng mga Angkop na Rason kung bakit Epektibo ang K-12​ (N=40)

Bilang ng Estudyante Bahagdan (%)

Nililinang nito ang karerang 23 57.5%
tatahikin​1

Nababawasan ang mga aralin​2 9 22.5%

Nakakasanayan ang bigat ng 21 52.5%

trabaho sa kolehiyo​3

Napapadali nito ang pagaaral​4 20 50%

Nagkakaroon ng pagkakataon 18 45%

na mahasa pa ang talento​5

Napahaba ang panahon upang 22 55%

makapagisip​6

Makakatulong sa paghahanap 7 17.5%

ng trabaho​7

Nakapaloob sa unang talahanayan ang pagiging epektibo ng K-12 sa mga estudyante.

Ang mga ​respondents ay nagkaroon ng pagkakataon na makapamili ng tatlo (3) mula sa pito (7)
na pagpipilian upang malaman ng mga mananaliksik ang tatlo sa pinakaangkop na kadahilanan
kung bakit epektibo ang K-12 sa pananaw ng mga estudyante. Ayon sa unang talahanayan​, ang
tatlong may pinakamatataas na bahagdan ay ang mga kadahilanan na; nililinang nito ang
karerang tatahikin na nakakuha ng 23 (57.5%), napahaba ang panahon upang makapagisip na
nakalikom ng 22 (55%), at nakakasanayan ang bigat ng trabaho sa kolehiyo na mayroong 21
(52.5%). Magkakalapit ang mga bahagdan ng bawat kadahilanan.

Hindi perpekto ang K-12 kurikulum, mayroon din itong mga kahinaan. Tinignan din ng mga
mananaliksik ang mga kadahilanan kung bakit hindi epektibo ang K-12. Sa pamamagitan nito,
makikita din ang mga pagkukulang ng kurikulum sa ating bansa.
 Ang K12 Philippines (2015) ay nagsasabi na mayroon tatlong praktikal na benepisyo ang
pagkakaroon ng bagong kurikulum sa bansa. Una, ang paghahanda para sa kolehiyo. Dahil sa
k-12, ang mga mag-aaral ay mag gagraduweyt sa mas matagal na taon. Ibigsabihin nito, mas
matanda sila kumpara sa dating edad ng pag graduweyt. Ito ay sinasabi ng DepEd na isang
kalamangan dahil sila ay itinuturing ​young-adults​. Kung kaya’t mas handa sila sa mahihirap na
aralin pagpasok ng kolehiyo. Pangalawa, ang pagiging handa sa pagsali sa ​work force.​ Ang k-12
ay hindi na istriktong kinakailangan makapagtapos ng kolehiyo ngunit ang pagkakaroon ng
academic track at electives ay makakatulong na sa pagtatrabaho. At ang pangatlo, ang
pagkapantay ng skills sa global market ay isang layunin ng bagong kurikulum upang mapahusay
ang mathematical, scientific at linguistic skills na angkop sa pagtatrabaho abroad.

Table 2. ​Bahagdan ng mga Angkop na Rason kung bakit Hindi Epektibo ang K-12​ (N=40)

Bilang ng Estudyante Bahagdan (%)

Walang paglilinang sa karera​1 11 27.5%

Dumagdag ang mga gastusin​2 37 92.5%

Hindi gusto ang ​Academic 6 15%

Stand​3

Hindi nagamit ang mga naituro 6 15%

sa​ Senior High4​

Hindi napaunlad ang kalidad 25 62.5%

ng edukasyon 5​

Walang epekto sa 17 42.5%

paghahanap ng trabaho​6

Maraming mga guro ang 18 45%

nawalan ng trabaho​7

Sa ikalawang talahanayan naman makikita naman ang mga rason kung bakit hindi
epektibo ang K-12 para sa mga estudyante. Ang mga mananaliksik ay nagbigay rin ng pitong
pwedeng pagpilian na kadahilanan kung bakit hindi epektibo ang K-12. Ang mga ​respondents ​ay
nabigyan muli ng tatlong (3) pagkakataon upang makapamili ng mga kadahilanan. Ayon sa
ikalawang talahanayan, ang may pinakamalaking bahagdan na may 37 (92.5%) ay ang dahilan na
dagdag ito sa gastusin. Ito ang isa sa mga kinakaharap na problema ng mga magulang ng mga
estudyante simula ng ipatupad ang K-12 na kurikulum. Ang pangalawang dahilan naman ay may
25 (62.5%) kung saan ay naniniwala ang mga estudyante na hindi pinapaunlad ng kurikulum na
K-12 ang kalidad ng edukasyon sa bansa. Ang pangatlo namang dahilan na may 18 (45%) ay
maraming guro ang nawalan ng trabaho dahil sa programang ito.

Masasabing mayroong positibo at negatibong dulot ang kurikulum sa mga estudyante. Isa
lamang sa pamamaraan ng mga mananaliksik ang pagbibigay ng pagkakataon na makapamili ng
tatlong pinakaangkop na kasagutan sa bawat katanungan hingil sa pagiging epektibo o pagiging
hindi epektibo ng K-12. Dahil dito, nagkaroon ng pagkakataon ang mga mananaliksik na
malaman at masuri ang tatlo sa pinakaangkop na mga kadahilanan para sa mga estudyante.

Mayroon pang isang pamamaraan ang mga mananaliksik upang makalikom ng datos at
impormasyon tungkol sa K-12. Hiningi din ng mga mananaliksik ang pananaw ng mga
estudyante hingil sa iba’t ibang isyung panlipunan na saklaw ng edukasyon. Sa mga katanungan
na ito, dalawa na lamang ang pagpipilian, oo o hindi.

Ayon kay Chavez (2018), idinidiin ng ​LFS o League of Filipino Students na hindi
napagtuunan ng pansin ng k-12 andg educational system ng tama. Samaktuwid, pinalala lang lalo
ang problema. Sa sarbey na isinagawa ng Philippine Business of Education o ang PBed, 1 sa 5
kumpanya lamang ay tumatanggap ng mga estudyanteng graduweyt ng highschool na sumailalim
ng k-12. Kahit sinabi na ang k-12 ay ipinatupad upang hindi na kailanganin mag kolehiyo at
work-ready na. Ang k-12 ay ginawa lamang upang ma-exploit at bigyan ng minimum wage ang
mga estudyante. Walang magawa ang mga estudyante kundi mag kontraktwal o mag trabaho
abroad upang maging alipin ng mga foreigners (Taggaoa, 2018). Datos rin mula sa Philippine
Statistics Authority ay nagsasabi na higit kumulang 663,000 ang nawalan ng trabaho sa 2016 at
pagtaas ng unemployment mula 40.3M na katauhan sa 41M sa 2017. Para kay Taggaoa (2018),
land reform​ at ​national industrialization​ ang sasagot sa pag-unlad ng bansa.

Madaming naging suliranin ang pagtransisyon sa K-12 sapagkat madaming mga

kadahilanan at perspektibo ang binigay ng mga tao ukol dito. Ayon kay Bala, Jr, isang opisyal ng
Schools Division of Nueva Ecija DepEd (2017), ang pagkakaroon ng bagong grading system at
ang bagong pamamaraan kung paano pinapatakbo ang klase ay isa sa mga nakikitang suliranin
sapagkat madami pa rin ang may gusto ng lumang patakaran pagdating sa pagragrado. Dagdag
pa rito, madaming kailangang guro na may kasanayan o di kaya ay sanayin sila sa bagong
pedagogy, educational research, at classroom management (2017). Dahil dito, nakikita ng ilan na
kulang ang mga gurong kwalipikado at nakapagsanay ng mabuti para sa bagong kurikulum,
idagdag na rin na hindi ganun kaganda ang nakikitang benepisyo ng mga guro.

Table 3. Pananaw ng mga estudyanteng napagdaanan ang Bagong Kurikulum ukol sa iba’t
ibang Isyung Panlipunan hingil sa Edukasyon​ (N=40)

Bilang ng Bahagdan (%) Bilang ng Bahagdan (%)

sangayon di-sangayon
(oo) (hindi)

Makakatulong
upang 9 22.5% 31 77.5%
makapaghanap
ng trabaho
 kaagad​1

Makakapagpat 24 60% 16 40%

aas ng antas at
kwalidad ng
edukasyon​2

Instrumental sa 34 85% 6 15%

paglinang
desisyong
pangkinabukas
an​3

Sa ikatlong talahanayan makikita ang pananaw ng mga estudyante na dumaan sa bagong

kurikulum ukol sa iba’t-ibang isyung panlipunan hinggil sa edukasyon. Sa 40 na tumugon, 31
(77.5%) ang hindi sang-ayon na nakakatulong ang pagkuha ng K-12 kurikulum upang
makahanap kaagad ng trabaho. Sa pagpapataas ng kurikulum sa antas at kwalidad ng edukasyon,
24 (60%) na tumugon ang sang-ayon dito. Panghuli, ang pagiging instrumental ng K-12 sa
paglinang ng desisyong pangkinabukasan, 34 (85%) ang sumang-ayon dito.

V. Konklusyon
Mula sa mga datos na nakalap ng mga mananaliksik, makikita ang pananaw ng mga estudyante
ukol sa pagiging epektibo ng K-12 kurikulum sa kanila at ang kakayahan nito maging handa sa
trabaho.

● Ang pagpapatupad ng programang K-12 ay nagkaroon ng magandang epekto sa mga

estudyante.
● Sa pamamagitan ng programa ay nabigyan ng ideya ang mga estudyante sa kung anong
karera ang tatahakin nila sa kinabukasan.
 ● Ang pagdagdag ng dalawang taon ay nagbigay sa kanila ng pagkakataon para
makapagdesisyon at makapag-isip ng kurso na gusto nilang kunin sa kolehiyo.
● Ang pagkuha rin ng kurikulum ay nagbigay sa kanila ng kasanayan sa mabibigat na
tungkulin para maging handa sa pagtungtong sa kolehiyo at sa magiging trabaho nila.

Sa mga nakalap na impormasyon ay nakita rin ang hindi magandang epekto ng K-12 mula sa
pananaw ng mga estudyante.
● Una sa mga ito ang hindi pagsang-ayon ng mga estudyante sa pagpapatupad ng nasabing
programa dahil sa kadahilanan na dagdag ito sa gastusin.
● Karamihan rin sa mga estudyante ay hindi naniniwalang napapaunlad ng programa ang
kalidad ng edukasyon sa ating bansa.
● Marami rin ang naniniwala na hindi ito makakatulong upang kaagad makahanap ng
trabaho marahil ay hindi lahat ng ​academic strand ​na inilaan ng programa ay handa na sa
pangtrabaho.
● Ang nakalap na impormasyon ay nagbibigay patunay na madami pang kailangan ayusin
ang gobyerno ukol sa ​educational system ng bansa. Bagamat hangad nito na maging “job
ready” ang mga estudyante pagkatapos grumaduweyt ng mataas na paaralan, hindi pa rin
sila tintanggap ng mga kumpanya.
● Maaaring bigyan pansin to ng departamento upang mas mapaunlad pa ang ipinatupad na
programa na makatulong sa kolehiyo at makatrabaho agad.

VI. Mga Limitasyon

Ang pag-aaral na ito ay limitado sa mga estudyanteng galing sa mga pribadong
eskuwelahan na nakapagtapos o kasalukuyang nasa ilalim ng k-12 kurikulum. Karamihan ng
mga tumugon ay ang mga magaaral mula sa De La Salle University. Nagpokus din ang mga
mananaliksik sa mga kumuha ng akademik tracks.

VII. Mga Rekomendasyon

Nirerekomenda ng mga tagapagsaliksalik ang mga sumusunod upang mapaganda pa ang
pagaaral na ito hinggil sa K-12 kurikulum:
● Mag interbyew ng mga estudyanteng nag-aaral sa pampublikong paaralan upang makita
ang pantay na datos at paningin sa ibang anggulo.
● Ang pagkakaroon rin ng higit pa sa 40 respondents ay inaanyayahan upang maging
proportionate ​ang respondents galing sa pampubliko at pribadong paaralan na
kasalukuyan o nakapagtapos na ng ​senior highschool s​ a ilalim ng k-12 kurikulum.
● Mayroon rin kagandahan sa interbyew ng mga tao mula sa Departamento ng Edukasyon,
Commission on Higher Education a​ t iba pang tao sa gobyerno na may karagdagang
kaalaman patungkol sa isinabatas na bagong kurikulum upang maipaliwanag and
Republic Act​ ng mabuti.
● Ang mga guro din ay dapat interbyewhin sapagkat kasama sila sa naapektuhan na
pagbabago. Kailangan malaman kung paano sila nag-​adjust at nagturo ng bagong lesson
plan na sumasang-ayon sa bagong kurikulum.
● Pang huli, ang mga magulang rin ay dapat tanungin ng pananaw nila sa pagpapaaral sa
mga anak nila na sumasailalim ng k-12 kung sa tingin nila na ito ay epektibo o aksaya sa
pera.
 References

Bala Jr., C. B. (2017, July 20). Problems Encountered in K to 12 Curriculum. Retrieved from

http://deped-ne.net/default.asp?page=news&action=details&opt=popup&REFECODE=A

RPRO2017070002

Banal-Formoso, C. (2016, May 2). SHS tracks offer career paths to students. Retrieved from

http://newsinfo.inquirer.net/782629/shs-tracks-offer-career-paths-to-students

Calonzo, A. (2013, May 15). PNoy signs law institutionalizing K to 12 program. Retrieved from

http://www.gmanetwork.com/news/news/nation/308461/pnoy-signs-law-institutionalizin

g-k-to-12-program/story/

Chavez, C. (2018, March 12). LFS: K-12 does not address problems on education, worsens

unemployment. Retrieved from

https://news.mb.com.ph/2018/03/12/lfs-k-12-does-not-address-problems-on-education-w

orsens-unemployment/

DepEd will review K-to-12 curriculum – Briones. (2018, July 25). INQUIRER.net Retrieved

from​ http://newsinfo.inquirer.net/1014464/deped-will-review-k-to-12-curriculum-briones

K-12 Basic Education Curriculum. (2016, July 18). Retrieved from

https://www.researchgate.net/publication/305388829_K-12_Basic_Education_Curriculu

Legal Bases of Philippine Education. (n.d.). Retrieved from

http://alexmoises.tripod.com/mind-and-soul/id51.html
Republic Act 10533​. (2012). Retrieved from

http://pacu.org.ph/wp2/wp-content/uploads/2013/03/K-12-Law.pdf

Robles, C. (n.d.). PHILIPPINE LAWS, STATUTES AND CODES - CHAN ROBLES

VIRTUAL LAW LIBRARY. Retrieved from

www.chanrobles.com/bataspambansabilang232.htm#.W2xSDyQzbIV

San Juan, D. (n.d.). Globalisasyon, k to 12, bagong general education curriculum (GEC), at

wikang filipino: kamalayan, ekonomya, at edukasyon sa pilipinas. Academia. Retrieved

from

www.academia.edu/10024658/Globalisasyon_K_to_12_Bagong_General_Education_Cur

riculum_GEC_at_Wikang_Filipino_Kamalayan_Ekonomya_at_Edukasyon_sa_Pilipinas

The K to 12 Academic Track: What You Need to Know. (2015, July 14). Retrieved from

http://www.ahead.edu.ph/the-k-to-12-academic-track-what-you-need-to-know/

The K to 12 Basic Education Program | GOVPH. (n.d.). Retrieved from

http://www.officialgazette.gov.ph/k-12/

K12 Philippines. (2015, October 28). Three Practical Benefits of the Philippines? K to 12

Curriculum. Retrieved from

http://k12philippines.com/three-practical-benefits-of-the-philippines-k-to-12-curriculum/

Uyquiengco, M. (2014, June 23). Benepisyo Ng K-12 Curriculum Para Sa Pinoy Students.

Retrieved from https://ph.theasianparent.com/advantages-new-k-12-curriculum