Ang prayoridad ay ang pag-una sa isang bagay na mas mahalaga kaysa sa
iba. Dahil sa kasalukuyan nating sitwasyon ngayon, marami ang nagbago at isa na dito ang Sistema ng ating edukasyon, ang lahat ay birtwal na.
Maraming mag-aaral ang ngayon ay nahihirapan sa modyul at mga takdang
aralin na napakarami, at dahil dito ay nais nilang magkaroon ng academic freeze. Maraming mag-aaral ang nagpupuyat upang matapos lamang nila ang kanilang Gawain sa oras na itinalagang pasahan nito, ngunit kadalasan sa mga mag-aaral na ito ay hindi alam ang salitang prayoridad, kung kaya’t nagkakaroon sila ng suliranin sa pagtapos ng kanilang mga Gawain.
Ang pagkakaroon ng prayoridad, ay ang pagkakaroon ng malinaw na
layunin at mas mabilis mong matatapos ang iyong mga Gawain kung mayroon kang mga prayoridad na naiplano na dapat mong unahin at gawin. Mas makikita at magiging malinaw ang iyong mga dapat unahin Kung mayroon kang pagpaplano sa mga ito, at mas magiging matiwasay ang iyong pag-aara at maiiwasan ang pagkacram o procrastination sa wikang ingles.
Mahalagang malaman natin ang ating mga prayoridad sa buhay lalo na sa
pag-aaral upang mas maging matiwasay, payapa at maayos ang magiging takbo nito at maiwasan ang mga suliranin at komplikasyon.