நெஞ்சே உன்னாசை என்ன - நீ
நினைத்தால் ஆகாததென்ன
இந்தப் பூமி அந்த வானம்
இடி மின்னலை தாங்குவதென்ன...
சத்தியத்தை நாடு
சாதனையைத் தேடு
எத்திசையும் அதைப் பாடு
கத்தும் கடல் கண்ணயர
ஓய்வுக் கேட்குமா ?
அந்தக் காட்சியைக் கண்ட போதிலே
மனக் கண்கள் தூங்குமா ?
ஒட்டி வந்த மூச்சு
ஓடிவிட்டால் போச்சு
சட்டமென்ன கெட்டதென்ன..
சிற்பியென்றால் சீலனென்றால்
தியாகி ஆகலாம்
நல்ல சிந்தனை
அதில் நீ சீற்றமாய்
ஜெயித்துக் காட்டலாம்
…………………………………………………
ஒவ்வொரு பூக்களுமே சொல்கிறதே...
வாழ்வென்றால் போராடும் போர்க்களமே
ஒவ்வொரு விடியலுமே சொல்கிறதே...
இரவானால் பகலொன்று வந்திடுமே
நம்பிக்கை என்பது வேண்டும்
நம் வாழ்வில
லட்சியம் நிச்சயம் வெல்லும்
ஒரு நாளில்
மனமே ஓ மனமே நீ மாறிவிடு
மலையோ அது புயலோ நீ மோதிவிடு..
உள்ளம் என்றும் எப்போதும்
உடைந்து போகக்கூடாது
என்ன இந்த வாழ்க்கையென்ற
எண்ணம் தோன்றக்கூடாது
எந்த மனிதன் நெஞ்சுக்குள்
காயமில்லை சொல்லுங்கள்
காலப்போக்கில் காயமெல்லாம்
மறைந்து போகும் மாயங்கள்
உளி தாங்கும் கற்கள் தானே
மண்மீது சிலையாகும்
வலி தாங்கும் உள்ளம் தானே
நிலையான சுகம் காணும்
யாருக்கில்லை போராட்டம்
கண்ணில் என்ன நீரோட்டம் - ஒரு
கனவு கண்டால் அதை தினம் முயன்றால்
ஒரு நாளில் நிஜமாகும்..
மனமே ஓ மனமே நீ மாறிவிடு
மலையோ அது புயலோ நீ மோதிவிடு..
வாழ்க்கை கவிதை வாசிப்போம்
வானமளவு யோசிப்போம்
முயற்சியென்ற ஒன்றை மட்டும்
மூச்சு போல சுவாசிப்போம்
லட்சம் கனவு கண்ணோடு
லட்சியங்கள் நெஞ்சோடு
உன்னை வெல்ல யாருமில்லை
உறுதியோடு போராடு
மனிதா உன் மனதைக் கீறி
விதை போடு மரமாகும்
அவமானம் படுதோல்வி
எல்லாமே உரமாகும்
தோல்வியின்றி வரலாறா..
துக்கமென்ன என் தோழா
ஒரு முடிவிருந்தால்
அதில் தெளிவிருந்தால்
அந்த வானம் வசமாகும்..
மனமே ஓ மனமே நீ மாறிவிடு
மலையோ அது புயலோ நீ மோதிவிடு..
………………………………………………………….
இன்னும் என்ன தோழா
எத்தனையோ நாளா
நம்மையிங்கு நாமே
தொலைத்தோமே..
நம்ப முடியாத
நம்மால் முடியாத
நாளை வெல்லும்
நாளை செய்வோமே
யாருமில்லை தடைபோட
உன்னை மெல்ல எடைபோட
நம்பிக்கையில் நடைபோட சம்மதமே...
என்ன இல்லை உன்னோடு
ஏக்கமென்ன கண்ணோடு
வெற்றியென்றும் வலியோடு
பிறந்திடுமே...
வந்தால் அலையாய் வருவோம்
வீழ்ந்தால் விதையாய் விழுவோம்
மீண்டும் மீண்டும் எழுவோம்...
எழுவோம்...!
இன்னும் இன்னும் இறுக
உள்ளே உயிருடன் உருக
இளமை படையே வருக..எழுக..!
……………………………………………………
சில நேரம் சில பொழுது
சோதனை வரும் பொழுது
நம்பிக்கையாய் மனம் முழுதும்
வானில் உன் பேரெழுது
லட்சியக் கதவுகளை
திறந்து வைப்போம்
இதயத்தின் சோகங்களை
இறக்கி வைப்போம்
சூரியன் என்பதுகூட
சிறு புள்ளிதான்
சாதிக்க முதல் தகுதி
ஒரு தோல்விதான்...