DepEd – National Capital Region

Division of City Schools – Valenzuela

Paso de Blas National High School
0027 Paso de Blas Street, TCL, Paso de Blas, Valenzuela City

Posisyong Papel hinggil sa Pagpapatupad ng SOGIE Bill

sa Pilipinas

Christine D. Diaz

Grade 12 ABM-Rembrandt

February 14,2020
PAGTUTOL SA PAGPAPATUPAD NG SOGIE BILL SA PILIPINAS: BATAS PARA SA

LAHAT AT HINDI LAMANG SA IILAN

Ang Sexual Orientation and Gender Identity and Expression Bill o mas kilala bilang

SOGIE BILL ay ipinanukala taong 2000 sa pangunguna ng dating Senadora na si Gng. Miriam

Defensor Santiago. Labing siyam na taon na ang lumipas ngunit hindi pa ito naaaprubahan ng

mga Presidente ng bansa. Agosto taong 2019 ay muling nabuksan ang usapan patungkol sa

SOGIE BILL sa pangunguna ng Senadora na si Gng. Risa Hontiveros, isang panukalang batas na

naglalayong magkaroon ng pantay na pagtingin sa mga LGBT o Lesbian, Gay, Bisexual at

Transgender. Ang batas din na ito ay magpapataw ng parusa sa mga taong magsasagawa ng

diskriminasyon sa LGBT Community na maaaring magmulta ng 100,000.00 hanggang

500,000.000 pesos at mabilanggo sa loob ng 1 hanggang 12 taon.

Ang mga kasapi ng LGBT Community ay hinihiling na magkaroon ng batas para sa

kanilang kaligtasan. Sa mga lumipas na taon marami na ang nagbuwis ng buhay dahil sa

diskriminasyon sa nararanasan ng mga kasapi ng LGBT. Mayroong mga krimen at insidente na

ang mga LGBT ang naaapektuhan, mga inosenteng tao na nadadamay sa mga taong hindi

marunong tumingin ng pagkakapantay-pantay sa lipunan. Nakakaranas ang LGBT Community

ng pagkatakot para sa kanilang kaligtasan, kaya nais nila na magkaroon ng SOGIE BILL sa

Pilipinas para sa kanilang seguridad.

Ang SOGIE BILL ay hindi lang diskriminasyon ang masosolusyonan kung hindi

masasandalan din ito ng LGBT Community sa lahat ng pagkakataon. Ayon sa Senate Bill

no. 159 (SOGIE Equality Bill) kasama ang pagprotekta, pagbibigay ng pantay na

pagtingin,pagbibigay ng mga programa para sa mga LGBT,paunlarin ang mga kasapi nito at

magkaroon ng parusa sa mga lalabag sa batas na ito. Isinusulong ang panukalang batas na ito

para lamang sa mga LGBT, sinasabi na ang mga LGBT ay hindi nakakatanggap ng pantay na
karapatan at pagtingin sa bansa, hindi rin nakakaranas ng kalayaan ang mga LGBT sa mga nais

nilang gawin. Kabilang na sa diskriminasyon na kanilang nararanasan ay ang pagkakaroon ng

trabaho at hindi sila kinikilala bilang kasapi ng lipunan. Ang SOGIE Bill ay suportado din ng

mga Catholic Schools katulad ng UST na naniniwala na dapat ipatupad ang batas na ito upang

matapos na ang pagtatalo sa senado.

Naniniwala ako na hindi karapat dapat na ipatupad ang SOGIE Bill sa bansa, mas

marami pang bagay ang kailangan na pagtuunan ng pansin kesa sa batas na ito. Ang LGBT

Community ay isang grupo lamang ng mga tao na kasapi sa Lesbian, Gay, Bisexual at

Transgender. Kahit sila ay bumuo ng isang grupo para lamang sa kanilang samahan ang

pagtingin sa kanila ng ating bansa ay iisa lamang. Tanggap ng mga Pilipino ang mga kasapi ng

samahan na ito. Bilang patunay, sa katunayan, taong 2014 ay nakakuha ng ika-9 na pwesto ang

Pilipinas sa pagkakaroon ng Gender Equality sa buong ASIA. Hindi man nakalathala sa mga

batas na kasama ang LGBT Community,marapat na unawain ng mga kasapi ng grupo na ito na

ang mga batas ay para sa kapakanan ng lahat ng tao, at maintindihan na sila ay kabilang sa mga

tao na ito.

Una, ang kaligtasan ng LGBT Community ay kasama din sa mga batas na

ginagawa at pinapatupad ng pamahalaan ng bansa. Sa Artikulo 2 Seksyon 11 ng 1987

Konstitusyon, nakapaloob dito na pinahahalagahan ang dignidad ng bawat tao at buong pag

galang sa karapatang pantao. Alinsunod sa Artikulo 3 Seksyon 12 ng Saligang Batas, ito ay nag

babawal sa pag papahirap, puwersa, karahasan,banta,pananakot at anumang paraan ng pamimilit.

Hindi man ito naka pokus sa LGBT Community ang batas na ito ay sakop pa rin ang kanilang

grupo o samahan.

Pangalawa, ang diskriminasyon na kanilang nararanasan sa karapatan, kalayaan at

diskriminasyon sa trabaho ay mayroon din na batas. Para sa hinihingi ng mga LGBT na

batas para sa pagkapantay pantay sa trabaho, mayroong VII Civil Right Act ng 1964 na nag

babawal sa diskriminasyon sa lugar ng trabaho, batay sa kasarian, transgender at mga stereotype

na kasarian na may kinalaman sa hiring, recruitment, promosyon at benepisyo. Sumunod naman

ay ang pagkapantay pantay sa karapatan at kalayaan. Ang bagong batas na pinatupad ng

pamahalaan na Comprehensive Anti-Discrimination Bill 2019, na nagbibigay ng pagbabawal sa

diskriminasyon batay sa edad,lahi,etniko na pinagmulan, paniniwala sa relihiyon o aktibidad,

klase ng lipunan, kasarian, sekswal na oryentasyon, pagkakakilanlan ng kasarian, katayuan sa

pag aasawa o relasyon, kapansanan, katayuan sa kalusugan at wika. Ang batas na ito ay hindi rin

naka pokus sa LGBT Community ngunit sakop pa rin sila ng batas na ito.

Hindi lahat ng kasapi ng LGBT Community ay sumasang ayon sa kanilang kagustuhan,

sapagkat naniniwala ang mga ito na hindi kailangan gumawa ng batas na para lamang sa kanila.

Hindi lahat ng nakakaranas ng diskriminasyon ay kailangan ng batas, katulad ng diskriminasyon

sa kanilang timbang, sa kanilang height, at sa iba pang bagay na maaaring makaranas ng

diskriminasyon.

Ang mga LGBT ay tao at parte pa din ng lipunan o ng bansa ang nagbago lang sa kanila

ay ang kanilang gender identity at expression. Mayroon ng mga batas na pinapatupad ang bansa

na pinahahalagahan ang lahat ng mamamayan ng bansa, babae, lalaki at kahit ang mga LGBT ay

sakop din sa mga batas na ito. Kailangan lang na malaman ng mga kasapi ng LGBT na ang mga

batas na pinapatupad sa bansa ay para din sa kanilang kaligtasan at kabutihan. Ang respeto at

pagmamahal ng mga Pilipino sa mga babae at lalaki ay katulad din sa mga kasapi ng LGBT

Community. Kaya mas mabuti na maunawaan ng LGBT Community na hindi kailangan na

magkaroon ng batas na naka pokus lang sa kanilang grupo, dahil ang pamahalaan ay gumagawa

ng mga batas para sa ikabubuti ng lahat at hindi para sa iilan lamang.

Sa ganitong pananaw, inaanyayahan ko na lahat ay makiisa sa pagsusuot ng damit na puti

na sumisimbolo ng walang pinapanigan, kuhaan ito ng litrato at ipost sa social media kasama ang
#WeAreOne. Dito ay maipapakita ang suporta sa pananaw na ito at ang pagkakaroon ng

pagkakaisa ng mga babae,lalaki at LGBT Community.

 Sanggunian

 Abad, M. (2019). TIMELINE: SOGIE equality in the Philippines. Retrieved from

https://www.rappler.com/newsbreak/iq/238593-timeline-sogie-equality-philippines

 Balita Online. (2014). Pilipinas, nangunguna sa ASIA sa Gender Equality. Retrieved

from http://balita.net.ph/2014/11/12/pilipinas-nangunguna-sa-asia-sa-gender-equality/

 Delos Reyes, A. (2019). Ogie Diaz on third restroom issue: "Kung anong merong ari ka

dun ka". Retrieved from https://www.msn.com/en-ph/entertainment/celebrity/ogie-diaz-

on-third-restroom-issue-%E2%80%9Ckung-anong-merong-ari-tayo-dun-tayo

%E2%80%9D/ar-AAHjPa7

 Malasig, J. (2019). Why an LGBTQ member strongly opposes the SOGIE BILL.

Retrieved from http://www.interaksyon.com/politics-issues/2019/08/29/154073/sogie-

bill-opposition-arguments/

 Mr. Pinoy. (2019). Pag-usapan natin ang SOGIE BILL. Retrieved from

https://pinoyakoblog.com/blog/pag-usapan-natin-ang-sogie-bill/

 Officialgazette. (2013). Republic Act No. 10368. Retrieved from

https://www.officialgazette.gov.ph/2013/02/25/republic-act-no-10368/

 Relativo, J. (2019). 'SOGIE' pinaliwanag. Retrieved from

https://www.philstar.com/pilipino-star-ngayon/bansa/2019/08/14/1943370/sogie-

ipinaliwanag

 TomasinoWeb. (2018). Santos nilagdaan ang pahayag ng pagsuporta sa SOGIE Equality

Bill. Retrieved from https://tomasinoweb.org/reports/peripheral/santos-nilagdaan-ang-

pahayag-ng-pagsuporta-sa-sogie-equality-bill/