Hampas ng magulang ay nakatataba. Ibang hari, ibang ugali. Nagpuputol ang kapus, ang labis ay nagdurugtong. Ang nagsasabing tapus ay siyang kinakapus. Nangangako habang napapako. Ang naglalakad ng marahan, matinik may mababaw. Ang maniwala sa sabi'y walang bait sa sarili. Ang may isinuksok sa dingding, ay may titingalain. Walang mahirap gisingin na paris nang nagtutulug-tulugan. Labis na salita, kapus sa gawa. Hipong tulog ay nadadala ng anod. Sa bibig nahuhuli ang isda.
Isang butil ng palay, sikip sa buong bahay.
Matapang ako sa dalawa, duag ako sa dalawa. Dala ako niya, dala ko siya. Isang balong malalim puno ng patalim. Bibinka ni kaka hindi mo mahiwa. Walang sanga, walang ugat, humihitik ang bulaklak. Dalawang urang, naghahagaran. Tinaga ko sa dagat, sa bahay nag-iiyak.
Kahoy na liko at buktot
Hutukin hangang lumambot Kapag tumaas at tumayog Mahirap na ang paghutok.
Kahoy na babad sa tubig
Sa apuy ay huwag ilapit Kapag na tuyo't naginit Pilit din ngang magdirikit.
SA AKING MGA KABATA
Kapagka ang baya'y sadyang umiibig
sa kanyang salitang kaloob ng langit sanlang kalayaan nasa ring masapit katulad ng ibong na sa himpapawid.
Pagka't ang salita'y isang kahatulan
sa bayan, sa nayo't mga kaharian, at ang isang tao'y katulad, kabagay ng alin mang likha noong kalayaan.
Ang hindi magmahal sa kanyang salita
mahigit sa hayop at malansang isda kaya ang marapat pagyamaning kusa ng tulad sa inang tunay na nagpala.
Ang wikang tagalog tulad din sa latin,
sa ingles, kastila at salitang anghel sa pagka ang Poong maalam tumingin ang siyang nag-gawad, nagbigay sa atin.
Ang salita nati'y huwad din sa iba
na may alfabeto at sariling letra na kaya nawala'y dinatnan ng sigwa ang lunday sa lawa noong dakong una.