IV5 За инхалаторна терапија во домашни услови се користи инхалатор. Тој, препишаните од лекар лекови во течен облик и раствори ги трансформира во аеросолна пареа и така се олеснува нивното вдишување преку устата или носот. Така се справувате со проблемите со дишење на детето и на секој член од семејството побрзо и поефикасно, зашто лекот се внесува длабоко во белите дробови и има поголема ефикасност во лекувањето. Во кои состојби детето има потреба од инхалаторна терапија? ● Бронхиолит ● Бронхити ● Астмата ● Ларингит ● Акутни состојби на бронхитис со бронхоспазам Кои видови лекови се инхалираат?
● Најчесто се применува инхалација со солен раствор или стручно 0,9%
натриум хлорид – изотоничен раствор. Со овој тип инхалации се навлажнува лигавицата на дишните патишта и се разводенува секретот за болниот полесно да го искашла. ● Бронходилататори се лекови кои дејствуваат на спазмот на бронхиите и дејствуваат со ширење на дишните патишта ● Секретолитици - можат да се аплицираат во облик на инхалации, но само кај одредени возрасни групи и во одредени состојби кога секретот кај детето е густ, жилав, за да му се помогне полесно да го искашла. ● Кортико-препаратите аплицирани инхалаторно се моќни лекови со антивоспалителен ефект кои брзо и ефикасно го смируваат воспалението. Се користат во состојби како ларингити, бронхиолити и при астма.