Kasanayan Pampagkatuto:

Nahihinuha ang kahalagahan ng pag-aaral ng Florante at Laura sa napakinggang pahiwatig sa

akda. F8PN-IVa-b-33

Kaligirang Pangkasaysayan ng Florante at Laura

Ang Florante at Laura ay isinulat ni Francisco “Balagtas” Baltazar noong 1838, panahon ng pananakop ng Espanyol
sa bansa. Sa panahong ito, mahigpit ang ipinatupad na sensura kaya’t ipinagbawal ang mga babasahin at palabas na
tumutuligsa sa pagmamalabis at kalupitan ng mga Espanyol. Dahil sa pagkontrol ng mga Espanyol, ang mga aklat na
nalimbag sa panahong ito ay karaniwang patungkol sa relihiyon o di kaya’y sa paglalaban ng mga Moro at kristiyanonh
tinatawag na komedya o moro-moro, gayundin ng mga diksyonaryo at aklat panggramatika.
Sa kabila ng mahigpit na sensura ng mga Espanyol ay naging matagumpay si Balagtas na mailusot ang kanyang
awit. Relihiyon at paglalaban ng mga Moro at Kristiyano kasi ang temang ginamit niya rito bagama’t naiugnay niya ito sa
pag-iibigan nina Florante at laura. Naitago niya sa pamamagitan ng paggamit ng alegorya ang mensahe sa pagtuligsa at
pagtutol sa kalupitan at pagmamalabis ng mga Espanyol. Gumamit din siya ng simbolong kakikitaan ng pailalim na diwa
ng nasyonalismo. Ang mga tauhan at mga pangyayaring nagdulot ng kaawa-awang kalagayan ng kaharian ng Albanya
ay kasasallaminan ng mga naganap na kaliluan/ kalupitan, at kawalan ng katarungan sa Pilipinas sa ilalim ng
pamamahala ng mga Espanyol. Masasalamin din sa akda ang tinutukoy ni Lope K. Santos na apat na himagsik na
naghari sa puso at isipoan nik balagtas: (1) Ang himagsik laban sa malupit na pamahalaan, (2) ang himagsik laban sa
hidwaang pananampalataya (3) ang himagsik laban sa mga maling kaugalian, at (4) ang himagsik laban sa mababang uri
ng panitikan.
Ang Florante at Laura ay itinuturing na isang obra maestro ng panitikang Pilipino at sinasabing nagbukas ng landas
para sa panulaang Tagalog noong ika-19 na dantaon. Isinulat niya kasi ang kanyang akda sa wikang Tagalog sa
panahong ang karamihan sa mga Pilipinong manunulat ay nagsisisulat sa wikang Espanyol. Ang awit ay inialay ni
Balagtas kay “Selya” o Maria Asuncion Rivera, ang babaeng minahal niya nang labis at pinagmulan ng kanyang
pinakamalaking kabiguan. Sinasabing isinulat niya ito sa loob ng selda kung saan siya nakulong dahil sa maling paratang
na pakana ng mayamang karibal na si Nanong Kapule. Ang malabis na sakit, kabiguan, kaapihan, himagsik, at kawalang
katarungang naranasan ni Kiko sa lipunang kanyang ginagalawan ay siyang nagtulak sa kanya upang likhain ang walang
kamatayang Florante at Laura. Ang awit ay nagsilbing gabay at nagturo sa mga Pilipino ng maraming bagay. Ito ay
naglalaman ng maraming mahahalagang aral sa buhay tulad ng watong pagpapalaki sa anak, pagiging mabuting
magulang, pagmamahal, at pagmamalasakit sa bayan, pag-iingat laban sa mga taong mapagpanggap o mapagkunwari
at makassarili, gayndin ang pagpapaalala sa madla na maging maingat sa pagpili ng pinuno sapagkat napakalaki ng
panganib na dulot sa bayan ng pinunong sakim at mapaghangad sa yaman. Ipinakita rin sa akda ang kahalagahan ng
pagtulong sa kapwa maging doon sa may magkakaibang relihiyon tulad ng mga Muslim at Kristiyano. Sa panahong ang
kababaihan ay mailalarawang mahinhin, hindi makabasag pinggan at mahina, binigyang diin sa akda ang taglay na lakas
ng kababaihan katulad ni Flerida, isang babaeng Muslim. Sa halip na maging sunod-sunuran lang sa makapangyarihang
kalalakihan sa kanyang paligid tulad ng nakagawian ng kababaihan noon, pinili niyang tumakas mula sa mapaniil na
Sultan at harapin ng mag-isa ang mga panganib sa labas ng palasyo at mga kagubatan upang hanapin ang kanyang
napawalay na kasintahan. Siya rin ang pumutol sa kasamaan ng buhong na si Adolfo sa pamamagitan ng kanyng palaso.
Ito’y mga katangiang taliwas sa mga kataangiang madalas gamitin sa paglalarawan sa kababaihan lalo na noon. Sa halip
na siya ang hinanap at iniligtas, siya ang naghanap at nakapagligtas pa ng buhay ng kapwa niya babae.
Ang akda ay gumabay hindi lamang sa mga pangkaraniwang tao kundi gayundin sa mga bayaning nagmulat sa
diwang makabayan ng mga Pilipino. Sinasabing si Dr. jose Rizal ay nagdala ng kopya ng Florante at Laura
Habang siya’y naglalakbay sa Europa at naging inspirasyon niya sa pagsulat ng Noli Me Tangere. Sinasabi ring si
Apolinario Mabini ay sumipi sa pamamagitan ng sarili niyang sulat-kamay ng kopya ng awit habang siya ay nasa Guam
noong 1901. Bagama’t napakatagal nang panahon mula nang isulat ni balagtas ang awit ay hindi mapapasubaliang ang
mga aral na taglay nitong gumabay sa ating mga ninuno at mga bayani ay nananatiling makabuluhan, angkop, at
makagagabay pa rin sa mga Pilipino hanggang sa kasalukuyan.

Gawain 1 at 2
 1. Ngayong napatunayan mong ang mga pangyayari sa nakalipas ay nangyayari pa rin sa kasalukuyan,
Ano ang gagawin mo kung sakaling sa iyong buhay ay umiiral din ang kawalang katarungan nang dahil lang sa
pagkakaiba ng kalagayan sa buhay?

________________________________________________________________________________________________
________________________________________________________________________________________________
________________________________________________________________________________________________
2. Batay sa ginawa mong paghahambing ng pangyayari sa akda at mga pangyayari sa tunay na buhay sa
kasalukuyang panahon, ano sa iyong palagay ang kahalagahan ng pag-aaral ng Florante at Laura?
________________________________________________________________________________________________
________________________________________________________________________________________________
________________________________________________________________________________________________
________________________________________________________________________________________________

Filipino 8
Ikaapat Markahan – Worksheet 2
Kaligirang Pangkasaysayan ng Florante at Laura
Pangalan: ______________Baitang at Seksyon: ___________Guro:______________
Kasanayan Pampagkatuto:

Natitiyak ang kaligirang pangkasaysayan ng akda sa pamamagitan ng – pagtukoy sa

kalagayan ng lipunan sa panahong nasulat ito – pagtukoy sa layunin ng pagsulat ng akda –
pagsusuri sa epekto ng akda pagkatapos itong isulat.. F8PB-IVa-b-33
Gawain 1
Sa tulong ng Venn Diagram, tukuyin ang pagkakatulad at pagkakaiba ng mga pangyayari
noong unang panahon nang sakupin ang Pilipinas ng mga Espanyol at sa kasalukuyang panahon.
Panahon ng Espanyol Kasalukuyang Panahon

A C B

Pagkakaiba Pagkakatulad Pagkakaiba

A

A at B – Pagkakaiba ng dalawa
C - Pagkakatulad ng dalawa

Gawain 2
Basahin at suriing mabuti ang pahayag. Isulat sa patlang kung ang pahayag ay Tama o Mali.
_______ 1. Binigyang-pansin ni Balagtas sa ikalawang himagsik ang tungkol sa labis na pagpapahalaga sa
mga alagad ng simbahan.
_______ 2. Sinundan ng ilang mga bayani ang mga kaisipang nakapaloob sa mga akda ni Francisco Balagtas
_______ 3. Tuwirang tinuligsa nu Francisco balagtas ang pamamalakad ng pamahalaan.
_______ 4. Ang mga isinalaysay at inilarawan ni Kiko sa kanyang “Florante at Laura” ay hango sa mga
nagaganap noong kanyang kapanahunan

_______ 5. Ang kahariian ng Albanya ay itinulad sa Espanya

.Gawain 3
Ang “Florante at Laura ay isinulat ni balagtas noong 1838. Ngayo’y taong 2020 na. Kahit 182 taon
na ang lumipas mula nang ito’y kanyang isulat ay patuloy pa rin itong binabasa at pinag-aaralan ng
mga kabataang tulad mo. Pinatutunayan nitong naging mabisa ang aklat sa paghubog sa
kamalayan ng mga Pilipino noon at ngayon.
Maglahad ka ng ilang patunay sa naging bias o epekto ng akda sa panahong isinulat ito.

1.______________________________________________________________________________

2.______________________________________________________________________________

3.______________________________________________________________________________

4._____________________________________________________________________________

5.______________________________________________________________________________

Filipino 8
Ikaapat Markahan – Worksheet 3
Kaligirang Pangkasaysayan ng Florante at Laura
Pangalan: ______________Baitang at Seksyon: ___________Guro:______________

Kasanayan Pampagkatuto:

Nailalahad ang damdamin o saloobin ng may-akda, gamit ang wika ng kabataan. F8WG-IVa-b-35
Gawain 1
Ikaw ngayon si Balagtas o sabihin nating makabagong Balagtas na maglalahad ng iyong damdamin o
saloobin pagkatapos mong marinig ang sinabi sa’yo ng mga kabataan sa nagdaang gawain. Ano ang sasabihin
mo sa mga kabataang ito? Isulat nang patulang may sukat at tugma ang iyong mga sasabihin subalit bibigkasin
mo ito nang pa-rap upang higit na makaakit sa mga tagapakinig mong mga kabataan.

Gawain 2

Sumulat ng ilang linyang nagsasaad ng iyong damdamin at saloobin hinggil sa damdamin ng

may-akda gamit ang wikang ginagamit ng mga kabataan ngayon sa kasalukuyan. Pagkatapos,
bigkasin ito sa harap ng salamin at irecord.

MIRROR WALL

Inihanda ni :
FRANCISCO F. CABRILLOS, JR., SST III
DICNHS