Pangalan: ______________________________________________ Petsa : _______________

Baitang at Pangkat: ____________________________________ Iskor: ________________

Filipino 8
Ikaapat na Markahan
Ikalawang Linggo

Aralin 2 Kahalagahan ng Pag-aaral ng Florante at Laura

MELC: Nahihinuha ang kahalagahan ng pag-aaral ng Florante at Laura batay sa

mga nabasang pahiwatig sa akda.
(F8PN-IVa-b-33)

Susing Konsepto

Si Francisco Balagtas ay naghimagsik laban sa mga maling pamamalakad ng mga Espanyol sa

Pilipinas. Ayon kay Lope K. Santos, ang Ama ng Gramatika, ang “Apat na Himagsik” ni Balagtas ay
idinaan niya sa pamamagitan ng panulat at panitikan. Narito ang mga hinaing ni Francisco kaugnay ng
pagsulat niya ng Florante at Laura.

Apat na Himagsik

Himagsik laban sa malupit na pamahalaan

Mahigpit ang pamamalakad at ang pamumuno ng mga Kastila sa bansang Pilipinas sa
panahon ng kanilang pananakop. Isa ito sa mga suliraning nais bigyang pansin ni Balagtas sa kanyang
awit na Florante. Isa sa pahiwatig na binigyang diin nya rito ay ang Saknong 14 kung saan ipinamamalas
ni Francisco ang kanyang hinagpis sa katauhan ni Florante habang nakatali sa puno ng Higera.

“Sa loob at labas ng bayan kong sawi

Kaliluha’y siyang nangyayaring hari
Kagalinga’t bait ay nalulugami,
Ininis sa hukay ng dusa’t pighati.”

Himagsik laban sa maling kaugalian

Maraming Pilipino ang narahuyo sa maling kaugalian ng pagpapalaki sa mga anak na
nagbunga ng pagkakaroon ng mga ito ng mga ugaling katulad ng : pagiging maiinggitin,pagiging
mapaghiganti, pang- aagaw ng pag-ibig at iba pang mga negatibong kaugalian na namana natin sa mga
kastila. Ito ay ipinahiwatig ni Balagtas sa saknong 202 kung saan binanggit niyang ang labis na
pagmamahal sa anak ay hindi nakabubuti sa halip ay nagiging dahilan ng pagiging palalo.

“Ang laki sa layaw karaniwa’y hubad

sa bait at muni’t sa hatol ay salat;
masaklap na bunga ng maling paglingap,
habag ng magulang sa irog na anak.”

Himagsik laban sa hidwaang pananampalataya

Sa panahon ng pananakop ng mga kastila ay ipinayakap din nila sa mga Pilipino ang
Kristiyanismo, subalit kaugnay nito ay ang mga maling turo na kaugnay ng relihiyon. Ipinakita nila ang
hindi pagpapahalaga sa mga Moro (Muslim) sa halip ay ipinaturing nilang kaaway ang mga ito. Sa akda
ni Balagtas na Florante at Laura ay ipinamalas niyang maaaring maging magkaibigan ang Moro at
Kristiyano na makikita sa katauhan nina Aladin at Florante.

“Ipinahahayag ng pananamit mo,

Taga Albania ka at ako’y Persiano,
Ikaw ay kaaway ng bayan at sekta ko,
1
 Sa lagay mo ngayo’y magkatoto tayo.”

Himagsik laban sa mababang uri ng panitikan

Sa panahon ng pananakop ng mga Kastila ay ipinagbawal ang pagsulat ng mga akdang

tumutuligsa sa kanilang pamamahala. Tanging ang paksang relihiyon lamang ang pinapayagang
mga paksa na dapat taglayin ng mga panitikan. Gayunpaman sinikap ni Francisco na sumulat ng
isang awit na nasa anyong patula na tumutuligsa sa pamamahala ng mga kastila. Ginamit niya rito
ang paraan ng paglalahad na nasa anyong patumbalik (flashback)

KATANGIAN NG FLORANTE AT LAURA

itinuturing na awit ngunit sa patulang pasalaysay na anyo. Ito ay mayroong 399 na saknong at nakasulat
sa isang makatang paraan na may sumusunod na katangian:
1. Mayroong apat na linya bawat saknong;
2. Mayroong 12 pantig bawat linya;
4.Mayroong sandaling pagtigil sa ika-anim na pantig;
5. Bawat saknong ay kumpleto at tama sa gramatikong pangungusap;
6. Bawat saknong ay puno ng talinhaga

Susing Konsepto

Katangian ng Awit at Korido

Mga Pamantayan Awit Korido

Anyo  Binubuo ng  Binubyo ng walong
labindalawang pantig pantig sa bawat
sa loob ng isang taludturan
taludturan
Musika  Inaawit sa tonong  Binibigkas sa tonong
mabagal o andante mabilis o allegro
Paksa  May paksang pag-  May paksang pag-
ibig, ibig, relihiyon,
pananampalataya, kabayanihan at mga
kabayanihan at kapangyarihan at
relihiyon, kababalaghan.
pakikidigma.
Katangian ng Tauhan  Makatotohanan at  May tinataglay na
hango sa tunay na kapangyarihan ang
buhay. mga tauhan at may
 Walang mga kakayahang
kapangyarihan ang hindi kapani-
mga karakter. paniwala.

2
Pangalan: ______________________________________________ Petsa : _______________
Baitang at Pangkat: ____________________________________ Iskor: ________________

Mga Pagsasanay ( IKALAWANG LINGGO)

Gawain 1:
Panuto: Tukuyin ang himagsik na kinabibilangan ng sumusunod na mga kalagayan
sa ibaba. Piliin ang sagot sa loob ng kahon. Isulat ang sagot sa sagutang papel.

A.Himagsik laban sa hidwaang pananampalataya

B. Himagsik Laban sa mababang uri ng panitikan
C. Himagsik laban sa malupit na pamahalaan
D. Himagsik laban sa maling kaugalian

1. Ang mga Pilipino ay may matibay na paniniwala sa mga prayle (mga kastilang pari)
at labis nilang pinahahalagahan ang labis labis na pagbibigay ng limos sa
simbahan.
2. Hindi pinapayagang sumulat ng mga akdang laban sa mga kastila ang mga
Pilipino, ang sinumang magtangka ay pinararatangan ng pagiging pilibustero.
3. Nabuhay ang ugali ng pagkainggit sa mga Pilipino dahil na rin sa maling
pagpapamulat ng mga mananakop na Kastila.
4. Ang pamahalaan at ang simbahan ay pinamumunuan ng mga prayle at hindi
pinapayagan ang mga Pilipino na pumasok sa politika.
5. Ang mga akdang nalimbag ay nakatuon lamang sa paksang relihiyon at hindi
maaaaring tumutol ang mga Pilipino.
Gawain 2
Panuto: Isulat ang salitang AWIT kung ang binanggit na pahayag ay katangian ng
awit at isulat ang salitang KORIDO kung ang pahayag ay katangian ng korido.
1. Ang mga taludtod ay binubuo ng labindalawang pantig na siyang bumubuo sa
mga saknong.
2. Ang bawat taludtod ay binibigkas sa tonong mabilis na tinatawag na allegro.
3. Ang bawat taludtod ay binibigkas sa tonong mabagal o tinatawag na andante.
4. Karaniwang paksa nito ay mga kabayanihan at kakayahan na gumagamit ng
kababalaghan.
5. Ang mga tauhan ay may mga katangiang katulad ng isang normal na indibidwal
at walang tinataglay na mga mahika at kapangyarihan.

3
Gawain 3
Panuto: Punan ang grapikong representasyon ng angkop na kasagutang tutugon sa

kahalagahan ng pag-aaral
pahayag.

ng Florante at Laura

4
Mga Gabay na Tanong
Panuto: Sagutin ang sumusunod na mga katanungan. Isulat ito sa sagutang papel.
 Ano ano ang apat na himagsik si Francisco Balagtas na binigyang pansin sa
kanyang akdang Florante at Laura?
 Magtala ng pangyayari sa kasalukuyan na maiuugnay sa mga kaganapang
ipinahihiwatig ng mga himagsik ni Francisco.
 Bakit itinuturing na panuntunan sa kabutihang asal ang akda ni Francisco?
 Paano mo ipakikita ang iyong pagpapahalaga sa natatanging obra na katulad
ng Florante at Laura?

Susi sa Pagwawasto
Gawain 1
1. A
2. B
3. D
4. C
5. B

Gawain 2
1. AWIT
2. KORIDO
3. AWIT
4. KORIDO
5. AWIT

Gawain 3
Sariling sagot ng mga mag-aaral.

5
Sanggunian
K to 12 Most Essential Learning Competencies 2020
Dayag, Alma M. et al. (2015) Pinagyamang Pluma 8 (K to 12)
Publishing House, Inc. Quezon City
Obra Maestra II

Inihanda ni:

RHEA T. BEJASA, Guro III

Tiniyak ang kalidad at kawastuhan ni:

Magdalena B. Morales, Tagamasid Pansangay -Filipino

Sinuri ni:

Magdalena B. Morales, Tagamasid Pansangay -Filipino

6
Para sa mga katanungan o puna, sumulat o tumawag sa:

Kagawaran ng Edukasyon – Rehiyong MIMAROPA

Meralco Avenue, corner St. Paul Road, Pasig City, Philippines 1600
Telephone No. (02) 863-14070
Email Address: mimaropa.region@deped.gov.ph