Republic of the Philippines

Department of Education
Region v
SCHOOLS DIVISION OF SORSOGON
CASTILLA SOUTH DISTRICT

ESP 3
GAWAING PAGKATUTO 2
KWARTER 1, WEEK 2
Natatangi na Kakayahan asin Pagtitiwala sa Sadiri
Pangaran: _____________________________________________________
Grado-Seksyon: ________________________ Petsa: ________________

Importanteng regalo hali sa Diyos an saimong kakayahan. Importante na

ini maaraman mo ngani na mapakinabangan ini asin lalo pang mapatibay.

Most Essential Learning

Markahan Linggo K-12 CG Codes
Competencies
Nakapagpapakita ng mga
1 2 natatanging kakayahan nang may EsP3PKP-Ia-14
pagtitiwala sa sarili.

Purbaran Mo!
Idrowing an nakangirit na pandok ( ) kun an pigsasabi sa pangungusap
paagi kan pagpapahiling kan kakayahan na may pagtitiwala sa sadiri, mamundo
( )naman kun dae.

____1. Nasusupog ka na ipahiling an talento mo sa iba.

____2. Nagiintra ka sa mga contest sa eskwelahan.
____3. Kusang-boot kang nag-iintra sa mga contest.
____4. Napipiritan ka sanang mag-intra sa mga programa ngani na dae ka
dagitan kan saimong maestra.
____5. Ipigpapahiling mo an saimong kakayahan sa dakol na tawo ngani
masmagtibay kapa lalo.

Pag-adalan Mo!
 Sarong biyaya na hali sa Diyos an kakayahan na igwa an kada saro
satuya. Ini dapat tang gamiton asin pauswagon ta ini an makakatao sato kan
satong mga pangangaipo. Ini dapat ta man na payamanon asin padagos na ihiras
ngani na magkaigwa kita nin tiwala sa sadiri. Importante na ini gamiton bako
sana sa pansadiring interes kundi maging para man sa ibang tawo.
Pirmi tang tatandaan na dapat ipahiling an ano man na kakayahan na igwa
kita ngani ini masmapatibay pa bilang pasasalamat sa Diyos na nagtao kaini
satuya.

Gibuhon Mo!
Basahon an minasunod na pahayag. Kulayan nin Blue an bilog kun
nagpapahayag ini nin pagtitiwala sa sadiri dangan Pula naman kun dae.

1. Pigtuturuan mo saimong kaklase na pagtula ta may kakayahan ka

digdi.
2. Matibay kang magdrowing kaya ipighihiras mo ini sa iba sa paagi kan
pagintra mo sa mga contest.
3. Magkakaigwa nin contest sa pagbayle an saindong eskwelahan pero
nagduduwa-duwa ka na mag-intra digdi ta sa saimong pagmati
masmatibay saimo an ibang kaintra.
4. Aram mong matibay ka mag-arte pero nasupog ka kan naghampang ka
sa mga tawo kaya nag-atras ka sa audition.
5. Nag-iintra ka sa mga contest sa paggibo nin poster ta aram mo na
matibay ka digdi asin matatawan mo nin kaugmahan an saimong mga
magurang.

Gibuhon Mo Pa!
Pwede mo pa bang masmapatibay lalo an saimong kakayahan? Sa panong
paagi? Simbagon ini sa paagi kan paggibo nin sarong kasabihan na manungod
sa pagkakaigwa mo nin tiwala sa saimong sadiring kakayahan. Isurat ini sa
espasyo sa ibaba.
 Basahon asin sabuton an kada sitwasyon. Bilugan an letra kan saimong
simbag.
1. Magkakaigwa nin contest sa pagkanta asin nagkataon na matibay ka
kumanta. Ano an gigibuhon mo?
a. Dae ipahiling an kakayahan. c. Mag-intra nin may tibay.
b. Dae mag-intra sa contest. d. Dae pagpansinon.
2. Si Mark sarong aking pilay, pero matibayon siyang magdrowing. Kun ika an
nasa kamugtakan niya, maintra ka pa ba sa mga contest sa pagdrowing?
a. Dae, ta makasupog.
b. Iyo, ta may talent ako na dapat ipahiling.
c. Iyo, ta takot ako sa sakong maestra.
d. Dae, ta kun mapiyerde ako.
3. Magkaka-igwa nin contest sa pagbayle sa saindong eskwelahan, aram mo na
matibay ka magbayle. Ano an gigibuhon mo?
a. Dae ako maribok.
b. Ma-intra ako sa contest ta may tiwala ako sa kakayahan ko.
c. Aagdahon ko an kaklase ko na siya na sana an mag-intra.
d. Matago ako sa laog kan klasrum.
4. Igwa kang natatanging kakayahan sa pagsurat nin tula. Muya mo na mag-
intra sa contest. Ano an dapat mong gibuhon?
a. Magpraktis sa pagsurat nin tula.
b. Maintra sana ako na dae nagpraktis.
c. Dae na mag-intra.
d. Dae makiaram sa contest.
5. Makaskas kang magdalagan. May contest sa daralaganan sa saindong
eskwelahan. Arin sa mga minasunod an dapat mong gibuhon?
a. Kakaistoryahon ko an sakong maestra na maintra ako sa contest asin
sasabihan ko siya na praktison pa ako.
 b. Dae ko ipapaisi na makaskas ako magdalagan.
c. Ikukurahaw ko sa eskwelahan na maintra ako sa contest.
d. Maintra n asana ako sa contest maski dae aram kan sakong maestra.

Purbaran Mo! Gibuhon Mo! Gibuhon Mo Pa!

1.  1. (maaaring magkaiba-iba ang
2.  2. sagot ng mag-aaral ayon sa
3.  3. kanilang opinion o ideya)
4.  4.
5.  5.

Edukasyon sa Pagpapakatao 3 DLP

EsP KWARTER 1 Module 2
MELCs

Inihanda ni:

BABY ANN M. BENASA

Teacher I – Quirapi E/S