MODYUL 3

Pagsulat ng Abstrak

KAHULUGAN NG ABSTRAK
•Ang abstrak ay buod ng isang akademikong sulatin na kadalasang makikita sa panimulang bahagi.
•Ayon kay Harper (2016), ang abstrak ay nagmula sa salitang Latin na “abstractus”, na ang ibig sabihin ay “drawn
away o extract from”
•Ayon naman kay Koopman (1997), ang abstrak ay naglalaman ng kaligiran ng pag-aaral, saklaw, pamamaraang ginamit,
resulta at kongklusyon.
Ayon sa The Adelaide University (2014), mayroong 2 uri ang Abstrak: Deskriptibo (Kuwalitatibo) at Impormatibo
(Kuwantitatibo).

Deskriptibo (Kuwalitatibo)
 Sa uring ito, inilalarawan ang mga pangunahing ideya ng teksto. Binibigyang-pansin ang kaligiran, layunin at paksa
ng papel at hindi pa ang pamamaraan, resulta, at kongklusyon
 Ito ay karaniwang ginagamit sa disiplinang agham panlipunan, mga sanaysay sa sikolohiya, at humanidades.

Impormatibo (Kuwantitatibo)
 Karaniwan itong ginagamit ng mga inhinyera, ulat sa sikolohiya, at agham.
 Ipininahahayag sa mga mambabasa ang punto ng teksto, nilalagom ang kaligiran, layunin, paksa, metodolohiya,
resulta, kongklusyonng papel.

MODYUL 4
Pagsulat ng Sintesis

KAHULUGAN NG SINTESIS
 Ayon kay Harper (2016), ang sintesis ay nagmula sa salitang Griyego na syntithenai na ang kahulugan sa Ingles
ay “put together” o “combine”.
 Sa madaling salita, ang sintesis ay pagsasama-sama ng impormasyon, mahahalagang punto at ideya upang
mabuod ang isang napakahabang libro, mabuo ang isang bagong kaalaman, at maipasa ang kaalamang ito sa
sandaling panahon lamang.

MGA HAKBANG NA DAPAT SUNDIN SA PAGSULAT NG SINTESIS

1. Basahing mabuti ang kabuoang anyo at nilalaman ng teksto. Kung hindi pa lubos na nauunawaan ay ulit-ulitin itong
basahin.
2.Mapadadali ang pag-unawa sa teksto kung isasangkot ang lahat ng pandama dahil maisasapuso at mailalagay ng wasto
sa isipan ang mahalagang diwa ng teksto.

3. Isaalang-alang ang tatlong uri ng pagsusunod-sunod ng mga detalye.

 Sekwensiyal - pagsusunod-sunod ng mga pangyayari sa isang salaysay na ginagamitan ng mga panandang

naghuhudyat ng pagkakasunod-sunod tulad ng una, pangalawa, pangatlo, susunod, at iba pa.
  Kronolohikal - pagsusunod-sunod ng mga impormasyon at mahahalagang detalye ayon sa pangyayari.
 Prosidyural - pagsusunod-sunod ng mga hakbang o proseso ng pagsasagawa.
4. Maaari din isaalang-alang ang mga bahagi ng teksto: una, gitna at wakas.
5. Gamitin din ang proseso sa pagsulat para sa maayos na anyo ng teksto at sistematikong pagsulat.

 Madalas na nalilimitahan ang oras ng pagbabahagi impormasyon.

 Pagbabasa at panonood - lumalawak ang kaalaman ng tao.