3

Physical Education
Kwarter 3 – Modyul 4:
Uyas hit Pinoy Challenge
Physical Education – Ikatlong Baitang
Alternative Delivery Mode
Ikatlong Markahan – Modyul 4: Larong Pinoy Challenge Unang
Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Michelle M. Carreon Editor:

Pedro C. Tiongson, Jr.
Tagasuri: Marciano G. Canillas, Vicente A. Pines Jr., Eduardo A. Eroy Jr.
Tagaguhit: Daryl Louie S. Onlayao
Tagalapat: Angelica M. Mendoza
Tagapamahala: Evelyn R. Fetalvero Reynaldo M. Guillena
Janette G. Veloso Alma C. Cifra
Analiza C. Almazan Aris B. Juanillo
Ma. Cielo D. Estrada Elsie E. Gagabe
Jeselyn B. Dela Cuesta Fortunato B. Sagayno

Inilimbag sa Pilipinas ng ________________________

Department of Education – Region XI
Office Address: F. Torres St., Davao City

Telefax: (082) 291-1665; (082) 221-6147

E-mail Address: region11@deped.gov.ph * lrms.regionxi@deped.gov.ph

 Bumuo sa Pagsusulat ng Modyul
(Contextualization)

Manunulat: Floresa L. Lacdo-o

Editor: Vivencia S. Arganda
Tagasuri: Vivencia S. Arganda
Tagalapat: Jhonie A. Padrigano
Tagapamahala:
Carmelino P. Bernadas PhD, CESO VI
Rey F. Bulawan EdD
Nicolas G. Baylan
Neil G. Alas PhD
Imelda E. Gayda DevEdD
Abelardo G. Campani PhD
 3
Physical Education
Kwarter 3 – Modyul 4:
Uyas hit Pinoy Challenge
Panguna nga mga Pulong
Para han Magturutdo:
Malipayon nga pagkarawat han subject nga Physical Education ha Ikatulo
nga Grado han Alternative Delivery Mode (ADM) Modyul para ha leksiyon nga
Uyas hit Pinoy Challenge!
Ine nga modyul in ginburubligan paghimua, pagpaupaya ngan gintsek han
mga edukador ha pampubliko ngan pribado nga institusyon para giyahan an
magturutdo nga makabulig ha mga eskuwela pag abot han mga basaranan nga
iginpapatuman han K to 12 Curriculum samtang an mga eskuwela in
naniningkamot han ira pankalugaringon, pankomunidad ngan pan-ekonomiko
nga aghat ha pag-aradman.
Ine nga bulig pag-aradman in ginlalauman nga makakonektar an eskuwela ha
mga buruhaton nga naggigiya og nagpapahaluag han hibaro basi han ira abilidad,
kadagmit ngan panahon o oras. Hingyap gihapon hini nga mabuligan an mga
eskuwela ha pagtagamtam hit mga abilidad nga kanan 21st Century samtang
ginhuhunahuna an ira mga panginahanglan ngan kamutangan.
May ada gindugang hine nga parte han teksto, makikit-an ine nga kahon ha
masunod nga mga pahina:

Pahinumdum han Magturutdo

Ine in may ada mga pahinumdom, pan-aghat ug estratehiya nga
magagamit ha pag
giya ha mga eskuwela.

Kumo magturutdo, ginlalauman nga tatagan mo hin panguna nga hibaro an

mga eskuwela kon paunan-o gamiton ine nga modyul. Kinahanglan gihap
obserbaran ngan ig-record an ira progreso samtang pinapaglugaring hira ha mga
buruhaton pag-aradman. Labot la hine, ginlalauman ha imo nga mas aghaton ug
giyahan an mga eskuwela samtang ginbubuhat nira an mga buruhaton sakob
hine nga modyul.

ii
 Para ha eskuwela:

Malipayon nga pagkarawat ha subject nga Music ha Ikatulo nga Grado

han Alternative Delivery Mode (ADM) Modyul mahitungod hin Uyas hit Pinoy
Challenge!

Ine nga modyul in ginhimo para maihatag an imo kinahanglanon. Hingyap

hine mabuligan ka ha imo pag-aram samtang waray ka ha sakob hit sulod
pagaradman. Hingyap gihap hine nga matagan ka hin mahinungdanon nga
oportunidad ha pag-aradman. Ine nga modyul in may ada masunod nga mga
parte ug icon nga angay mo hibaruan..

Hibarui Hine nga parte, maiimpormar ka

han angay hibaruan hine nga
modyul.

Pruybahi Masasabtan naton kun anu na an

nahibabaruan hit leksiyon ha modyul pinaagi
hine nga buruhaton. Kun nakakuha ka hin
eksakto nga baton (100%), puwede mo
laktawan ini nga parte han modyul.
.

Balika Ine in halipot nga pagbalik han naglabay nga

leksiyon o review para ka mabuligan
pagdugtong o pagkonektar han naglabay nga
leksiyon ngan hit bag o nga pag- aadman.

iii
 Diskubreha Hine nga bahin, an bag o nga leksiyon in
ipapakilala ha imo ha damo nga pamaagi
sugad
hin usa nga istorya, kanta, siday, pagtikang nga
problema, buruhaton o usa nga sitwasyon.

Kitaa Hine nga parte, tatagan ka hin halipot nga

pagpaintinde han leksiyon. Katuyuanan hine
nga mabuligan ka paghuna-huna han bag o
nga konsepto ngan mga buruhaton.

Pauswaga Makikit-an dinhe an mga buruhaton para ha

imu lugaring nga pag-aram para mapakusog an
pag- intinde ngan pagtuod ha mga leksiyon.
Puwedi mo igcheck an imo mga baton han
buruhaton samtang ginkikit-an an Taramdan
han Eksakto nga Baton ha urhi nga parte hine
nga modyul.

Huna-hunaa Sulod hine in mga pakiana o pagbaton nga

ginkukumpleto an pahayag o istrupa para
maproseso kon anu an imo nahibaruan dida
han leksiyon.

Buhata Ine in may ada mga buruhaton nga

makakabulig ha imo para ibalhin an bag-
nahibaruan o abilidad ha ungod nga sitwasyon o
reyalidad hit kinabuhi.

iv
 Pagtasar Ine in buruhaton nga may ada katuyuanan
nga mahibaruan o masukol an lebel han
hibaro han mga kompetensi nga naabot.

Kadugangan nga Buruhaton Hine nga bahin, may ada ihahatag

ha imo nga bag-o nga buruhaton
para pahiluagon pa an imo
hibaro.

Taramdan han Eksakto nga Baton Sulod hine an mga

eksakto nga baton han
ngatanan nga buruhaton
hine nga modyul.

Ha katapusan hine nga modyul, makikit-an mo gihap an:

Ginkuhaan Ine in lista han ngatanan nga

references nga ginkuhaan ha paghimo

nga pagpaupay hine nga modyul.

An masunod in importante nga pahinumdum ha paggamit hine nga

modyul:

1. Gamita ine nga modyul hin may paghirot. Ayaw butangi hin bisan

ano nga marka o surat an anoman nga parte hine nga modyul.

2. Gamit hin iba la nga papel ha pagbaton ha mga buruhaton.

v
 3. Ayaw hingalimot pagbaton han “ Pruybahi” san o bumalhin ha iba pa

nga buruhaton sakob hine nga modyul.

4. Basaha hin maupay an mga direksiyon san o batona an kada

buruhaton.

5. Obserbari an pagigin tangkod ngan kamay ada integridad ha pagbaton

han mga buruhaton ngan pag-tsek han imo eksakto nga mga baton.

6. Taposa an nauna nga buhat san o kumadto han sunod nga buruhaton.

7. Pakibalik ine nga modyul ha iyo magturutdo kon tapos na batona an mga
buruhaton.

Kun pananglitan, makurian ka pagbaton han mga buruhaton hine nga modyul,
ayaw pag-alang pagkonsulta o pagpakiana ha iyo magturutdo o tagapaglarang.
Puwede ka gihap umaro hin bulig kan imo nanay o tatay, o ha imo magurang nga
bugto o kon hin-o man nga kaupod ha iyo balay nga mas magurang ha imo.
Hinumdumi pirme nga dire ka la nag-uusaan. Naglalaum kami, pinaagi hine nga
modyul nga matatagamtaman mo an mahinungdanon nga pag-aram ngan
makakakuha ka hin halarom nga pag-intindi han mga kompetensi. Kaya mo ine!

vi
 Hibarui

Gintuyo paghimua ine nga modyul para mahibaruan an magkadiru-dilain

nga klase hin uyas o uruyason naton nga mga Pinoy sugad hin Tumbang Preso,
Hilahang Lubid, Jack En Poy, Luksong Tinik, Palo Sebo, ngan damu pa nga iba.
Mahibabaruan mo gihap nga ha pakig-urugyas, dire la para ha imo
kalugaringon nga kalipay kundi, nasusukol gihap an imo pagin tangkod ngan
mabinuligon ha imo kauyas.

Ine nga modyul in gintunga ha duha ka parti:

• Leksiyon 1 ngan 2: Uyas hit Pinoy Challenge

Ha katapusan hine nga modyul, ginlalauman nga :

1. Mailaladawan an magkadiru-dilain nga mga uyas naton nga mga

Pinoy. (PE3BM-IIIc-h-19);

2. Maipakita an abilidad ha pag-uyas ngan,

(PE3MS-IIIa-h-1); at

3. Bumulig han marisyo ngan makalilipay nga mga buruhaton nga

may kalabutan han pakipag-urugyas. (PE3PF-IIIa-h-15).

1
 Pruybahi

Kilal-a an gios nga ginbubuhat ha kada ladawan. Igsurat an letra han imo
baton ha papel.

A. Tumbang Preso
B. Palo Sebo
C. Tigu-anay
D. Jack en Poy
E. Hilahang-lubid
F. Luksong Tinik

_____ 1. Gin-uuyas ine pinaagi hin pagsaka hin kawayan nga hilaba.
_____ 2. May ada duha ka grupo hine nga uyas nga makusog nga
nagbubulnotbulnutay hin lubid.
_____ 3. Nagtitikang ine nga uyas hin paghilwas hin rima o chant samtang
nakaandam pagtira kon papel, gunting, o bato an nakakumo nga
kamot han mag-uruyas.
_____ 4. Gin-uuyas ine hin duha ka grupo nga gindudugtong an mga tiil ngan
kamot samtang ginluluksuhan han usa nga grupo nga mag-uruyas
_____ 5. Ine nga uyas in magsusukol han imo abilidad ha pagdalagan, paglakat
ngan paglikay ha mahinay ngan madagmit nga gios ha iba-iba nga
direksiyon.

2
Leksiyon

1 Uyas hit Pinoy Challenge

May ada magkadiru-dilain nga klase hin uyas hit Pinoy nga bangin dire ka
maaram mag-uyas kay haros ngatanan na hit bata sugad ha imo yana nga
panahon in nahihilig na hit uyas ha computer o iba nga gadgets. Hine nga
leksiyon, ipapa-angbit an pamaagi kon patiunan-o ine uyason.

Balika
Balika an mga nahibaruan ha nakalabay nga leksiyon. Kilal-a an pamaagi
han pagsayaw han Kunday-Kunday base han ladawan nga ginpapakita. Igsurat
an baton ha papel.

____________________

3
____________________

____________________

5.

____________________

4
 Pahinumdum han Magturutdo
Bag-o nga hibabruan an imo makukuha dinhe, salit ginlalauman nga
babasahon an sulod hine nga may ada pag-intinde nga bubuhaton hin
tangkod an ngatanan nga mga buruhaton ha kada paypay hine nga modyul.

May ada mga buruhaton nga mas maupay buhaton kon may maggigiya.
Kon may ada direksiyon nga waray kaintindihe, puydi magkamay ada kabulig
ha pagbuhat o di ngani, magpakiana ha magturutdo.

Diskubreha

Kitaa an ladawan ha ubos. Nakapag-uyas ka na ba han magkalain-lain

nga uyas han Pinoy kaupod an imo mga sangkay? Maaram ka ba nga may -ada
magkalain-lain nga klase hin uyas nga puyde mo uyason labot la han pag-inuyas
han gadgets ha sakob han iyo balay?

Kitaa

5
 An mga uyas han Pinoy in usa nga libangan han mga bata hadto pero ha
paglabay hit panahon, ine in nawawara dara han bag-o nga teknolohiya nga
ginliwanan an anay pakig-urugyas han mga bata ha dalan o plasa.

An Palo Sebo, Jack En Poy, Luksong Tinik, Hilahang Lubid ngan Tumbang
Preso in pipira la han mga uyas han Pinoy. Hibarui naton an mga pamaagi han
pag-uyas han mga hine.

An Palo Sebo in usa nga klase hin uyas nga nakinahanglan hin kusog ngan
maupay nga pagkapot hit kawayan para makaabot ha igbaw han kawayan ngan
makuha an premyo.

Palo Sebo

Hilahang Lubid
Jack en Poy

An Jack En Poy in nagtitikang ha paghilwas hin mga pulong o baga hin

chant samtang nakakumo an kamot han mag-uruyas. May ada iba-iba nga
kabutang hit kamot kon bato, papel, ngan gunting. Pirde an papel hit gunting.
Pirde it bato hit papel. Kon magpareho an ginpakita nga kamot han duha nga
mag-uruyas, waray ine puntos ngan uutruhon it pag Jack en Poy.

6
 An Luksong Tinik in gin-uuyas hin duha ka grupo. Ginsusumpay an mga
kamuyingking han tiil ngan kamot ngan kinahanglan makalukso nga dire
nasasabod an tiil o kamot nga ginsusumpay.

An Hilahang Lubid naman in gin-uuyas gihap hin duha ka grupo.

Bubulnuton hin kusog an lubid ngan kon hin-o nga grupo it maluya, asya it
pirde.

Samtang, an Tumbang Preso in usa nga uyas nga nasusukol an imo

abilidad ha pagdalagan, paglakat, ngan paglikay ha iba-iba nga direksiyon. An
imo kamaabtik ngan kamakarit hit pag-igo in nasusukol hine nga uyas.

Ha pag-uyas hine, may ada mga butang nga kinahanglan tigamnan para
matuhay it pag-uyas:

7
 1. Kinahanglan hin kalingit nga tsinelas ngan lata hine nga uyas.
2. Gintitikangan ine nga uyas pinaagi hin pag-itsa han sinselyo para hibaruan
kon hin-o it taya ngan hin o it mag-uruyas.
3. Prupruybahan han mag-uruyas nga maigo an lata ngan matumba.
Titigdungon han manarakop an lata ngan magbibiling hiya hin paagi para
madakop an mag-uruyas. Kon madakop na ine, an mag-uruyas na an
magigin taya.
4. Uutruhon la ngahaw an proseso han pag-uyas.

Pauswaga
Igsurat an numero 1-5 ha pagsunod-sunod han pamaagi han pag-uyas
han Tumbang Preso. Igsurat ha papel an imo baton.

______________ Gintitikangan ine pinaagi hin pag-itsa hin sinselyo para

hibaruan kon hin-o an taya ngan mag uuruyas.

_____________ Mag-uruyas ngan manarakop o taya an mag-uuyas hine. An

mag-uruyas an maigo han lata ngan kinahanglan
patumbahon an lata. Titigdungon an lata han taya ngan
dadakpon niya an mag-uruyas. Kadakop han mag-uruyas,
hiya na an magigin taya.
_____________ Kinahanglan hin lingit nga tsinelas ngan lata hine nga uyas.

_____________ Utruha la ngahaw an proseso han pag-uyas.

_____________ Kon madakop han taya an mag-uruyas, magbabalyo na hira

han pagin taya.

8
 Huna-hunaa
An mga uyas hit Pinoy sugad han Palo Sebo, Jack en poy, Luksong Tinik,
Hilahang Lubid ngan Tumbang Preso in magigin marisyo uyason kon asya an
pamaagi han pag-uyas.

Buhata

Igsurat ha lima nga eskina han bituon ha ubos an mga angay nga kinaiya
han mag-uruyas para magin marisyo ngan makalilipay an pag-uyas han mga
uyas han Pinoy. Igsurat an baton ha papel.

9
Pagtasar

10
 Kopyaha ngan kolori an simbolo han pag-uyon ( ) kon an pahayag o
pagladawan han pag-uyas in eksakto. Para naman han dire eksakto nga
pahayag o paglaladawan, kolori an simbolo han dire pag-uyon ( ).

Igsurat an baton ha papel.

1. Dire ako makarawat hin kapirdehan ha uyas.

2. Pag-aadman ngan pagpapraktisan ko an mga pamaagi hine nga

mga uyas hit Pinoy para magin mas marisyo an pag-uuyas.

3. Ipakita an kamakarit han pag-uyas ngan magsiguro nga dire

mapirde para dumamo it mga kasangkayan.

4. Mahubya pag-uyas han mga uyas han Pinoy ngan pipilion ko it

pag-uyas hit gadgets.

5. Maglisbot para dumaog hit uyas.

Leksiyon

2 Uyas hit Pinoy Challenge

11
 Ha pag-uyas, dire la it hibaro han pamaagi han pag-uyas it
paghuhunahunaon. Kinahanglan gihap mahibaruan an mga gios han pag-uuyas
ngan hingaradtuan nga direksiyon. Labaw han ngatanan, ha pakikipag-uyas,
may ada mo kalugaringon nga kakusgon ngan kaluyahan nga kinahanglan
hinumduman para magkamay- ada burublig ngan marisyo nga uyas.

Balika
Kumpletuha an pulong para mahibaruan an ngaran han uyas nga aada
hit sakob hit kahon. Igsurat an baton ha papel.

12
 Bag-o nga hibabruan an imo makukuha dinhe, ginlalauman nga
babasahon an sulod hine nga
-adamay
pag
-intinde ngan bubuhaton hin
tangkod an ngatanan nga mga buruhaton ha kada paypay hine nga modyul.
May ada mga buruhaton nga mas maupay buhaton kon may naggigiya. Kon
may ada direksiyon nga waray kaintindihi, puydi magpabulig ha pagbuhat
hine di nga
ni, magpakiana ha magturutdo.

Kitaa
Ha pag-uyas han magkadiru-dilain nga uyas hit Pinoy, may ada mga gios
nga kinahanglan mo mahibaruan.
An Palo Sebo in gin-uuyas pinaagi hin paglakat ha iba-iba nga direksiyon
ngan kinahanglan ikmat kon diin ngan patiunan-o mapalo hin kusog kon
sigurado nga may iigu-on na.
An Jack en poy in gin-uuyas pinaagi han madagmit nga pagpakita han
kamot kon gunting, papel, o bato an ipapakita ha kauyas.
An Luksong Tinik in gin-uuyas pinaagi han pagpakita han abilidad ha
paglakat, pagdalagan ngan paglukso para malikayan an pagsayop.
An Hilahang Lubid in gin-uuyas hin makusog ngan maluya nga grupo. An
magkusog ngan nagbuburubligay nga grupo an sigurado nga daog.
Samtang an Tumbang Preso in usa nga klase hin uyas nga nagsusukol han
abilidad han pagdalagan, paglakat ngan paglikay han madagmit ngan mahinay
nga gios ha iba-iba nga direksiyon. An imo kabaskog ngan kamakarit ha pag-igo
in nasusukol gihap hine nga uyas.

13
 Pauswaga

Buhata an mga gios ha pag-uyas nga naglulugaring ka la para pag-andam

ha masunod nga buruhaton kaupod an mga kagrupo nga sangkay. Buhata ine
hin duha ka beses nga may 8 nga ihap ha kada buruhaton. Sunda an
pagkakasunod-sunod han mga gios. Butangi hin tsek ( / ) an kahon base han
imo level han pagbuhat hine.
Buruhaton 5 4 3 2 1
1. Pagginhawa hin halarom
2. Paglakat hin paabante ngan paatras

3. Pagdalagan hin paabante ngan

paatras

4. Buhata utro an ikaduha ngan ikatulo

nga gios hin mahinay ngan
madagmit ngan dire nahibabalhin
han kabutang o puwesto.

5. Buhata utro an ikaduha ngan ikatulo

nga gios hin mahinay ngan
madagmit ngan nahibabalhin han
kabutang o puwesto.

(5) Lima nga Bituon – Pinakamakarit

(4) Upat nga Bituon – Mas makarit

(3) Tulo nga Bituon – Makarit

(2) Duha nga Bituon – Eksaktlo La

(1) Usa nga Bituon – Pagpraktis Pa

14
 Huna-hunaa
An pagbuhat han mga uyas hit Pinoy in may ada damu nga
naibubulig ha kalugaringon kontra han pirme nala pag-inuyas han computer
games gamit an gadgets.

Buhata

Pagbiling hin padis ngan pili hin usa nga uyas nga puydi mo uyason labot
la hit Tumbang Preso. Sunda an mga pamaagi kon patiunan-o ine uyason. Sukla
an imo ginbuhat pinaagi han pagbutang hin tsek ( / ) ha kahon. Pinaagi hine,
masusukol dire la an imo kamakarit han pag-uyas kundi an imo gihap pagin
tangkod in magigin suruklan han pagbaton hin eksakto. Igsurat an imo baton ha
papel.

Rubriks

Oo Dire
1. Nabuhat ko hin eksakto an mga gios han uyas:
1.1. Paglakat
1.2. Pagdalagan
1.3. Pagkiwa hin mahinay ngan madagmit nga
gios ha iba-iba nga direksiyon.
1.4. Paglikay nga dire ka madakop han taya.

2. Ginbuhat ko an eksakto nga gios han uyas.

15
 Pagtasar

Kilal-a an kaibahan han sitwasyon han pag-uyas han gadgets ngan

pagbuhat han mga uyas hit Pinoy. Butangi hin tsek ( / ) an kahon ha pag-uyon
ngan ( x ) naman han dire pag-uyon. Igsurat an baton ha papel.

Sitwasyon Nauyon Dire Nauyon

1. Nag-iinuyas hi Ben hin gadget

ngan han iya duro nga kalibang
hine, nahingalimot na hiya
pagkaon.

2. Nakikipag-uyas hin Luksong tinik

an sangkay ni Nina pero nadire hi
Nina kay mabutlaw kuno ine nga
uyas.

3. Karuyag makipag-uyas hin Tigu-

anay ni Tomi ha iya mga sangkay
kay marisyo ine nga uyas.

4. Madagmit gumios hi Floyd kay

kada adlaw kauyas niya an
iya mga kasangkayan.

5. Nag-ul-ul an mga mata ni Tedi agi

han duro nga pag-inuyas han
computer games ha bug-os nga
adlaw.

Kadugangan nga Buruhaton

16
 Pagbiling hin grupo hin mga sangkay ngan pruybahi pag-uyas han
Tumbang Preso . Sunda an mga gios kon patiunan-o ine uyason. Sukla an imo
ginbuhat pinaagi han pagbutang hin tsek ( / ) ha kahon. Pinaagi hine,
masusukol dire la an imo kamakarit han pag-uyas kundi an imo gihap
pagtangkod in magigin suruklan han pagbaton hin eksakto.

Rubriks

Oo Dire
1. Nabuhat ko hin eksakto an mga gios han uyas nga
Tumbang Preso:
1.1. Paglakat
1.2. Pagdalagan
1.3. Paggios hin mahinay ngan madagmit ha
iba-iba nga direksiyon.
1.4. Pag-itsa hin tsinelas
1.5. Paglikay ha manarakop o taya
2. Ginbuhat ko an eksakto nga gios ha pag-uyas.

Taramdan han Eksakto

nga Baton

17
Ginkuhaan:
Voltaire V. Asildo, Rhodora B. Peña, Genia V. Santos, Ma. Elena Bonocan,
Urcesio A. Sepe, Maribeth J. Jito, Lorenda G.
Crisostomo, Virginia T. Mahinay, and Sonny F. Meneses Jr., Music, Art,
Physical Education and Health Kagamitang Magaaral Sinugbuanong
Binisaya Quezon: Book Media Press,
Inc., 2017.
18
Para sa mga katanungan o puna, sumulat o tumawag sa:

Department ofEducation- Bureau of Learning Resources (DepEd

-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634

-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.g

ov.ph
 VARIATION OF WORDS

Identified Page Number Variations Common/Generic

Words as used Variation Used
Challenge Page Ayat, challenge challenge
1,3,5,11,15
Larong Pinoy Page 1,3,5 Uyas hit Pinoy Uyas hit Pinoy
laro Page 1, Uyas Uyag uyas
2,3,4,5,7,8 mulay

paglaro Page Pag-uyas Pag- Pag-uyas

1,2,3,4,5,7,8 uyag pagmulay

Kilos Page 4, 7 Gios, Kiwa Gios, kiwa

masusubok Page 2, 7 Ginsusukol ginsusukol
ginkikita

Prepared by:

FLORESA L. LACDO-O

Lupok Central E.S.