Заемен однос на права и рамнина

Правата a и рамнината ∑ може да

а) немаат заеднички точки (правата е паралелна со рамнината)
a∩∑=Ø
б) имаат една заедничка точка ( правата ја прободува рамнината)
a∩∑={A}
в) правата да лежи во рамнината ( правата е паралелна со рамнината)
a∩∑= a
Аксиома 5: Ако две точки А и В од правата a лежат на рамнината ∑ , тогаш и
правата a лежи на рамнината ∑ .
Теорема 5: На секоја рамнина ∑ лежи барем една права a .
Теорема 6: Ако А е точка што не лежи на правата a , тогаш постои една и само
една рамнина ∑ што минува низ точката А и правата a.

◘ Односот меѓу права и рамнина е искажан во аксиомата :

Aко две точки A и В од правата a лежат на рамнина Ʃ, тогаш и правата а лежи

на рамнината Ʃ.

Според тоа, правата а и рамнината Ʃ може :

a) да немаат заедничка точка, т.е. а∩Ʃ = Ø
б) да имаат само една заедничка точка, т.е. а∩Ʃ = {А}
в) секоја точка од правата а да лежи на рамнината, т.е. а∩Ʃ = а

Правата а и рамнината Ʃ што немаат заедничка точка или правата а што лежи на
рамнината Ʃ се паралелни, означуваме : а ‖ Ʃ
Правата а и рамнината Ʃ што имаат само една заедничка точка А се сечат, т.е.
правата а ја прободува рамнината Ʃ во точката А.
◘ Некои теореми за заемниот однос на права и рамнина :

- На секоја рамнина Ʃ лежи барем една права.

Доказ – На рамнината Ʃ лежат барем две точки. Нека се тоа точките А и В. Низ
точките А и В минува единствена права а. Точките А и В лежат на правата а и на
рамнината Ʃ , а правата а лежи на рамнината Ʃ.

- Ако А е точка што не лежи на правата а, тогаш постои една и само една
рамнина Ʃ што инува низ точката А и правата а.
Доказ – На правата а лежат барем две точки В и С. Бидејќи А∉а, следува дека
точките А, В и С не се колинеарни, што џначи дека тие определуваат една
рамнина, Ʃ. Значи низ точката А и правата а минува барем една рамнина. Нека
Ʃ1 е произволна рамнина што минува низ точката А и правата а. Бидејќи
рамнината Ʃ1 минува низ неколинеарните точки А, В и С тоа значи дека
рамнините Ʃ и Ʃ1 се совпаѓаат.