Banghay Aralin sa Araling Panlipunan 9-Ekonomiks

(Collaborative Learning Approach)

I. Layunin:

Sa pagtatapos ng apatnapung (40) minutong aralin, ang mga mag-aaral ay inaasahang:

a. Nasusuri ang konsepto at palatandaan ng Implasyon (AP9MAKIIId-8); at

b. Nailalahad ang mga nagiging dahilan ng pagkakaroon ng implasyon.

II. Sanggunian
Paksa: IMPLASYON
DepEd Curriculum Guide p. 90
Kayamanan (Ekonomiks): Binagong edisyon, pahina 185-189.

III. Materyales
 Projector,
 Videos,
 Manila paper
 Mga larawan, at
 Marker at yeso (chalk)

IV. Pamamaraan
A. Review/Activating Prior Knowledge
1) Bago magsimula ng aralin, tatanungin ang mag-aaral kung sino ang maaring magpaliwanag ng
konsepto ng economic performance.
2) Video Analysis:Magpakita ng isang video commercial sa mga mag-aaral at ipa-analisa ito sa kanila
gamit ang mga sumusunod na katanungan:
i. Ano ang ipinapakitang mensahe ng commercial?
ii. Bakit kaya hindi sasapat ang pera ng mamimili sa commercial?
iii. Paano kaya makakaapekto sa isang mamamayan ang patuloy na pagtaas ng presyo ng
mga bilihin?
3) May ipapakitang larawan ang guro sa projector na nagpapakita ng sitwasyong ito: Tatlong grocery
basket na may magkakaibang dami ng bilihin gamit ang parehong halaga ng salapi subalit na sa
iba’t ibang panahon.
4) Base sa larawan, itatanong ang mga sumusunod:
i. Anong ideya ang ipinapakita ng larawan?
ii. Ihambing ngayon ang ideyang ipinapakita ng larawan sa nangyari sa commercial.
iii. Ano naman ang implikasyong ipinapakita ng larawan?

B. Paglinang ng Aralin/Acquiring New Knowledge

1) Sa ekonomiks, ang patuloy na pagtaas ng pangkalahatang presyo sa halos lahat ng pamilihan sa
buong ekonomiya ay tinatawag na IMPLASYON.
i. Alam ba ninyo kung ano ang dahilan ng pagkakaroon ng implasyon?
2) Para sa bagong aralin na ito, ipakikilala ng guro ang mga inaasahang makamit o magawa ng mga
mag-aaral sa pagtatapos ng aralin. {sasabihin ang layunin ng aralin}
3) Tutuklasin ng klase ang mga dahilan ng pagkakaroon ng implasyon sa pamamagitan ng
pagpapangkat-pangkat. Mahahati ang klase sa 4 na grupo.
4) Ang guro ay may inihandang mga papel na may nakasulat na iba’t-ibang sitwasyon na nagiging
sanhi ng implasyon. (ang mga sitwasyon ay kalakip ng banghay-aralin na ito)
5) Ito ang panuto para sa gawain:
i. Bubunot ang bawat grupo ng isang papel na naglalaman ng sitwasyon.
ii. Babasahin ng mabuti ang sitwasyon. Pag-uusapan ang nilalaman ng teksto sa
pangunguna ng lider ng grupo.
 iii. Mula sa sitwasyong binasa, bubuo ng kongklusyon o synthesis na isusulat sa Manila
paper.
iv. Bibigyan ang bawat grupo ng 5 minuto upang gawin ang gawain at karagdagang 1 minuto
upang ipaliwanag ang nabuong konklusyon. Bago ipaliwanag ang kasagutan ay babasahin
muna ng malakas ang sitwasyong napapunta sa grupo.
6) Ipo-proseso at ibubuod ang naging gawain sa pagtatanong ng mga sumusunod:
i. Ano-ano ngayon ang mga dahilan ng pagkakaroon ng implasyon base sa nabuo
sitwasyong inyong nabasa?
1. Ang mga dahilan ng pagkakaroon ng implasyon ay ang mga sumusunod:
(Ibubuod ng guro)
a. Demand Pull
b. Cost Push
c. Structural
7) Magbibigay ang guro ng karagdagang kaalaman.

C. Pagtatapos ng Aralin/Application
1). Video Analysis: Panoorin ang sumusunod na balita at gawin ang sumusunod:
A. Pagbubuod
i. Paano natin nararamdaman ang implasyon?
ii. Ano-ano ang mga dahilan ng pagkakaroon ng implayon?
iii. Magbigay ng mga halimbawa ng demand pull at cost push inflation.
B. Pagpapahalaga
iv. Bilang bahagi ng pagkakaroon ng implasyon. Ano-anong mga kaasalan ang dapat taglayin
ng mga Pilipino upang makatulong sa pagsugpo o mabawasan ang implasyon?

D. Ebalwasyon/Assessment
Panuto: Tukuyin kung ang sumusunod na sitwasyon ay nagpapakita ng demand pull o cost push inflation.
1. Tumaas ang presyo ng isda dahil mahal na araw. demand pull
2. Tumaas ang presyo ng bulaklak dahil sa panahon ng undas. demand pull
3. Tumaas ang pamasahe dahil sa pagtaas ng presyo ng gasolina. cost push
4. Tumaas ang presyo ng gulay dahil sa naganap na landslide sa Benguet. cost push
5. Tumaas ang halaga ng sardinas dahil sa pagtaas ng buwis. structural

E. Takdang-Aralin/Assignment
1) Magsaliksik ng mga epekto ng implasyon sa ekonomiya isulat ito sa isang buong papel.