PIKIT NATIONAL HIGH SCHOOL

FILIPINO 9
PANITIKANG ASYANO

LAS
(LEARNING ACTIVITY SHEETS)

UNANG MARKAHAN
(MODULE 1.2)

___________________________________________________
Pangalan ng Mag-aaral

___________________________________________________
Baitang at Pangkat

___________________________________________________
Guro sa Filipino
Pahina | 1
 FILIPINO 9-UNANG MARHAKAN LINGGO 2-LAS 1

Pangalan: ______________________________________ Petsa: _________________

Baitang at Pangkat: ___________________________ Guro____________________

ANIM NA SABADO NG BEYBLADE

ni Ferdinand Pisigan Jarin
(Pamagat)

KALIGIRAN
Ang akdang “Anim na Sabado ng Beyblade” ay isa ring
uri ng maikling kwentong makabanghay na nakatuon sa
pagkakabuo ng mga pangayayari. Mahalagang matukoy ang
pagkakasunod-sunod ng mga pangyayari at ang estilo na ginamit
ng may-akda.

KASANAYANG PAMPAGKATUTO:
Nabubuo ang sariling paghatol o pagmamatuwid sa mga ideyang
nakapaloob sa akda F9PB-Ia-b-39
Napagsusunod-sunod ang mga pangyayari. (ELC-Pagsulat-F9PU-
Ia-b-41

Mga pagsasanay:

GAWAIN I: Basahin at unawaing mabuti ang akda.

Anim na Sabado ng Beyblade

(ni Ferdinand Pisigan Jarin)

Unang sabado ng paglabas niya nang hilingin na niyang

magdiwang ng kaarawan kahit hindi pa araw. Nangumbida ako
ng maraming tao kasabay ng biling ‘wag kalimutan ang regalo at
pagbati ng “Happy Bithday Rebo!” Kailangang di niya malimutan
ang araw na ito.Dapat pinakamasaya ang Sabadong ito sa lahat
ng Sabado. Maraming-maraming laruan. Stuffed toys,
Pahina | 2
minihelicopter, walkie-talkie, crush gear, remote controlled cars,
at higit sa lahat, ang beyblade. Ang paborito niyang beybalde.
Maraming-maraming beyblade. Tinanggap niya ang lahat ng ito at
marami pang iba sa kaniyang kaarawan. Sa kaniyang pagtuntong
sa limang taon. Kahit di totoo. Kahit hindi pa araw.

Ikalawang Sabado, naki-bertdey naman siya. Pagkatapos ay

muling naglaro ng beyblade kasama ang mga pinsan.
Tatlong araw bago dumating ang ikatlong Sabado, sorpresa
ko siyang dinalaw. Unti-unti na siyang nanghihina. Bihira na
siyang ngumiti. Hindi na niyang makuhang laruin ang beyblade
bagamat ayaw niya itong bitiwan sa loob ng kaniyang kamay o di
kaya’y bulsa. Ang nakapanggagalit, unti-unti na namang
nalalagas ang kaniyang buhok. Subalit pinipilit pa rin niyang
maging malakas bagamat talagang di na kaya ng kaniyang paang
tumayo ng kahit ilang sandali man lang. nakadudukot na rin siya
ng mga matitigas na butil ng dugo sa loob ng kaniyang gilagid.
Sa labas ng bahay na kanilang tinitirhan, lubos kong
ikinagulat nang tanungin niya ako ng: “Tay may peya a?” (Tay,
may pera ka?) Dali-dali kong hinugot at binuksan ang aking
pitaka at ipinakitang mayroon itong laman. Agad akong
nagtanong kung ano ang nais niya na sinagot naman niya ng
agarang pagturo sa isang kalapit na tindahan. Kung mabilis man
akong makabili ng mga kending kaniyang ipinabili, mas mabilis
siyang umalis agad sa tindahan at nakangiting bumalik sa aming
kinauupuan. Naglalambing ang aking anak. Nang kami’y
pumasok na sa loob ng bahay, naiwang nilalanggam na ang
nakabukas ngunit di nagalaw na mga kendi sa aming
kinauupuan.

Tuluyan na siyang nakalbo, pagsapit ng ikatlong Sabado.

Subalit di na kusang nalagas ang mga buhok. Sa kaniyang
muling pagkairita, sinabunutan niya ang kaniyang sarili upang
tuluyang matanggal ang mga buhok. Nang araw na iyon,
kinumbida ng isa kong kasama sa trabaho ang isang mascot
upang bigyan ng pribadong pagtatanghal si Rebo nang walang
Pahina | 3
bayad. Matapos ang pagtatanghal, bagaman di man lang siya
makangiti at makatawa, kitang-kita sa kaniyang mata ang
kasiyahan. Isang kasiyahang unti-unting humina at nawala.

Di na maikakaila ang mabilis na pagkapawi ng lakas ng

aking anak pagsapit ng ikaapat na Sabado. Di na niya makuha
pang ipasok ang pisi ng beyblade upang maipaikot ito. Ramdam
na ang pagod at hingal sa kaniyang pagsasalita. Kaya kahit nang
dalhin ko siya sa isang karnabal, isa lamang ang ninanais niyang
sakyan. Ang mga maliliit na helicopter na tumataas at bumababa
ang tila oktupos na galamay na bakal.

At sa tuwing tataas, mabilis na siyang nagyayang umuwi. At

pagkauwi’y humiga nang humiga at paulit-ulit na tumingin sa
kawalan.

Huling Sabado ng Pebrero ang ikalimang Sabado. Eksaktong

katapusan. Kasabay ng pagtatapos ng Pebrero ay pumanaw ang
aking anak. Ilang sandali matapos ang sabay na paglaglag ng
luha sa kaniyang mga mata at pagtirik ng mata, ibinuga niya ang
kaniyang huling hininga. Namatay siya habang tangan ko sa
aking bisig. Hinintay lamang niya ang aking pagdating. Di na
kami nakapag-usap pa dahil pagpasok ko pa lang ng pintua’y
pinakawalan na niya ang sunod-sunod na palahaw ng matinding
sakit na di nais danasin ng kahit sino.

“Sige na Bo. Salamat sa apat na taon. Mahal na mahal ka namin.

Paalam.”

Ikaanim na Sabado nang paglabas ni Rebo sa ospital. Huling

Sabado na masisilayan siya ng mga nagmamahal. Wala na ang
beyblade at ang may-ari nito. Payapa na silang nakahimlay sa
loob ng kabaong. Magkasamang tutungo sa lugar na walang sakit,
walang gutom, walang hirap. Habang kaming mga naiwan ay
paglalabanan at pag-aaralang tanggapin ang kirot ng
pagkalungkot.

Pahina | 4
 Susuriin naman natin kung may natutuhan ka mula sa
kuwento.

GAWAIN 2: Basahin at unawaing mabuti ang mga tanong.

Piliin at isulat ang titik ng tamang sagot sa
patlang na nakalaan.
____1. Sa kuwentong iyong nabasa, sino ang pangunahing
tauhan?
A. Reno B. Rebo C.Revo D. Remo

____2. Ano ang sakit na dinaramdam ng bata sa kuwento?

A. Diarrhea C. Asthma
B. Kanser D. Pagkalagas ng buhok

___3. Ano ang hiniling ng bata nang makalabas na sila sa ospital?

A. Bumili ng beyblade.
B. Bumili ng mga stuffed toys, helicopter at iba pa.
C. Mamasyal sa karnabal.
D. Magdiwang ng kaarawan kahit di pa araw.

___4. Ang mga sumusunod ay mga pisikal na naranasan ni Rebo

dahil sa kanyang sakit , MALIBAN sa:_______
A. Paninilaw ng katawan.
B. May matitigas na butil ng dugo sa kanyang gilagid.
C. Pagkalagas ng buhok.
D. Hinihingal sa kanyang pagsasalita.

____5. Paano namatay si Rebo ayon sa binasang akda?

A. Namatay habang hawak ang paboritong laruan-ang
beyblade.
B. Namatay siyang may ngiti sa mga labi.
C. Namatay siya sa bisig ng kanyang ama.
D. Namatay siyang hawak ang bigay na kendi ng
kanyang ama.

Pahina | 5
GAWAIN 3: TIMELINE

Gamit ang grapikong presentasyon na Timeline, ilahad ang

pagkakasunod-sunod ng mga pangyayari. Isulat sa bawat kahon ang
mga mahahalagang pangyayari sa buhay ng batang si Rebo, sa bawat
Sabadong binanggit sa kuwentong binasa.
Halimbawa:
Unang Sabado Ikalawang Sabado Ikatlong Sabado Ikaapat na Sabado
Nakikain sya sa Nagkapalagayansil Binigay niya na Nagpakasal silang
bertdey ng kanyang a ng loob sa isa’t ang kanyang dalawa at namuhay
kaibigan kung saan isa. matamis na “oo” nang masaya.
sila unang nagkita.

TIMELINE

SABADO 1 SABADO 2 SABADO 3

SABADO 4 SABADO 5 SABADO 6

Pahina | 6
 REPLEKSIYON:

Kung ikaw ang magpapaikot ng buhay mo gaya ng laruang

beyblade, sa papaanong paraan at bakit?
__________________________________________________________________________
__________________________________________________________________________
__________________________________________________________________________
__________________________________________________________________________

Sanggunian :
Romulo N. Peralta et al., Panitikang Asyano 9 Modyul ng Mag-aaral
sa Filipino. (Pasig City: Vibal Group, Inc., 2014)
Filipino 9 Panitikang Asyano- Self-Learning Module (SLM) Module 1
Department of Education – SOCCSKSARGEN Region

Susi sa Pagwawasto

Inihanda ni:
RAHEEMA B. AMINO
Guro sa Filipino

Pahina | 7
 FILIPINO 9-UNANG MARHAKAN LINGGO 2 -LAS 2

Pangalan: ____________________________________Petsa: ____________________

Baitang at Pangkat: ___________________________ Guro: __________________

PANGATNIG at TRANSITIONAL DEVICES

Pamagat

KALIGIRAN

Sa pang-araw-araw na pakikipakomunikasyon ng tao,

mahalagang mapag-ugnay natin nang maayos ang mga salita
upang madali nating mabuo ang kaisipang natis nating
iparaing sa ating kausap. Kung kaya’t malaking tulong ang
pag-aralan ang mga pangatnig at ang ibait ibang transitional
devices bilang sangkap sa maayos na komunikasyon.
Ang mga pangatnig ay ginagamit sa pag-uugnay-ugnay ng
mga pangungusap at sugnay. Sa pamamagitan nito,
napagsusunod natin nang tama ang mga pangyayari sa isang
kuwento ayon sa tamang gamit nito. Pangatnig ang tawag sa
mga salitang nag-uugnay sa dalawang salita, parirala o
sugnay at transitional devices naman ang tawag sa mga
kataga na nag-uugnay sa pagsusunod-sunod ng mga
pangyayari, (naratibo) at paglilista ng mga ideya, pangyayari,
at iba pa sa paglalahad.
URI NG PANGATNIG

Pamukod
-Ang uri nito ay mayroong pamimili, pagtatangi, pag-aalinlangan
at karaniwag nilalagyan ng mga katagang ni, o, at maging:
Halimbawa:
 Ano ba ang mas mainam na ipakain sa mga bata para sa
meryenda, tinapay o biskwit?
 Kahit magdala man siya ng payong o hindi, mababasa pa rin
siya sa lakas ng ulan.
 Ikaw man o ako ay hindi maghahangad na siya ay mabigo.

Pahina | 8
  Ni sermunan ni saktan ay hindi ko ginagawa sa aking anak.

Pandagdag
-Nagsasaad ito ng pagpupuno o pagdaragdag at ginagamitan ng
mga katagang at, saka, at pati.
Halimbawa:
 Kukuha muna ako ng kakainin at iinumin.
 Wala na akong magagawa sa buhay mo pati na sa
mangyayari sa iyo sa hinaharap.
 Layunin niyang makawala ang mga sisiw sa kulungan pati na
rin ang kanilang mga manok.

Pananhi
-Ginagamit ito upang magbigay ng dahilan, kung nangangatwiran
at kung sumasagot sa tanong na bakit. Ang mga katagan nito
ay sapagkat, palibhasa, pagkat, kasi.
Halimbawa
 Palibhasa’y nagyayabang ka, ayan tuloy, napahiya ka.
 Gusto kong kumain dahil gutom ako.
 Mababa ang grado ko kasi hindi ako nakapag-aral ng
maayos.

Panubali
 Nagpapakita ng uri nito ng pagbabakasali o pag-aalinlangan.
Ang mga katagang ginagamit ay:
kung, di, kundi, kapag, sana at sakali.
Halimbawa
 Kapag wala kayo sa pagdalo, hindi ito matutuloy.
 Sana lahat makapagtrabaho ng maayos.
 Mawawala ang celfon mo kapag iniiwan mo kahit saan ka
pumunta.

Panlinaw
-Ginagamit ito upang linawin o magbigay-linaw sa isang sitwadon
o paliwanag. Ang mga katagang ginagamit
ay: anupa, kaya, samakatuwid, sa madaling salita at kung
gayon.
Halimbawa:
 Malakas ang ulan kaya sinuspende muna ang mga klase sa
elementary at sekondarya.
 Umuwi siya ng maaga kaya nabigla ang ama niya.

Pahina | 9
 TRANSITIONAL DEVICES

1. Sa wakas, sa lahat ng ito- panapos

Halimbawa:
-Sa wakas, muling natuwa si Rehana dahil naayos narin ang
kanyang laptop.
-Sa lahat ng ito, napagtanto ng mga anak na sila’y mahal na
mahal ng kanilang ama.

2. kung gayon- panlinaw

Halimbawa:
-Malinaw ang paalala ng ina ni Analizha sa kanya, kung gayon,
kailangan niyang pagbuihin ang kaniyang pag-aaral

KASANAYANG PAMPAGKATUTO:

Napagsusunod-sunod ang mga pangyayari gamit ang angkop na

mga pag-ugnay. F9WG-Ia-b-41

Mga pagsasanay:

GAWAIN 1
Basahin at unawain ang bawat pangungusap. Tukuyin kung
ito ba ay pamukod, pandagdag, pananhi, panubali o palinaw.
Isulat ang sagot sa patlang na nakalaan.

1. Ano ba ang mas mainam na ipakain sa mga bata para sa

meryenda, tinapay o biskwit? ______________________

2. Mababa ang grado ko kasi hindi ako nakapag-aral ng maayos.

__________________

3. Wala na akong magagawa sa buhay mo pati na sa mangyayari sa

iyo sa hinaharap. ____________________

4. Kapag wala kayo sa pagdalo, hindi ito matutuloy.

___________________

5. Malakas ang ulan kaya sinuspende muna ang mga klase sa

elementary at sekondarya. __________________

Pahina | 10
 GAWAIN 2
Piliin sa loob ng panaklong ang angkop na pangatnig o
transitional devices upang mabuo ang pahayag. Salungguhitan
lamang ang wastong sagot sa loob ng panaklong.

1. Matalinong bata si Jaime (subalit, upang, kaya) hindi mataas ang

marka niya sa nakaraang pagsusulit.

2. Naghihirap magtrabaho ang mga magulang mo (kasi, hanggang,

samantalang) inaaksaya mo lang ang perang bigay nila sa iyo.

3. (Sa wakas, sa lahat ng ito), siya’y nahimasmasan at naisip niyang

dapat siyang magpatuloy sa takbo ng buhay.

4. Alin ang mas gusto mong gawin, manoood ng sine (habang, o,

kung) kumain sa labas?

5. Mahilig siya magbasa ng aklat (at, upang, sapagkat) magsulat ng

maiikling kuwento.

REPLEKSIYON:

Sa panahon ngayon na uso na ang mga pinaikling mga

salita sa pakikipag-usap, paano mo mapananatili ang paggamit ng
mga pangatnig o transitional devices sa pang-araw-araw na
pakikipag-komunikasyon?

____________________________________________________________________________

____________________________________________________________________________

____________________________________________________________________________

____________________________________________________________________________

Pahina | 11
Sanggunian :
Romulo N. Peralta et al., Panitikang Asyano 9 Modyul ng Mag-
aaral sa Filipino. (Pasig City: Vibal Group, Inc., 2014)
Filipino 9 Panitikang Asyano- Self-Learning Module (SLM)
Module 1 Department of Education – SOCCSKSARGEN
Region
https://philnews.ph/2020/01/08/pangatnig-ano-ang-mga-uri-
at-mga-halimbawa-nito/

Susi sa pagwawasto

Inihanda ni:

RAHEEMA B. AMINO
Guro sa Filipino

Pahina | 12
 FILIPINO 9 UNANG MARKAHAN –LINGGO 2 (MODYUL 1.2)

PAGTATAYA

Pangalan: ________________________________ Petsa: __________________

Baitang at Pangkat: _________________________ Guro: _______________

Basahin at unawain ang bawat tanong na ibinigay upang masukat

natin ang antas ng iyong kaalaman. Isulat ang titik ng iyong sagot
sa patlang bago ang bilang.

_____1. Ang mga pangatnig at transitional devices ay nakatutulong

sa__________________.
a. pagsusunod-sunod ng mga pangyayari sa isang kuwento.
b. pagbibigay-kahulugan sa konotasyon at denotasyon ng mga
salita.
c. pagtukoy sa mga panunahing tauhan sa maikling kuwento o
alamat.
d. pagkilala kung kailan naganap, nagaganap, o gaganapin ang
kilos o pangyayari

_____2. Ang pangatnig na samantala ay ginagamit na ___________.

a. panlinaw c. pantuwang
b. pananhi d. panapos

_____3. Ang pang-ugnay ay bahagi ng salitang ___________.

a. pangkayarian b.pananda c.pantukoy d.
pangawing
_____4. ___________ araw ng Linggo, nagsisimba ang buong mag-anak.
Ang salitang nawawala sa pangungusap ay ____________.
a. Kung b.Kapag c.Sa d.Simula

_____5. Sa mga pangungusap na, Nagugutom si Egay at Nagluto si

Mulong ng pansit, ano ang angkop na gamiting pangatnig upang
maging iisang pangungusap ang mga nabanggit?
a. Kaya b. Palibhasa c. Subalit d. Datapwat

Pahina | 13
_____6. Sa maikling kuwentong “Anim na Sabado ng Beybalde”, ano
ang hiling ng batang si Rebo?
a. Hiling na niyang magdiwang ng kaarawan kahit hindi pa
araw.
b. Nais ni Rebo na magkaroon ng mraming laruan at mga regalo.
c. Mangumbida ng mga kaibigan at bisita.
d.Maging maayos ang kaniyang kalagayan.

_____7. Sa pagsusunod-sunod ng mga pangyayari sa isang kuwento,

gumagamit tayo ng mga ______________.
a. Pantukoy
b.Pangatnig
c.Pandiwa
d.Pang-abay

_____8. Ang mga sumusunod ay mga pangatnig maliban sa

____________.
a. at
b. ng
c. ngunit
d. o
_____9. Ang pang-ugnay ay mga salitang ____________.
a. naglalarawan sa pangngalan
b. panghalili
c. nag-uugnay sa mga salita sa loob ng pangungusap
d. pangawing

_____10. Ano ang nangyari kay Rebo sa ika-anim na Sabado?

a. Si Rebo ay nagdiwang ng kaniyang kaarawan kahit hindi pa
araw.
b. Lumabas na sa bahay-pagamutan ang batang si Rebo.
c. Nilisan ng bata ang mundo.
d. Nagpahinga lamang ang bata ng kaunting panahon.

Pahina | 14
Para sa bilang 11-20

Punan ng angkop na pangatnig o transitional device ang mga

patlang upang mabuo ang kaisipan ng kwento.

Isang gabi maliwanag ang buwan, naisipan ni Brinth na mag-

ensayo ng diving para sa isang try-out bilang paghahanda sa SEA Games.
(11) ______________________ nga mayaman, sunod ang kaniyang layaw sa
anumang gustuhin niya.
(12) ______________________ kakulangan ng oras sa umaga dulot ng
paglalakwats , naisip niyang sa gabi na lamang siya mag-eensayo. Alam
niyang kahit hindi siya mag-eensayo, matatanggap parin siya
(13) ______________________ matalik na kaibigan ng kaniyang ama ang
Chairman ng Philippine Sports Commission.
Pagod siya sa buong araw na pag-aaral (14) __________________ pursigido
siyang dapat mapanalunan ang kampeonato.
Patay nang lahat ng ilaw sa paligid ng paaralan. Ang tanging tumatanglaw
lamang ay isang ilawan sa covered court at ang maliwanag na sikat ng
buwan. (15) ______________________ habang siya’y nakatayo sa spring
board ng pool na may taas na tatlumpong talampakan, dahan-dahan
niyang itinaas ang kaniyang dalawang kamay,
(16) ______________________umaayos nang nakadipa bilang paghahanda sa
pagtalon. (17) ______________________ biglang nag-brown-out. Ang sinag na
lamang ng buwan na nasa kanyang likuran ang tanging tumatanglaw sa
kaniya.
(18) ______________________ na lamang ang kaniyang pagkabigla nang
makita niyang wala palang tubig ang pool kung saan siya dapat tumalon
pagkaraang bumalik ang ilaw. Mapalad parin sya (19) ___________________
hindi siya pinabayaan ng Maykapal mula sa posibleng kapahamakan.
(20) ______________________, napagtanto ni Brinth na kahit hindi man
nya makuha ang kampeonato, ang mahalaga ay masaya sya sa kung
anong meron sa kanya, buo ang tiwala at hindi umaasa sa iba.

Pahina | 15