Baitang: 12 Linggo blg.

15 Filipino sa Piling Larang Aralin 17 Paksa: Aralin 17: Pagsasalin

ng Teksto

Mga Kasanayang Pampagkatuto

• Nababatid ang mga simulain sa pagsasalin

• Naisasalin sa Filipino ang isang akda na nasusulat sa Ingles

Tandaan:

Ang Pagsasalin ay isang paraan ng pagsulat kung saan isusulat muli ang teksto sa ibang
wika batay sa gagamitin ng tagasalin subalit hindi nawawala ang diwa ng orihinal nito. Kadalasan,
ang mga akdang nakasulat sa Ingles ay naisasalin sa Filipino sapagkat ang wikang ito ay itinuturing
na pangalawang wika ng mga Pilipino.
Mahalaga ang pagsasalin upang makaabot sa iba pang panig ng daigdig ang mga akda mula
sa iba’t ibang lugar. Sa ganitong pagkakataon ay nawawala ang balakid ng pagkakaiba-iba ng wika
sa pagkakaunawang global.

Unawain Natin
Kahalagahan ng Pagsasalin
Ayon kay Bienvenido Lumbera (1982), ang mga layuning nagbubunsod sa pagsasaling-wika
ay ang sumusunod:
1. Pagpapalaganap ng kaalaman o kaisipang nakapaloob sa akda;
2. Pagbibigay-liwanag sa kasaysayan at kultura ng ibang bansa o panahon; at 3.
Pagpapakita sa mga bagong mambabasa ng isang akdang itinuturing na makabuluhan ng
isa o ilang tao.
Mga Katangian ng isang Tagasaling-Wika
Kabilang sa mga dalubhasa sa pagsasaling-wika noong ika-16 na siglo ay si Etienne Dolet
(1540) ng Pransiya na naglalahad ng sumusunod mula sap ag-aaral ni Theo Hermans: 1. Kailangang
ganap na maunawaan ng tagapagsalin ang nilalaman at intensiyon ng awtor ng akdang isinasalin.
2. Kailangang may ganap na kaalaman ang tagapagsalin sa wikang pinagsasalinan at
may gayunding kahusayan sa pinagmulang wika.
3. Kailangang iwasan ng tagapagsalin ang magsalin nang salita-sa-salita sapagkat
makasisira ito sa kagandahan ng pahayag.
4. Kailangang gamitin ng tagasalin ang anyo ng mga pananalitang karaniwang ginagamit ng
nakararami.
5. Sa pamamagitan ng kanyang pagsasalin at pag-aayos ng mga salita, kailangang makabuo
ang tagapagsalin ng pangkalahatang bisa at angkop sa himig ng orihinal na akda.

Kung susumahin, narito ang pangkalahatang ideya na maaaring maipayo sa mga tagasalin at
mga nagnanais magsalin:
1. Sapat na kaalaman sa dalawang wikang kasangkot sa pagsasalin at ang kultura ng wikang
isinasalin niya
2. Sapat na kaalaman sa paksang isinasalin
3. Sapat na kaalaman sa kultura ng dalawang bansang kaugnay sa pagsasalin
4. Sapat na kaalaman sa grmatika ng dalawang wikang kasangkot sa
pagsasalin

Ang kahirapan o kadakilaan sa pagsasaling-wika ay nababatay rin sa uri ng paksang isasalin,

bukod sa anyo at layunin. May karaniwang paksang pang-araw-araw na madaling isalin. Gayundin
may
mga anyong pampanitikan na tulad ng tula na may kahitapan isalin ngunit nagdudulot naman ng
kasiyahan sa nagsasalin sapagkat higit na nagpapakilala ng katotohanang ang pagsasaling-wika ay
isang sining.

Halimbawa:

Each citizen must aim at personal perfection and social justice through education.
(orihinal) - Manuel L.
Quezon

Bawat mamamayan dapat may layunin sa personal na kaganapan at panlipunang katarungan

sa pamamagitan ng edukasyon. (saling literal)
- Manuel L. Quezon

Ang bawat mamamayan ay dapat magkaroon ng layuning matamo ang pansariling kaganapan
at katarungang panlipunan sa pamamagitan ng edukasyon. (malayang salin)
- Manuel L. Quezon

(Cut this portion below…)

_______________________________________________________________________________
_____________________ Baitang: 12 Linggo blg. 15 Filipino sa Piling Larang Aralin 17
Paksa: Aralin 17: Pagsasalin ng Teksto

Pangalan: Guro:
Baitang: _______________ _______ Strand & Section:

Simulan Mo Na
Bigyan ng katumbas na salita sa Filipino ang sumusunod na mga dayuhang salita.
Pagkatapos, gamitin sa pangungusap ang katumbas na salita. Isulat sa linya bago ang numero
ang katumbas na salita at sa linya naman pagkatapos ng gitling ang pangungusap. 1.
transparent-

2. tongs-

3. yellowish-

4. xyloid-

5. baking chamber-

6. obvious-

7. marking gauge-

8. chandelier-

9. chisel-
 10. machine-

Suriin Mo Na
Sagutin ang mga sumusunod:
1. Bakit masasabing isang sining ang pagsasaling- wika?

2. Sa iyong palagay, bakit kinakailangang magkaroon ng sistema ang pagsasaling-

wika? 3. Paano nakatutulong ang pagsasaling- wika sa pagpapalaganap ng mga

kaalaman?

4. Ano ang kinakailangan ng isang tagasalin upang mabigyan niya ng katarungan ang isang
orihinal na akdang isinasalin?

5. Ano ang mahalagang katangian ng isang akdang salin mula sa tagasalin? Bakit?

Isabuhay Mo Na
Isalin nang literal at malaya ang pahayag na nagmula kay dating Pangulong Ferdinand
E. Marcos. Pagkatapos, bigyang pagpapahalaga sa iyong sarili.

“If you have anger in your heart against me, do not let our people and country suffer because
of it.”
Saling Literal:

Malayang Salin:
Pagpapahalaga sa Sarili: