Reference No: KLL-FO-ACAD-000 | Effectivity Date: August 3, 2020 | Revisions No.

: 00

VISION MISSION
A center of human development committed to the pursuit of wisdom, truth, Establish and maintain an academic environment promoting the pursuit of
justice, pride, dignity, and local/global competitiveness via a quality but excellence and the total development of its students as human beings,
affordable education for all qualified clients. with fear of God and love of country and fellowmen.

GOALS
Kolehiyo ng Lungsod ng Lipa aims to:
1. foster the spiritual, intellectual, social, moral, and creative life of its client via affordable but quality tertiary education;
2. provide the clients with reach and substantial, relevant, wide range of academic disciplines, expose them to varied curricular and co-curricular
experiences which nurture and enhance their personal dedications and commitments to social, moral, cultural, and economic transformations.
3. work with the government and the community and the pursuit of achieving national developmental goals; and
4. develop deserving and qualified clients with different skills of life existence and prepare them for local and global competitiveness

MODYUL 1

PAGBASA

Ang PAGBASA ay isang proseso ng pagsasaayos, pagkuha, pag-uunawa ng anumang uri at

anyo ng impormasyon o ideya na kinakatawan ng mga wika o simbolo na kailangang tingnan at suriin
upang maunawaan.
Sabi ni Anderson, "Ang pagbasa ay proseso ng pagkokonstrak ng kahulugan mula sa mga
tekstong nakasulat. Isa itong komplikadong kasanayan na nangangailangan ng ilang magkakaugnay
na hanguan ng impormasyon."
Ayon naman kay Wixson, ang pagbasa ay proseso ng pagkonstrak ng dinamikong interaksyon ng
nga ss:
1. dating kaalaman ng mambabasa
2. impormasyong taglay ng tekstong binabasa
3. konteksto ng sitwasyon sa pagbabasa
Ayon sa kay William S. Gray na Ama ng pagbasa, ang pagbasa ay (kognitibo o pangkaisipan)
proseso ng pag-unawa sa mga mensaheng nais ibahagi ng may-akda sa babasa ng kanyang isinulat.
Ito ay mental na gawain tungo sa pagkilala, pagpapakahulugan at pagtataya sa mga isinulat ng may-
akda.
PROSESO NG PAGBASA ayon kay William S. Gray:
1. Persepsyon
Kinikilala sa hakbang na ito ang mga simbolong nakalimbag.
2. Komprehensiyon
Inuunawa ang mga kaisipang inihahatid ng mga nakalimbag na simbolo.
3.Aplikasyon
Paglalapat at pagpapahalaga sa kaisipang ibinahagi ng teksto.

4.Integrasyon

Marawoy, Lipa City, Batangas 4217 | https://www.facebook.com/KLLOfficial/

Pag-uugnay-ugnay ng mga bago at nagdaang karanasan sa pagbibigay kahulugan sa teksto.

MGA PANANAW SA PROSESO NG PAGBASA

 Teoryang Top-Down
Ang pag-unawa sa binasa ay nagsisimula sa isip ng mga mambabasa (top) tungo sa
teksto (down)
 Teoryang Bottom-Up
Ang pag-unawa ay nagmula sa teksto patungo sa tagabasa.

 Teoryang Interaktib
Kombinasyon ng teoryang top-down at bottom -up.

 Teoryang Iskema
Bawat bagong impormasyong nakukuha ng pagbabasa ay naidaragdag sa dati
nang iskima.Bago pa man basahin ng mambabasa ang teksto ay may taglay na siyang
ideya sa nilalaman ng teksto.

Ito ay ang proseso ng pag-uugnay ng mga kaalaman sa paksa at kaalaman sa

pagkakabuo ng mahahalagang salik sa pag-unawa (Pearson, 1987)

Ayon sa Teoryang Iskema, ang lahat ng ating natutunan ay nakalagak sa isipan at

maayos na nakalahad sa kategorya. Ang mga iskemang ito ay nadaragdagan, nalilinang,
nababago at napauunlad (Pearson at Sapiro, 1982).

INTERAKTIBONG PROSESO NG PAGBASA

- Ugnayan ng awtor at ng mambabasa.
- Anong kaisipan, kaalaman o impormasyon ang ibig niyang tukuyin at ilahad sa teksto at
paano naman ito inuunawa, tintanggap o maaaring inilalapat niya sa aktwal na karanasan
niya.
- Pag-unawa (comprehension) ang pinakapuso ng interaktibong pagdulog sa pagbasa na
may mga prosesong pinagdadaanan at hindi kung ano kaagad ang kinalabasan.
MGA ELEMENTO NG METAKOGNITIB NA PAGBASA
Metacognisyon – kaalaman at pagkakabatid kung papaano makokontrol ang proseso ng pag-
iisip. Bahagi ng metakognisyon ang metakomprehensyon na binubuo ng dalawang aspeto;
ang pagkakaroon ng kamalayan kung kalian hindi mauunawaan ang isang bagay at ang
pagkaalam sa istratehiyang dapat gamitin upang malunasan ang kakulangan sap ag-unawa.
-proseso ng pagkakakilanlan kung ano ang ating alam at kung paano natin malalaman ito.
2 KASANAYAN SA METACOGNITION

 DECODING

Marawoy, Lipa City, Batangas 4217 | https://www.facebook.com/KLLOfficial/

 Kinikilala sa prosesong ito ang mga salitang binabasa at binibigyan ng kaukulang
kahulugan.

 ENCODING
Inuunawa, inaayos at binibigyang-anyo ang tekstong binasa.

2 DIMENSYON NG METAKOGNISYON
1. Ang kaalaman ukol sa sariling kaugnayan sa mga kailangan sa pagsasagawa
ng gawaing pagbabasa.
2. Pagmomonitor sa sarili.

ANTAS NG METAKOGNITIV NA PAGBASA

1. Paglinang ng plano
1.1. Ano ang aking dating kaalaman na nakatutulong sa akin sa gawaing ito?
1.2. Sa anong direksyon ko nais dalhin ako ng aking pag-iisip?
1.3. Ano ang una kong dapat gawin?
1.4. Bakit ko ito binabasa?
1.5. Gaano karaming oras ang mayroon ako upang kumpletuhin ang gawaing ito?

2. Paggamit at Pagmomonitor ng Plano

2.1 Kumusta ang aking pagsasagawa nito?
2.2 Ako ba ay nasa tamang landas?
2.3 Paano ako dapat magpatuloy?
2.4 Anong impormasyon ang mahalaga kong tandaan?
2.5 Dapat ba akong bumaling sa ibang direksyon?
2.6 Dapat ko bang isaayos ang aking bilis sa paggawa ayon sa kahirapan ng
gawain?
2.7 Anong kailangan kong gawin kung di ko maunawaan ang aking binabasa?
3.Pag-ebalweyt sa Plano
3.1 Kumusta ang aking pagsasagawa ng aking gawain?
3.2 Ang akin bang paraan ng pag-iisip ay naisagawa ng mas marami o mas kaunti
kaysa aking inaasahan?
3.3 Ano kaya ang dapat na nagawa ko sa ibang paraan?
IBAT’-IBANG PARAAN NG PAGBASA
1. SCANNING – pagbasa nang mabilisan nang di gaanong binibigyang-pansin ang
mahahalagang salita. (Paghahanap ng trabaho sa Classified Ads, nakapasa sa pagsusulit sa
board, at mga pangunahing balita)
2. SKIMMING – ito ay pasaklaw o mabilisang pagbasa upang makuha ang pangkalahatang
ideya o impresyon. (pagpili ng material na babasahin, pagtingin o paghanap ng mahahalagang
impormasyon na maaring magamit sa term papers)

Marawoy, Lipa City, Batangas 4217 | https://www.facebook.com/KLLOfficial/

3. PREVIEWING – sa uring ito, hindi agad nakatuon ang panson sa nilalaman ng akdang
babasahin. Bagkus, sinusuri muna ang kalahatang kaanyuan ng akda.
4. KASWAL – ito ay pagbasa ng pansamantala. (pampalipas-oras)
5. PAGBABASANG PANG-IMPORMASYON – layunin nito na kumalap ng mahalagang
impormasyon na magagamit sa pang-araw-araw na pangangailangan tulad ng kalagayan sa
ekonomiya at panahon.
6. MATIIM NA PAGBABASA – nangangailangan ito ng maingat na pagbasa na may layuning
maunawaang Mabuti ang binabasa para matugunan ang pangangailangan sa pananaliksik,
ulat, atbp.
7. MULING PAGBASA – pag-uulit sa pagbasa kung ang binabasa ay mahirap unawain bunga
ng di pamilyar na mnga talasalitaan o nakalilitong pagkakabuo ng mga pahayag.
8. PAGTATALA – ito ay pagbasang may kasamang pagtatala ng mga mahahalagang kaisipan o
datos na kailangan. Kasama rito ang paggamit ng marker o highlighter.

Marawoy, Lipa City, Batangas 4217 | https://www.facebook.com/KLLOfficial/

 MODYUL 2

TEKSTONG AKADEMIKS AT PROFESYONAL

- Tawag sa mga babasahing ginagamit sa pag-aaral ng iba’t-ibang disiplina tulad ng:

1. Humanidades (Wika, Literatura, Musika, Sining at Teatro)

Angham Panlipunan (Sosyolohiya, Paglilingkod, Panlipunan, Sikolohiya, Ekonomiya,
Pagtutuos/Akawnting, Antropolohiya, Arkeolohiya, Edukasyon, Abogasya, Kasaysayan
at Agham Politika)

2. Agham Pisikal (Matematika,Pisika, Kemistri, Biyolohiya, Botanika, Pagsasaka,

Soolohiya, Astronomiya, at Heolohiya)

Ang pagbasa ng tekstong akademiko at propesyonal ay nangangailangan din ng

masusing pag-aaral sapagkat may ginagamit na natatanging wika sa iba’t-ibang disiplina.

Ang mga tekstong ito ay may sariling rejister ng wika na kailangang maunawaan ng
mga mambabasa. Isa rin ito sa mga dahilan kung bakit gumagawa ng paraan ang ilang
manunulat na maintindihan ng mambabasa ang kanilang teksto.

MGA PARAAN NA GINAGAWA NG MANUNULAT UPANG MAINTINDIHAN NG

MAMBABASA ANG TEKSTO:
 Paglalagay ng glosaryo sa huling bahagi ng aklat
 Paggamit ng talababa (footnote)
 Ilustrasyon
 Dayagram
 Grap
 Pagbibigay ng depinisyon ng salita
 Pagbibigay ng pahiwatig sa kahulugan

Mahalaga ang mga nabanggit na paraan at nakatutulong sa mambabasa na maunawaan ang

mga teknikal na salita at mga terminolohiya na ginagamit sa teksto.

PAGBASA SA TEKSTONG PANG-AGHAM PANLIPUNAN AT PANGKASAYSAYAN

Ito ay isang disiplina na nagsususri sa ugnayan ng mga tao sa lipunan at kung paano
sila nakikitungo sa isa’t-isa sa kanilang kapaligiran.
Ang agham panlipunan ay batay sap ag-aaral at pagsusuri ng mga relasyong ito mula
sa iba’t-ibang larangan gaya ng:
 Antropolohiya
 Arkeolohiya
 Ekonomiks

Marawoy, Lipa City, Batangas 4217 | https://www.facebook.com/KLLOfficial/

  Agham Pampulitika o Pamahalaan
 Sikolohiya
 Sosyolohiya

Ang mga kurso sa agham panlipunan ay nangangailangan din ng malaking panahon sa

pagbabasa.
Ang agham panlipunan ay tinatawag na “mga agham” dahil ang mga propesyonal sa
larangang ito ay nagtitipon ng mga datos sa pamamagitan ng eksperimentasyon, obserbasyon at
sarbey; nagsusuri ng mga datos at bumubuo ng kongklusyon mula sa mga sinuri.

ILANG KATAWAGAN SA EKONOMIKS

allotment Laang gugulin
consumer Konsyumer
denomination Halaga/denominasyon
currency Salaping umiiral
firm Samahan sa pangangalakal
World trade Kalakalang pandaigdig
fluctuate Tumaas-bumaba
Export duty Buwis sa luwas

KASAYSAYAN
Isang disiplina ang kasaysayan. Ito ay mga tala ng lumipas, ng mga pagbabagong naganap sa
bawat panahon ng isang bansa. Nagsisilbing tulay ang kasaysayan sapagkat nagagawa nitong pag-
ugnayin ang nakaraan sa kasalukuyan patungo sa hinaharap.
Sa pag-aaral ng kasaysayan ng isang bansa, dapat na may alam sa heograpiya nito. Ang
tungkol sa Klima, mga likas na yaman, katubigan, kalupaan, ay may malaking epekto sa
pamumuhay, mga kaugalian at kaasalan ng mga tao.
PAGBASA NG TEKSONG PANG-MATEMATIKA AT PANG-AGHAM
Lahat ng kurso sa agham at matematika ay nakasalalay sa mga pangunahing tesbuk gaya ng
teksbuk sa agham na produkto ng ilang taong pagsasagawa ng eksperimento at paghahanap ng
kasagutan.

Marawoy, Lipa City, Batangas 4217 | https://www.facebook.com/KLLOfficial/

 May mga pagsasanay rito at pahiwatig sap ag-aaral na kasama sa patnubay sap ag-aaral.
Ang mga manwal na kagamitan na inihanda ng professor ay nagbibigay ng buo ng paksa,
impormasyon na gagawin sa eksperimento at direksyon kung paano ito gagawin. Binibigyang linaw
rito ang mga pamagat at pantulong na pamagat at kasama rin ditto ang mga grapikong pantulong,
ilustrasyon at mga pag-papaliwanag sa teksto.
Narito ang ilang saita sa matematika.
add Isama, idagdag
account kuwento
tangent dikit
calculus tayahan
Square root panugat

Tekstong Propesyonal
Ang tekstong propesyonal ay yaong mga teksto na nagdaan sa mabalasik na pareresirts at ito
ay para sa mga taong ang gustong pag aralan ay yaong mga bagay na makakatulong upang maging
malawak ang kanilang kaalaman gaya ng mga abogasya at medisina dahil ito ay nakakatulong upang
kanilang malaman ang mga bagay na mga patunay o pinatutunayan ng mga akda.
Halimbawa ng mga disiplinang nasa ilalim ng tekstong Propesyonal
1. Medisina – Ito ang pag-aaral sa panggagamot. Mapag-aaralan sa medisina ang iba’t ibang uri ng
sakit, sari-saring mga gamut, o pamamaraang medikal na maaaring gamitin o gawin upang gumaling
ang isang taong maysakit.
2. Inhinyeriya – tumutukoy ito sa paggamit ng agham sa desinyo, paggawa at pagpapatakbo ng mga
makina.
3. Arkitektura – nakatuon ang pag-aaral ng arketiktura sa pagpaplano, pagdidisenyo, at
pagpapatayo ng mga gusali at iba pang pisikal na estruktura.
4. Pisika- sap ag-aaral ng pisika, matututuhan ng mga estudyante kung ano ang gamit ng mga payak
na makina na pinatatakbo sa mga pabrika. Ang pisika ay ang agham hinggil sa bagay at enerhiya sa
kalagayan ng musyon sa force, motion, gravity, at iba pang siyentipikong konsepto upang mas
maunawaan kung paano gumagalaw ang mga bagay na likas o gawang -tao na nakikita sa ating
paligid.
5. Kimika- sa pag-aaral na ito, matututuhan ng mga mag-aaral ang iba’t ibang elemento at ang mga
sangkap na bumubuo sa mga kemikal.
6. Biyolohiya – Galing sa salitang BIO(buhay) at LOGOS(pag-aaral)ang biyolohiya (biology). Sa
disiplinang ito, pinag-aaralan ang mga bagay na may buhay tulad ng mga halaman, hayop, at tao.
7. Arkeolohiya (Archeology ) -hango sa salitang arkhaios (sinauna) at logos (pag-aaral) ang
arkeolohiya. Matututuhan ng mga mag-aaral ang mga pinagmulan ng mga sinaunang kabihasnan

Marawoy, Lipa City, Batangas 4217 | https://www.facebook.com/KLLOfficial/

gayundin ang mga kagamitan ng mga sinaunang tao.
8. Antropolohiya – Galing sa salitang Anthropos(tao) at logos)(pag-aaral) ang antropolohiya.Sa pag-
aaral na ito, matututuhan ng mga mag-aaral ang pinagmulan ng lahi ng sinaunang tao at kung paano
sila nabuhay.
9. Pilosopiya – Matututuhan ang mahahalagang kaisipan na mula sa mga kagalang-galang na
pilosopo tulad nina Socrates at Plato.
10. Sikolohiya – ito ang siyentipikong pag-aaral ng pag-iisip ng tao.
11. Sosyolohiya – mula sa salitang socius(kasama) at logos(pag-aaral) ang sosyolohiya ay ang pag-
aaral ng pag-unlad at kultura ng lipunan.
12. Abogasya – tumutukoy ito sa sistematikong pag-aaral ng batas.
13. Edukasyon - tumutukoy ito sa sistematikong proseso ng pagtuturo o pag-aaral.
14. Agham Pangkompyuter – mapag-aaralan ng mga mag-aarala sa agham pangkompyuter kung
paano lunikha ng programang pangkompyuter upang gumana ang mga aplikasyong kadalasan nating
ginagamit, tulad ng Microsoft Office.

Marawoy, Lipa City, Batangas 4217 | https://www.facebook.com/KLLOfficial/

 MODYUL 3

Tekstong Ekspositori

Ang tekstong ekspositori ay bunga ng pagpapahayag na ang layunin ay gumawa ng

malinaw, sapat at walang kinikilingang pagpapaliwanag sa ano mang bagay na nasasaklaw ang
isip ng tao.
- Sinasaklaw ng tekstong ekspositori ang pinakamalaking bahagi ng binabasa at
sinusulat ng tao.
- Obhetibo ang pinatutunguhan ng mga paglalahad.
- Maayos na naipapakita ang ideya o kaisipan.

MGA URI NG TEKSTO

Impormatibong Teksto
- ang isang teksto kung ito ay naglalahad ng mga bagong kaalaman, bagong
pangyayari, bagong paniniwala at mga bagong informasyon. Ang mga kaalaman ay
nakaayos ng sekwensyal at inilalahad nang buong linaw at kaisahan
Halimbawa: mga kasaysayan, mga balita

Deskriptibong Teksto
- ang isang teksto kung ito ay nagtataglay ng informasyong may kinalaman sa pisikal na
katangian ng isang tao, lugar, bagay. Madali itong makilala sapagkat ito ay tumutugon sa tanong
na ano.
Halimbawa: mga lathalain, mga akdang pangpanitikan.

Persuweysib na Teksto
- Tekstong nangungumbinse o nanghihikayat. Halimbawa: mga nakasulat na
propaganda sa eleksyon, mga advertisement.

Naratibong Teksto
- Naglalahad ng magkakasunod-sunod na pangyayari, o simpleng nagsasalayasay
Halimbawa: mga akdang pampanitikan.

Argumentatibong Teksto

- ang isang teksto kung ito ay naglalahad ng mga posisyong umiiral na kaugnayan ng mga
proposisyon na nangangailangan ng pagtalunan o pagpapaliwanagan.Ang ganitong uri ng teksto
ay tumutugon sa tanong na bakit.

Marawoy, Lipa City, Batangas 4217 | https://www.facebook.com/KLLOfficial/

Halimbawa: mga editorial
Prosidyural na Teksto

- ang isang teksto kung ito ay nagpapakita at naglalahad ng wastong pagkakasunod-sunod ng

hakbang ng malinaw na hakbang sa pagsasakatuparan ng anumang gawain.
Naglalahad ng wastong pagkakasuno-sunod ng hakbang sa paggawa ng isang bagay.

Hulwaran ng mga Organisasyon ng Teksto

Depinisyon
Isang paraang eksposisyon na tumatalakay o nagbibigay kahulugan sa isang salita.
Sa pagbibigay ng definisyon, tinatalakay din ang isang bagay o paksa, kasama ang mga
pagkakatulad o pagkakaiba nito sa ibang bagay.
Maaaring ito ay pormal o di-pormal.

1. Pormal o Maanyo – Kapapansinan ng tatlong bahagi.

1.1. Salita o katawan (term)
1.2. Pangkat na kinabibilangan o kaurian (genre)
1.3. Kaibahan (difference)
Halimbawa:
Ang kasal (salita) ay isang sakramentong (kaurian) nagbubuklod da dalawang
pusong nagmamahalan. (kaibahan)

2. Di-pormal o Malaya. Nagbibigay kahulugan sa paggamit ng mga salitang nakapukaw ng

damdamin at hindi tuwirang sumusunod sa kaayusan ng pangungusap sa pormal na
pamaraan.
Halimbawa:Ang kasal ay bunga ng pagmamahalan ng dalawang pusong umiibig sa isa’t-
isa na dumaan sa maraming oras ng pagliligawan bilang pangako ng lalaki sa babae.

May dalawang dimensyon ang definisyon:

 Denotasyon
Karaniwang kahulugang dala ng diksyunaryo o salitang ginagamit sa
pinakakaraniwan at simpleng pahayag.
Hal: Berde ang kanyang damit.

 Konotasyon
Di-tuwiran ang kahulugan. Nagkakaroon ng ikalawang kahulugan ang salita o
pahayag. Sinasabi rin na ito ay pansariling kahulugan ng isang tao.
Hal. Berde ang utak niya.

Pag-iisa-isa
Pagtatalakay sa pangunahing paksa at pagbabanggit ng mga kaugnay at mahahalagang salita.
Isa sa halimbawa nito ay ang ibinibigay na pagsusulit sa klase lalo na kung ito ay objective,

Marawoy, Lipa City, Batangas 4217 | https://www.facebook.com/KLLOfficial/

madalas na gamitin ang pag-iisa-isa kapag hakbang o proseso ang aytem. Kailangan sap ag-iisa-
isa, tiyakin kung dapat na magkakasunod ayon sa inilalahad na aytem o maari naming hindi
magkakasunod sapagkat hindi naman ito sa isang proseso.

Pagsusunod-sunod
Masasabing ito ang pinakasimpleng paraan ng pagsasaayos ng teksto. Ang mga ideya nito ay isa-
isang inilalahad o tinatalakay sa teksto.

May tatlong uri ng pagsusunud-sunod na hulwaran ng teksto Ito ay ang:

1.Sekwensyal
2.Kronolohikal
3.Prosejural

Sekwensyal
Pagsusunud-sunod ng mga pangyayari sa isang kuwento, nobela,talambuhay,dula, balita
atbp. na hahantong sa isang konklusyon. Karaniwang ginagamitan ito ng mga salitang una,
pangalawa, pangatlo, susunod at iba pa. Ito ay karaniwang ginagamit kung ang mga pangyayari
ang pinagsusunud-sunod, tulad ng mga kwento, balita at iba pa.

Kronolohikal
Pagsusunud-sunod ng mga impormasyon at mahalagang pangyayari ayon sa kung kailan
nangyari ito.
Payak na halimbawa nito au ang kasaysayan ng isang bansa o mahalagang pangyayari ng
mundo.
Karaniwang ito ay may petsa gaya ng tiyak na araw at taon upang malaman kung kailan
nangyari ang kasaysayan.

Prosejural
Ang pagsusunud-sunod ay prosejural kung may hakbang o prosesong isasagawa.
Maaaring ito ay kung paano gawin ang isang bagay gaya ng pagluluto at pagsunod sa
direksyon.

Pagsusuri
Sa paraang ito ay kailangan ng paglilista ngunit ang naitalang detalye ay susuriin pa. Ang
mga sangkap na sinusuri ay pinaghihiwalay at ipinaliliwanag.

Paghahambing at pagkokontrast
Sa paraang ito, may dalawang bagay, kaisipan o pangyayariang pinaghahambing. Iba-
ibang anyo ang nagagamit sa pamamaraang ito.
Ginagamit sa pagpapahayag, mga kahigitan o kalamangan ng isang bagay sa iba ang
hulwarang ito.
Kinakailanagn nito ang maingat na pagbasa ng mag-aaral sateksto upang maunawaan niya ang
nilalaman. Hindi dapat na isaulo ang nilalaman ng binasang teksto sapagkat maaaring bigyan ng
paghahambing at contrast ang tungkol sa dalawang paksang maaaring ibig tukuyin ng awtor sa

Marawoy, Lipa City, Batangas 4217 | https://www.facebook.com/KLLOfficial/

akda niya.

Sanhi at Bunga
May mga akda na ginagamitan ng sanhi at pinagmulan para mabuo ito. May mga paksang
naipaliliwanag o matatalakay kung babanggitin ang pinanggalingan o sanhing pinagmulan.
Tandaan na hindi lahat ng pagkakatao’y nauuna ang sanhi kaysa bunga. Isiping lagi ang ganito:
“Anong ideya o pangyayari ang unang naganap (sanhi)? Ano ang kinalabasan (bunga)?
May mga palatandaang salita na dapat alamin sa mga pangungusap/pahayag ang sanhi at bunga.
Ang mga salitang ito ay ang kaya, dahil sa, nang, buhat at iba pa.

Suliranin at Solusyon
Sa mga salitang katulad nito, problema ang unang inilalatag. Matapos malaman ng
pangkalahatang suliranin ay magkakaroon nang paglalahad sa mga paraan o solusyon na resulta
sa pag-aaral.

Marawoy, Lipa City, Batangas 4217 | https://www.facebook.com/KLLOfficial/

 MODYUL 4

Pag-uuri ng mga Ideya at Detalye

1. Paksang Pangungusap
sentro o pangunahing tema/pokus sa pagpapalawak ng ideya

2. Suportang Detalye
tumutulong, nagpapalawak, nagbibigay-linaw sa paksang pangungusap.

Pangunahing Ideya

Kung ano ang nais mangyari ng awtor sa kanyang mambabasa. Mahihinuha ito sa mga
salitang ginamit sa teksto at sa paraan ng pagkakaorganisa nito.

Layunin: Manlibang o mang-aliw, , maghikayat, magbigay-impormasyon, magbigay opinion o

magpaliwanag.

1.Damdamin- Kung ano ang naging saloobin ng mambabasa sa binasang teksto (saya/tuwa,
lungkot, takot, galit, pagkabahala at iba pa.)

2.Tono -saloobin ng awtor sa paksang kanyang tinalakay (masaya, malungkot, seryoso,

mapagbiro, mapangutya).
3. Pananaw- tumutukoy sa punto de vistang ginagamit ng awtor

a. Unang Panauhan – ako, ko, akin, kita, tayo, natin, atin, kami, naming at amin
b. Ikalawang Panauhan- ikaw, ka, mo, iyo, kayo, ninyo, at inyo
c. Ikatlong Panauhan- siya, niya, kanya, sila, nila at kanila

Pagkilala sa pagkakaiba ng Opinyon ay Katotohanan

Kadalasan, sa pagbabasa ng isang teksto, napagpapalit ang katotohanan sa
opinyon o opinyon sa katotohanan.

Paano nga ba makikilala ang pagkakaiba ng katotohanan sa opinyon?

Katotohanan Opinyon

Marawoy, Lipa City, Batangas 4217 | https://www.facebook.com/KLLOfficial/

 - Patotoo sa isang bagay.
Mapatutunayan ito sa
pamamagitan ng pagsusuri at
paghahambing sa mga
karanasan o pangyayari sa
paligid.
- Mga paktwal (Factual) na
kaisipan o pahayag na hindi na
mapasusubalian at samakatuwid
ay tinatanggap ng lahat.
- Isang kuro o hakbang personal.
Sariling paniniwala ng isang tao
tungkol sa isang bagay. Kaya't
walang maling opinyon. Maaari
itong ibatay sa isang
katotohanan o karanasan.
- Pahayag ng isang tao hinggil sa
isang paksa batay sa kanyang
paniniwala o prinsipyo.

Pagsusuri kung Valid o Hindi ang Ideya o Pananaw

Ayon sa mga mananaliksik, lahat ng mga pananaw ng isang tao ay tama, hindi dapat
sabihing mali sapagkat ito ay batay sa kanyang nararamdaman, obserbasyon o sabohin na
nating maaaring naranasan na niya ang isang pangyayari na nagging batayan upang
makabuo ng isang ideya. Ang mga ideyang ito habang lumalaon ay lumilikha ng isang
reaksyon, opinion o paniniwala.
Malaki ang kaugnayan ng mga bagay na ito upang masuri kung valid o hindi ang
ideya mula sa tekstong binasa.
Paano nga ba gagawin ang pagsusuri?
Una, tingnan kaagad kung ano ang kaugnayan ng pamagat sa mga bahagi ng
binasang teksto. May kaugnayan bai to sa panimula, gitna o pangwakas na bahagi ng
teksto?
Ikalawa, upang mabago ang istilo ng paglalahad, may isiningit bang mga pahayag na
makapagpapalito sa pag-unawa ng mambabasa/
Ikatlo, bagama’t ang mga ideya o pananaw ay itinituring na walang mali, may mga
batayan ba na nagging daan upang ipahayag ang ideya o pananaw. Halimbawa, sinong tao
ang nagsabi? Saan kinuha ang istadistika? Ibig lamang sabihin, gaano katotoo ang mga
ginamit na batayan.
Ayon kay Rufino Alejandro, may ilang paraan upang matrukoy ang dapat na nilalaman
ng isang teksto. Pinaniniwalaan ko na makatutulong ang mga paraang ito upang masuri kung
valid o hindi ang ideya o paniniwala sa tekstong binasa.

Ang mga ito ay:

 Paliwanag. Ito’y isang paglalahad ng kaugnayan ng mga bagay sa kabuuan o

paglinaw sa kahulugan ng isang pananalita o ng isang bagay.

 Paghahambing o pagtutulad. Dito’y ipinakikilala ang mga pagkakahawig ng isang

Marawoy, Lipa City, Batangas 4217 | https://www.facebook.com/KLLOfficial/

 bagay na kill ana o mauunawaan at pinaniniwalaan. Ang buong layunin ay nagging
malinaw sa pang-unawa ng bumabasa ng mga ideya. Datapuwa’t ang paghahambing
upang maging mabisa bilang patotoo ay dapat magkaroon ng matitibay na batayan.

 Paghahamlimbawa. Ito’y parang pagkukwento. Dalawa ang uri nito, ang halimbawwang
palagay lamang at hallimbawang hango sa tunay na pangyayari. Mangyari pa, itong huli
ang higit na mabisa.

 Pagbanggit sa mga tunay na pangyayari. Ang mga ito ay hindi na ikukwento, sapat
na ang banggitin na lamang.

 Istadistika. Sa paggamit ng istadistika, tiyaking ang mga numero o bilang na gagamitin

ay may mahalagang kaugnayan sa kaisipang pinatitibayan o may tiyak na kahulugang
pinapakilala.

Paghihinuha (Inferencing)
Tumutukoy sa kakayahang tukuyin ang isang bagay na hindi pa alam batay sa ilang clues.
Clues: Pamaagat ng Teksto, mga larawan sa binasang teksto.

Paghula (prediksyon)
Ang isang matalinong mambabasa ay nakakagawa ng halos akyureyt na hula kung ano ang susunod
na mangyayari o maging ang kalabasan o wakas.

Lagom o Buod
Tumutukoy sa pinakapayak at pinakamaikling anyo ng diskurso na batay sa isang binasang teksto.
Taglay nito ang pinakadiwa at mahalagang kaisipan ng teksto.

Konklusyon
Tumutukoy sa mga implikasyong mahahango sa isang binasang teksto.

Ang mapa, tsart, graph at talahanayan ay mga presentasyong biswal na kadalasang ginagamit bilang
pantulong sa isang tekstong. Sa tulong ng mga ito, nagagawang payak at mas madaling unawain ang
mga datos na inilalahad sa isang teksto.

Tsart – Ang tsart ay nagpapakita ng dami o estruktura ng isang sistema sa pamamagitan ng hanay
batay sa hinihingi o ibibigay na impormasyon.

Marawoy, Lipa City, Batangas 4217 | https://www.facebook.com/KLLOfficial/

 Mapa – ang mapa ay naglalarawan ng lokasyon, hugis at distansya. Ang mapa ay nagtuturo sa mga
palatandaan ng lokasyon ng isang lugar. Ito ay nakatutulong sa pagbibigay direksyon.
Mga Uri ng Graph
 Piktograp – Larawan ang ginagamit upang kumatawan sa mga datos, impormasyon o produkto.
Mahalaga na maging magkakasinlaki ang mga larawan. Ang kalahati o hinating larawan, kalahati rin
ang bilang nito (50%), ang mga datos na 55-90% ay pinakakahulugang buong larawan.

 Guhit na Grap o Layn Grap – Binubuo ng iba’t-ibang anyo ng linya. Ito ay ginagamit sa pagsukat ng
pagbabago o pag-unlad. Ang patayo at ibabang linya ay may kaukulang pagtutumbas. Gamit ang
linya at tuldok tinutukoy ang interbal, bilis, bagal o tagal ng mga bagay (salik) na nakatala sa bawat
gilid.

Marawoy, Lipa City, Batangas 4217 | https://www.facebook.com/KLLOfficial/

 Bar Grap – Nagpapakita ng paghahambing ng mga datos gamit ang bar sa halip na tuldok at linya
upang tukuyin ang kantidad. Parisukat ang anyo ng grap, maaring patayo o pahiga ang mga datos na
sinisimbolo ng bar.

 Bilog na Graph o Pie Graph – Itoý sumusukat at naghahambing ng mga datos o impormasyon sa
pamamagitan ng paghahati-hati nito.

Marawoy, Lipa City, Batangas 4217 | https://www.facebook.com/KLLOfficial/

 Talahanayan – Ang talahanayan ay naglalahad ng datos sa tabular na anyo. Sistematikong
inilalagay sa mga hanay o kolum ang mga nalikom na datos.

Marawoy, Lipa City, Batangas 4217 | https://www.facebook.com/KLLOfficial/

 MODYUL 5

PROSESO AT YUGTO NG PAGSULAT

Kahulugan at Kalikasan Pagsulat

Ito ay isang pisikal at mental na aktibiti na ginagawa para sa iba’t ibang layunin. Pisikal na
aktibiti sapagkat ginagamit dito ang kamay sa pagsulat sa papel, o sa pagpindot ng mga keys
ng tayprayter o ng keyboard ng kompyuter. Ginagamit din sa pagsulat ang mata upang
imonitor ang anyo ng writing output kahit pa ito ay handwritten lamang o rehistro sa monitor ng
kompyuter o print -out na.

Mental na aktibiti, sapagkat ito ay isang ehersisyo ng pagsasatitik ng mga ideya ayon sa isang
tiyak na metodo ng debelopment at pattern ng organisasyon at sa isang istilo ng gramar na
naayon sa mga tuntunin ng wikang ginamit.

Kahulugan ng pagsulat ayon sa iba’t-ibang tao:

Ang pagsulat ang bumubuhay at humuhubog sa kaganapan ng ating pagiging tao. (William
Strunk, E.B White)

Ang pag-iisip at pagsusulat ay kakambal ng utak, gayundin naman, ang kalidad ng pagsulat ay
hindi matatamo kung walang kalidad ng pag-iisip. (Kellogg)

Ang pagsulat ay kabuuan ng pangangailangan at kaligayahan. (Helen Keller) Ito ay isang

komprehensibong kakayahang naglalaman ng wastong gamit ng talasalitaan, pagbuo ng
kaisipan, at retorika. (Xing Jin)

Proseso ng Pagsulat
Ang proseso ng pagsulat ay mahahati sa iba’t- ibang yugto. Ang mga yugtong ito ay ang mga
sumusunod: Prewriting Writing Revising Editing
Ang mga yugtong ito ay sunod-sunod ayon sa pagkakalahad, ngunit importanteng mabatid na
ang mga propesyunal na manunulat ay hindi nagtratrabaho nang hakbang–bawat-hakbang.
Makabubuti, kung gayon , na ipalagay na ang pagsulat ay isang prosesong rekarsib at
ispayraling, kayat ang mga manunulat ay bumabalik-balik sa mga yugtong sa mga yugtong ito
ng paulit-ulit sa loob ng proseso ng pagsulat ng isang teksto.

Halimbawa, matapos ang ikalawang yugto o paglikha ng burador, ang isang manunulat ay
maaaring bumalik sa unang yugto, ang prewriting at magsagawa ng karagdagang
pananaliksik. Matapos ang editing, ang ikaapat na yugto, ang manunulat ay maaring bumalik
sa yugto ng rebisyon at reorganays ang materyal.

Proseso ng Pagsulat

Prewriting

Marawoy, Lipa City, Batangas 4217 | https://www.facebook.com/KLLOfficial/

 Lahat ng pagpaplanong aktibiti, pangangalap ng impormasyon, pag iisip ng mga ideya,
pagtukoy ng istratehiya ng pagsulat at pag-ooraganisa ng mga materyales bago sumulat ng
burador ay nakapaloob sa yugtong ito.

Ang Unang Burador

Sa puntong ito, ang iyong mga ideya ay kailangang maisalin sa bersyong preliminari ng iyong
dokumento na maaari mong irebays nang paulit-ulit depende kung gaano mo kinakailangan.
Sa pagsulat ng burador, iminumungkahing sundin mo ang iyong balangkas nang bawat
seksyon. Palawigin mo ang iyong mga parirala sa pangungusap.

Sa pagsulat ng unang burador, importanteng hindi mawala ang momentum sa pagsulat. Kung
gayon, mas mabilis mong maisasalin sa papel ang mga salita ng mas mabuti. Dahil nais mong
makasulat nang mabilis sa yugtong ito, huwag mo muna alalahanin ang pagpili ng mga salita,
istraktura ng pangungusap, ispeling at pagbabantas. Pagtuunan na lamang ito ng pansin
matapos maisulat ang buong unang burador.

Maaaring akalain na matapos maisulat ang unang burador ay tapos na ang proseso ng
pagsulat. Ngunit maging mga batikang manunulat ay nangagkakaisa sa pagsasabing maging
sila’y nagkakamali rin sa pagpili ng mga salita, pag-oorganisa ng pangungusap, pagbabaybay
o pagbabantas kahit paminsan minsan. Paulit-ulit pa rin nilang binabasa ang kanilang unang
burador, ineebalweyt ang kanilang akda at hinahamon ang kanilang sarili na mapabuti pa ang
presentasyon ng kanilang mga ideya. Dito pumapasok ang yugtong rebisyon at editing.

Revising
Ito ay proseso ng pagbabasang muli sa burador nang makailang ulit para sa layuning
pagpapabuti at paghuhubog ng dokumento. Maaaring sinusuri ng isang manunulat dito ang
istraktura ng mga pangungusap at lohika ng presentasyon. Maaaring ang isang manunulat ay
nagbabawas o nagdaragdag dito ng ideya. Maaari ring may pinapalitan siyang pahayag na sa
palagay niya’ y kailangan para sa pagpapabuti ng dokumento.

Editing
Ito ang pagwawasto ng mga posibleng pagkakamali sa pagpili ng mga salita, ispeling,
gramar, gamit at pagbabantas. Ang editing ang pinakahuling yugto sa proseso ng pagsulat
bago maiprodyus ang pinal na dokumento.

Bakit Tayo Sumusulat?

Ang kakayahan sa pagsulat ay isa sa mga makrong kasanayan na dapat malinang sa

isang indibidwal. Sa pagsulat, hindi tayo makapagpapanggap. Hindi katulad sa pakikinig,
tumangi lamang sa nagsasalita o tumangu-tango ay masasabing nakikinig na kahit iba ang
iniisip at hindi nahahalata; sa pagbabasa, makisabay lang sa pagbabasa ng iba o tingnan ang
libro, iisiping nagbabasa na rin; sa pagsasalita, malimit ang mga katagang “ah…eh…
ma’am/sir nasa dulo na po ng dila ko, hindi ko lang po masabi eh!”, at mangingiti lang ang

Marawoy, Lipa City, Batangas 4217 | https://www.facebook.com/KLLOfficial/

guro…lusot na. Sa pagsulat, malalaman ng iyong isip kung ano ang nararamdaman mo…ito
ang mababasa. Wala kang maililihim…walang maitatago.

Sa isang mag-aaral,ginagawa niya ang pagsulat sapagkat ito ay bahagi ng kanyang

pangangailangan sa paaralan upang siya ay makapasa. Gayundin naman, ang isang
manunulat ay nagsusulat dahil ito ang pinagmulan ng kanyang ikabubuhay. Kung walang tulad
nila, walang pahayagan na magtatala ng mga nagaganap sa lahat ng sulok ng daigdig. Wala
ring libro na magpapalawak ng ating kaalaman at magbibigay paliwanag sa tama at mali na
gagabay sa atin tulad ng mga batas. Wala ring magasin na madalas nating piliing
paglibangan.

Sa pang-araw-araw nating pagharap sa buhay, hindi maitatanggi na may ilang ginagawa tayo
na mas mabisang maipapahayag ang sa paraang pagsulat ang higit sa pagsasalita. Katulad
sa mga gawaing pagpapautang, pakikipag ugnayan sa mga taong nasa malayong lugar,
pagpapatibay sa mga kasunduan, at pagtatapat ng pag-ibig sa taong minamahal na hindi
magawang sabihin ay madaling naisasagawa bilang patunay sa pamamagitan ng pagsulat.

Mula sa ating pagsulat… mula sa sinusulat ng iba, tayo’y natututo. Nagagawa nating sumabay
sa takbo ng mundong ito. Nabibigyan tayo ng pagkakataong mapunan ang puwang sa ating
pagkatao upang makadama ng kaligayahan.

Layunin ng Gawaing Pagsulat

Pansariling Pagpapahayag
Pagsulat o pagtatala ng mga bagay na nakita, narinig, nabasa o naranasan. Sa
layuning ito, ginagawa ang pagsulat bunga ng paniniwalang ito’y mapapakinabangan. Ilan pa
sa mga halimbawa nito ang pagsulat ng dyornal, plano ng bahay, mapa at iba pa.

Impormasyunal na Pagsulat
Kung sa unang layunin ang makikinabang ang nagsusulat, dito ang makikinabang ay
ang tao. Ginagawa ang pagsulat upang mapaabot ng mensahe sa mga kaparaanang
nangangatwiran, nagpapayo, nagpapaliwanag at iba pa. Ilan sa mga halimbawa nito ay
memorandum, rebyu at riserts.

Malikhaing Pagsulat
Ang makikinabang dito ay ang sarili at ibang tao. Sa tulong ng imahinasyon at
kapangyarihan ng rehistradong wika, nagagawa ng manunulat na ilarawan ang uri ng lipunan
na kanyang ginagalawan. May kakaibang lakas ang mga salitang ginagamit dito upang
ipadama sa mambabasa ang panoramikong larawan ng buhay.Ilan sa halimbawa nito ang
alamat, dula, at iba pa. (ESG)

Pagtatalata

Ang talata ay isang pangungusap o grupo ng mga pangungusap na inorganisa upang

makadebelop ng isang ideya hinggil sa isang paksa bilang bahagi ng komposisyon o upang

Marawoy, Lipa City, Batangas 4217 | https://www.facebook.com/KLLOfficial/

magsilbing pinakakomposisyon mismo. Ang talatang binubuo ng isang pangungusap ay
maaring kahit na anong uri ng pangungusap.

Pansinin ang halimbawa:

Ano ang synaesthesia? Ang pag-aaral ng synaesthesia ay isang intriging at kompleks na

larangan ng neuroscience o pag-aaral ng utak. Intriging at kompleks ang anumang pag-aaral
ng utak ng tao sapagkat sa utak nagpupunta ang lahat ng ating sensori, doon iniinterpret,
iniimbak, at tinutugunan, at kung saan sa ilalim ng mga kondisyong iyon, ang mga signal ay
nagkokominggel.

Samantala, ang talatang binubuo ng mga pangungusap ay isang komposisiyon ng mga

pangungusap na pinagsama- sama upang magkaroon ng simula, katawan at wakas.

Basahin ang halimbawa

Ang kahalagahan ng phenomenon ng synaesthesia ay higit pa sa medesina. Ang mga
pinakahuling pag-aaral ay nagpapatunay na mayroon iyong koneksiyong genetic dahil wari
bang ito ay nasa dugo ng mga pamilya. Para tuloy nakahinga nang maluwag ang mga
synaesthetes nang matuklasan ng mga dalubhasa na hindi sila ang delusyonal o mga sugapa
sa gamot na nagkakaroon na ng halusinasyon. Ipinapalagay nang sila’ y mga aberasyon
lamang ng kalikasan na mistulang tinurukan ng mga almbre sa kanilang utak.

Upang maging epetibo ang isang talataan, kailangang taglayin nito ang mga sumusunod na
katangian:
 Kaisahan
 Kohirens
 Empasis

Kaisahan
Nangangahulugang pagkakaroon ng isang ideya sa loob ng talata. Upang makamit ito:
a) Tukuyin ang ideyang nais mong idebelop;
b) Ipahayag ang ideyang ito sa isang pamaksang pangungusap na maaari pang idebelop ayon
sa iyong layunin; at
c) Suportahan ang pamaksang pangungusap ng mga pangungusap na makadebelop sa
ideya.

Kohirens
Ito ay tumutukoy sa pagkakauganay-ugnay ng mga bahagi sa loob ng isang talataan. Sa lebel
ng pangungusap, tumutukoy ito sa pagkakasundo ng paksa at panaguri; sa lebel ng talata,
tumutukoy ito sa kohisebnes ng daloy ng mga pangungusap sa talataan.

Upang magamit ang kohirens, kailangang :

a) Gumamit ng epektibong metodo ng debelopment o paraan ng pagpapahayag ;
b) Organisahin ang mga pangungusap mula simula hanggang sa wakas sa tulong ng
epektibong pattern ng organisasyon; at

Marawoy, Lipa City, Batangas 4217 | https://www.facebook.com/KLLOfficial/

 c) Gumamit ng mga epektibo na salitang transisyunal.

Empasis
Ito naman ay tumutukoy sa pagbibigay ng angkop at sapat na diin sa bahagi ng
komposisyong nangangailangan niyon. Makakamit ito sa pamamagitan ng:
a) pagtukoy ng mga ideya o bahagi ng talataang dapat bigyan ng diin
b) epektibong pagpili ng metodo ng pagbibigay-diin (sa pamamagitan ng posisyon o
proporsyon); at
c) Epektibong paggamit sa napiling metodo ng pagbibigay-diin.

Ang Kahulugan, Katangian, at Layunin ng Akademikong Pagsulat

Isa sa pinakamahahalagang output ng sinumang mag-aaral ang mga gawaing nauukol

sa akademikong pagsulat. Ito ay isang masinop at sistematikong pagsulat ukol sa isang
karanasang panlipunan na maaaring maging batayan ng marami pang pag-aaral na magagamit sa
ikatataguyod ng lipunan.
Ang akademikong pagsulat ay isinasagawa sa isang akademikong institusyon kung saan
kinakailangan ang mataas na antas ng kasanayan sa pagsulat.

Layunin ng akademikong pagsulat ang magbigay ng makabuluhang impormasyon sa halip na

manlibang lamang.

Kung ihahambing sa malikhaing pagsulat, ang akademikong pagsulat ay nangangailangan ng mas

mahigpit na tuntunin sa pagbuo ng sulatin. Mayroon itong isang paksa na may magkakaugnay na
mensahe. Maayos na inihahanay ang mga pangungusap, talata, at seksiyon upang maging malinaw
ang pagkakabuo ng mga ideya at paliwanag ng mga ito. Ang karaniwang estruktura ng isang
akademikong sulatin ay may simula na karaniwang nilalaman ng introduksiyon, gitna na nilalaman ng
mga paliwanag, at wakas na nilalaman ng resolusyon, kongklusyon, at rekomendasyon. lian sa mga
halimbawa ng akademikong teksto ang abstrak, bionote, talumpati, panukalang proyekto,
repiektibong sanaysay, sintesis, lakbay-sanaysay, synopsis, at iba pa.

Ang pagbuo ng akademikong sulatin ay nakadepende sa kritikal na pagbasa ng isang indibidwal

(Arrogante et al. 2007). Kinikilala sa ganitong uri ng pagsulat ang husay ng manunulat dahil may
kakayahan siyang mangalap ng mahahalagang datos, mag-organisa ng mga ideya, lohikal mag-isip,
mahusay magsuri, marunong magpahalaga sa orihinalidad ng gawa, at may inobasyon at
kakayahang gumawa ng sintesis. Sa pagsulat ng sulating pang-akademiko, gumagamit ng piling-
piling salita at isinasaalang-alang ang target na mambabasa. Mahigpit din sa paggamit ng tamang
bantas at baybay ng salita dahil ang mga sulating ito ay nakatuon sa pagbibigay ng kaalaman.

Katangian ng Akademikong Pagsulat

1. Pormal
Ang mga ganitong uri ng sulatin ay pormal at hindi ginagamitan ng mga impormal o balbal na
pananalita. Maliban na lamang kung ang naturang uri ng pananalita ay bahagi ng isang pag-aaral.
2. Obhetibo

Marawoy, Lipa City, Batangas 4217 | https://www.facebook.com/KLLOfficial/

Ang layunin ng akademikong pagsulat ay pataasin ang antas ng kaalaman ng mga mag-aaral sa
pagbasa at pagsulat sa iba’t ibang disiplina o larang. Binibigyang-diin dito ang impormasyong
gustong ibigay at ang argumento sa mga ideya na sumusuporta sa paksa (Alejo et al 2005).
3. May Paninindigan
Ang akademikong pagsulat ay kailangang may paninindigan sapagkat ang nilalaman nito ay pag-
aaral o mahalagang impormasyon na dapat idinudulog at dinepensahan, ipinalillwanag at
binibigyang-katwiran ang mahahalagang layunin, at inilalahad ang kahalagahan ng pag-aaral.
Mahalaga rin ang paninindigan dahil ang mismong daloy ng mga pangungusap, pangangatwiran, at
layunin ay depende sa isinasaad ng paninindigan ng manunulat.
4. May Pananagutan
Mahalagang matutuhan ang pagkilala sa mga sangguniang pinaghanguan ng mga impormasyon.
Ang pangongopya ng impormasyon o ideya ng ibang manunulat o plagiarism ay isang kasalanang
may takdang kaparusahan sa ilalim ng ating batas.
5. May Kalinawan
Ang sulating akademiko ay may paninindigang sinusundan upang patunguhan kung kaya dapat na
maging malinaw ang pagsulat ng mga impormasyon at ang pagpapahayag sa pagsulat ay
direktibo at sistematiko.

Layunin sa Pagsasanay sa Akademikong Pagsulat

1. Makapagsagawa ng wastong pangangalap ng mga impormasyon at malikhaing

pagsasagawa ng ulat.
Ang wastong pangangalap ng mga impormasyon at datos ay nangangailangan ng kasanayan sa
pagbabasa at pagsuri ng iba’t ibang sanggunian katulad ng diksiyonaryo, encyclopedia, annual
journals, almanac, atlas, magasin, academic journals, mga libro, pahayagan, at tesis at disertasyon.
Mahalaga ang paggamit ng mga ito sa matagumpay na pangangalap ng impormasyon. Dapat ding
matutuhan ang wastong pagbuo ng bibliyograpiya o listahan ng mga ginamit na aklat at pagbanggit
sa mga paglalahad ng impormasyon mula sa mga taong kinauukulan upang maiwasan ang direktang
pangongopya ng mga impormasyon o plagiarism. Sa pagkatuto ng wastong pangangalap ng
impormasyon at pagbuo ng bibliyograpiya, kinakailangan din na malikhaing maipakita ang ulat na
binuo upang maging nakapanghihikayat ang pagbasa ng pag-aaral o sulatin.

2. Nagagamit ang mga kasanayan sa pagbasa sa pagsusuri ng iba't ibang uri ng teksto na
magagamit sa mga gawain ng akademikong pagsulat.
Ang mag-aaral ay nararapat na nagtataglay ng tatlong antas ng pag-unawa sa pagbasa. Una, ang
pagkakaroon ng literal na pagpapakahulugan kung saan ang mambabasa ay nakauunawa ng mga
salita ng wikang ginamit. Pangalawa, pagbasa nang may pag-unawa. Ang mag-aaral ay
nakapagbibigay ng pagpapakahulugan gamit ang paghihinuha at komprehensiyon sa ipinapahayag
na mensahe ng awtor. Pangatlo, pagbasa nang may aplikasyon. Matapos ang pagbasa, dapat ay
naisasagawa sa isang pagkilos.ang mensahe ng teksto na maaaring pasulat o pag-uulat.

3. Natatalakay ang paksa ng mga naisagawang pag-aaral ayon sa pananaw ng may-akda

kasabay rin ang pag-unawa ng mag-aaral bilang mambabasa.
Ang mag-aaral ay inaasahang marunong magsuri ng ibang akda na makatutulong sa kanyang
pag-aaral—kritikal sa pag-iisip, obhetibo sa pagtalakay sa paksa, organisado ang mga ideya at

Marawoy, Lipa City, Batangas 4217 | https://www.facebook.com/KLLOfficial/

kaisipan, nakatutukoy ng sanhi at bunga, nakapaghahambing, nakabubuo ng konsepto, at
nakalulutas ng suliranin para sa ikabubuti ng kanyang sulatin.

4. Nakapagsusuri at nakabubuo ng wastong konsepto mula sa tinalakay na paksa ng mga

naisagawang pag-aaral.
Ang pamanahong papel ay output ng mga mag-aaral bilang pagtupad sa pangangailangan ng
kanilang kurso. Bilang isang kritikal at mapanuring mag-aaral, kailangang makapagsagawa ng
pagsusuri sa mga naisagawa nang pag-aaral upang maging batayan ang mga ito sa pagbuo ng
sariling konsepto na magiging daan sa pagpapalawak ng pagsasanay at pagbuo ng sariling papel
pananaliksik.

5. Malinang ang kasanayan ng mga mag-aaral para makasulat ng iba't ibang anyo ng
akademikong sulatin.
Inaasahang mapahuhusay pa ang kasanayan ng mag-aaral upang makasusulat ng iba’t ibang
sulatin sa larangan ng akademikong pagsulat.

6. Matukoy na ang Akademikong Pagsulat ay isang kurso na lumilinang sa pagiging inobatibo

ng mag-aaral sa pagkakaroon ng mataas na pagkilala sa edukasyon.
Mahalagang katangian na dapat ding taglayin ng mag-aaral sa pagsulat ang pagkakaroon ng mataas
na pagkilala sa edukasyon bilang isang paraan ng pagpapabuti sa kondisyon ng tao at lipunan.
Sa ganito, lalabas at malilinang ang pagiging inobatibo ng mag-aaral sa kanyang pagsulat tulad ng
pagiging malikhain para sa kanyang mambabasa.

7. Napahahalagahan at naiingatan ang mga nagawang sulatin sa pamamagitan ng paggawa ng

portfolio.
Ang portfolio ay kalipunan ng mga sulating naisulat para sa pangangailangan ng kursong
Akademikong Pagsulat. Ang kalagayan, ayos, at dating nito ay sumasalamin sa pagpapahalaga ng
mag-aaral sa kanyang sarili. 

Marawoy, Lipa City, Batangas 4217 | https://www.facebook.com/KLLOfficial/