Nina: Dulnuan, Jovani Bangachon, Karen Culiplip, Angelica Dulnuan, Bea Padiangan, Novelia Kabanata 1 Ang Suliranin at Sanligan Nito ❏ Ang pananaliksik na ito ay naglalayong tukuyin ang morpolohikal na barayti ng diyalektong Ayangan sa dalawang barangay ng Lamut, Ifugao. ❏ Sasaliksikin ito sapagkat ang wika ay mahalaga at kinakailangan ng isang bansa maging ng tao sapagkat ito ang ginagamit sa pakikipagkomunikasyon, pakikipag-ugnayan at pakikipagtalastasan ng bawat mamamayan. Ang pananaliksik na ito na pinamagatang Morpolohikal na Varayti ng Dayalektong Ayangan sa Bimpal at Magulon, Lamut, Ifugao ay mapakikinabangan ng sumusunod: Mga Ayangan sa Ifugao Mahalaga ang pag-aaral na ito para sa mga Ayangan nang may kamalayan sila sa morpolohikal na varati ng kanilang wikang ginagamit. Mamamayan ng Ifugao Mahalaga ang pananaliksik na ito para sa mamamayan ng Ifugao. dahil lahat ng taga-Ifugao ay marunong magsalita at nakaiintindi ng dayalektong Ayangan at makatutulong ito para magkaroon sila ng kaalaman sa morpolohikal na varayti ng dayalektong Ayangan sa Bimpal at Magulon, Lamut, Ifugao. Susunod na mananaliksik Makatutulong ang resulta ng pag-aaral sa mga susunod na mananaliksik dahil magiging basehan nila ito sa kanilang pananaliksik na may kaugnay sa pananaliksik na ito. Paradima ng Pag-aaral Layunin ng Pag-aaral
1. Matukoy ang morpolohikal na varayti ng wikang Ayangan na matatagpuan
sa Bimpal at Magulon, Lamut, Ifugao lalo na sa sumusunod: a. mga salita na magkasimbaybay at magkasingkahulugan b. mga salita na may pagkakatulad ang anyo ngunit iba ang kahulugan c. mga salita na may magkaibang katawagan ngunit pareho ang kahulugan d. mga salita na magkaiba ang baybay at kahulugan 2. matukoy ang dahilan kung bakit may baryasyon sa dayalektong Ayangan sa Bimpal, at Magulon, Lamut, Ifugao, at 3. makabuo ng isang Strategic Intervention Material para sa Grade 11. Kabanata II Disenyo ng Pananaliksik ● Ang pag-aaral na ito ay kwalitatibong uri ng pananaliksik na gagamitan ng palarawang paraan. ● Gagamitan din ito ng gabay na talatanungan para sa isasagawang panayam. ● Sa pagsusuri at pag-aanalisa, ang mga datos ay lalapatan ng pagsusuring istruktural upang maipakita ang sistemang pangwika ng mga Ayangan sa dalawang barangay ng Lamut, Ifugao. Lugar ng Pananaliksik Isasagawa ang pananaliksik sa Probinsya ng Ifugao, Munisipalidad ng Lamut partikular sa Brgy. ng Bimpal at Magulon. Napili ng mga mananaliksik na sa Bimpal at Magulon, Ifugao isasagawa ang pakikipanayam sa kadahilanang halos lahat ng mga mamamayan sa nasabing dalawang barangay ay Ayangan at kakaunti lamang ang mga Tuwali at Ilokano na nakatira doon. Mga Tagatugon Ang mga tagatugon sa pag-aaral ay mga katutubong Ayangan sa Brgy. ng Bimpal at Magulon, Lamut, Ifugao. Gagamitin ang purposive sampling para matukoy ang mga magiging tagatugon ng pag-aaral. Ang mga tagatugon ay pipiliin batay sa sumusunod na pamantayan: dalawampung taon (20) pataas nang naninirahan sa Bimpal at Magulon, Lamut. Ifugao; nakapagsasalita at nakauunawa ng wikang Ayangan, at katutubong Ayangan na may edad limampu (40) pataas. Paraan ng Pangangalap ng Datos 1. Magsasagawa ang mananaliksik ng sulat para sa dalawang kapitan ng Barangay Bimpal at Barangay Magulon. 2. Magtatakda ang mananaliksik ng araw kung kailan nila isasagawa ang pakikipanayam. 3. Unang pupuntahan ng mananaliksik ang mga mamamayan ng Bimpal bago ang barangay ng Magulon, Lamut, Ifugao. 4. Tatanungin ng mananaliksik ang pangalan ng mga tagatugon. 5. Isasagawa din ng mga kasunod na tanong ang mananaliksik sa mga tagatugon upang matasa ng mananaliksik ang katumpakan ng mga salitang Tagalog na isinalin. Matapos ang pakikipanayam ng mga mananaliksik sa mga kalahok ng pananaliksik ay dumaan sa pagkukumpara ang mga datos na nakalap. Mga Instrumentong Gagamitin Ang sumusunod ay ang mga kagamitang gagamitin upang maisagawa ang pag-aaral na ito: Camera, sa pagkuha ng imahen para sa dokumentasyon sa isasagawang panayam. Gabay na talatanungan, gagamiting gabay para sa isasagawang panayam. Pag-aanalisa sa mga Datos Pagkatapos masuri ang mga datos ay aalamin ng mga mananaliksik ang mga salita na may pagkakatulad na anyo, mga salita na may pagkakaibang anyo, mga salita na magkatulad ang anyo ngunit iba ang kahulugan, at mga salita na magkaibang katawagan ngunit iba ang kahulugan. Sinuri din ng mga mananaliksik kung magkalapit ang baybay ng mga salitang may magkapareho ang kahulugan.