Professional Documents
Culture Documents
Varayti ng Wika
MGA KASANAYANG PAMPAGKATUTO
1. Natutukoy ang iba’t ibang barayti ng wika na ginagamit sa
iba’t ibang sitwasyon sa pamamagitan ng pagtatala ng
termino.
2. Nagagamit nang wasto ang iba’t ibang barayti ng wika sa
maayos na pakikipagkomunikasyon.
3. Nasasagutan nang may pag-unawa ang mga gawaing
inihanda ng guro.
• Sa paglaon ng pagtalakay sa modyul na ito, ipakikita
ang mga paliwanag sa bawat barayti at kung paano
ito makatutulong sa debelopment ng isang wika.
Partikular din sa pag-aaral na ito ang maipakita ang
iba’t ibang barayti ng wikang Filipino gayundin ang
lawak ng gamit nito bilang pambansang wika at
tugon na rin sa estandardisasyon at
intelektwalisasyon nito.
IBA’T IBANG BARAYTI NG WIKA
• Batay sa isinagawang pag-aaral ng mga lingguwista, ang
barayti ng wika ay ang pagkakaroon ng natatanging
katangian na nauugnay sa partikular na uri ng katangiang
sosyo-sitwasyonal. Ito rin ang pagkakaiba-iba sa uri ng wika
na ginagamit ng mga tao sa bansa. Maaaring ang pagkakaiba
ay nasa bigkas, tono, uri at anyo ng salita. Nagbigay si John
Cafford (1965), sa kanyang aklat na A Linguistic Theory of
Transaction ng dalawang uri ng barayti ng wika.
A. Permanente para sa mga tagapagsalita o
tagabasa
Nabibilang dito ang sumusunod:
1. Diyalekto. Nakikita ito kaugnay ng pinaggagalingang lugar ng
tagapagsalita o grupo ng tagapagsalita sa isa sa tatlong
dimension: lugar, panahon at katayuang sosyal.
Halimbawa: Tagalog-Bulacan, Tagalog-Batangas, Tagalog-
Laguna
Panahon : Lumang Filipino, Makabagong Filipino
Katayuang Sosyal: Kinabibilangang antas sa lipunan
Sa loob ng iisang wika ay maaaring magkaroon ng mga barayti