Linawin po natin: Paano ba tayo mag-aaral ng Business Logic? Ano ang
papel ko bilang guro at kayo naman bilang mag-aaral?
Upang maunawaan natin ang salitang 'business logic' kinakailangan
munang alam natin ang kahulugan ng mga salitang 'business' o megosyo at 'logic' o lohika. Ang salitang business o negosyo ay nagmula sa salitang 'abala' na nangangahulugang paggawa ng mga bagay. Ito ay kilala bilang isang samahan kung saan nagtutulungan ang mga tao. Sa isang negosyo, nagtatrabaho ang mga tao upang gumawa at magbenta ng mga produkto o serbisyo upang magkaroon sila ng pagkakakitaan. Samantala amg kahulugan naman ng logic o lohika ay ukol sa isang agham na nag-aaral ng mga prinsipyo ng tamang pangangatuwiran. Samakatuwid, ang business logic ay isang sistema ng mga patakaran na gumagabay kung papaano nito mapapagana ang mga bagay bagay na may kaugnayan sa usapin ng negosyo. Sa pamamagitan nito, mas napapadali para sa mga tao na maintindihan ang pag aaplika't paggamit sa mga bagay bagay na may kinalaman sa usaping negosyo. Nagbibigay rin ito ng isang dahilan kung bakit gumagana ang mga bagay sa paraang ginagawa ng karamigan. Gayunpaman, tinutulungan rin tayo ng business logic upang makapagbigay ng mas mahusay na pakikipagkomunikasyon sa iba't ibang mga tao sa larangan ng pagnenegosyo.
Bilang isang guro, ang inaasahan kong magiging gampanin niyo sa
aming mga studyante niyo ay mas mapapalawak ninyo ang mga kaalaman namin hinggil sa larangan ng business at kung papaano namin mai-aaplika sa tunay na buhay ang mga stratehiya at tamang pag dedesisyon sa buhay at bilang isang mag-aaral naman, ang gampanin namin ay buksan ang aming isipan at diwa upang lubos na maunawaan ang mga posibleng maging talakayan ukol sa business logic, tungkulin rin namin bilang isang mag-aaral na maintindihan kung papaano namin mai-aaplika sa tunay na buhay ang mga posibleng talakayan na maituturo niyo sa amin.
Mga Gabay na Tanong:
1. Ano ang nakitang kaugnayan ni Paulo Freire sa uri ng edukasyon sa
kanyang bansa sa mga katangiang nahuhubog sa kanilang mga mamamayan?
Ayon kay Paulo Freire, ang aping kalagayang uri ng edukasyon sa
kanyang bansa ay may kaugnayan sa mga katangiang nahuhubog sa kanilang mga mamamayan bagkus ayon sa kanyang pagsisiyasat ang ganitong uri ng edukasyon ang sanhi ng pagpapanatili sa kanilang kaugaliang kahirapan. Ito rin ang pinagmumulan ng pagsasamantala ng ibang tao upang pagmalupitan ang ibang tao at magmataas sa kanilang lipunang kinapapalooban na kung tutuusin ay hindi naman nararapat. Hindi maikakailang laganap na ang hindi pantay na pagtingin sa mga mamamayang Pilipino simula pa man noong sinaunang panahon kung kaya naman ang mga taong nasa mababang antas o mga taong walang kakayahang mag-aral ay nananatiling mangmang at patuloy na inaalipusta ng mga taong mas may kakayahan sa buhay. Gayunpaman, ang ganitong uri ng sistema ay dapat nang bigyan ng wakas upang ang mga mamamayan ay hindi manatili sa pagiging maralita’t pagiging mangmang.
2. Ano ang nakita niyang mahalagang papel ng edukasyon sa lipunan?
Ang edukasyon o kilala rin sa tawag na “pagtuturo” ay isang uri ng
proseso ng pagpapadali ng pagkatuto, o pagkamit ng kaalaman, prinsipyo, kasanayan, kaugalian, moralidad, paniniwala, at paggawi sa isang lipunan. Alinsunod kay Paulo Freire, ang edukasyon ay may tinataglay na impluwensiya kung saan maituturing ito bilang isang mabisang kasangkapan sa pagkamit ng kalayaan laban sa mga taong mapagsamantala’t mapang- alipusta hinggil sa kababaan ng kalagayan ng bansa na mayroon sila sa kanilang lipunan. Ang edukasyon nga marahil ang susi upang mabago’t maging maayos ang takbo ng kanilang buhay. Bukod pa rito, sa pamamagitan ng edukasyon maaari nitong matulungan ang kanyang mga kababayan na malaman ang mga posibleng dahilan ng kanilang aping kalagayan at nang sa gayo’y mapalaya nila ang kanilang mga sarili mula sa pagkakaaping ito.
3. Pagbasa at pagsulat lamang ba ang hangad ni Freire na ituro sa kanyang
mga kababayan sa pamamagitan ng kanyang mga literacy programs?
Ayon sa teksto, hindi lamang pagbasa at pagsulat ang hangad ni Paulo
Freire na maituro sa kanyang mga kababayan bagkus isa rin sa kanyang layunin ang pagpukaw ng damdamin at ng isipan ng kanyang mga kababayang magsasaka. Ninanais ni Freire na maipabatid sa kanyang libo- libong mga kababayang magsasaka ang pag-asa na maaari nilang makamit kung gagamitin lamang nila ang kanilang nasabing galing at kaalaman hinggil sa iba’t ibang mga usapin. Sa pamamagitan nito, maaari silang magkaroon ng mas kapakipakinabang at mas maayos na pakikisalamuha sa pang-araw- araw na pagpapasya na may kinalaman sa paghubog ng kanilang kinabukasan at sa kanilang buhay.
4. Ano ang kabuluhan ng pilosopiya at programang pang-edukasyon ni Freire
sa atin? Ayon sa teksto, ang pilosopiya at programang pang edukasyon ni Freire ay maituturing na isa sa mga pinakamakabuluhang programa para sa ating mga Pilipino ito marahil ay karamihan sa ating mga mamamayan ay nabibilang sa mga antas ng may mabababang uri sa lipunan at kawalang kabuluhan sa pakikisalamuha sa pang-araw-araw na pagpapasya sa ating bansa. Gayunpaman, sa pamamagitan ng mga programang ito na inilunsad ni Freire nabigyan ng pagkakataon ang mga mamamayang Pilipino na malaman at matuklasan na ang kahirapan ay hindi hadlang sa pagpapalaya ng kanilang sarili mula sa mga taong mapang-abuso’t mapagmataas. Dagdag pa rito, sa pamamagitan rin nito nagkaroon sila ng pagkakataon upang palayain ang kanilang mga sarili sa pamamagitan ng sama-samang pag-usad sa aping kalagayan.
5. Ano ang bokasyon ng tao para kay Paulo Freire?
Ang bokasyon ng tao para kay Paulo Freire ay ang pagpapahalaga sa
bawat tao dahil naniniwala siya na ang pundasyon ng kaalaman sa pagkatuto ay nagmumula sa bawat indibibwal upang maging ganap ang pagkatao nito. Sa pamamagitan ng mga programa na kanyang inilunsad ay naglalayong mapa-unlad ang pagkatao ng bawat indibidwal nang sa gayo’y mabawasan na ang pagkakaroon ng mga taong inaapi dulot ng kahirapan na siyang dahilan ng kanilang kamangmangan.
6. Ano ang tunay na kalagayan ng tao sa lipunan ayon sa kanya?
Ayon kay Paulo Freire, ang tunay na kalagayan ng tao sa lipunan ay
nakapanlulumo’t nakakagalit dahil ipinagkakait sa mga taong may mabababang antas sa lipunan na makamit ang pinakamaayos na bersyon ng kanilang pagkatao sa halip ay binabahidan ito ng dungis. Ipinagkakait rin sa kanila ang mga karapatan na makisalamuha sa pang-araw-araw na pagpapasya, ang pagpapanatili sa kalagayan na maging mahirap at maging mangmang. Bukod pa rito, nabanggit rin sa teksto ang pagkakaroon ng kalagayang dominasyon sa silid-aralan at maging sa lipunan kung saan ang mga mag-aaral at mga mamamayan ay nananatiling limitado lamang ang kaalaman na mayroon sila dahil sa pagmamataas ng iilan sa mga nasa may maayos na katayuan sa buhay, napagkakaitan ang mga mabababang uri na maturuan kung papaano maging mapanuri’t mapanghusga kung kaya’t sila ay madaling mabiktima ng panloloko’t pang-uuto ng ilan.
7. Ang edukasyong pagbabangko; pagdadayalogo
A. Ano ang gawain ng guro sa edukasyong pagbabangko?
Pagdadayalogo? Sa usapin ng edukasyong pagbabangko, ang gawain ng guro dito ay ang magdeposito samantala sa usapin naman ng edukasyong pagdadayalogo, ang gawin ng guro dito ay ang makipagdayalogo hindi lamang magdeposito ng mga kaalaman.
B. Sa paanong mga pamamaraan isinasagawa ang edukasyong
pagbabangko? Pagdadayalogo?
Sa usapin ng edukasyong pagbabangko, ang mga mag-aaral rito ay
mga pawang posibong tagatanggap lamang kung saan pinupunan ng guro ng mga kaalaman ang isip ng mga mag-aaral, inililipat at isinusubo na lang ang mga kaalaman sa mga mag-aaral, walang pagpapalitan ng impormasyon at kaalaman na nagaganap sa uri ng pamamaraang ito kung kaya’t ang guro lang ang may alam at ang mga mag-aaral ay walang alam. Sa kabilang banda, sa usapin naman ng edukasyong pagdadayalogo, hindi lamang basta inililipat at isinusubo ng guro ang mga kaalaman sa mga mag-aaral sa halip ay inaanyayahan rin nito ang bawat mag-aaral na makiisa’t makisama sa pagtuklas ng katotohanan at pakikilahok sa talakayan. Sa pamamaraang ito ay hinahamon ng guro ang mga mag-aaral na tumayo sa kanilang mga sariling paa’t desisyon, may pagpapalitan ng impormasyon at kaalaman na nagaganap sa uri ng pamamaraan na ito.
C. Ano ang papel ng mga mag-aaral sa edukasyong pagbabangko?
Pagdadayalogo?
Sa usapin ng edukasyong pagbabangko, ang papel ng mga mag-aaral
rito ay mga pawang posibong tagatanggap lamang, mga tagapakinig at mga tagakopya lamang; at mga tagasaulo lamang ng mga impormasyon at kaalaman na ibinigay sa kanila samantala sa usapin naman ng edukasyong pagdadayalogo, ang papel ng mga mag-aaral rito ay hindi lang basta sumalo ng mga yaring kaalaman sa halip ay maging mag-aaral na guro, sila ay itinuturing na mga aktibong kalahok sa pakikipagdayalogo sa guro upang makilahok sa pagsisiyasat at pagtuklas ng katotohanan.
D. Ano ang ipinahiwatig ng ganitong pamamaraan (pagbabangko;
pagdadayalogo) kung ano ang guro? Mag-aaral?
Sa usapin ng edukasyong pagbabangko, ipinahiwatig ng ganitong
pamamaraan na ang guro ay may alam at ang mga mag-aaral naman ay walang-alam na tila naghihintay lamang sa mga yaring kaalaman na ibinibigay ng guro samantala sa usapin naman ng edukasyong pagdadayalogo, ipinahiwatig ng ganitong pamamaraan na ang guro ay may malalim na pagtitiwala sa kakayahan ng kanyang mga mag-aaral na mag-isip, magpasya at kumilos para sa sarili at ang mga mag-aaral ay malinaw na nauudyukan na mag-isip, magpasya’t kumilos ng naaayon sa kanyang sariling kakayahan at kagustuhan.
E. Paano hinuhubog ang mga mag-aaral sa ganitong pamamaraan ng
pagtuturo (pagbabangko; pagdadayalogo?)
Sa usapin ng edukasyong pagbabangko, ang mga mag aaral rito ay
parang mga makinang tagasunod lamang sa mga yaring kaalaman na ibinibigay, walang kakayahang mag-isip, magpasya’t kumilos para sa sarili samantala sa usapin naman ng edukasyong pagdadayalogo, ang mga mag- aaral rito ay nauudyukan na mag-isip, magpasya’t kumilos ng naaayon sa kanyang sariling kakayahan at kagustuhan.
F. Ano ang papel ng edukasyon sa lipunan sa ganitong pamamaraan?
Sa usapin ng edukasyong pagbabangko, ang edukasyon sa
pamamaraang ito ay maituturing na isang kasangkapan ng pang-aapi’t pagmamataas ng mga taong may magandang katayuan sa buhay samantala sa usapin naman ng edukasyong pagdadayalogo, ang edukasyon ay maituturing na susi sa pagkakabuo ng pagkatao ng bawat indibidwal, kung saan may kalayaan ang mga tao na tumutol at sumalungat sa mga pagpapasya na ‘di kanais-nais, may kalayaang mag-isip at kumilos para sa sarili.
8. Anong edukasyon ang itinataguyod ng paggamit ng Ingles: pagbabangko o
pagdadayalogo? Bakit?
Ang edukasyong pagbabangko ang itinataguyod ng paggamit ng Ingles
dahil hinahati nito ang lipunan sa mga nakakaunawa at sa mga hindi nakakaunawa. Sa paggamit ng wikang banyaga bilang wikang panturo, karamihan ay mangmang sa diyalektong ito at iilan lamang ang nakakaunawa kung kaya’t ang karamihan ay bulag na tinatanggap na lamang ang mga impormasyon at kaalaman na ibinibigay sakanila sa halip na suriin at tuklasin ito sa pamamagitan ng sariling kakayahan, kilos at pagpapasya. Gayunpaman, dahil hindi sila sanay na gumamit ng wikang banyaga, kahit na marami silang mga ideya o kaalaman na nais ibahagi mas pinipili na lamang nilang itikom ang bibig sa takot na baka sila’y magkamali sa kanilang pagsasalita’t kakayahang makipagtalastasan sa ibang tao. Baterisna, Ma. Regina D. 10/30/21 BSA 1-9
1. Ano ang halaga ng lohika sa accountancy?
Ang Accountancy ay isang programa na nangangailangan ng mga mag-
aaral na mag-isip nang kritikal, at magkaroon ng mahusay na mga kasanayan sa pagsusuri. Ang pag-uugnay nito sa lohika, marami itong pagkakatulad, kung saan sa lohika, kailangan ding mag-isip ng mapanuri at makapagsuri ng mga argumento upang malaman kung ito ay mabuti o masamang argumento. Samakatuwid, sa pamamagitan ng pag-aaral ng lohika, pinahuhusay natin ang mga kritikal na pag-iisip at mga kasanayan sa pagsusuri, nagtuturo ito sa atin kung paano natin matutukoy kung tama o mali ang isang bagay. Sa pamamagitan nito, ito ay nakakatulong sa amin na maging mas mahusay sa pag-aaral ng accounting, dahil dito, kailangan nating palaging pag-aralan ang problema bago natin sagutin ito, pag-iisip nang kritikal at pangangatwiran kung paano nakakaapekto ang mga transaksyon sa negosyo. Panghuli, tulad ng sa lohika na hindi lahat ng mga argumento ay magkakaroon ng isang tunay na konklusyon, sa accounting, hindi lahat ng mga balanse ay magagarantiya na ang isa ay nasuri nang tama ang lahat ng transaksyon.
Mahalaga ang lohika sa pagiging isang accountancy student. Bilang mga
accountant sa hinaharap, malapit na tayong makibahagi sa paggawa ng malalaking desisyon ng kumpanya. Ang tunay na laban sa propesyon ng accountancy ay ang pagpapanatili ng iyong kaugnayan sa propesyon. Ang aming malapit nang maging mga lisensya ay hindi isang garantiya na kami ay may sapat na kakayahan upang maging isa -ito ay ang mga kakayahan na mayroon kami. Isang kasanayan tulad ng lohika. Ang pagiging isang lohikal na palaisip ay magiging mas epektibo at mahusay sa ating napiling larangan.
SUMMARY OF BUSINESS LOGIC (pp.1-22)
■ Kailan wasto ang pangangatwiran? (Suliranin sa LOHIKA)
- Batay sa teksto, wasto ang katuwiran kung ang nabanggit na katibayan o premise ay totoo, at kung ipagpapalagay po natin na wasto ang katibayan, tiyak na totoo rin ang pinatutunayan.
■ Ang batayan ay kabulaan o hindi totoo.
■ Ang kawastuhan ng pangangatwiran ay hindi nakabatay sa pagiging totoo ng katibayan. Basta ang katibayan (totoo man o hindi) ay ipinahihiwatig o ipinakahuhuluganan ang pinatutunayan, wasto ang pangangatwiran. ■ Ang limitasyon ng lohika - Lohika bilang isang agham ay may kinalaman lamang sa kawastuhan ng pangangatwiran. - Ang tanging tinatanong nito ay kung ipagpapalagay na totoo ang katibayan, nangangahulugan ba na totoo rin ang pinatutunayan. Isasantabi nito ang katanungan kung ang katibayan ba ay totoo o hindi. Ang tangi nitong bibigyan ng pansin ay kung wasto ba ang pangangatwiran. ■ Bakit mahalaga ang “LOHIKA”? dahil mahalaga ang wastong pangangatwiran sa paghahanap ng katotohanan, ngunit hindi pa ito sapat. Isa lamang ito sa mga kasangkapan upang mahanap ang katotohanan. Kinakailangan rin ng karanasan upang magsilbing batayan ng ating mga pangangatuwiran. Kinakailangan rin natin na makisangkot sa mundo/lipunan na ating ginagalawan dahil sa ganoong paraan matutuklasan natin ang mga bagay na totoo. Bukod dito, kinakailangan rin nating kumilos, dahil ang pagkilos ay isa ring paraan upang mapagyaman natin ang ating mga nalalaman hinggil sa iba’t ibang mga bagay/usapin. - Ang kagalingan ay mahahasa lamang sa pamamagitan ng patuloy na pagsasanay. Gayunpaman, sa tulong ng LOHIKA ay magkakaroon tayo ng galing at mass magiging madali na ito para sa atin. ■ Ano ang “PANGANGATUWIRAN”? Ang pagtamo ng bagong kaalaman batay sa ipinahihiwatig ng dati nating alam. - Kapag tayo ay nangangatuwiran, tayo’y may pinatutunayan, kaya tayo ay nagbibigay ng katibayan. (November 07, 2021) ■ Suliranin: May mga pagkakataon ba na ang inaakala natin na alam natin ay isa palang kamalian (error)? ■ EPISTEMOLOHIYA - “kailan ba natin alam ang isang bagay?” ■ May dalawang sangkap ang kaalaman: ang pagiging tiyak at ang katiyakan ay kung ano nga ba ang totoo. ■ Ang pag-iisip ay anumang gawain na ang layon ay matamo ang katotohanan. - Ako ay nasa katotohanan kung ang aking iniisip o ang hatol ng aking isipan ay tugma at umaayon sa katunayan o realidad. Kailangan natin ang katotohanan bilang batayan sa pagpapasya at gabay sa ating mga pagkilos. ■ Ang pagpapahayag at pagsasabuhay ng katotohanan ay maaaring humantong sa kapahamakan at kamatayan. ■ natatamo natin ang katotohanan o tayo ay nakakaalam, sa sandaling ating nakita o nasaksihan ang paglalantad o pagbubunyag ng katunayan sa atin. Ang pagbubunyag, paglantad na ito ng katunayan na ating nasasaksihan ay tinatawag na katibayan o ebidensya. Ito ang sukatan o pamantayan ng katotohanan. ■ Pag-alam: ang pagsaksi sa pagbubunyag ng katunayan. ■ Paghatol: ang gawaing pangkaisipan kung saan tayo ay umaayon o tumatanggi tungkol sa isang bagay. ■ Ang tuwirang pag-alam sa katunayan kung saan ito ay sariling hayag sa atin at tinatawag na intwisyon. ■ Payak na pag-unawa pa lang kung ang tangi nating ginagawa ay ang makuha ang kahulugan o esenysa ng isang bagay na walang ginagawang pagsang-ayon o pagtanggi tungkol dito. Sa sandaling tayo ay sumang-ayon o tumutol, yaon ay paghatol na. ■ Kaiba ng intwisyon kung saan tuwiran nating nalalamang ang katunayan dahil ito ay sariling hayag sa atin, sa pangangatwiran, di-tuwiran nating nalalaman ang katotohanan, dahil ito ay naihahayag sa atin batay sa ipinahihiwatig ng iba nating alam ■ Tatlong gawaing pangkaisipan: 1) payak na pag-unawa kung saan ating nakukuha ang kahulugan o esensya ng isang bagay; 2) paghatol: kung saan tayo ay sumasang-ayon o tumututol kung ano ang tunay tungkol sa isang bagay at 3) pangangatwiran kung saan nakakatamo tayo ng bagong kaalaman batay sa ipinahihiwatig ng dati nating alam
(November 13, 2021)
“ILANG MGA KAMALIAN FALLACIES” ■ Ang mga mapanlinlang na pangangatwiran na ginagamit nang sadya ay tinatawag na sopismo, hango sa mga Sopista ng Sinaunang Gresya. ■ Sopista ay mga guro ng sining ng pakikipagtalo. Ngunit di tulad ng mga Pilosopo na ang layunin ay ang matamo ang katotohanan, ang kanilang layunin ay tagumpay sa pagtatalo. - Kaya, kahit ang kanilang paninindigan sa isang usapin ay kabulaanan, ipagpipilitan pa rin nila itong pangatwiranan. ■ Kung nais nating maiwasang malinlang, kailangang alam natin ang kanilang mga kaparaanan. - Hangad naman natin ang katotohanan, kaya dapat patuloy nating pag- aralan ang mga pangangatwirang mapanlinlang. ■ Isang halimbawa ng pangangatwirang gumagamit ng mga katibayang walang kaugnayan sa pinag-uusapan. - Bilang pagtatanggol sa nasasakdal, ang isang abogado ay nangatwiran ng ganito: paano magiging mamamatay-tao si Juana, gayong alam naman ng nakararami na siya ay siang babaeng napakamadasalin at maawain sa kpwa? Kung siya ay mabilanggo, sino ang magpapakain sa kaawa-awa niyang mga anak? - Sa halip na patunayan ang dapat patunayan, na sa ating halimbawa ay ang kawalan ng kasalanan ni Juana, ang pinatunayan dito ay mga bagay na malayo sa pinag-uusapan. Hindi naman pinag-uusapan dito kung si Juan ay madasalin o hindi, kundi kung siya ay pumatay o hindi. - Ang taong walang maikatwiran o dahop sa katibayan, iniiba ang usapan o lumilihis sa paksang pinagtatalunan. - Tulad sila ng mga tagapagtanggol ng pamahalaan na sadyang iniiba ang usapan upang ilayo ang atensyon ng ating mga mamamayan sa mga kapalpakan, kapabayaan at pagmamalabis ng mga nasa katungkulan at sa kanilang malinaw na pananagutan sa lumalalang mga suliranin n gating bayan tulad na lamang ng kriminalidad sa ating mga lansangan, katiwalian sa pamahalaan, pagnanakaw sa kaban ng bayan at tumitinding kahirapan ng ating mga mamamayan. ■ Argumentum ad hominem - Ang pag-atake laban sa isang tao sa halip na atakihin ang kanyang sinabi upang ipakita na kabulaanan ang kanyang sinabi. Layon ng ganitong pangangatwiran na siraan ang kredibilidad ng katunggali, upang bigyang alinlangan ang katotohahan ng kanyang sinabi. - Sa isang pagtatalo, ang dapat atakihin ay ang ipinahayag ng kausap at hindi kung sino o ano siya. ■ Argumentum ad baculum - Sa halip na mangatwiran, iniba ang usapan sa pamamamagitan ng pananakot. ■ Argumentum ad misericordiam - ang pagmamakaawa sa halip na pagbibigay ng katwiran, upang mapasang-ayon ang isang kausap. ■ Argumentum ad populum - Sa ganitong pangangatwiran, sa halip na magharap ng katibayan, upang mapasang-ayon ang kausap, pinupukaw na lamang ang kanyang damdaming popular o mga paunang hatol. ■ Argumentum ad verecundiam - ang pagbanggit sa pahayag ng isang diumanong dalubhasa tungkol sa isang usaping labas naman sa kanyang kadalubhasaan bilang patunay na totoo ang isang paninindigan. ■ Argumentum ad ignorantian - Ito ay ang paghatol na ang isang pahayag ay totoo dahil hindi ito napatunayang kabulaanan o na ang pahayag ay kabulaanan dahil hindi ito napatunayang totoo.
IBA PANG KAMALIAN
■ Begging of the question - ang pagpapalagay na totoo sa simula pa, ang pahayag na dapat pa ngang patunayang totoo. Sa halip na magbigay talaga ng katibayan upang patunayan ang dapat patunayan, ipinagpapalagay na totoo na ang pinatutunayan, sa pamamagitan ng paggamit bilang katibayan diumano, ng isang pahayag na kasingkahulugan nito. ■ Kamalian ng maling sanhi - ang pagkamalan ang isang naunang pangyayari na siyang sanhi ng sumunod dito. Dahil ang dalawang pangyayari ay magkasunod na nangyari, hindi sapat na batayan na sila ay may ugnayan bilang sanhi at bunga. Maaring nagkataon lamang.