Itinatakda ng Artikulo XIV Seksyon 6 ng 1987 Kostitusyon na ang
Filipino bilang wikang pambansa ay itinatadhanang opisyal na wika ng edukasyon. Bilang pagtugon, ang Commission on Higher Education o CHED na itinatag noong 1994 sa bisa ng Commission on Higher Education Act ay nagpalabas ng kanyang kauna-unahang kautusan noong 1996. Ito ang CHED MEMORANDUM No. 59 s. 1996 o “New General Education Curriculum” (GEC). Isinasaad ng kurikulum na ito na simula 1997, ang GEC-Filipino rekwayrment ay siyam (9) na yunit katumbas ng tatlong (3) kurso / sabjek para sa Humanities, Social Sciences at Communication o HUSOCOM na mga digri.
Ang CHED ng kautusan at ito ay ang Commission Memorandum (CM)
No. 04 s. 1997, ang “Guidelines to Implementation of CMO No. 59 s. 1996 (GEC). Dito, nakasaad ang anim (6) na yunit ng Filipino rekwayrment katumbas ng dalawang (2) kurso/sabjek para sa mga digring di-HUSOCOM. Sapagkat magsasampung taon na ang implementsyon ng nasabing memorandum noong 2007, nakita ang pangangailangan sa pagsasagawa ng ebalwasyon.
Benapisyaro ng CHED MEMO no. 59, s. 1996
Ang CHED MEMO no. 59 s. 1996 ay nakakatulong ng mga mag-aaral na
kumukuha ng edukasyon sa pamamagitan ng mga sumusunod: 1. Makadebelop ng kakayahan ng mga mag-aaral sa larangan ng mataas, kritikal at masining na pag-iisip at mas malawak na pagkaunawa at gawaing pagpapahayag sa iba’t ibang tunay na sitwasyon; 2. Mapalawak ang siyentipiko at teknolohikal na kaalaman at kakayahan bilang dan sa pagpapalago ng mga nakataong kalakasan para sa sariling pag-unlad at pagtataguyod ng kagalingang panlahat; 3. Madebelop at maliwanagan ang mga mag-aaral sa kanilang pangako sa pambansang mithiin sa pamamagitan ng pag-unawa, pagpapanatili at pagpapaunlad ng mga kaaya-ayang tradisyon at pagpapahalaga nng lahing Pilipino; 4. Makapagtamo ng produktibo at entreprenyurial na kakayahan, kagandahang-asal sa trabaho at kaalamang pangkabuhayan ng mahalaga sa matalinong pagpili at pagpapakadalubhasa sa magiging propesyon. 5. Makatamo ng mga kaalaman, makahubog ng mga kanais-nais na pag-uugali at matutunan ang mga moral at ispiritwal na pagpapahalaga sa pagkaunawa sa kalikasan at hangarin ng tao sa sarili, kapwa tao at sa iba pa, kultura at lahi sa sariling bansa at maging sa komunidad ng mga nasyon; at 6. Mapataas ang sariling kakayahan at pagpapahalaga sa sining at isports. Sa pangkalahatan, ang CHED MEMO no. 59, s. 1996 ay nakatutulong na makadebelop ng mga mag-aaral na nagtataglay ng sapat na mga kaalaman, kakayahan, at kasanayan sa paggamit ng akademikong wika sa pakikipagtalastasan upang masabing mahusay at mabisang komyunikeytor sa Filipino.
Saligan ng Pagkakabuo ng Asignaturang Pagtuturo at Pagtataya sa Panitikan
Legal na batayan ng paggamit ng Wikang Filipino bilang wika ng edukasyon. Isinasaad ng artikulo XIV, Sek. 7 ng 1987 konstitusyon…”Ukol sa mga layunin nng komunikasyon at pagtuturo ang wikang opisyal ng Pilipinas ay Filipino at hangga’t walang itinatadhana ang batas, Ingles…”Kung kaya’t ang Pananaw sa Wikang Filipino ay ang katutubong wika na ginagamit sa buong bansa bilang wika ng komunikasyon ng mga etnikong grupo. Katulad ng iba pang wikang buhay, ang Filipino ay dumaraan sa proseo ng paglinang sa pamamagitan ng panghihiram sa mga wika ng Pilipinas at mga di katutubong wika sa ebolusyon ng iba’t ibang varayti ng wika para sa iba’t ibang sitwasyon sa mga nagsasalita nito na may iba’t ibang saligang sosyal at para sa mga paksa ng talakayan at iskolarling pagpapahayag (KWF Resolusyon Blg. 96-1, Agosto 26, 1996).