Mga Gamit sang Kuryente

PAHIBALO:
MAG-GAMIT SANG SEPARADO NGA PAPEL UKON ANSWER
SHEET SA PAGSABAT SANG MODYUL. LIKAWAN ANG PAGSULAT
UKON PAGHIGKO SA DIIN MAN NGA BAHIN SANG SINI NGA
MODYUL. MADAMO GUID NGA SALAMAT.
 Hibalua Ini
Ini nga modyul gin-obra kag ginsulat nga ikaw ang gina-
panumdom. Ini magabulig para imo mahibaluan mga nanarisari
nga gamit sang kuryente.
Ang ini nga modyul magahatag sang kahigayunan para mag-
gamit sa nagakalainlain nga sitwasyon sang pagtuon. Ang linggwa-
he nga gingamit amo ang Hiligaynon agud nga maintindihan pa
gid sang maayo ang leksyon.
Ini nga modyul nahanungod sa leksyon nga “Mga Gamit sang
Kuryente”.
Pagkatapos mo sabtan ang ini nga modyul, ikaw ginalauman
nga makalaragway sang mga gamit sang kuryente

Tinguhai Ini
Direksyon. Isulat ang H kon husto ang ideya kag I kon indi husto.
Isulat ang sabat sa imo papel.
1. Ang kuryente mahimo nga ginahalinan sang init.
2. Ang kuryente nagapasanag sa mga panimalay paagi sa mga
suga nga nagagamit sini.
3. Nagahatag sing katawhay sa imo pangabuhi ang kuryente paagi
sa mga appliances nga nagagamit sini pareho sang washing ma-
chine, electric flat iron kag rice cooker .
4. Nagahinay ang obra kon may kuryente.
5. Ang kuryente nagahatag sing kalingawan sa imo pagpangabuhi
paagi sa mga appliances nga nagagamit sini pareho sang
telebisyon, karaoke kag cell phone.
LEKSYON

7 Mga Gamit sang Kuryente

May ara bala kamo gamit sa balay nga ginapaandar sang baterya
ukon kuryente pareho sang suga, radyo, telebisyon kag cell phone?
Ano ang matabo kon wala sang baterya ukon kuryente?
Ang kuryente isa ka mapuslanon nga butang sa kabuhi sang mga
tawo. Ini makahatag sang kalingawan kag makabulig sa
pagpamag-an kag pagpadasig sang obra.
Diskubreha kon ano pa ang mga gamit sang kuryente.

Balikan Mo
Direksyon: Magdrowing sa kahon sang mga butang nga nagapakita
sang gamit sang init. Himu-a ini sa papel
 Diskubreha/Tukiba
Direksyon: Diin ang mas gusto mo sa duha ka laragway, ang may
kuryente ukon ang wala? Ngaa?

A. Wala Kuryente B. May Kuryente

Usisa-a Ini
Ang kuryente isa sa pinaka importante nga kinahanglanon sang
tawo sa subong nga moderno nga panahon. Ini ang naga pa--
andar sang halos tanan nga appliances. Ini isa ka mapuslanon nga
butang nga makabulig sa pagpadasig sang obra kag pagpahapos
sang pangabuhi.

Mga Gamit sang Kuryente:

Sa paghatag sang kasanag sa palibot.

Nagapasiga sang mga bombilya kag
mga fluorescent lamp agud magsanag
ang balay, hulot-klasehan kag iban pa
nga lugar.
Sa pagpabilin nga matugnaw ang tem-
peratura sa mga hulot.
Ang mga air-conditioning unit kag elec-
tric fan mga halimbawa sang de-kuryente
nga butang
nga nagapabugnaw sang palibot.

Sa pagpa-andar sang mga appliances.

Ang kuryente kinahanglanon para mapa-
andar ang mga appliances nga gi-
nagamit sa pagluto pareho sang rice
cooker kag pagpreserbar sang pagkaon
pareho sang refrigerator.

Sa pagpa-andar sang mga gamit para sa

kalingawan kag komunikasyon.
Ang kuryente kinahanglanon para mapa-
andar ang cell phone nga ginagamit sa
pagtawag, sa pagpadala sang mensahe
kag sa kalingawan.

Sa pagpa-andar sang mga medikal nga

galamiton sa ospital kag laboratoryo.
Ang kuryente kinahanglanon para mapa-
andar ang mga galamiton sa ospital
pareho sang X-ray machine kag CT scan-
ner.
 Sa pagpa-andar sang mga galamiton sa
pabrika kag industriya.
Ang kuryente ginagamit sa pagpa-andar
sang mga hurnuhan (oven) kag mga
pangmiksla (mixer) para sa paghimo sang
tinapay, biskwit, dulse kag iban pa nga
pagkaon.

Maghanas
ACTIVITY A: Basaha ang mga dinalan sa idalom kag kumpletuha ini.
Magpili sing husto nga tinaga sa sulod sang kahon. Isulat ang sabat
sa imo papel.
magsanag mabugnaw makaluto
mapreserbar komunikasyon

1. Ang kuryente nagapasiga sang bombilya kag flourescent lamp

para ____________ ang panimalay.
2. Ang kuryente ginagamit sa pagpaandar sang refrigerator para
______________ ang mga pagkaon.
3. Ang kuryente ginagamit sa pagpa-andar sang cellphone para sa
kalingawan kag ________________.
4. Ang kuryente ginagamit sa pagpabilin nga ______________ang
temperatura sang mga hulot.
5. Ang oven ginagamitan sang kuryente para ______________ sang
tinapay.
ACTIVITY B: Isulat ang HUO kon ang dinalan nagalaragway sang
gamit sang kuryente kag WALA kon wala nagagamit. Isulat ang imo
sabat sa papel nga may tig-ulo Hilikuton 5.
1. Nagapa-andar sang electric fan para mapabilin nga mabugnaw
ang hulot.
2. Ginagamitan sang kuryente ang pagpa-andar sang radyo nga
nagahatag sang kalingawan.
3. Gintawag sing matunog ni Nanay si Tatay sa pihak nga balay.
4. Nangin matawhay ang pagpanglakaton sa gab-i kay may street-
lights na nga nagasiga.
5. Nagatililingub ang pamilya sa paglantaw sang paborito nila nga
drama sa telebisyon.

Tandaan
Direksyon: Ang mga laragway sa sunod nga pinanid nagapakita
sang mga butang nga nagagamit sang kuryente. Kumpletuha ang
nga dinalan nahanungod sa mga gamit sini.

1. Ang kuryente ginagamit sa pagpa-

andar sang cell phone para sa
_____________.
2. Ang kuryente ginagamit sa pagpasiga
sang bombilya para ______________ang
balay.

3. Ang kuryente ginagamit sa pagp- an-

dar sang telebisyon para maghatag sang
_____________.

4. Ang kuryente ginagamit sang electric

kettle para ______________ ang tubig.

5. Ang kuryente ginagamit sa electric

stove para ____________ sang pagkaon.
 Himua Ini
Isulat ang mga gamit ukon appliances nga makita sa balay ukon sa
eskwelahan nga nagagamit sang kuryente. Sunod sini, isulat man
kon paano ka magkini sang kuryente kon ara ka sa mga lugar nga
ini.

Gamit /appliances
Pamaagi sa Pagkini
Lugar nga ginagamitan
sang kuryente
sang kuryente
Balay
Eskwelahan

Pagtakus sang Imo Ihibalo

Direksyon: Sabti ang mga masunod nga pamangkot.
1. Nagapanawag ang imo nanay sa cellphone. Sang imo na ini sab-
ton, napatay ini kay wala na sang battery. Ano ang imo himuon
para magamit mo ang cell phone?
2. Paano nangin mahapos kag masulhay ang paghulag sa sulod
sang balay kon gab-i?

Dugang nga mga Hilikuton

Direksyon: Magsulat ukon magdrowing sang lima(5) ka mga butang
nga ginagamitan sang kuryente sa imo palibot.
TINGUHAI INI BALIKAN DISKUBREHA
1.H Possible nga mga sabat Depende sa sabat sang
2. H (laragway sang isda nga gina bulad, hinalay nga bumulutho
3. H linabhan,tinig-ang
4. I
5. H
MAGHANAS A TANDAAN PAGTAKUS SA IMO IHIBALO
1. masanag 1.komunikasyon 1. E-charge ang cell phone gamit ang kuryente
2. mapreserbar 2.magpasanag 2. Masanag ang palibot kay nagasiga ang suga
3. komunikasyon 3.kalingawan gamit ang kuryente.
4. mabugnaw 4.magpabukal
5. pagluto 5.magluto
MAGHANAS B DUGANG NGA HILIKUTON
1. HUO ( mga possible nga sabat)
2. HUO 1. laragway sang telebisyon
3. WALA 2. laragway sang refrigerator
4. HUO 3. laragway sang cellphone
5. HUO 4. laragway sang electric fan
5. laragway sang oven
HIMUA INI
Lugar Gamit nga ginagamitan sang Pamaagi sa Pagkini sang
kuryente kuryente
Balay telebisyon patyon kon wala na ginagamit
Eskwelahan suga patyon kon wala na ginagamit
Key Answer