Professional Documents
Culture Documents
KAGAWARAN NG EDUKASYON
DIVISION OF MISAMIS ORIENTAL
LIBERTAD NATIONAL HIGH SCHOOL
Libertad, Misamis Oriental
I. Kasanayang Pampagkatuto
Layunin: Pagkatapos ng aralin, ang mga mag-aaral ay inaasahang:
a. Nasusuri ang pagkakaiba at pagkakatulad ng estilo ng pagbuo ng tanka at haiku. (F9PB-IIa-b-
45)
b. Nasusuri ang tono ng pagbigkas ng napakinggang tanka at haiku (F9PN-IIa-b-45)
c. Naisusulat ang payak na tanka at haiku sa tamang anyo at sukat (F9PU-IIa-b-47)
II. Paksang-Aralin:
A. Paksa: KALIGIRANG PANGKASAYSAYAN NG TANKA AT HAIKU
B. Sangguniang Aklat: Panitikang Asyano
Modyul ng Mag-aaral sa Filipino 9 (p. 91)
PANALANGIN
Paghawan ng mga balakid ( pagpulot ng mga basura sa ilalim ng upuan at pag-ayos ng sarili sa
pagkakaupo)
Magandang umaga sa lahat! Bago tayo magsimula sa ating aralin ay may ipakikita akong
larawan ng mga watawat at susubukan niyong hulaan kung anong bansa ito.
(PAGPAPAKITA NG MGA WATAWAT NG MGA BANSANG NASA SILANGANG ASYA)
Balikan natin ang mga mahahalagang impormasyon tungkol sa Silangang Asya. Maaari niyo
bang basahin ang mga nasa screen?
Ang Silangang Asya ay binubuo ng tatlong matatandang bansang Tsina, Korea (Hilaga
at Timog), at Hapon
Espesyal na administratibong rehiyon: Hongkong, Taiwan at Macau.
Kilala ang rehiyong ito dahil sa nagpapatuloy nitong kasaysayan na libo-libo na ang
tanda, malakas na pwersang military, maunlad na ekonomiya, at matinding
impluwensyang kultural.
Nasakop ng Dinastiyang Tang ang buong rehiyon.
Hindi nasakop ng anumang dayuhan ang bansang Hapon
Sa Korea, ang natatanging tao na may sariling kulturang mula sa isang lahing
nagkahalo-halo na Manchus, mga Malay at Tsino.
B. Pagganyak
SAGOT MO, ITIPA MO! (21st Century Educational Game)
At para naman sa pagsisimula ng ating aralin ngayong araw, mayroon kayong larawan na susuriin.
Papayagan ko kayong gumamit ng inyong mga cellphone at buksan ang inyong Messenger app at
hanapin ang aking pangalan. Doon niyo ititipa ang inyong pagsusuri sa larawan. Ang unang tatlong
mag-aaral na makakasend sa akin ng kanilang pagsusuri ay makakatanggap ng karampatang
gantimpala. Mayroon kayong dalawang minuto para itipa ang inyong kasagutan.
C. Paglalahad ng Aralin
Maraming salamat sa inyong mga kasagutan! Kung ang inyong pagsusuri ay may kaugnayan sa
bansang Hapon, tiyak tama ang iyong sagot dahil ang una nating lalakbayin na bansa mula sa
Silangang Asya ay ang bansang Hapon, ang unang bansang panggagalingan ng panitikang tatalakayin
natin ngayong araw.
D. Pagtalakay ng Aralin
PANIMULA:
Ang tula ay anyo ng panitikan na binubuo ng mga taludtod. Ito ay nagppahayag ng damdamin
ng isang tao. Binubuo ng mga saknong at ang mga saknong ay binubuo ng mga taludtod. Ang
tula ay nagpapahayag ng damdamin, kaisipan, gamit ng maririkit na salita at nagbibigay-diin sa
ritmo.
Ang unang anyo ng tula ating tatalakayin galing sa bansang Hapon ay ang tinatawag na tanka
at haiku. Pag-uusapan natin ang kaligirang pangkasaysayan ng mga tulang ito.
Pero bago iyon, atin munang kikilalanin ang bansang pinanggalingan ng panitikang ating
tatalakayin ngayon araw, ang bansang Hapon.
E. Paglalahat
SIPATIN, SURIIN GAMIT ANG SENSE OF HEARING
F. Pagtataya
Panuto: Lumikha ng isang tanka at isang haiku na nakasentro sa mga sumusunod na mga
paksa. Pumili lamang ng inyong nais na paksa sa mga sumusunod:
FACEMASK
ALCOHOL
TEMPERATURE SCANNER
SOCIAL DISTANCING
QUARANTINE
VACCINE
PANDEMYA
COVID
RUBRIKS SA PAGMAMARKA
PAMANTAYAN 5 4 3 2 1
Malikhain at masining na paraan ng pagkakabuo.
Pagiging akma ng ginamit na paksa sa Tanka at Haiku.
Pagsulat sa tamang anyo(porma) at sukat ng Tanka at
Haiku.
Paggamit ng simbolo o imahe sa Tanka at Haiku
PANANDA:
5- NAPAKAHUSAY 3- KATAMTAMAN
4- MAHUSAY 2- KAILANGANG PANG PAGBUTIHIN
1- WALANG NAGAWA
G. Takdang Aralin
Panuto: Mula sa iyong nabasa, napanood, o narinig kaugnay sa prangkisa ng ABS CBN gumawa ng
dalawang Tanka at Haiku. Gawin ito sa iyong kuwaderno. Ibidyu mo ito at suriin ang pagkakabigkas ng
nabuong tanka/haiku.
Rubriks sa Pagmamarka
5 puntos - Ang binuong Tanka at Haiku ay malinaw, organisado at lohikal, kitangkita ang kumpyansa sa sarili
sa mga nabuong sagot.
4 na puntos - Ang pagbuo ng Tanka at haiku ay di masyadong organisado at nagdudulot ng kalituhan sa
nagbabasa.
3 puntos – Ang binuong tanka at haiku ay hindi masyadong malinaw at di masyadong organisado.
2 puntos – Ang binuong tanka at haiku ay hindi malinaw
1 puntos - walang nabuong Tanka at Haiku ang mag-aaral
Noted by: