May mga pagkakataon sa buhay natin na tila gusto na nating sumuko.
Yung tipong gusto munang bumitaw, kasi hirap na hirap kana. Pagod na pagod kaya’t naiisip mo na gusto munang magpahinga, dahil sa mga problema at pagsubok na iyong kinakaharap.Ang buhay ng tao ay sadyang napakahiwaga, hindi ito masasabi na kung kaylan ito hihinto, lalo na sa larangan ng pagsubok.
Ang ating buhay ay nagsimula sa ating kamusmusan, kung saan ito ay
payak at simple lamang ang lahat.Buhay na walang kapaguran at puno ng kalayaan sa anumang bagay na gusto nating gawin. Ngunit ang panahon ay lumilipas at kasabay nito, tayo ay tumatanda.Dumadaan tayo sa iba’t-ibang yugto ng ating pagkatao.Kaakibat ng ating pagtanda ay ang mga malalaking responsibilidad at mga obligasyon na dapat nating harapin sa ating araw-araw na pamumuhay.Kung ang pagkakaroon ng buhay ay nangangahulugan ng paulit-ulit na pagkakadapa mo na halos hindi ka na makabangon sa sakit ng tumba. Kung ang pagkakaroon ng buhay ay parang paglusong mo sa rumaragasang baha na walang kasiguraduhan kung saan ka mapupunta at madadala.
Mga pagkakataon sa buhay natin na tila gusto na nating sumuko.
Sadyang puno ng pagsubok ang buhay, sa bawat pagsubok tayo minsan ay nadadapa ngunit pilit pa ring tumatayo. Nagkakamali ngunit natututo. Umiiyak ngunit natutumbasan rin ng kaligayahan.Hindi nating puweding sabihin na hindi kita kaylangan, layuan mo ako pagsubok.Pagsubok,Problema, ay kaakibat ng ating pagkatao. Kaylangan lang natin itong maunawaan at higit sa lahat paano mo ito malulusutan.Ang mga pagasubok na ating nararanasan ang siyang nagsasanay sa atin, para mas maging matatag sa buhay.