ANDREI D.

CALALANG

12 STEM-AMITY

TALUMPATI

(Kung kakausapin mo ang batang ikaw, ano ang sasabihin mo?)

*Magandang umaga sa maganda at mahal kong guro. Naway bigyan ako ng

isang sandali upang hiramin ang iyong mga tainga upang makinig sa akin.*

Kung maaari kang makipag-usap at maupo na kasama ang iyong sarili bilang
isang bata, ano ang iyong sasabihin at ipapayo sa iyong nakababatang sarili na
ngayong ikaw ay nasa hustong gulang na? "Ito ay isang kawili-wiling tanong, isang
tanong na tumatak sa aking isipan. Nakakatawang maramdaman ang pagtaas ng aking
emosyon habang iniisip ko kung paano sasagutin ang katanungang ito.

Kung ako man ay mabigyan ng pagkakataon na makausap ang aking

nakababatang sarili ang aking sasabihin sa kanya ay. Ikay laging maging matapang sa
lahat ng pagkakataon at  magagawa mo ang lahat ng bagay. Walang mali sa
pagkabigo sa isang bagay. Huwag lamang kakalimutan na laging mong hanapin ang
aral na natutunan sa karanasang iyon. Ikay maging matapat sa mga taong mabuti sa
iyo. Dahil aking napagtanto sa paglipas ng mga taon na sa lahat ng bagay na
pinahahalagahan ng mga tao, ang katapatan ay isa sa pinakamahalagang bagay.

Napakakumplikado ng buhay na walang ng saysay na pag-isipan ang bawat

maliit na bagay, lalo na't napakaraming bagay na hindi mo naman kontrolado. Ituon
mo na lamang ang iyong mga enerhiya sa iyo. Ikay lumago, tumuklas,
makipagsapalaran, mabigo, matuto, huminga at subukan muli. Ikaw ang iyong
pinakamalaking suporta. Matutong mag tiwala sa iyong sarili at gamitin ito upang
ipaalam sa mundo na kaya mo. Sa lahat ng bagay, maging mabait sa iyong sarili at
huwag hayaang sinuman, anuman, o anumang pangyayari na magpalabo ang iyong
liwanag. Sundin ang sarili mong mga alituntunin at sundin ang iyong sariling landas,
at dadalhin ka ng Diyos kung saan ka nakatalaga

Kayat aking nakababatang sarili ang mga hamon at balakid na darating sayo ay
mga regalo. Ipinakikita nila sa iyo ang mga pagkakamali sa iyong pagkatao. Ang mga
ito ay mga pagkakataon upang ikay lumago at bumuo ng iyong kalooban. Ikay
makipagsapalaran at huwag matakot sumubok ng mga bagong bagay. Kung ang mga
bagay ay hindi gumana, huwag manatili at tanungin ang iyong sarili kung anong ang
mga aral na maaari mong matutunan mula dito, at magpatuloy. Tandaan na  tayo ay
tao lamang nagkakamali, matitisod, at mahuhulog. Ngunit lagi ring tandaan na sa
bawat pagsubok na dumating sa ating buhay ang tao ay laging natututo, bumabangon,
at sumusulong.

*Dito na nagtatapos ang aking talumpati, maraming salamat sa pakikinig.*