Pagsukat sa Antas ng Pag-unawa sa Pagbasa ng Ingles ng mga Piling Mag-

aaral sa ika-11 na Baitang sa OLOPSC

Rationale

Ayon kay Humes (2021), ang pagbasa ay mahalagang kakayahan na dapat

taglayin ng isang mag aaral. Noong 2013, ang National Assessment of Educational

Progress (NAEP) ay may ginawang pagsusulit sa ika-4 and ika-8 na baitang ng mga

estudyante, at ang nakuhang resulta ay ang pag-unlad ng reading comprehension ay

nahuhuli kumpara sa matematika sa nakalipas na dalawang dekada (Philippine Basic

Education, 2015). Ayon naman sa UNICEF (2022), ang suliraning kinakaharap ng

Pilipinas ngayong kasagsagan ng pandemya ay ang matagal na pagsara at paghinto ng

pagtuturo ng mga paaralan, na nagdulot ng kahirapan sa mga mag-aaral na ipagpatuloy

ang pagpapaunlad sa kanilang mga kaalaman kabilang na ang kanilang kakayahang

makabasa at makaunawa.

Ayon kina Elleman & Oslund (2019), maaga at patuloy na pagtuon sa pagbuo ng

pangunahing kaalaman, pagpapalawak ng bokabularyo, pagkakaroon ng hinuha, at

pagbibigay-pansin sa kakayahan ng pag-unawa ay kinakailangan upang mapabuti ang

pag-intindi sa pagbabasa sa mga baitang.

Sa pamamagitan ng pananaliksik na ito, matutukoy ng mga mananaliksik ang

antas ng komprehensyon ng pagbasa ng mga mag-aaral. Ang pag-aaral na ito ay

makatutulong sa mga mag-aaral, magulang, mga guro, tagapangasiwa ng paaralan, at

mga mananaliksik sa hinaharap upang masukat ang kakayahan ng mga mag-aaral sa

pagbasa at pag-unawa sa wikang Ingles. Ito rin ay magagamit sa pagpapabuti at

pagpapaunlad sa mga programa at mga babasahin na naaayon sa lebel ng kakayahang

pagbasa at pag-unawa ng mga mag-aaral.

Layunin

Nais ng papel na ito na masukat ang antas ng reading comprehension sa Ingles

ng mga piling mag-aaral sa ika-11 na baitang sa OLOPSC. Ang pag-aaral na ito ay nais

mabigyang-linaw ng mga mananaliksik kung anong lebel ng pang-unawa mayroon ang

mga mag-aaral. Ang mga mananaliksik ay naglalayong makita kung kailangan pa bang

pagbutihin ang mga babasahin o materyales na mayroon ang OLOPSC. Karagdagan

dito, nais din malaman ng mga mananaliksik kung matutulungan nito ang mga guro na

malaman o makahanap ng mas marami pang impormasyon kung paano mapabubuti

ang reading comprehension ng mga mag-aaral.

Metodolohiya

Ang pag–aaral na isasagawa ng mga mananaliksik ay isang kwantitatibong

pananaliksik. Ang mga mananaliksik ay bubuo ng talatanungan gamit ang isang Google

Form. Susuriin ng mga mananaliksik ang reading comprehension sa Ingles ng mga

mag-aaral sa pamamagitan ng pagsagot sa mga talata sa pagbasa. Pagkatapos nito,

maghahanap ang mga mananaliksik ng mga respondente mula sa Our Lady of

Perpetual Succor College sa ika-11 baitang. Kasunod ng pagkumpleto ng mga tugon,

ang mga mananaliksik ay aalamin ang antas ng pag-unawa ng mga mag-aaral sa

pamamagitan ng paggamit ng isang pormula na hango mula sa Philippine Informal

Reading Inventory (PHIL-IRI), na ginagamit upang masukat ang mga antas ng pang-

unawa ng mga mag-aaral.

Inaasahang Resulta / Output

Inaasahan ng mga mananaliksik na malaman ang sukat ng antas ng pag-unawa

ng mga mag-aaral sa ika-11 na baitang sa OLOPSC. Inaasahang mabigyan-linaw ng

mga mananaliksik kung anong lebel ng pang-unawa mayroon ang mga mag-aaral.

Kalakip nito kung kailangan pa bang pagbutihin ang mga babasahin o materyales na

mayroon ang OLOPSC. Inaasahan din ng mga mananaliksik na matutulungan nito ng

mga guro na malaman o makahanap ng mas marami pang impormasyon kung paano o

ano pa mapabubuti ang reading comprehension ng mga mag-aaral.

1. Anong lebel ng pag-uunawa mayroon ang mga mag-aaral?

2. Kailangan pa ba pagbutihin ang mga babasahin o materyales na mayroon ang

OLOPSC?

3. Natulungan ba nito ang mga guro na malaman o mahanap ng mas marami pang

impormasyon kung paano mapapabuti ang reading comprehension ng mga mag-aaral?