Epekto sa Edukasyon ng Social Networking Sites

sa mga mag-aaral sa panahon ng Pandemya

Maraming mga edukasyonista, pilosopo, at may-akda ang nagbigay ng mga kahulugan sa

salitang edukasyon. Madalas marinig ang terminong ito dahil itinuturing ito na

pinakamahalagang aktibidad sa komunidad (ExamPlanning, n.d.). Ang pag-aaral ay

nagsisimula kapag ang mga mag-aaral ay pumasok sa isang pasilidad na pang-edukasyon at

nagtatapos kapag sila ay natuto at nakakuha ng kaalaman sa isang partikular na kurso ng pag-

aaral. Kapag natapos na ng kabataan ang pagsusulit, ang kanilang tagumpay sa akademiko ay

sinusuri. Ang mga taong hindi nakikilahok sa ganitong uri ng pag-aaral ay tinuturing na mga

hindi edukadong tao (Punjab Colleges, n.d.).

Bago ang 1946, nang makamit ng Pilipinas ang ganap na kalayaan, ang sistemang pang-

edukasyon ng bansa ay nakabatay sa sistema ng mga bansang Espanya at Estados Unidos,

dalawang bansang nanakop at namuno sa Pilipinas nang mahigit tatlong siglo. Ngunit ang

sistema ng edukasyon ng bansa ay nakaranas ng patuloy na pagsasaayos pagkatapos ng

kalayaan. Ang sistemang pang-edukasyon sa bansa ay sumailalim sa isang makabuluhang

pagsasaayos patungo sa simula ng ikalawang dekada ng ikadalawampu't isang siglo. Ang

binagong sistemang pang-edukasyon ay kilala sa tawag na K–12 program. Ito ay kinabibilangan

ng bagong kurikulum para sa lahat ng pampublikong at pribadong paaralan sa bansa. Ang

Kagawaran ng Edukasyon noong 2011 ay taon na pinapatupad ang nasabing pagbabago na

nagsimula sa S.Y. 2011–2012. (K12academics.com, n.d.). Isang kapakipakibagong pangyayari

ang paghanda ng mga mag-aaral sa S.Y. 2020-2021 dahil sa pagpapatupad ng remote na pag-

aaral. Sa Pilipinas, ipinag-utos ni Pangulong Rodrigo Duterte sa Department of Education na

ipagpaliban ang face-to-face na pagtuturo hangga't hindi pa bukas sa publiko ang bakunahan

laban sa coronavirus disease. Ang DepEd, na pinipiling huwag ipagpaliban ang edukasyon, ay
gumawa ng kapalit na paraan ng paghahatid ng pag-aaral sa mga estudyante sa pamamagitan

ng pagagamit ng mga makabagong teknolohiya. Ang pag-aaral ng distansya o remote learning

ay tinukoy bilang pag-aaral na nangyayari sa pagitan ng guro at mag-aaral habang sila ay

magkahiwalay o magkaiba ng lugar habang nagtuturo. Dahil hindi limitado ang pag-aaral ng

distansya sa online learning, may tatlong magkakaibang mga paraan ng paghahatid ng

edukasyon: Online Distance Learning, Modular Distance Learning, at Self-learning Module

(Malaya, 2020).

Ang social networking ay ang kasanayan ng pagpapanatili ng pakikipag-ugnayan sa mga

kaibigan, pamilya, katrabaho, at mga mamimili sa pamamagitan ng mga platform ng social

media na nakabatay sa web. Sa pamamagitan nito ay maaaring magsilbing isang layuning

panlipunan, negosyo, pag-aaral o pareho. Noong Disyembre 31, 2021, 2.91 bilyong indibidwal

ang gumagamit ng Facebook buwan-buwan, na kung saan ito ay naging pinakamalaki at

pinakamalawak na ginagamit na social network sumunod ang Instagram, Twitter, at Pinterest

(Jackson, 2022). Orihinal na inangkin ng Pilipinas ang titulong "social media capital of the world"

noong 2015, at pinanatili ito nang humigit-kumulang 6 na taon. Ang bansa ay mayroong 89

milyong gumagamit ng social media, o humigit-kumulang 80.7% ng 110.3 milyong katao nito,

ayon sa ulat ng Digital 2021. Sa panahon ng pandemya, ang sistemang pang-edukasyon ng

bansa ay umaasa nang husto sa internet. Ang distansya o online na pag-aaral ay patuloy na

karaniwan dahil sa kawalan ng katiyakan sa muling pagbabalik face-to-face na klase (Bernabe,

2021).

Ang pandemya ay malubhang paglaganap ng isang nakakahawang sakit na nakakaapekto

sa isang malawak na parte ng mundo na maaaring magdulot ng mataas na numero ng nahawa

at mortalidad. Ang simula ng pandemya ng COVID-19 ay isang hindi pangkaraniwang

pangyayari sa kasaysayan. Upang pigilan ang pagkalat ng virus, pinaghigpitan ng ilang

pamahalaan ang paglabas ng mga indibidwal, itinigil ang mga kaganapan, at inirekomenda sa

mga tao na manatili sa bahay. Ang mga institusyong pang-edukasyon ay bumuo ng mga

opisyal na website at mga programa upang epektibong mag-alok ng online na mga nilalaman,

na nagpapahintulot sa mga mag-aaral na isulong ang kanilang edukasyon. Upang tulungan ang

mga guro sa paglipat sa online na pag-aaral, maraming institusyong pang-akademiko ang

lumikha ng "e-learning," isang kapaligiran sa pag-aaral na nakabatay sa web para sa

paghahatid ng kaalaman at komunikasyon. Sa pagtaas ng bilang ng mga gumagamit ng social

networks at paglawak ng maraming online na presensya ng mga institusyong pang-akademiko,

ang mga mag-aaral ay may access na ngayon sa mga serbisyo ng live streaming sa

pamamagitan ng social network, kung saan maaari silang makilahok sa mga patuloy na

talakayan tungkol sa mainit na mga paksa at manatiling nakikipag-ugnayan. kasama ang mga

kaklase o guro sa pamamagitan ng mga online forum (Khan et al., 2021). Ayon sa isang journal

ni Chukwuemeka & Ogbonna, 2022 na pinamagatang "Advantages and Disadvantages of

Social Media to Students," makikinabang ang mga mag-aaral mula sa social networking sa

paggamit nito para sa pananaliksik, pangangalap ng impormasyon, komunikasyon, medium

para sa pagpapahayag, pagkakaroon ng mga bagong kaibigan at kakampi, at digitalization. Ang

social networking ay may mga hindi epekto na hindi nakakatulong sa edukasyon ng mag-aaral

gaya ng pagiging humalinh at gambala, pag-aambag sa hindi magandang pamamahala ng

oras, katamaran, pagpapaliban, cyberbullying, pagpapadali ng aktibidad ng kriminal, pekeng

balita, at hacking.

Ang karamihan ng mga mag-aaral, ayon sa mga natuklasan sa isang pag-aaral nina

Abrenica et al., 2021, ay gumamit ng Facebook at Instagram upang makipag-usap sa kanilang

mga kaibigan at pamilya. Sa halip na simulan at tapusin ang kanilang mga gawain sa paaralan,

ginugugol ng karamihan ng respondents na mga mag-aaral ang kanilang maraming oras sa

pakikipag-chat sa mga kaibigan. Ayon sa isang artikulo sa PhilStar na sinulat ni Gamboa, 2022,
ng maiba ang set-up ng edukasyon ni Jimbo, isang mag-aaral sa highschool na malaki ang

pagbaba ng kanyang mga marka sa sandaling nagsimula muli ang mga hybrid na klase noong

2021. Kakulangan sa konsentrasyon ang findings ng mga guro ngunit ayon sa nasabing mag-

aaral ay siya ay nawalan ng interest dahil sa bilis ng pag-aaral dulot ng lockdown na nagpahinto

ng face-to-face na klase at mas matimbang ang mga disadvantages ng paggamit ng social

network sa pag-aaral sa kanyang sarili. Ang mga mag-aaral na hindi gaanong interesado sa

paaralan at nakakuha ng average o pasang marka ay mas malinaw na naapektuhan ng huling

dalawang taon. Maraming mga mag-aaral na kumuha ng kanilang huling pagsusulit noong

nakaraang taon ay mabibigo kung ginamit ang mga pamantayang pang-akademiko bago ang

pandemya. Sa kabutihang palad at ikinalulungkot, maraming guro ang umamin na naging

maluwag sila sa pagtatalaga ng mga marka, karamihan ay dahil sa kakaibang mga pangyayari.

References

Abrenica, J., De Torres, M., & Vargas, D. (2021, March 9). Effects of Social Media on

Academic Performance of High School Students under Pandemic (COVID-19)

Situations. SSRN. Retrieved January 21, 2023, from

https://papers.ssrn.com/sol3/papers.cfm?abstract_id =3800085

Bernabe, J. (2021, June 18). Learning and Teaching with Social Media – Habi Education

Lab. Habi Education Lab. Retrieved January 21, 2023, from https://habieducationlab.org/

labnotes/learning-and-teaching-with-social-media/

Chukwuemeka, S., & Ogbonna, N. (2022, October 31). Advantages and Disadvantages

of Social Media to Students. Bscholarly. Retrieved January 21, 2023, from https://

bscholarly.com/advantages-and-disadvantages-of-social-media-to-students/

ExamPlanning. (n.d.). Definition of Education by Different Authors. Retrieved January

20, 2023, from https://examplanning.com/definition-of-education-by-different-authors/

Gamboa, R. (2022, December 22). Scarred education of Filipino youths. PhilStar.

Retrieved January 21, 2023, from

https://www.google.com/amp/s/www.philstar.com/business/2022

/12/22/2232402/scarred-education-filipino-youths/amp/

Jackson, A. (2022, September 15). What Is Social Networking? Investopedia. Retrieved

January 21, 2023, from https://www.investopedia.com/terms/s/social-networking.asp

K12 Academics. (n.d.). History of Education in the Philippines. Retrieved January 20,

2023, from https://www.k12academics.com/Education%20Worldwide/Education%20in

%20 the%20Philippines/history-education-philippines

Khan, M. N., Ashraf, M. A., Seinen, D., Khan, K. U., & Laar, R. A. (2021, May 31). Social

Media for Knowledge Acquisition and Dissemination: The Impact of the COVID-19

Pandemic on Collaborative Learning Driven Social Media Adoption. Frontiers. Retrieved

January 21, 2023, from

https://www.frontiersin.org/articles/10.3389/fpsyg.2021.648253/full

Malaya, B. (2020, August 5). DepEd Distance Learning: Here’s what you need to know.

WhatALife! Retrieved January 21, 2023, from https://www.google.com/amp/s/whatalife.

ph/deped-distance-learning-heres-what-you-need-to-know/

Punjab Colleges. (n.d.). Definition of Education by Different Authors. Retrieved January

21, 2023, from https://pgc.edu/definition-of-education-by-different-authors/