Epekto ng Covid 19 Pandemic sa pagbabago

ng Pang-akademikong Buhay ng mga Piling Mag-aaral

sa GAS Strand ng Dela Paz National High School

Pamanahunang papel
Inilahad sa Kaguruan ng Senior High School Department ng
Innovatech Skills and Resource Institute Inc. - Lungsod ng Antipolo

Bahaging Kinakailangan sa Asignaturang Pagbasa at

Pagsusuri ng Iba’t Ibang Teksto Tungo sa Pananaliksik

Ambos, Jayson O.
Española, Aleah Miles V.
Gumamela, Samantha Ysabelle D.
Ortiz, Sundae Marie O.
Porlante, Karl E.
Tango, Shehanie Mae P.

Hunyo 2023
Introduksyon

Umusbong ang Coronavirus noong Disyembre 2019 sa Wuhan, China, at

mula noon ito ay mabilis na kumalat sa buong mundo na nagdulot ng malaking

epekto sa lipunan (Cifuentes-Faura, 2021). Naapektuhan ng COVID-19 ang

edukasyon ng mga mag-aaral na humantong sa maraming pagbabago para sa

mga guro at mag-aaral. Ito ang naging dahilan upang iangkop ng mga guro ang

kanilang klase sa online modality at ito ay nagdulot sa paggamit ng mga

makabagong teknolohiya. Isa sa mga umusbong na suliranin ay ang kawalan ng

magagamit na gadget ng mga mag-aaral lalo na sa mga mahihirap na pamilya at

ang paghahanap ng malakas na signal ng internet sa mga pook rural lalo na ang

mga nasa kabundukan. Ito ay nagbunga ng kawalan ng katiyakan tungkol sa

“makabagong normal" sa pag-aaral ng mga estudyante.

Para sa pagbabawas ng stress ayon kay Abdulghanietal. (2020)

natagpuan na ang mga mag-aaral ay gumamit ng iba't ibang mga diskarte sa

pagharap sa pandemya tulad ng pag-ehersisyo, panonood ng mga pelikula,

paglalaro ng mga laro sa kompyuter, pag-upo kasama ang mga miyembro ng

pamilya, pagsasanay sa mga aktibidad, pagninilay-nilay sa relihiyon at pag-aaral

at paghahanap sa online ng mga paraan upang mamuhay sa mga sitwasyon ng

COVID-19. Gayundin, sinabi ni Lyonsetal (2020) na ang paggamit ng mga video

chat, social media, ehersisyo at libangan ay maaaring mabawasan ang epekto

ng coronavirus sa mental na kagalingan ng mga mag-aaral at ito ay isang

epektibong interbensyon para sa mga mag-aaral sa panahon ng COVID-19.

Dahil sa sitwasyong dulot ng COVID-19 sa edukasyon, mahalagang suriin ang

mga pagbabagong naganap sa mga sistema ng edukasyon upang maunawaan

kung paano nakayanan ng mga mag-aaral ang panahon ng pandemya.

Bilang paglalagom mahihinuha ang ideya rito ng patuloy na paglinang ng

lahat ng sektor sa buong mundo upang makaagapay sa pagbabagong dulot ng

COVID-19 partikular na sa edukasyon na kung dati ay harap-harapan ang

pagtuturo ay kailangang magbagongbihis sa paggamit ng makabagong

teknolohiya sa pagtugon sa mga makabagong modalidad sa pagtuturo. Dahil sa

delikado ang modalidad na face-to-face sa pagkalat ng paghahawaan ng

COVID-19 napagpasyahan ng karamihan ng mga bumubuo ng Kagawaran ng

Edukasyon at pamunuan ng mga paaralan na gamitin ang modalidad na online

class, modular at blended.

Kaligiran ng Pananaliksik

Ang school year 2020-2021 ay ang taon kung kailan nararanasan ng mga

mag-aaral na manatili lamang sa bahay dahil hindi sila makapasok sa kanilang

mga paaralan dahil sa mahigpit na health protocols na ipinapatupad ng

pamahalaan upang maiwasan ang pagkalat ng COVID-19 virus sa buong bansa.

Hindi lamang binago ng pandemya ng COVID-19 ng paraan ng pagtratrabaho ng

mga tao kundi pati narin ang paraan ng pag-aaral ng mga estudyante. Habang

ipinapatupad ang lockdown, ang pagtratrabaho at pag-aaral sa bahay ay naging

karaniwan na may ilang mga klase na permanenteng lumilipat sa online-based

na pag-aaral (Davies, 2020). Inuna ng DepEd at Commission on Higher

Education (CHED) ang pagpapatupad ng flexible learning systems, kabilang ang

mga modalidad na nabanggit sa itaas. Bilang resulta, ang mga pagbabago sa

kapaligiran ng pag-aaral ay ipinakilala para sa lahat ng mga mag-aaral anuman

ang antas ng baitang.

Nagbunga ito ng negatibong epekto sa pang-akademikong buhay ng mga

mag-aaral. Sa kadahilanang pagkaranas ng mas maraming takdang-aralın at

pagkahirap iangkop ang sarili sa isang online learning mode. Higit pa ang mga

pag-aalala dahil sa kawalan ng katiyakan at takot sa pandemya. Karamihan sa

mga ibang bansa ay tumutugon pa rin sa pandemya, tila posible, dahil

naaapektuhan nito ang pagbabago sa online learning mode ng pag-aaral kaya’t

mas nagiging laganap ito sa iilang mga paaralan sa buong mundo.

Samakatuwid, kailangang bumuo ng mga bagong estratehiya upang

mapabuti ang kagalingan ng mga mag-aaral sa online learning mode. Para

makahanap ng mga epektibong estratehiya, kailangan tukuyin at unawin ng mga

mananaliksik ang mga mag-aaral mula sa GAS strand ng Dela Paz National High

School tungkol sa mga salik at mekanismo kung paano nakaapekto ang COVID-

19 sa kapakanan ng kanilang pag-aaral.