Banghay Paaralan: Baitang/Antas:

Aralin sa Guro: Asignatura:

Filipino
Petsa/Oras: Markahan:

Filipino

l. Layunin (Objectives)
A. Pamantayang Pangnilalaman
B. Pamantayan sa Pagganap
C. Mga Kasanayan sa Pagkatuto
ll. Nilalaman
Estratehiya
lll. Kagamitang Panturo
A. Sanggunian
B. Iba pang Kagamitang Panturo
lV. Pamamaraan
Aktibidad ng Paghahanda
A. Balik-Aral sa Nakaraang aralin
at/o Pagsisimula ng Aralin
B. Talakayan
Naiintindihan ang kahulugan at
kahalagahan ng maikling kwento
Naipapahayag ang damdamin tungkol sa
maikling kwento
Naisusulat ng maayos ang pagkasunod-
sunod ng mga pangyayari sa maikling
kwento
Elemento ng Maikling Kuwento
Ikuwento Mo, Saliksik Mo!
 Youtube
 Google.com
 Cardboard
 Cartolina
 Larawan
 Laptop
 Marker
 Panalangin
 Pagbati
 Paghahanay sa silid-aralan
 Pagsusuri ng pagdalo sa klase
 Pagbasa ng bagong Layunin sa
leksyon
 Pagsisumula sa bagong talakayan
 Ipaliwanag ang tungkol sa mga
Elemento ng Maikling Kuwento
Mga Elemento ng Maikling Kuwento:

 Maikling Kwento - ay isang maiksing

salaysay hinggil sa isang
mahalagang pangyayaring
kinasasangkutan ng isa o ilang
tauhan at may iisang kakintalan o
impresyon lamang. Isa itong
masining na anyo ng panitikan

1.  Tauhan - Ito ay tumutukoy sa mga

panauhin sa kwento.
2. Tagpuan - Ito ay tumutukoy kung
saan naganap ang kwento.
3. Banghay - Ito ay tumutukoy sa
pagkasunod-sunod ng mga
pangyayari sa kwento. Mayroong
limang (5) bahagi ang banghay
 Panimula - Kung saan at
paano nagsimula ang
kwento.
 Saglit na Kasiglahan - Ito ay
ang panandaliang
pagtatagpo ng mga tauhan
sa kwento.
 Kasukdulan - Dito na
mangyayari ang problema sa
kwento.
 Kakalasan - Ito ay tumutukoy
sa parte kung saan unti-unti
nang naaayos ang problema.
 Wakas - Ito ay tumutukoy
kung paano nagwakas o
natapos ang isang kwento
4. Kaisipan - Ito ay ang mensahe ng
maikling kwento sa mambabasa.
5. Suliranin - Ito ay tumutukoy sa
problemangikinakaharap ng tauhan
sa kwento.
6. Tunggalian - Ito ay maaaring tao
laban sa tao, tao laban sa sarili, tao
laban sa lipunan,at tao laban sa
kalikasan.
7. Paksang Diwa - Ito ay ang pinaka-
kaluluwa ng kwento.
 Sagutan ang mga katanungan
 tungkol sa binasang maikling
kuwento.

Ang Madaldal na Pagong

Isang umagang maganda ang panahon ay

nagkita-kita sa tabing-sapa ang
magkakaibigan. Sila ay si Pagong Daldal, si
Abuhing Gansa at si Puting Gansa.
Nagkuwentuhan sila at di-nagtagal ay
nagpaalam ang magkapatid na gansa.

“Isama naman ninyo ako sa inyong tirahan sa

kabilang ilog”, pakiusap ni Pagong Daldal.

“E, paano ka namin maisasama ay wala ka

namang pakpak at hindi ka makakalipad?”
wika ni Abuhing Gansa.

“Oo nga ano”, wika ni Pagong Daldal na

halatang lungkot na lungkot.

“Teka, may naisip ako”, wika ni Puting Gansa.

“Maisasama ka namin kung susunod ka sa
aking sasabihin.”

“Salamat. Ipinangangako kong susunod ako sa

ipag-uutos ninyo”, wika ni Pagong Daldal.

“Kakagatin mo itong patpat sa gitna. Kakagatin

naman namin ni Abuhing Gansa ang
magkabilang dulo at saka tayo lilipad. Kaya
lamang, ito ang tandaan mo. Huwag na huwag
kang magsasalita kung hindi ay mahuhulog ka
at lalagpak sa lupa”.

“O, hala. Tayo na. Kagatin mo na ang patpat,

kaibigang Pagong”, wika ni Puting Gansa.

“Tandaan mo, huwag kang magsasalita. Wala

kang pakpak at kapag nakabitaw ka, tiyak na
lalagpak ka sa lupa.”

“Hindi ako magsasalita”, pangakong muli ni

Pagong Daldal.

Kinagat ni Abuhing Gansa ang isang dulo ng

patpat at ang kabilang dulo ay kinagat naman
ni Puting Gansa. At sila ay lumipad na.
Tuwang-tuwa si Pagong Daldal nang nasa
ibabaw na sila ng mga punong kahoy! Waring
nakaakyat sa langit ang pakiramdam ni
Pagong Daldal.
Nakita ng mga batang nagsisipaglaro sa
parang ang lumilipad na pagong. Naghiyawan
sila sa tuwa at itinuro nila ang pagong na
kagat-kagat ang patpat!

“Tingnan ninyo ang Pagong Daldal! Lumilipad!

Ha! Ha! Ha! Ha! Ha! Ha!”

Nagalit si Pagong Daldal.

“Mga batang_______”

Hindi natapos ang iba pang sasabihin ni

Pagong Daldal. Tuluy-tuloy siyang bumagsak
sa lupa.

“Kaawa-awang Pagong!” nawika na lamang ni

Puting Gansa at ni Abuhing Gansa.

Aral sa Maikling Kuwento

1. Tuparin ang ipinangako sa kapwa. Mas

mainam ang taong may isang salita
kaysa puro salita ngunit mahina naman
sa gawa.
2. Kung ikaw ay may minimithi o pangarap
sa buhay, mag-pokus ka. Isa ito sa mga
sangkap upang magtagumpay ang
isang tao.
3. Hindi sa lahat ng pagkakataon ay may
mga taong handang tumulong sa iyo
kaya huwag sayangin ang tulong na
binigay ng kaibigan.

A. Mga Tanong ( Oral Recitation )

Sagutin sa kompletong
panguNgusap.

1. Sino ang mga tauhan sa binasang

kuwento?
( Pagong Daldal, si Abuhing Gansa at
si Puting Gansa).
2. Saan ang tagpuan sa binasang
kuwento?
Isang umagang maganda ang panahon
ay nagkita-kita sa tabing-sapa ang
magkakaibigan.
3. Ano ang kaisipan sa binasang
 kuwento?
Tuparin ang ipinangako sa kapwa. Mas
mainam ang taong may isang salita
kaysa puro salita ngunit mahina naman
sa gawa.
4. Ano ang naging suliranin sa binasang
kuwento?
“E, paano ka namin maisasama ay
wala ka namang pakpak at hindi ka
makakalipad?” wika ni Abuhing Gansa.
5. Paano nag wakas ang iyong binasang
kuwento?
Tuluy-tuloy siyang bumagsak sa lupa.
“Kaawa-awang Pagong!” nawika na
lamang ni Puting Gansa at ni Abuhing
Gansa.

B. Pangkatang Gawain
 Hahatiin ng guro sa dalawang
pangkat ang klase.
 Papabunutin ng guro ang magiging
leader ng bawat pangkat.
 Babasahin ng mga leader ang
kwento at magtatanong ang leader
sa kabilang pangkat ng tanoong na
kasama sa nabunot na papel.
 Ang pag-iiskor ay nakabatay sa
Rubrics ng Pagkukwento at
karagdagang puntos sa mga
nasagutang tanong.

Ang Kahilingan
Si Eliza ay isang simpleng tao na
naninirahan sa isang maliit na nayon sa
Gitnang Silangan. Sa gitna ng kahirapan,
nangarap si Eliza ng magandang buhay at
mas maginhawang pamumuhay.

Isang araw, natagpuan ni Eliza ang isang

lampara sa isang liblib na kweba. Nang
isang magandang nilalang ang lumabas sa
loob ng lampara, sinabi nitong bibigyan
siya ng tatlong kahilingan.

Hindi alam ni Eliza kung ano ang hihilingin

niya, kaya't nagdesisyon siya na humingi
ng isang magandang bahay, pagkakaroon
ng sapat na pera at kalusugan.
Nang matupad ang kanyang mga
kahilingan, hindi masaya si Eliza dahil
parang may kulang pa rin sa kanyang
buhay. Hindi siya natutuwa sa mga bagay
na natanggap niya.

Sa huli, nakatagpo siya ng isang batang

lalaki na naglalakad sa kalsada. Nakita
niya ang mga ngiti sa mukha ng bata kahit
na wala silang bahay, wala silang sapat na
pera, at hindi ganap na malusog.
Natutunan niya mula sa bata na ang tunay
na kasiyahan ay hindi nasusukat sa mga
materyal na bagay.

1. Sino sino ang mga tauhan sa kwento?

2. Ano ang saglit na Kasiglahan at
kasukdulan ng kwento?
3. Ano ang Kakalasan nito?
4. Paano nag wakas ang kwentong "Ang
Kahilingan"
5. Ano ang mga Kaisipan at Suliranin sa
kwentong narinig?
6. Ano ang naging Tunggalian nito?
7. Ano ang Paksang Diwa sa kwento?

Ang Pagsusulit

Tauhan: Si Miguel at ang kanyang guro sa

Ingles

Tagpuan: Loob ng silid-aralan ng isang

paaralan sa lungsod

Panimula: Isang araw bago ang pagsusulit sa

Ingles, nanggigil si Miguel na mag-aral upang
makuha ang mataas na marka. Ngunit kahit
gaano siya kasipag magbasa at mag-aral, hindi
pa rin niya makuha ang kumpiyansa na
kailangan niya upang makakuha ng mataas na
marka.

Saglit na Kasiglahan: Nagpasya si Miguel na

lumapit sa kanyang guro upang humingi ng
payo. Sinabi ng guro na kailangan niya ng
kumpiyansa sa kanyang sarili at dapat
magtiwala sa kanyang kakayahan.
Kasukdulan: Sa mismong araw ng pagsusulit,
nagkakamali si Miguel sa pagsagot ng mga
tanong at hindi na nakapag-isip nang maayos
dahil sa kaba. Halos hindi na siya
makapagsalita sa sobrang nerbiyos.

Kakalasan: Matapos ng pagsusulit,

nanghihinayang si Miguel dahil sa kanyang
naging kakulangan sa kumpiyansa sa sarili.
Nasayang ang lahat ng kanyang pagsisikap at
panahon.

Wakas: Pagkatapos mabigyan ng resulta ng

pagsusulit, nagulat si Miguel sa mataas na
marka na nakuha niya. Nagpasalamat siya sa
kanyang guro sa Ingles at sa kanyang sarili
dahil sa kanyang tiwala sa kanyang sarili.

Kaisipan: Mahalagang magtiwala sa sarili at

kumalma sa gitna ng kaba upang maging
produktibo sa anumang gawain.

Suliranin: Paano makuha ang kumpiyansa sa

sarili upang makamit ang tagumpay?

Tunggalian: Nalalaban ni Miguel ang kanyang

kaba at kakulangan sa kumpiyansa sa sarili
upang makuha ang mataas na marka sa
pagsusulit.

Paksang Diwa: Ang kumpiyansa sa sarili ay

mahalagang aspeto upang makamit ang
tagumpay sa anumang gawain na ating
ginagawa.

Mga tanong sa Kuwentong

1. Sino- sino ang mga tauhan sa kwento?
2. Bakit mahalaga ang tagpuan sa kwento?
3. Ano ang kasukdulan ng kwentong narinig?
4. Ano ang saglit na kasiglahan sa kwento?
5. Ano ang kaisipan at suliranin nito?
6. Ano ang naging tunggalian ng kwentong
"Ang Pagsusulit"

 Paglalahat ng guro sa natalakay na

aralin.
V. Pagtataya Panuto: Bilugan ang letra ng tamang sagot

1. Tumutukoy sa problemang
haharapin ng tauhan.
a. Tunggalian
b. Suliranin
c. Tauhan
2. Tumutukoy sa mga panauhin sa
kwento.
a. Suliranin
b. Tauhan
c. Tagpuan
3. Tumutukoy kung paano nagwakas o
natapos ang kwento.
a. Kalakasan
b. Kasukdulan
c. Wakas
4. Tumutukoy kung saan naganap ang
kwento.
a. Tagpuan
b. Suliranin
c. Tauhan
5. Tumutukoy sa pagkakasunod-sunod
ng mga pangyayari sa kwento.
a. Tauhan
b. Tagpuan
c. Banghay
Vl. Takdang Aralin Basahin ang maikling kwento “Ang Uhaw
na Uwak” at sagutan ang mga sumusunod
sa kompletong pangugusap.

1. Sino ang Tauhan sa kwento?

2. Saan ang tagpuan ng kwento?
3. Ano ang suliranin ng kwento?
4. Ano ang kaisipan ng kwento?
5. Ano ang paksang diwa ng kwento?