Republic of the Philippines

Department of Education
Region VI-Western Visayas
Schools Division of Passi City
PASSI NATIONAL HIGH SCHOOL
Senior High School Program
Passi City, Iloilo

Lagumang Pagsusulit
Filipino sa Piling Larang (Akademik)
T.P. 2022-2023

Aralin 1, 2, at 3: Pagsulat ng Memo, Adyenda at Katitikan ng Pulong

Pangalan: ______________________________ Strand/Taon at Pangkat: _________________ Iskor: _____

I. Tama o Mali
Panuto: Basahing mabuti ang bawat tanong. Isulat ang salitang TAMA kung ang
pangungusap ay wasto at MALI naman kung hindi wasto.

1. Ang pagkakaroon ng pagkakaisa at pagtatrabaho bilang isang koponan ay

pinaniniwalaang susi ng tagumpay ng mga kompanya, samahan, organisasyon, negosyo,
at trabaho.
2. Ang pagpupulong o miting ay bahagi na ng buhay ng maraming tao sa kasalukuyan.
3. Buhay ng isang samahan o organisasyon ang mabisang komunikasyon.
4. Isa ang memorandum sa mga mahahalagang elementong kailangan upang maging
maayos, organisado at epektibo ang isang pulong.
5. Ang pagsulat ng memo ay maituturing ding isang liham.
6. Ang katitikan ng pulong ang nagtatakda ng mga paksang tatalakayin sa pulong.
7. Adyenda ang tawag sa mga paksang tatalakayin sa isang pagpupulong.
8. Sa pagsulat ng isang adyenda, nararapat na ang taong tatalakay ng isang paksa ay
may oras na dapat itinakda para sa kanya.
9. Memo ang tawag sa balangkas ng pulong na nagtatakda ng pagkakasunod-sunod ng
mga paksang tatalakayin at kung gaano katagal pag-uusapan ang mga ito.
10. Isa sa mga kahalagahan ng adyenda bilang akademikong sulatin ay ang pagbibigay
ng pagkakataon sa mga kasapi sa pulong na maging handa sa mga paksang tatalakayin o
pagdedesisyunan.
11. Ang pulong ay mababalewala kung hindi maitala ang mga napag-usapan o
napagkasunduan.
12. Ang pagsulat ng katitikan ng pulong ay gawain lamang ng kalihim ng samahan o
organisasyon.
13. Higit na napagtitibay ang mga napag-usapan at napagkasunduan sa isang
pagpupulong kung ito ay maingat na naitala at naisulat.
14.Gawain ng sumusulat ng katitikan ng pulong na ipaliwanag o bigyang -interpretasyon
ang mga napag-usapan sa pulong.
15. Obhetibo at organisado ang dapat na pagkakasulat ng katitikan ng pulong.
16. Sa pagsulat ng katitikan ng pulong, mahalagang maitala rin kung kanino nanggaling
ang mosyon at maging ang mga taong sumang-ayon dito.
17. Ang paggamit ng recorder sa pagsulat ng katitikan ng pulong ay ipinagbabawal
sapagkat hindi ito makakatulong sa pagkuha ng mga mahahalagang punto sa miting.
18. Kadalasan, sa likod ng pagpupulong pinapaupo ang naghahanda ng katitikan ng
pulong upang walang makadistorbo sa kanya habang nagsusulat nito.
19. Ang memo ay maaaring ipadala sa email.
20. Ang pagkakaroon ng maayos at sistematikong adyenda ay isa sa mga susi ng
matagumpay na pulong.

II. Pagtukoy
Panuto: Tukuyin ang tinutukoy ng bawat pahayag. Isulat ang M kung ito ay memo, A
kung ito ay adyenda at K kung ito ay katitikan ng pulong. Isulat ang sagot bago ang
bilang.

1. Ang pagbasa at pagpapatibay nito ay bahagi ng isang pagpupulong.

2. Isinasaad dito ang pakay o layunin sa gagawing pulong.
3. Kapag napagtibay ay nagsisilbi itong opisyal at legal na kasulatan.
 4. Makikita rito ang pagkakasunod-sunod ng mga paksang tatalakayin sa pulong.
5. Nagbibigay ito ng impormasyon tungkol sa gagawing pulong.
6. Nagiging daan ito upang manatiling nakapokus sa mga bagay na tatalakayin sa
pulong.
7. Nagsisilbi itong talaan ng mga pag-uusapan sa pulong mula sa pinakamahalaga
hanggang sa simpleng usapin.
8. Nagtatakda sa mga paksang tatalakayin sa pulong.
9. Pangunahing layunin nito na pakilusin ang mga tao sa tiyak na alituntunin.
10.Tinatawag din itong opisyal na tala ng isang pulong.
11.Dapat tandaan sa sulating ito na, talakayin sa unang bahagi ng pulong ang higit na
mahalagang paksa.
12. Isang paalala sa sulating ito na, bago ang pulong, magpasiya kung anong paraan ng
pagtatala ng katitikan ang iyong gagamitin.
13. Ito ay hindi isang liham. Kadalasang ito ay maikli lamang at dapat isakatuparan gaya
halimbawa sa pagdalo sa isang pulong.
14. Isang paalaala nito ay dapat manatili sa iskedyul ngunit maging flexible kung
kinakailangan.
15. Buoin agad ito pagkatapos na pagkatapos ng pulong habang sariwa pa sa isip ang
lahat ng mga tinalakay.

Para sa bilang 16-30, tukuyin ang ipinapahayag ng bawat bilang. Isulat ang
sagot sa sagutang papel.

16. Bahagi ng memo kung saan makikita ang logo at pangalan ng kompanya, institusyon
o organisasyon gayundin ang lugar kung saan matatagpuan ito at minsan maging ang
bilang ng numero ng telepono.
17. Ito ang bahagi ng memo na naglalaman ng pangalan ng gumawa o nagpadala ng
memo.
18. Sa bahaging ito ng pagsulat ng memo iniiwasan ang paggamit ng numero ng buwan,
araw at taon.
19. Bahagi ng memo na maikli lamang ngunit dapat nagtataglay ng sitwasyon, problema,
solusyon at paggalang o pasasalamat.
20. Ito ang bahagi ng memo kung saan makikita ang pangalan ng tatanggap o
padadalhan ng memo.
21. Higit na maging sistematiko kung ang talaan ng adyenda ay nakalatag sa ganitong uri
ng pormat kung saan makikita ang paksa, taong magpaliwanang at oras na inilaan sa
kanya.
22. Bilang ng araw na dapat ipadala ang sipi ng adyenda bago ang pagpupulong.
23. Bahagi ng katitikan ng pulong kung saan nakalagay kung sino ang nanguna sa
pagpupulong gayundin ang pangalan ng lahat ng mga dumalo kasama ang mga
panauhin.
24. Inilalagay sa bahaging ito ng katitikan ng pulong kung sino ang taong nanguna sa
pagtalakay ng isyu at maging ang desisyong nabuo ukol dito.
25. Inilalagay sa bahaging ito ng katitikan ng pulong kung anong oras nagwakas ang
pulong.
26. Mahalagang ilagay sa bahaging ito ang pangalan ng taong kumuha ng katitikan ng
pulong at kung kailan ito isinumite.
27. Dito makikita kung ang nakalipas na katitikan ng pulong ay napagtibay o may
pagbabagong isinagawa sa mga ito.
28. Uri ng memo kung saan mababasang ang nagpadala ng memo ay humihingi ng isang
hiling sa proyekto o programang ipapatupad.
29. Isang uri ng memo na nagbibigay kabatiran gaya ng pagdalo sa miting o pulong.
30. Tumutukoy ito sa legal at opisyal na kasulatan, isa sa mga katangian ng katitikan ng
pulong na maaaring gawing basehan sa mga legal na usapin o sanggunian.

--------------------------------------------------------------------------------------------------------------------------
“Ang pagsagot sa pagsusulit ay katulad ng pagsagot sa sinisinta; pinag-iisipan, pinagpaplanuhan at pinapahahalagahan”

Inihanda ni:
G. RUSTOM D. PARLE

SST-II/Guro sa Filipino