PANGKAT 6

Shekinah Galon bilang Tagapagsalaysay

Roseleila Anover bilang si Sisa

Vanerie Badolato bilang si Basilio

Keith Rafael Evaristo bilang si Crispin

Hanzel Faiza Macarimban bilang si Mang Tasyo

Cryztel Kate Althea Joie Balili bilang mang-aapi

SI SISA
Kabanata 16

Tagapagsalaysay: Habang mahimbing na natutulog ang mga mamamayan pagkatapos nag-ukol

ng paggunita sa kanilang mga patay, si Sisa, ang ina nina Basilio at Crispin ay gising na gising pa.
Ang asawa ni Sisa ay walang ibang inaatupag kundi ang magsabong at magsayang ng hapon. Si
Sisa lamang ang tanging nagmamalasakit na bumuhay sa kanilang anak.
Sisa: (nakatingin lamang sa langit)
Tagapagsalaysay: Ang kaniyang mga hiyas ay unti-unting nauubos na masunod lamang ang mga
bisyo ng kaniya asawa.
Pedro: Sisa! Sisa! May piso ka ba diyan?
Sisa: Pasensya na Pedro ngunit ang pera ko’y ubos na.
Tagapagsalaysay: At nang maubos ay sinimulan na siyang saktan.
(sinaktan ni Pedro si Sisa)
Sisa: Patawad aking asawa! Hahanap ako ng paraan.
Pedro: Dapat lang!
Tagapagsalaysay: Dahil sa pagmamahal ni Sisa sa kaniyang asawa ay itinuturing niya itong Diyos
at ang kaniyang anak naman ay itinuturing niyang mga anghel. Walang magawa si Sisa kundi ang
umiyak na lamang sa tuwing siya ay nasasaktan.
(umiiyak si Sisa at tinutulungan niya ang kaniyang sariling bumangon)
Tagapagsalaysay: Nang gabin iyon, sa oras ng mga ika-sampu at kalahati at ikalabing isa, si Sisa
ay nagsaing at nag-ihaw ng isda habang hinihintay ang pag-uwi ng kaniyang anak.
Sisa: Nasasabik na akong makita ang aking mga anak, isang linggo ko na din silang hindi nakita.
Matutuwa sila nito sa aking ipinaghanda.
Tagapagsalaysay: Noon pa man, si Sisa ay maganda at kaakit-akit, maraming lalaki ang nanliligaw
sa kaniya noon ngunit mas pinili niya si Pedro. Dahil sa pananakit ni Pedro kay Sisa, ang ganda ni
Sisa ay napalitan ng humpak at maputlang mukha.
(masayang nagluluto)
Tagapagsalaysay: Bukod sa isda, namitas siya ng kamatis na paborito ni Crispin at nanghingi siya
tabang baboy-ramo kay Pilosopo Tasyo para kay Basilio.
(namitas ng kamatis at nanghingi ng tapang baboy-ramo)
Sisa: Mang Tasyo, puwede ba akong humingi ng tapang baboy-ramo? Akin sanang ipaghahanda
sa pag-uwi ng aking mga minamahal na anak.
Mang Tasyo: Oo naman Sisa! Ikaw pa.
Sisa: Salamat po Pilosopo Tasyo!
Tagapagsalaysay: Maya-maya tapos ng maghanda ng pagkain si Sisa, maayos na tignan ang
kanilang lapag kainan kasama ng mga masasarap na pagkain. Ngunit parang hinihila ang
masamang pagkakataon…
Pedro: Sisa! Sisa! Ang sarap ng pagkain natin ngayon ahh! Tamang-tama gutom na gutom na
ako.
(kumain si Pedro at inubos lahat ng pagkain na inihanda ni Sisa)
Tagapagsalaysay: Napatahimik na lamang si Sisa sa gilid dahil wala naman siyang magagawa.
Matapos kumain ang asawa, naiyak na lamang si Sisa at muling nagsaing at niluto ang natitirang
isda.
Sisa: Teka!
Pedro: Ano na naman?
Sisa: Nais ko sanang ipaalam sa iyo aking asawa na uuwi si Crispin at Basilio mamaya.
Pedro: Mabuti kung gayon… huwag mong kalimutan ako’y ipagtabi ng piso.
(nagpatuloy si Sisa sa pagluto)
Sisa: Tiyak kong maraming makakain ang dalawa kong bunso, malayo ang kanilang lalakarin
mahigit na isang oras din, pagdating tiyak na gutom na gutom.
Tagapagsalaysay: Upang siya’y hindi mainip habang nagluluto, umawit siya ng kundiman sa
mahinang tinig.
Sisa: Mmm…
Tagapagsalaysay: Habang siya ay naghihintay sa pagdating ng kaniyang mga anak, may asong
itim na kaniyang binato na nagbigay sa kaniy ng agam-agam kaya siya’y agad-agad na nagdasal
sa Birhen at humingi ng awa sa Diyos.
Sisa: Diyos ko, patawarin niyo sana kami sa aming mga nagawang kasalanan. Sana’y protektahan
niyo ang aking mga anak kung saan man sila ngayon…
Tagapagsalaysay: Nang di kawasa’y…
Basilio: Inay, buksan niyo ang pinto! Inay, buksan mo ako!
Sisa: Anak! Anak!
Basilio: Nay!

Shekinah Galon bilang Tagapagsalaysay

Roseleila Anover bilang si Sisa

Vanerie Badolato bilang si Basilio

Keith Rafael Evaristo bilang si Crispin

Hanzel Faiza Macarimban bilang si Mang Tasyo

Cryztel Kate Althea Joie Balili bilang katulong sa presentasyon

SI BASILIO
Kabanata 17

Tagapagsalaysay: Nang makapasok si Basilio sa bahay, nanlalamig ang buong katawan ni Sisa at
para siyang nawala sa sarili dahil si Basilio lamang dumating. Walang masabi si Sisa at waring
tinakasan siya ng lakas.
(nawala sa sarili si Sisa)
Sisa: Mga anak ko!
Basilio: Nanay, huwag kang mag-alala, si Crispin po ay naiwan sa kumbento!
Sisa: Siya ba ay buhay anak? Ang aking Crispin ba ay buhay?
(tumango si Basilio)
Sisa: Basilio, anong nangyari sa noo mo?
Basilio: Nay, tumakas lang ako sa kumbento dahil pinagbawalan ako ng sacristan mayor na
umailis hangga’t hindi ika-sampu ng gabi. Sa aking pagtakas, nakita ako ng mga guwardiya sibil
at tinawag dahil sa aking takot na maparusahan ay kumaripas ako sa pagtakbo.
Tagapagsalaysay: Hiniling ni Basilio sa in ana ilihim nila ang sanhi ng pagkasugat niya at pumayag
naman si Sisa. Patuloy pa ding nag-usisa si Sisa kay Crispin at sinabi naman ni Basilio ang
nangyari ngunit inilihim niya lang sa ina ang pagpapahirap ng mga prayle sa kaniyang kapatid.
Basilio: Inay, si Crispin ay pinagbintangang nagnakaw ng dalawang onsa.
Sisa: Kaya sila ganyan dahil tayo’y dukkha lamang. Anak, halika! Kumain kana.
Basilio: Tubig lang muna sa akin inay.
(binigyan ni Sisa ng tubig na maiinom ang kaniyang anak)
Sisa: Ang totoo niyan anak, naghanda ako ng masasarap na pagkain ngunit kinain ng iyong ama.
Basilio: Mas Mabuti pa kung tayong tatlo na lamang nila Crispin ang magsamasama inay!
Walang ibang magawa si tatay kundi magpakasama.
Sisa: Basilio! Huwag mong ganyanin ang iyong itay.
Basilio: Patawad po ina.
Tagapagsalaysay: Lumalalim na ang gabi at inutusan ni Sisa ang kaniyang anak na matulog na at
siya naman ay nagdadasal.
Sisa: Aming Panginoon,tulungan niyo po kami. Tulungan niyo ang aking bunsong si Crispin kung
ano man…
Tagapagsalaysay: Napanaginipan ni Basilio si Crispin – pinalo ng yantok si Crispin ng kura,
katuwang ang sakristan mayor. Nang hindi niya matiis ang sakit at tindi ng palo, siya’y nanlaban
– nanipa, nagsisigaw at kinagat nito ang kamay ng kura. Napasigaw si Crispin at nabitiwan ang
yantok na pamalo. Sumunggab ng isang tungkod ang sakristan mayor at pinalo sa ulo si Crispin.
Nang makita siya ng kura na siya’y nakabulagta, sa matinding galit ay pinagsisipa si Crispin na
gumulong-gulong.
(aktong hindi maganda ang panaginip ni Basilio)
Sisa: Basilio! Gising!
(umiiyak si Basilio sa kaniyang paggising)
Basilio: Ayoko na pong magsakristan. Inay, sunduin mo na si Cispin.
Sisa: Ngunit paano aking anak?
Basilio: Kapag ako’y magaling na ako’y makikipagkita sa bagong anak ni Don Rafael upang ako’y
magiging tagapag-alaga ngmga hayop ni Crisostomo Ibarra. At kay Mang Tasyo muna natin
pagpaaralin si Crispin. Kailangan niyang magsikap bilang tagapag-alaga upang siya’y
mapagkatiwalaan ni Don Crisostomo Ibarra ng kaputol na lupa na maaari niyang linangin kapag
malaki na siya. Kapag natupad ang aking balak, magiging malayo na tayong tatlo nila Crispin
inay.
Sisa: Ikinagagalak ko ang magandang balak mo anak.
(napatahimik ng sandal ang ina)
Sisa: Sige na anak, magpatuloy kana sa iyong pagpapahinga. Dadalhan ko ng gulay ang mga kura
bukas at hihingiin ang Kalayaan ng iyong kapatid.
Tagapagsalaysay: Lihim na iniluha ni Sisa ang kaniyang nararamdaman dahil hindi man lang
binaggit ng kaniyang anak ang kanilang ama.

Shekinah Galon bilang Tagapagsalaysay

Roseleila Anover bilang si Sisa

Vanerie Badolato bilang si Basilio

Keith Rafael Evaristo bilang si Crispin

Hanzel Faiza Macarimban bilang si Mang Tasyo

Cryztel Kate Althea Joie Balili bilang manang

MGA KALULUWANG NAGDUDURUSA

Kabanata 18

Tagapagsalaysay: Mapansin ang katamlayan at kawalang sigla ni Padre Salvi sa kaniyang

pagmimisa ng umagang iyon. Halos ika-pito na ng matapos ang kaniyang huling misa na alay sa
mga kaluluwa. Matamlay na naghubad ng abito at pumanhik sa kumbento. Naraanan niya ang
ilang manong at manang sa sumalubong upang magmano ngunit hindi niya inabot ang kaniyang
kamay.
Manang: Magandang umaga po Padre Salvi.
Tagapagsalaysay: Malapit na ang kapistahan at kailagan nilang pumili ng Padreng magsesermon
sa kapitahan.
Manang: Sina Padre Damaso, Padre Martin at ang coadjuctor ang magsesermon ngayong
darating na kapistahan.
Manang: Mabuti pa’t ipaalam na natin sa mga kura ito.
Tagapagsalaysay: Sa gitna ng pag-uusap, dumating si Sisa…
Sisa: Magandang umaga po sa inyo!
(nagbubulong-bulungan ang mga manang at manong)
Tagapagsalaysay: Isinuot ni Sisa ang magandang damit at nagdala siya ng gulay at pumunta sa
kumbento.
Sisa: Paano ko kaya sasabihin ang aking nais?
Tagapagsalaysay: Dahan-dahan siyang umakyat at tinalasan ang pandinig upang maulingan ang
tinig ni Crispin subalit wala siyang narinig o nakita man lang. Tumuloy siya sa kusina…
Sisa: Magandang araw po sa inyong lahat! Maaari ko bang makausap ang pari?
Utusan: Hindi puwede, sapagkat may sakit siya.
Sisa: Kung gayo’y kahit makita ko man lang si Crispin.
Utusan: Si Crispin ay umuwi na, huwag kang magsinungaling!
Sisa: Si Basilio lang nasa amin, naiwan dito si Crispin. Ibig ko sanang makita ang aking anak.
Utusan: Naiwan nga, ngunit tumakas matapos magnakaw ng maraming bagay. Inutusan ako ng
kura na ipagbigay-alam ko sa mga guwardiya sibil, baka marahil ay papunta na sa inyo upang
hulihin ang inyong anak.
Sisa: Crispin…
Utusan: Kayo’y isang mabuting asawa at ina, ngunit ang inyong mga anak ay nagmana sa
kasamaan ng kanilang ama.
Sisa: Sige na po, gusto ko lang makita ang aking anak.
Utusan: Ang pari ay may sakit.
(Umiiyak si Sisa)
Utusan: Sulong labas na kayo at doon kayo mag-iiyak-iyakan.