Professional Documents
Culture Documents
კონსპექტი მეორე ქვიზისთვის
კონსპექტი მეორე ქვიზისთვის
სხვაგვარად:
პირველ რიგში როგორ განისაზღვრება მსჯელობები ჭეშმარიტია თუ არა. მხოლოდ ორი გზა არსებობს:
ემპირიული (აპოსტერიორი) და აპრიორი. ემპირიული მსჯელობების ჭეშმარიტებას მხოლოდ დაკვირვებით
ვიგებთ. მაგალითად: “წიგნი არის მაგიდაზე”; “ცა არის ლურჯი”; “მე დაღლილი ვარ”. მოკლედ, უმეტესობა,
რაზეც ვმსჯელობთ არის ემპირიული. ფიზიკის, ქიმიის და ბიოლოგიის მეცნიერებები მხოლოდ ემპირიულ
მსჯელობებს შეიცავს. მეორეს მხრივ, აპრიორი მსჯელობების ჭეშმარიტებას გამოცდილებით არ
განვსაზღვრავთ. მაგალითად: “ ქმარი არის კაცი”; “7+5=12”; “ყველაფერს, რაც მწვანეა, ფერი აქვს”. ჩვენ
ვიცით, რომ ეს მსჯელობები ჭეშმარიტია დაკვირვების გარეშეც. ანუ მე ვადგენ მათ ჭეშმარიტებას ფიქრით და
არა დაკვირვებით.
განსხვავება ემპირიულ და აპრიორი მსჯელობებს შორის არის ის, თუ როგორ განისაზღვრება
თითოეულის ჭეშმარიტება: დაკვირვებით თუ მხოლოდ ფიქრით.
მეორე, განსხვავება არის ამ მსჯელობების სტრუქტურაშიც. ანალიტიკური მსჯელობების სტრუქტურა
არის ისეთი, რომ პრედიკატი (ნაწილი, რომელიც “არის” შემდეგ მოდის) მოიძებნება სუბიექტშიც (ნაწილი,
რომელიც “არის”-მდეა). მაგალითად: “ყველა კაცი არის კაცი” ან “ყველა კაცი მამრობითი სქესისაა”.
პრედიკატი მოიძებნება სუბიექტში ორივე შემთხვევაში. როცა ვფიქრობ “კაცზე”, “მამრობითი სქესის”
კონცეპტსაც მოვიაზრებ. ესენია ანალიტიკური მსჯელობები. რაც შეეხება წინადადებებს, სადაც პრედიკატი
არ მოიძებნება სუბიექტში, ეწოდება სინთეტიკური მსჯელობები. მაგალითად: “წიგნი არის მაგიდაზე” და “ის
არის დედა”. წიგნზე რომ ვფიქრობთ, ეს არ ნიშნავს, რომ ავტომატურად მაგიდაზე ვიფიქრებთ.
უკეთ რომ დავინახოთ განსხვავება ანალიტიკურ და სინთეტიკურ მსჯელობებს შორის: თუ გეტყბი, რომ
“მე მყავს ქალიშვილი (ანალიტიკური მსჯელობა)”, ავტომატურად იცი, რომ ჩემი შვილი გოგოა (მდ. სქესის
წარმომადგენელია) და მასზე ახალ ინფორმაციას ამით არ გაიგებდი. მაგრამ თუ გეტყვი, რომ “ჩემი
ქალიშვილი მოდის სტუმრად (სინთეტიკური მსჯელობა)”, ახალ ინფორმაციას მიიღებდი მასზე, იმიტომ რომ
ჩემი ქალიშვილისა და მისი სტუმრობის ცნებები დავაკავშირე ერთმანეთთან.
აღსანიშნავია, რომ ანალიტიკური მსჯელობის სტრუქტურა ისეთია, რომ ყოველთვის აპრიორი იცი მისი
ჭეშმარიტება. ანალიტიკური მსჯელობა “ჩემი ქალიშვილი გოგოა”, აპრიორი იცი, იმიტომ რომ საკმარისია
იფიქრო ქალიშვილზე, რომ იცოდე, ის გოგოა. ნებისმიერი ანალიტიკური მსჯელობა აპრიორი იცი მისი
‘ანალიტიკური’ სტრუქტურის გამო.
სინთეტიკური მსჯელობების სტრუქტურა ისეთია, რომ მისი ჭეშმარიტება მხოლოდ დაკვირვებით
შეგიძლია გაიგო. “წიგნი მაგიდაზეა” - გეცოდინება არა მხოლოდ წიგნებზე ან მაგიდებზე ფიქრით, არამედ
მათი შეხედვით (ანუ დაკვირვებით). მაგიდის ცნება წიგნის ცნებაში არ მოიაზრება, ამიტომ ერთადერთი გზა,
რომ ვიცოდეთ როგორ არიან ისინი დაკავშირებული, არის დაკვირვება.
ბევრი ფიქრობს, რომ ანალიტიკური იგივეა, რაც აპრიორი. თუმცა, “ანალიტიკური” მიემართება მსჯელობის
სტრუქტურას, ხოლოდ “აპრიორი” მიემართება ჭეშმარიტების დადგენის მეთოდს.
1. ანალიტიკური მსჯელობები ვიცით აპრიორი.
2. ემპირიული (დაკვირვებითი) მსჯელობების სტრუქტურა სინთეტიკურია.
3. არ არსებობს ემპირიული მსჯელობა, რომელიც ანალიტიკურად გვეცოდინება.
ერთადერთი კომბინაცია რჩება, არსებობს თუ არა სინთეტიკური მსჯელობები, რომლებიც ვიცით
აპრიორი? ეს არის კანტის მთავარი კითხვა მეტაფიზიკაზე.