NORTHEASTERN INTEGRATED SCHOOL

Quarter II OF SAN AGUSTIN, INC. ESP G9

ARALIN 3:
PAGTUKOY SA KAHALAGAHAN NG KAGALINGAN SA PAGGAWA
Targeted Most Essential Learning Competencies (MELCs)
 Maipaliwanag na ang kagalingan sa paggawa at paglilingkod ay kailangan upang maiangat ang sarili, mapaunlad ang
ekonomiya ng bansa, at mapasalamatan ang Diyos sa mga talentong kaloob.
 Maipamalas ang patunay sa kagalingan sa paggawa at serbisyo sa pamamagitan ng de-kalidad na gawain o
produkto.
 Maibahagi nang buong husay ang mga kakayahan at mapasalamatan ang Maykapal sa mga talentong ipinagkaloob.
Lesson Objectives
 Naipamamalas ng mag-aaral ang pag-unawa sa paggawa bilang tagapagtaguyod ng dignidad ng tao at paglilingkod.
 Nakabubuo ang mag-aaral ng panlahat tungkol sa kabutihang naidulot ng paggawa sa sarili, kapwa/pamilya, at
lipunan.

Aralin: Pagtukoy sa kahalagahan ng Kagalingan sa Paggawa

SUBUKIN (INITIAL TASK)

Basahin ang maikling kuwento sa ibaba.
Sipag ang Aking Puhunan
Si Jose Ma. Concepcion III ay mula sa kilalang pamilya sa larangan ng negosyo. Matiyaga siyang nagtatrabaho at
inaangat ang kalidad ng sorbetes na Selecta. Bilang president, CEO, at executive director, nanatili siyang mapagpakumbaba at
tagapagtanggol ng pagkakaisa at propesyonalismo. Nagpakita siya ng malasakit sa kaniyang mga empleyado. Kaagad niya
silang tinulungan sa kanilang pangangailangan. Para sa kaniya, hindi lang paggawa ng de-kalidad na mga produkto ang papel
ng kompanya. Dapat magkaroon ng pananagutan para sa kabutihan ng lahat ng mga manggagawa nila. Naniniwala siya na
mas magiging produktibo kung sila ay masaya at kontento dito.

Sagutin ang mga sumusunod na tanong ayon sa kuwentong binasa. Isulat ang sagot sa sagutang papel.
1. Paano iniangat ni Jose Ma. Concepcion III ang kalidad ng kanilang produkto?

2. Paano niya tinatrato ang kanilang mga empleyado?

3. Ayon sa kaniya, ano ang pinakamahalagang papel ng kompanya sa kaniyang mga manggagawa?

TALAKAYAN (DISCUSSION)
Kagalingan sa Paggawa

Ang kagalingan sa paggawa ay ang pagganap o pagtupad ng kinakailangang gawain upang makamit, matapos, o
mabuo ang inaasahang bunga na kasiya-siya at may mataas na uri ng paggawa. Masasalamin sa kagalingan sa paggawa ang
mga kaalaman, kakayahan, at pagpapahalaga ng manggagawa sa mataas na uri o kalidad ng pagkakagawa sa nabuo o
natapos na gawain. Dahil dito, itinuturing na kayamanan o asset ang manggagawa na may kagalingan sa paggawa sa isang
samahan, tanggapan, o establisimyento.

Mga Katangian ng Isang Mahusay na Manggagawa

1. Pagiging bihasa na may nagagawa o achievement – oriented – may positibong pagpapahalaga na magbibigay ng
kasiglahan at patuloy na pagsulong upang matapos ang mga gawain.

2. Pagiging Malikhain – maparaan, madaling matuto, at may kakayahang makagawa batay sa ano mang bagay na
mayroon sa kaniyang paligid.

3. Pagiging mapanagutan at may disiplina – marunong gumamit ng kaniyang oras nang wasto, tinatapos ang isang
gawain bago iwanan ito o magsimula ng iba, pinanatiling de-kalidad ang trabaho, at sumusunod sa ano mang mga
alituntunin o batas na may kinalalaman sa gawain.

4. Pagpapalawak ng abilidad, kakayaha, at kasanayan sa abot ng makakaya – nagsusumikap na magkaroon ng

karagdagang pagkatuto at pagsasanay upang matamo ang pinakamahusay na antas ng paggawa nang sa gayon ito ay
maging kahanga-hanga.

Property of Northeastern Integrated School of San Agustin, Inc.

For Inquiries, Call or Text 09534157933 (Globe) / 09982614449 (Smart) 1
 NORTHEASTERN INTEGRATED SCHOOL
OF SAN AGUSTIN, INC.
5. Pagiging tapat sa paggawa – umiiwas sa pandaraya at nagsusumikap na mapabuti ang gawain kahit walang
nakatingin.

GAWAIN 1
Isulat ang GO kung ang bawat kilos na isinasaad sa pangungusap ay nagpapakita ng kagalingan sa paggawa at isulat
naman ang STOP kung hindi. Isulat ang iyong sagot sa sagutang papel.

_______1. Nawalan agad ng interes sa trabaho si Maynard nang makita niya ang mga katiwalian sa kanilang kompanya.

_______ 2. Ipinangako ni Robert na hindi magiging hadlang ang kahirapan sa kaniyang pagsusumikap na matamo ang kaniyang
pangarap na maging isang imbentor.

_______3. Alam ni Russel na may kapansanan siya, pero ginamit niya ito upang ipakita sa kanilang pamilya na malaki ang
maiaambag niya kung magsusumikap siya.

_______4. Maingat na tinupad at sinikap ni Rose na ayusin ang schedule ng kaniyang trabaho upang hindi maantala ang
trabaho ng iba.

GAWAIN 2
Basahin ang mga sumusunod na sitwasyon. Ipaliwanag kung paano mababago ang maling gawaing nakasaad sa bawat
isa upang maisabuhay ang kagalingan sa paggawa. Isulat ang iyong sagot sa sagutang papel.

1. Si Larry ay maraming plano sa buhay. Marami siyang magandang ideya, ngunit pagdating sa aktuwal na paggawa, ni hindi
niya masimulan kahit isa.

2. Si Michel ay maraming kakayahan, kaya simula lang siya ng simula ng iba’t ibang mga gawain ngunit wala siyang natatapos.

Repleksyon: Isulat ang sagot sa Sagutang Papel (Answer sheet)

1. Ikaw, bilang huwarang mag-aaral ng NISSAI ano sa palagay mo ang sinasabi ng mga tao tungkol sa paraan mo ng paggawa
ng iyong mga tungkulin?
2. Kung ikaw ay isang manggagawa, ano-ano ang dapat mong isalang-alang upang ikaw ay maging ulirang manggagawa?

Sang. Ginintuang Gabay sa Pagpapakatao

ph. 123 - 128

Property of Northeastern Integrated School of San Agustin, Inc.

For Inquiries, Call or Text 09534157933 (Globe) / 09982614449 (Smart) 2
 NORTHEASTERN INTEGRATED SCHOOL
OF SAN AGUSTIN, INC.

Property of Northeastern Integrated School of San Agustin, Inc.

For Inquiries, Call or Text 09534157933 (Globe) / 09982614449 (Smart) 3