Professional Documents
Culture Documents
Os Oficios Máis Tradicionais de Galicia
Os Oficios Máis Tradicionais de Galicia
<
Un destes oficios é o dos canteiros, que traballan a pedra para a construción, e tamén a lousa. Os
canteiros son os labradores da pedra da arte popular e a súa existencia débese á abundancia do granito,
fundamento da paisaxe galaica.
Pero antes, os pedreiros teñen que arrincar dos montes os bloques de pedra. Noutras épocas, para
extraer a pedra tiñan que usar o pico, as cuñas, o martelón, e finalmente a dinamita para romper os
bloques de granito. Despois, co auxilio dunha ferramenta chamada paoferro, (unha barra de ferro
usada coma panca) subían ó carro dos bois estes bloques de pedra.
Dentro dos carpinteiros, existen distintas especialidades. Está o carpinteiro de armar, que é o que
prepara a estrutura dos pisos e o teitume das casas. Atopamos tamén o carpinteiro de ribeira, quen
constrúe embarcacións de todo tipo. Tamén está o cubeiro, encargado de face-las cubas do viño; o
ebanista; o torneiro; os fragueiros que facían os carros ou os rodeiros, que facían unicamente as
rodas.
Outro oficio é o dos cesteiros, arte anterior á cultura castrexa, cuxa materia prima é a madeira de
castiñeiro, carballo, colmo (palla de centeo) e tamén vimbio.
Aínda non hai moito que os ferreiros fabricaban os utensilios agrícolas e tódalas ferraxes necesarias
para os carros e as casas. Os ferradores, son ferreiros especializados nas ferraduras para as cabalerías
ou os canelos para os vacúns.
O oficio dos carboeiros tiña por principais clientes ás forxas dos ferreiros. O carbón vexetal facíano
con raíces de breixo ou polas de acacia.
Un oficio que acadou moita raizame na nosa terra é o dos zapateiros. Non podemos esquecer
ós zoqueiros , aqueles que facían zocos e zocas, calzado habitual nun país húmido coma o noso. As
empeñas de coiro eran feitas polos zapateiros.
O oficio dos oleiros consiste en facer con barro olas, xerras, cuncas, pratos, tarteiras, pucheiros…
E o oficio ambulante por excelencia, é o de afiador. Os afiadores ían polo mundo ofrecendo os seus
servicios. Levaban un asubío xeralmente feito de madeira de buxo que facían soar co seu tan coñecido
pregón: “¡Afiador e paraugueiro…”.
Coñeces algún oficio máis?, viticultor, leiteiro, labrego, muiñeiro, panadeiro, percebeiro, redeiro,
mariñeiro, albardeiro, cantorleiro, zarralleiro, latoeiro, mazadeira, fiandeira, tecedora, xastre,
costureira, palilleira, ourive, serranchín, telleiro, cereiro, campaneiro, seitureira, guarnicioneiro,
arrieiro