Ako po si Cristiano Ocampo mula sa ika-pitong bailang seksyon H
ng paaralang Xavier. Masaya ko pong ibabalita sainyo na natapos ko na pong basahin ang inyong tekstong “Mga Tala sa Dagat”
Napakaswerte ko po dahil nabasa ko po ang inyong aklat. Ito
po ay puno ng aral na magagamit ko po sa aking buhay. Nais ko pong ibahagi sainyo ang mga paborito kong parte sa kwento. Una, noong walang hinihinging sobra si Rosa kay Tonino. Naramdaman ko ang hiya at lungkot ni Rosa na wala siyang magawa para sa kanyang anak Isa rin sa paborito ko ay noong nailigtas ni Tonino ang butanding. Tuwang-tuwa ako na kahit may galit at lungkot siyang nararamdaman sa kanyang tatay ay tinupad pa rin niya ang pangakong protektahan ang butanding na nagpapakita rin ng pagmamahal niya sa kanyang ama. Labis man po ang pagkagusto sa inyong libro ay hindi ko po masyadong nagustuhan ang bahagi kung saan nahuling magkausap ni Tonino sina Aling Rosa at Mang Nando. Tulad ni Tonino galit rin ang aking naramdaman sa bahaging ito dahil sinasamantala ni Nando ang kanilang pinagdadaanan. Pangalawang bahagi po na hindi ko paborito ay noong sinaktan ni Mang Nando si Tonino dahil ayaw niyang hulihin ang butanding dahil lamang nais niyang maging magaling sa lahat.
Sa pagtatapos ko sa pagbabasa nakaramdam po ako ng
kasiyahan at kalungkutan. Napuno po ng saya ang aking puso dahil ramdam ko po ang pagmamahal ni Tonino sa kanyang pamilya. Sa kabilang banda malungkot din po ako dahil alam kong nahihirapan po si Tonino at nais niya lang maging bata ngunit mas mahal niya ang kanya pamilya kaya nagtatrabaho siya. Maraming aral ang bumabalot sa akdang ito. Isa na rito ang pagmamahal sa pamilya. Kapag pamilya na ang usapan handa kang isakripisyo ang lahat upang maging maayos ang kanilang kalagayan. Natutunan ko rin na kahit mahirap kailangan ipaglaban ang tama tulad ng ginawa ni Tonino sa pagligtas niya sa butanding.
Bb. Flores, maraming salamat po sa pagsisikap niyo sa pagsulat ng
akdang ito. Naniniwala po ako na ang bawat taong makakabasa ng inyong aklat ay magagandahan, maraming matutunan at higit sa lahat hihikayatin din po ang iba na basahin ito. Saludo po ako sainyo!