Para sa iyo, ano ang pinaka epektibong teknik o pamamaraan sa
pagtuturo?
SAGOT:
Sa tagal ng aking pagtuturo, sa totoo lang, wala tayong matukoy
na pinaka epektibong estratehiya. Ang mahalaga kailangan mong kilalanin ang antas o lebel ng iyong mag-aaral at kung ano yong angkop na estratehiya sa kanila. Halimbawa, magtuturo ka sa baitang siyam (9), hindi isang estratehiya lang ang puwede mong gamitin sa kanila. Bagkus, tingnan mo yong kakayahan ng mga bata, yong mga gawain ba ay angkop sa kanilang kakayahan? Maaaring angkop sa isang baitang, pero sa ibang pangkat o seksyon ay hindi angkop.
Para sa akin, ang pinaka-epektibong teknik ay kilalanin mo ang
kakayahan ng iyong mag-aaral, para magiging makabuluhan ang kaalaman hinggil sa kanilang matututuhan sa iyong ginagawang pagtuturo.
2. Paano mo matutukoy kung may natutuhan ang mga estudyante o mag-
aaral?
SAGOT:
Matutukoy yan actually sa madaling paraan lamang. Halimbawa
sakalagitnaan ng iyong pagtalakay ng aralin ay magbibigay ka ng tanong, magbabato ka ng tanong at don mo makikita kung nauunawaan ng iyong mga mag-aaral ang iyong itinuturo na aralin o hindi. Maaari ring magsagawa ng formative test, pagkatapos ng aralin. Puweding ganon yong estratehiya. Maaaring sa kalagitnaan, isang simpleng pagbibigay ng mga katanungan na may kaugnayan sa aralin. Makikita mo naman o malalaman mo naman ang isasagot na ibinigay ng mag-aaral. Maaari ring pagkatapos mong talakayin ang iyong aralin, magbigay ka ng isang maikling pagsusulit. Isa sa mga estratehiya para masiguro mo na talagang natututo ang mag- aaral sa aralin na iyong ibinigay. 3. Paano mo pinanatili ang kontrol sa iyong silid aralan?
SAGOT:
Para magiging maayos ang takbo ng talakayan at masisiguro ko na
nakikinig ang mga mag-aaral, bago ako magsimula ng aking klase ang nangyayari sa unang ginagawa ko sa unang araw pa lang ng pagkikita namin sa pagbukas ng klase. May ibinibigay lang akong mga alituntunin o tuntunin sa klase. Halimbawa, sasagot ka lamang kapag tinatanong, kung nais mong magtanong magtataas ka ng iyong kamay. Bawal ang maingay sa klase, kung nais mong sumagot magtaas ka ng kamay, kung may katanungan ka magtaas ka rin ng kamay. Magtatanong ka lang kung may kaugnayan sa klase. Kailangan magbigay ka ng iyong tuntunin sa loob ng klase para malaman mo ng mga bata kung ano yong mga dapat hindi nila dapat gawin.
Bilang isang guro, siguraduhin mo rin na nakikinig ang mga mag-aaral.
Wag lang turo ng turo sa gitna, talakay lang na talakay ng aralin sa gitna, kailangan mo ring tingnan ang estado ng mga mag-aaral kung nakikinig talaga sila o hindi. Kung nakita mo na hindi ka nais -nais ang kanyang pag- uugali, halimbawa, nakikipag-usap sya sa kanyang katabi pagsabihan mo. Labas pasok sya, paaalalahanan mo na hindi tama ang kanyang ginagawa. Pero, pahapyaw lamang wag mong tutukan yon kasi mauubos ang iyong oras sa pagpapaalala sa kanila. Kailangan din na magiging consistent, ang pagiging consistent ay mahalaga. Kung ano yong binigay mong tuntunin dapat panatilihin mo mo yon para malaman ng mga bata na seryuso ka sa mga tuntunin na pinapalakad mo sa loob ng klase.
4. Ano ano ang mga dapat isasaalang-alang ng isang guro upang maging mabisa ang pamamaraan ng pagtuturo?
SAGOT:
Ang mga dapat isa alang-alang, isa doon ay ang kahandaan.
Kailangang handa ka sa mga materyales na gagamitin sa iyong klase. Kailangan din ang sapat na kaalaman mo sa paksa. Huwag umasa sa mga natutuhan mo. Bagkus, kailangan mo ring magsaliksik pa, para madagdagan ang iyong kaalaman. Kailangan din sa panahon ngayon, ay gumagamit tayo ng ICT. Ang mga mag-aaral ngayon, generation z ngayon ay mas nakukuha mo ang kanilang atensyon kapag gumagamit ka ng ICT na approach. Sapat na kaalaman sa paksa, magsagawa ng pananaliksik, gumamit ng ICT at angkop na estratehiya. Tingnan mo rin ang pangangailangan ng mag-aaral, huwag ka lang turo ng turo. Titingnan mo kung ano ang mga kailangan din minsan isa alang-alang para makuha mo ang kanilang interes sa pagtuturo. Halimbawa, inaantok sila, huwag ka lang turo ng turo, magalit ka mawawalan lalo sila ng interes. Ang gagawin mo magsasagawa ka ng pamukaw sigla, kasi yon yong kailangan nila. Magsasagawa ka ng enegizer, para mawala ang kanilang antok. Kahit gaano pa kaganda ang estratehiya mo, tingnan mo ang pangangailangan nila. Mahalaga din ang classroom management, kapag nakakita ka ng bata na hindi ka marunong humawak ng klase, hinahayaan mo lang sila kung ano ang gagawin nila, talagang susukatin ng bata ang galing mo sa paghawak sa kanila. Kaya kailangang marunong ka ring sa classroom management para organisado maayos ang talakayan na nangyayari sa iyong klase.