Kagawaran ng Edukasyon

Rehiyon III
SANGAY NG LALAWIGAN NG TARLAC

Pangalan: _______________________Baitang at Pangkat: _____________________

Paaralan: _______________________Petsa: ___________________________________

GAWAING PAMPAGKATUTO
Homeroom Guidance Program 10
Unang Markahan - Unang Linggo
Mga Epektibong Paraan sa Pagkatuto ng mga Mag-aaral

I. Panimula

Sa pagpapatuloy na pagtahak nitong buhay, naniniwala ako na ang

pinakamabuting bagay na maibabahagi ko ay panatilihin ang pag-asam ng
edukasyon sa puso ng mga mag-aaral. Ang pag-asa sa ikatatagumpay ng
bawat kabataan, isang pag-asa na ang bawat kabataan ngayon ay
magkaroon ng magandang kinabukasan, dahil pinili nilang magpursige sa
pag-aaral na nakasalalay din sa mga tamang pamamaraan ng kanyang
pagkatuto upang siya ay maging bihasa at makapagpatuloy ng kanyang
pag-aaral hanggang sa maabot ang rurok ng tagumpay.

Mahalagang malaman ng isang kabataan ang kaniyang sariling

paraan para sa mabilis at epektibong paraan ng pagkatuto upang lumago
ang mga kaalaman na nagbibigay sa atin ng pagkakataong makasabay sa
makabagong teknolohiya. Ang pagtuklas ng isang mag-aaral sa hiyang na
mga paraan ng pagkatuto sa pamamagitan ng pagninilay at eksperimento
sa mga ito. Bawat isa ay nagtataglay ng kani-kaniyang lebel ng talino kaya
magkakaiba din ang paraan ng pagkatuto at kung ito ay matuklasan nila
hindi malayong sila ay magtagumpay sa pag-aaral.

Sa araling ito, ipakikita nito ang mahahalagang bahagi ng mga

epektibong paraan sa pagkatuto na ginamit tungo sa matagumpay na
buhay at maging makabuluhan para sa sarili, sa pamilya, at maging sa
lipunan.
II. Kasanayang Pampagkatuto

Nailalarawan ang iba’t ibang epektibong paraan ng pagkatuto na

ginamit tungo sa panghabang-buhay na pagkatuto.
Koda: HGJA-Ia-2

III. Mga Layunin

Sa pagtatapos ng gawaing pampagkatuto , ikaw ay inaasahang:

1. mahihinuha ang iba't ibang epektibong paraan ng pagkatuto; at
2. makagagawa ng sariling pamamaraan para sa mabilis at epektibong
paraan ng pagkatuto.

IV. Pagtalakay

Mahalaga ang pag-aaral sa lahat ng mga kabataan kaya naman

ang pagkakaroon ng mga kaalaman tungkol sa mga epektibong paraan ng
pagkatuto ay gabay tungo sa magandang buhay. Narito ating isa-isahin
ang mga natatanging pamamaraan:

1. Kumain ng masustansiyang pagkain. Ang pagkain ng mga

masustansyang pagkain ay makatutulong sa kanilang brain development,
na siya namang paraan ng mabisang memorya. Kailangan ng isipan natin
ang “glucose” o ang tinatawag na “brain food” upang maging mabisa ang
ating isip. Ayon sa mga pagsusuri, nakatutulong sa kaisipan ang pagkain ng
gulay at prutas, carbohydrates mula sa tinapay, kanin, kamote, at iba pa.

2. Pag-eehersisyo. Ang pagiging matalino ay kaugnay ng pagiging

malusog. Ang ehersisyo ay may positibong epekto sa katawan, at ang mga
kamakailang mga pag-aaral ay nagpapakita na maaari rin itong
makinabang sa pag-iisip. Sa huli, dapat tandaan na ang pagkakaroon ng
malusog at masiglang pangangatawan ay makapagbibigay ng tamang
kaligayahan.
3. Ipinapayo ng mga eksperto na mainam maglakad-lakad. Sa halip
na matulog o kaya ay humiga para magpahinga, ang paglalakad-lakad sa
labas para makalanghap ng sariwang hangin at ma-relax ang kanilang utak
ay malaking tulong para makapag-isip ng mga bagong ideya.
4. Pagtulog ng mahimbing. Mahalaga ang kalidad ng tulog sa
kakayahan ng isang tao na matuto. Ang pagtulog ng sapat at mahimbing
gabi-gabi ay nakatutulong sa kanila na gumawa ng maraming bagay sa
araw ng bukas ng mas mainam at mas mabilis para tumaas ang kanilang

2
mga grado sa eskwela. Maaari mo ring pagbutihin ang kalidad ng iyong
pagtulog sa pamamagitan ng pagsunod sa mga tips sa ibaba.
• I-off ang mga maliliwanag na screen ng hindi bababa sa kalahating
oras bago matulog.
• Maaari mong basahin ang isang kabanata ng iyong paboritong
libro, makinig sa malambot na musika.
• Tiyaking tahimik ang silid, sa dilim at komportable sa pagtulog.
• Iwasan ang caffeine at iba pang mga stimulant bago matulog.
5. Magpahinga kapag nag-aaral. Nakitang ang pagpapahinga kada
25 minuto ng pag-aaral ay nakatutulong sa memorya at focus. Tandaan ang
kalidad ng pag-aaral ay mas mainam kaysa haba ng panahong ginugol
dito. Sa iyong mga pahinga, huwag tumuon sa iyong pag-aaral. Subukang
magnilay o isipin ang isang nakakarelaks na eksena at gamitin ang
"Pomodoro Time" upang matulungan kang ayusin ang iyong mga break at
ang iyong pag-aaral.
6. Hindi kailangan ng highlighters, paganahin ang active recall. Ayon
sa pag-aaral, ang pagha-highlight, pagsasalungguhit at muling pagbabasa
ng mga takda ay hindi ganoon ka-epektibo pagdating sa pag-aaral. Ang
active recall ay isang mabisang paraan para matuto, ito ay ang pag-ala-ala
sa mga impormasyon gamit lamang ang memorya.
7. Isulat ang mga tala sa papel hindi sa laptops o smartphones. Ang
paggamit ng notebooks at aktwal na pagsusulat dito ay nakapagpapagana
ng mas maraming parte ng ating mga utak. Walang makatatalo sa
pagsusulat ng mga tala sa papel at mas nakatutulong itong matandaan
ang ating mga isinusulat kumpara sa pagta-type.
8. Iwasan ang multi-task kapag nag-aaral. Kapag nag-aaral,
siguraduhing ang pag-aaral lamang ang pinag-tutuunan ng pansin. Gamitin
ang mga gadgets gaya ng cellphone, laptops, radyo at telebisyon sa
tamang pamamaraan na konektado at kapaki-pakinabang lamang sa pag-
aaral. Ang pananatiling organisado at pagbuo ng mga diskarte sa pag-
aaral ay susi sa pagkandili ng isang matagumpay na karera sa pag-aaral.
9. Gamitin ang estilong VARK sa pag-aaral. Ang VARK kumakatawan
sa Visual, Aural, Read/write, at Kinesthetic sensory modalities na ginagamit
na kumbinasyon o diskarte sa pag-aaral. Maaari mong makita na
pinakamahusay na natututo ka sa pamamagitan ng pagtingin ng
impormasyon, pakikinig, pagbabasa, pagsulat nito, o nakikita ito sa aksyon.

• Ang mga visual na estudyante ay nagpapanatili ng mas mahusay

na impormasyon mula sa mga visual na mapagkukunan, maging ang mga
mapa, grap, diagram o imahe.

3
 • Mas gusto ng mga mag-aaral na makinig sa mga aralin. Maaaring
makatulong din na magsalita nang malakas tungkol sa iyong natutunan.
• Ang iba ay mahusay sa pagpapanatili ng bagong impormasyon sa
pamamagitan ng pagbabasa nito o pagsulat nito. Tumutok sa iyong mga
tala at basahin ang materyal tungkol sa paksang nakaganyak sa iyo.
• Ang ilang mga mag-aaral ay nagpapanatili ng mas mahusay sa
kanilang natutunan kapag inilalapat nila ang kaalaman na kanilang
natutunan. Halimbawa, mas matututunan mo ang isang wikang banyaga sa
pamamagitan ng pagsasalita nito kaysa sa pagbabasa nito.

10. Talakayin kung ano ang iyong natutunan sa iba. Sa pamamagitan

ng pagtalakay sa iyong natututunan, makakakuha ka ng isang bagong
pananaw o gagawa ka ng mga koneksyon na maaaring hindi malinaw sa
iyo kapag nagbabasa o nag-aaral sa isang libro. Bilang karagdagan sa
pagtatanong sa iyong guro o iba pang mga mag-aaral, dapat mong
ibahagi ang iyong pananaw at ang iyong pang-unawa sa iyong napag-
aralan. Ang pagtuturo sa iba ng iyong natutunan ay isang mahusay na
paraan upang palakasin ang iyong pang-unawa sa isang paksa.

V. Mga Gawain

Gawain 1. Pasulat na Gawain.

A.1 Panuto: Ilagay ang tsek ( ) kung ang pangungusap ay nagpapakita ng

epektibong paraan upang matuto ng mabuti at ekis (X ) kung hindi.

__________1. Ang mga pagkaing masustansiya at nakapagpalakas ay

makatutulong sa iyo na manatiling gising at mas madaling masunod ang
bagong impormasyon.
__________2. Kung susubukan mong malaman ang tungkol sa isang paksa
nang sabay-sabay, sa lalong madaling panahon ay makararamdam ka ng
labis na pagkabalisa.
__________3. Karamihan sa mga tao ay pinakamahusay na natututo sa
pamamagitan ng pagsasama-sama ng iba't ibang mga pamamaraan ng
pagkatuto.
__________4. Ang mga pagtatala ay nakadaragdag hirap sa mag-aaral
upang maunawaan at matandaan ang paksang pinag- uusapan.
__________5. Kung nagpahinga ka ng maayos, magagawa mong manatiling
nakatuon at puno ng enerhiya sa iyong pag-aaral.

4
A.2 Panuto: Gumawa ng limang sariling epektibong paraan ng pagkatuto
gamit ang mga pamamaraan na tinalakay .

ANG AKING MGA PARAAN NG PAGKATUTO

1. _________________________________________________________________________
2. _________________________________________________________________________
3. _________________________________________________________________________
4. _________________________________________________________________________
5. _________________________________________________________________________

RUBRIK SA PAGGAWA NG GAWAIN

ISKOR
Pamantayan

Nakapagbigay ng wasto at kumpletong sagot na akma sa aralin. 15

Nakapagbigay ng kumpletong sagot ngunit may maling ideya. 10

Nasagutan ngunit hindi kumpleto at walang kinalaman sa aralin. 5

Kabuuang Puntos
*Paalala: HUWAG SAGUTAN ANG RUBRIK. (Ito ay batayan lamang ng guro sa pagbibigay ng puntos para sa gawain.)

Gawain 2. Gawaing Pagganap

B.1 Panuto: Hanapin ang sampung salitang may kaugnayan sa epektibong

paraan ng pagkatuto ng mga mag-aaral. Ilan sa mga ito ay pahalang,
pababa at pahilis (diagonal). Isulat ang iyong mga makikita.

M A S I P A G H G I P A S
A H D E J H E C S K A B V
G P A K I K I N I G G A B
A Z W D I C V X S D B E C
R E P E K T I B O F A T Y
A Q Q A X L A S E R B E D
L A S K A Z G F D B A N Z
M A T U T O N G W A S T O
B M S R M E B V E D A F I
R I F S P A G I I S I P E
V B N O T F E W N R T E W
I M P O R M A S Y O N I N

5
Sagutin ang mga sumusunod:

1. Nahirapan ka ba sa gawain? Ilang salita ang nahanap mo?______________

___________________________________________________________________________
___________________________________________________________________________
2. Mahalaga ba sa iyo ang mga ito? Bakit?_________________________________
___________________________________________________________________________
___________________________________________________________________________
3. Paano makatutulong ang mga salitang ito sa iyong pag-aaral? __________
___________________________________________________________________________
___________________________________________________________________________

B.2 Panuto: Gumawa ng isang sanaysay tungkol sa epektibong paraan ng

pag-aaral.

Ang Epektibong Paraan Ng Pag-Aaral

______________________________________________________
____________________________________________________________________
____________________________________________________________________
____________________________________________________________________
____________________________________________________________________
____________________________________________________________________
____________________________________________________________________
____________________________________________________________________
____________________________________________________________________
____________________________________________________________________

RUBRIK SA PAGGAWA NG SANAYSAY

PAMANTAYAN PUNTOS ISKOR

Sapat at akma ang nilalaman . 15
Maayos ang organisasyon ng mga ideya at 10
kalinisan sa pagkakasulat.
Wasto ang pagbaybay at gramatika. 5
Kabuuang Puntos 30
*Paalala: HUWAG SAGUTAN ANG RUBRIK. (Ito ay batayan lamang ng guro sa pagbibigay ng puntos para sa gawain.)

6
VI. Pagsusulit
I. Panuto: Piliin ang tamang sagot sa loob ng kahon. Isulat ang letra sa
patlang.

A. Hindi kailangan ng highlighters, paganahin ang active recall

B. Kumain ng masustansiyang pagkain
C. Magpahinga kapag nag-aaral
D. Pagtulog ng mahimbing
E. Pag-eehersisyo

__________1. Ang paglalakad-lakad sa labas para makalanghap ng sariwang

hangin para ma-relax ang kanilang utak ay malaking tulong para makapag-
isip ng mga bagong ideya.

__________2. Ang pagtulog ng sapat at mahimbing gabi-gabi ay

nakatutulong sa kanila na gumawa ng maraming bagay sa araw ng bukas
ng mas mainam at mas mabilis para tumaas ang kanilang mga grado sa
eskwela.

__________3. Ang pagiging matalino ay kaugnay ng pagiging malusog. Ito ay

makakatulong ng lubos sa kalusugan at pagpapatalas ng isipan.

__________4. Ito ay ang pagsasalungguhit at muling pagbabasa ng mga

takda ay hindi ganoon ka-epektibo pagdating sa pag-aaral kaya dapat
itong iwasan.

__________5. Ito ay makatutulong sa kanilang brain development, na siya

namang paraan ng mabisang memorya, mula sa pagkain ng tinapay, kanin,
kamote, at iba pa.

VII. Pangwakas

Panuto: Pagnilayan ang salawikain na ito “Ang katalinuhan ay kayaman”.

Ang katalinuhan ay kayaman _____________________________________________

___________________________________________________________________________
___________________________________________________________________________