Kahalagahan ng Maikling Kwento

 Ang maikling kwento ay naglalarawan ng mga aspekto ng buhay, kulturang Pinoy, at

mga hamon na kinakaharap ng mga tao.
 Ito ay isang anyo ng sining na nagbibigay-daan sa atin na tuklasin at maunawaan ang
iba’t ibang realidad ng buhay.

Pagpapalawak ng Imahinasyon

 Ang maikling kwento ay isang daan upang palawakin ang imahinasyon ng mga
mambabasa.
 Sa pamamagitan ng paglalarawan ng mga pook, tauhan, at pangyayari, nagiging buhay at
malinaw ang mga larawan sa isipan ng mga mambabasa.
 Ito ay nagbubukas ng mga pintuan patungo sa mga mundo at karanasan na maaaring
hindi nila lubos na natatamasa sa tunay na buhay.

Pagpapahalaga sa Wika at Kultura

 Ang maikling kwento ay nagbibigay-diin sa paggamit at pagpapahalaga sa wika at

kultura ng bansa.
 Sa pamamagitan ng paggamit ng mga salitang pambansa at paglalarawan ng mga
tradisyon, kaugalian, at pag-uugali ng mga Pilipino, ito ay nagpapalalim sa pag-unawa at
pagpapahalaga sa sariling kultura.

Pagpapahayag ng mga Kaisipan at Damdamin

 Sa pamamagitan ng maikling kwento, ang mga manunulat ay nagkakaroon ng paraan

upang maipahayag ang kanilang kaisipan at damdamin.
 Ito ay isang anyo ng pagpapahayag ng mga isyu, pagsusuri, at pananaw sa mga
pangyayari sa lipunan o personal na karanasan.
 Ang mga mambabasa ay nagiging saksi sa mga saloobin at perspektibo ng mga
manunulat.

Pang-aliw at Edukasyon

 Ang maikling kwento ay isang mapaglarong paraan ng pagbibigay-pang-aliw at

edukasyon sa mga mambabasa.
 Ito ay nagbibigay ng mga aral, kasiyahan, at pagbibigay-buhay sa mga kuwento at
karakter na maaaring maka-relate ang mga mambabasa.
 Sa pamamagitan ng mga kwentong ito, nagiging malayang makakapagpasya at mag-iisip
ang mga mambabasa.
 Bahagi ng Maikling Kwento

1. Simula

Kabilang sa simula ang mga tauhan, tagpuan, at suliranin. Sa mga tauhan nalalaman kung sinu-
sino ang magsisiganap sa kwento at kung ano ang papel na gaganapan ng bawat isa. Maaaring
bida, kontrabida o suportang tauhan.

Sa tagpuan nakasaad ang lugar na pinangyarihan ng mga aksyon o mga insidente kasama na dito
ang panahon kung kailan naganap ang kwento. At ang bahagi ng suliranin ang siyang
kababasahan ng problemang haharapin ng pangunahing tauhan.

2. Gitna

Ang gitna ay binubuo ng saglit na kasiglahan, tunggalian, at kasukdulan. Ang saglit na

kasiglahan ang naglalahad ng panandaliang pagtatagpo ng mga tauhang masasangkot sa
suliranin.

Ang tunggalian naman ang bahaging kababasahan ng pakikitunggali o pakikipagsapalaran ng

pangunahing tauhan laban sa mga suliraning kakaharapin, na minsan ay sa sarili, sa kapwa, o sa
kalikasan. Samantalang ang kasukdulan ang pinakamadulang bahagi kung saan makakamtan ng
pangunahing tauhan ang katuparan o kasawian ng kanyang ipinaglalaban.

3. Wakas

Ang wakas ay binubuo ng kakalasan at katapusan. Ang kakalasan ang bahaging nagpapakita ng
unti-unting pagbaba ng takbo ng kwento mula sa maigting na pangyayari sa kasukdulan, at ang
katapusan ang bahaging kababasahan ng magiging resolusyon ng kwento. Maaring masaya o
malungkot, pagkatalo o pagkapanalo.

Gayunpaman, may mga kwento na hindi laging winawakasan sa pamamagitan ng dalawang

huling nabanggit na mga sangkap. Kung minsan, hinahayaan ng may-akda na mabitin ang wakas
ng kwento para hayaan ang mambabasa na humatol o magpasya kung ano sa palagay nito ang
maaring kahinatnan ng kwento.