Professional Documents
Culture Documents
!
!
(መብራት ሲበራ በአዘነ ጎጃም ወይ በፎጣ ተከናንበው የሚሳሳሙ ኮረዳና ጎረምሳ ይታያሉ። ከኋላ ሃገርኛ የእረኞች
ዋሾንንት ይሰማል! ይኼኔ ጥቂት ትንሽ ሲላፉ፣ ሲጎነታተሉ ፣ ሲሳሳቁ ይቆዩና ድንገት እርስዋ ብድግ ብላ ትነሳለች።
እርሱም በርገግ ብሎ ጋቢውን ሰብሰብ አድርጎ ዱላውን ከወደቀበት ፈልጎ ይንጎራደዳል።)
እርሱ - ታዲያ ምነው እንዲህ እንደእንቁራሪት ፊንን ብለሽ መነሳትሽ። ጥሩ እየተጨዋወትንም አልነበር።
እርሱ - አሳመምኸኝ?
(ራሷን ላይ ታች ትነቀንቃለች)
እርሷ - እስከመቼ ግን ርንዲህ ተደብቀን! ተሰው ዓይን ተሸሽገን! ምናለበት ጠቅልለህ ብትወስደኝ። እዚያ የንጉሥ አገር
አዲስ አበባ የሚሉት አግብቼ እወስድሻለሁ ብለኸኝ አልነቀር?
እርሱ - ልጅዎን ይዳሩልኝ! ብዬ ሽማግሌ ብልክ ሽማግሌዎቼን ውሻ አድርገው አባረው የመለሱብኝ እርሳቸው አይደሉም
እንዴ። እርሳቸው አይደሉ እንዴ ጥሎሹን ከየት አምጥቶ ይከፍላል ብለው አስወርተው የሰፈሩ ሁሉ መቀለጃ ያደረጉኝ።
እርሷ - ታድያ እርሳቸው ስላሉ ነው የማትወስደኝ። ወንድ ስላልሆንህ ነው እንጂ! (ጀርባዋን ሰጥታ ታኮርፋለች)
ብርና ወንድ ልጅ አይልም ወይ ልብህ አለ ዘፋኙ። ተይው እስኪ ። ይታደሉታል እንጂ አይታገሉትም ነው ነገሩ።
እርሷ - ምነው ይኸው የባላምባራስ ባያብል ልጅ ሎሚሽታ የከንፈር ወዳጇ ጠልፎ ወሰዳት አይደል እንዴ?
አርሷ - ታድያስ
እርሱ -አያደርገውም
እርሷ - አደረገው እንጂ!
እርሷ - ይኸው አሁን ባላምባራስ! በተከበርኩበት ሰፈር አታዋርደኝ። ቢያንስ በወግ ልዳራችሁ ብለው መልዕክት ላኩበት
አሉ።
(ለአፍታ ዝም ይባባላሉ)
እርሱ - እናሳ
እርሷ - ነገ ለማኝ ሳያራ በይህ በጓሮው በኩል ትመጣና ኩኩ መለኮቴ ኩኩ መለኮቴ ብለህ ጩህ! እመጣለሁ!
ባለፈው በዚህ በጓሮ በኩል እምቧ በል! እምቧ ስትል ጊዜ እናቱ የመጣች መስሎት ጥጃው በጥሶ ሲያመልጥ እርሱን
ለመመለስ እመጣለሁ!' ብለሽኝ እንደከብት እምቧ ብል እምቧ ብል በየት በኩል
(ይህን ብላ ልትሰናበተው ዞር ስትል ከተቀመጠበት የለም! እንደማሽሟጠጥ ብላ አፏን ታሞጠሙጣለች! ከዚያ 'መጣሁ'
እያለች ትወጣለች።)