CATCH UP FRIDAY

February 22, 2024

GAWAIN 1a: ANG AKING SIMBOLO!!!

Panuto: piliin ang maaaring maging simbolo ng mga saltang nasa kaliwa. Maaaring higit sa isa ang
mapiling sagot at ipaliwanag kung bakit mo Napili ang nasabing simbolo.

1. Pangarap: ( araw, buwan, bituin bagyo )

2. Pag – asa: ( bahaghari, ulan, bato, ulap )
3. Lungkot: ( gabi, panyo, sundalo, ulo )
4. Pag – ibig: ( bulaklak, puso, buhok, walis )
5. Katatagan: ( bato, maso, papel, palay )

B. PANUTO: Ibigay ang kasingkahulugan ng mga salitang may salungguhit sa parirala sa tulong ng gabay.

1. Nakakahilakbot na sinag ( n _ _ _ _ _ ta _ _ _ )
2. Pagtunghay sa lupa ( p _ g _ _ _ g _ n )
3. Dibuho ng manghuhugis ( _ _ s _ n _ _ )
4. Pagal na pagal ang aking katawan ( p _ o _ na p _ g _ d )
5. Lubhang nanangis sa pangyayaring ito ( u m _ _ _ a k )

GAWAIN 2: Basahin ang Kuwento

HASHNU, ANG MANLILILOK NG BATO

Sa isang malayong lalawigan sa Jiangsu sa bayan ng Ninjing sa Tsina ay naninirahan si

Hashnu, isang manlililok ng bato. Ginagawa niya ang pag – ukit ng bato sa matagal na
panahon. Ang trabahong ito ay halos araw – araw niyang ginagawa sa ilalim ng matinding sikat
ng araw. Mapapansing buong tiyaga niyang ginagampanan ang kaniyang gawain. Ngunit isang
araw ay nasambit niya sa sarili, “ Naku! Pagal na pagal na ang aking katawan sa kahuhugis ng
matitigas na bato. Sana ay mabuhay na lamang ang tao na hindi nahihirapang magtrabaho
para hindi na magdala na pait at maso rito araw – araw. Uupo na lamang ako at
magpapahinga. Hindi ko na kailangang magdala ng maso paroo’t parito araw – araw sa
kalsada.
Tila nagdilang anghel naman si Hashnu sa kanyang sinabi. Parang isang panaginip ang
naganap sa kanyang buhay. Nang nagkakagulo ang mga tao sa daang malapit sa kanyang
inuukit ay nakita niyang naroon pala ang hari. Napansin niya kaagad sa dakong kanan ang mga
sundalong ayos na ayos ang pananamit at may sandata na handang sumunod sa ipag – uutos
ng hari. Sa kaliwa naman ay nakita niya ang mga tagasunod nitong gumagawa ng paraan para
lamang mautusan ng hari. Habang nakatingin si Hashnu, nag – iisip siyang maganda palang
maging isang hari at magkaroon ng mga alalay na sundalo at mga tagasunod na nag –
uunahan para mautusan. Agad may narinig siyang tinig, “ Magiging hari ka”.
Isang himala! Naging ganap na hari si Hashnu. Maligayang – maligaya si Hashnu. “ hindi
na ako taga – ukit ng mga bato na nakaupo sa gilid ng daan na may hawak ng pait at mabigat
na maso. Isa na akong hari na nakasuot ng baluti, helmet, at nakasakay sa pagitan ng mga
sundalo, at may tagasunod na pawang mapitagan sa akin.” Mayabang siya sa paglakad kaya’t
ang kaniyang mga tauhan ay talagang gumagalang sa kanya.
Mabigat ang baluti at ang kanyang helmet na lubhang dikit sa kanyang ulo na umaabot
sa may kilay kaya naramdaman niya ang pitik ng ulo. Nahirapan siya. Namumutla at napagod
siya dahil sa matinding sikat ng araw. Naisip niyang kaya palang panghinain at talunin ng Araw
ang makapangyarihan at iginagalang na hari. Muli niyang naisip. “ mas makapangyarihan ang
Araw . Napanghina niya ang aking katawan!” Naisip naman niyang maging Araw at pagkasabi
nito ay isang milagrong muli na siya’y nakarinig ng tinig na narinig noon at dagli siyang naging
Araw.
Isang Araw na siya ngayong nagliliyab sa kaitaasan at sumisikat nang matindi sa
kalupaan. Hindi siya sana’y magbigay ng sinag ng Liwanag kaya ang nakahihilakbot na sinag
nito ang bumagsak sa mundo. Kaya ang mga nabubuhay sa mundo ay nangatuyo. Ang mga tao
ay lubhang nanangis sa pangyayaring ito. Nagpatuloy pa rin sa kapangyarihan ang Araw
hanggang sa mapansin niyang ang Ulap pala ay maaaring makulob sa pagitan ng Araw at ng
Mundo. Napatunayan niya na higit na makapangyarihan ang Ulap sapagkat kaya nitong takpan
sa kanyang sinag. Dahil sa kaisipang ito ay ninais naman niyang maging Ulap.
Nilukuban niya ang Araw. Hindi naglaon ay bumigat ito at bumagsak sa paraang ulan sa
mundo. Umapaw ang tubig sa mga lawa at sapa dahil hindi niya napigilan ang pagbagsak ng
dami ng ulan. Ang matinding ulan ang naging sanhi naman ng pagkamatay ng mga halaman at
iba pang nabubuhay sa daigdig. Maging ang malakas na hangin ay naging sanhi ng pagkabuwal
at pagkabunot ng mga puno. Nawala ang mga tahanan at ang mga naninirahan dito.
Pinagmasdan niya ang Lupa at napako ang kanyang paningin sa mga bato na hindi man
lang natinag sa kanyang kinalalagyan pagkatapos ng mga sakunang nagdaan tulad ng malakas
na ulan at hangin at maging matinding sikat ng araw. Muli siyang napaisip. Ninais naman
niyang maging isang Bato at hindi siya nabigo. Tulad ng dati may tinig siyang narinig upang
sabihing siya’y maging isang Bato. Nang siya ay Bato na, narinig niyang muli ang tunog ng pait
habang ito’y ipinupokpok sa kanya. Pati na rin ang maso na ramdam niyang malakas na
tumatama sa kanyang katawan at ulo. Nalaman niya ngayon na hindi nga siya natibag sa
malakas na ulan at hangin subalit siya ay nakayang hugisan ng ano mang anyo ng isang
manlililok. Nagmuni – muni siya. Natanto niyang walang ibang pinakamalakas kundi siya.
Mulat sa katotohanan, muling humiling si Hashnu na ibalik siya sa pagiging manlililok. Kagyat
siyang nanumbalik sa dating gawain at natagpuan niya ang sarili sa gilid ng kalye na nakaupo
at nagsimula na namang humugis ng iba’t ibang anyo sa mga bato.
Magmula noon, masaya nang nagtrabaho nang buong husay si Hashnu. Panatag ang
kanyang kalooban araw – araw sa pagiging manlililok.

GAWAIN 3: SAGUTIN ANG MGA SUMUSUNOD NA TANONG:

1. Sino ang pangunahing tauhan sa akda? Bakit nais niyang mabago ang takbo ng kanyang buhay?
2. Anong pangyayari ang naganap sa kanyang buhay kung saan sa unang pagkakataon ay nabago ang
kanyang kalagayan mula sa pagiging manlililok ng bato?
3. Bakit naisip niyang hindi rin ganap na mabuti ang maging isang hari?
4. Ano – ano naman ang mga pangyayaring nagbunsod sa kanya para ibigin niyang maging isang bato?
Bakit nasabi niyang higit na malakas ang bato kaysa sa hari, araw at ulap?
5. Anong katangian ang masasalamin mo sa buhay ni Hashnu? Sa iyong palagay bakit kaya ninais niyang
mamuhay sa iba’t ibang kalagayan o katauhan?
6. Kung ikaw ay bibigyan ng pagkakataong mabuhay sa ibang katauhan o kalagayan, ano kaya ito at bakit?

GAWAIN 4: PANUTO: Isulat sa iyong journal notebook ang sagot sa tanong na:
Bilang Kabataan, paano mo maipapakita na pinahahalagahan mo ang mga katangian at kakayahang
ipinagkaloob s aiyo ng Diyos?