Ang bahaging ito ay naglalahad ng iba’t ibang pamamaraan na ginamit
upang makumpleto ang pangangalap ng datos at pamamaraan ng pagsusuri ng pag-aaral na kinapalooban nng mga prosesong pagsagot sa pahayag ng suliranin, ang lugar kung saan isinagawa ang pananaliksik, at ang instrumenting ginamit sa pangangalap at pagsusuri ng datos.
Disenyo ng Pag-aaral
Ang mananaliksik ay deritsahang pumili ng mga awitin na angkop sa
kanilang layunin. Upang makalikom ng datos, nagsagawa ng isang sampling ang mananaliksik at ito ay ang convenience sampling. Naniniwala ang mananaliksiksik na ang disenyong ginamit ay akma sa paksang ito dahil mas mapadali ang pagpangalap ng datos at ito ay mas mabisa kung ito ay naisasagawa sa ganitong paraan.
Ang disenyong gagamitin sa pananaliksik na ito ay isang kwalitatibo.
Ang kwalitatibong pananaliksik ay angkop sa pag-aaral na ito dahil layunin nito na maunawaan ang mga kaisipan, tema, at mensahe na nakapaloob sa mga piling akda ni Freddie Aguilar. Ang mga datos ay susuriin sa pamamagitan ng pagkuha sa mga liriko ng mga piling awitin na nakabatay sa mga teoryang gagamitin sa pananaliksik. Sa pamamagitan nito, mas maipapakita kung paano naging bahagi ang mga akda ni Freddie Aguilar sa pagpapalaganap ng makabayan at makataong pananaw.
Ayon kay Creswell (2012), ang kwalitatibong pananaliksik ay isang
paraan upang tuklasin at maunawaan ang kahalagahan na ibinibigay ng mga tao o grupo sa isang suliraning panlipunan. Ang proseso ng pag-aaral ay ang pagsusuri sa mga liriko ng mga piling awitin ni Freddie Aguilar at isa-isahing ihanay batay sa teoryang ilalapat ditto. Ang mga datos na makukuha ay nakabase sa kung anong mensahe ang nais na iparating mula sa mga liriko na makatutulong sa pananaliksik. Ang kwalitatibong pamamaraan ng pagkuha ng mga datos ay inangklahan ng Content Analysis. Ito ay ang pagsusuri sa mga nilalaman ng mga piling awitin, mula sa liriko, melodiya, emosyon, panahon, karanasan at base sa mga teorya o pagdulog na gagamitin sa pag-aaral. Ang pagsusuri sa nilalaman ay isang kagamitan sa pananaliksik na ginagamit upang matukoy ang pagkakaroon ng ilang mga salita, tema, o konsepto sa loob ng ilang ibinigay na datos. Gamit ang pagsusuri sa nilalaman, masusuri ng mga mananaliksik ang presensya at mga kahulugan ng mga salita.
Naniniwala ang mga mananaliksik na ang desinyong gagamitin sa
pag-aaral ay akma sa paksang ito dahil mas mapadali ang pangangalap ng datos at ito ay mas mabisa kung ito ay naisasagawa sa ganitong paraan.
Instrumento ng Pag-aaral
Ang pag-aaral na ito ay gagamitan ng teoryang kontekstwal, ang
pangkalahatang teorya na ginamit sa pagsusuri ng piling awitin ni Freddie Aguilar. Ang limang teorya ay realismo, bayograpikal, sosyolohikal, at teoryang resepsyon. Ang apat na teoryang ito ay inangkla ng mananaliksik sa pangkalahatang teorya na ginamit.
Proseso sa Pangangalap ng Datos
Ang mananaliksik ang mismong kakalap ng mga datos. Upang
makakuha ng datos ukol sa paksang “Kontekstuwal na Pagsusuri sa mga Akda ni Freddie Aguilar Tungo sa Pagpapalaganap ng Makabayan at Makataong Pananaw”, ang mananaliksik ay magsusuri ng mga liriko ng mga awiting napili mula sa akda ni Freddie Aguilar batay sa mga teoryang inilatag.
Ang mga awitin ay isa-isang kukunan ng mga mananaliksik ng mga
liriko na angkop sa mga teorya at ihahanay ito kung saan ito nabibilang. Pagsasaayos ng Datos
Sa gagamitin ng mga mananaliksik na kwalitatibong pamamaraan sa
pagkuha ng mga datos, ang pagsusuri ay mag-isa-isa sa mga liriko ng awitin batay sa kung saan ito nabibilang na teorya o ispesipikong batayan nito. Ang bawat liriko ng bawat kanta ay dapat na magkaugnay sa kung anong teorya ang naging batayan nito. Ang mga pagsusuri ng mga liriko ay dapat na makita sa tamang hanay o talahanayan na mayroong legend para mas maintindihan at malinaw ang impormasyong makukuha rito.
Sa pamamagitan ng tahanayan at isa-isang pagsuri sa mga liriko ng
mga awitin, ditto pa malalaman kung ang mga mensahe mula sa mga awitin ay makukunan ba ng importansiya at may kaugnayan bas a layunin ng pag- aaral na makasasagot sa inilatag na mga suliranin.
Pag-aanalisa ng Datos
Sa pag-analisa ng datos, gagamit ang mga mananaliksik ng
konstektwal na pamamaraan. Sa konstektwal na pamamaraan nakaangkla ang teoryang sosyolohikal, teoryang realismo, teoryang resepsyon, at ang teoryang bayograpikal.
Ang kontekstuwal na pamamaraan na gagamitin sa pananaliksik ay
ang pagkuha ng mga nilalaman o datos batay sa paraan ng pagkakagamit ng mga salita sa bawat liriko ng mga awitin na pinili ng mga mananaliksik. Sa gagawing pagsusuri mas mainitindihan ang konteksto na mayroon ang mga awitin na siyang makatutulong sa marami upang mas maliwanagan kung ano atlaga ang mga mensahe na nais ipabatis ng isang awitin mula sa kung paano ito naisulat at naipalabas ng may-akda.
Sa Teoryang Sosyolohikal makikita at malalaman ang mga
mensaheng panlipunan na hatid ng mga awitin ni Freddie Aguilar. Ang mga awitin ding ito ang magpapabukas sa maraming tao kung ano talaga ang nangyayari sa paligid na makakaapekto sa kanilang pang-araw-araw na pamumuhay.
Ang Teoryang Realismo, ang layunin sa paggamit nito ay upang
ipakita ang mga karanasan at nasaksihan ng may-akda sa kanyang lipunan. Ang mga mananaliksik ay makakakuha ng mga datos at ideya mula sa iba pang eksperto ukol sa kung ano ang makatotohanan mula sa mga sinasabi ng kanta sa pang-araw-araw na buhay o realidad ng buhay. Ang panitikan ay hango sa totoong buhay ngunit hindi tuwirang totoo sapagkat isinaalang-alang ng may-akda ang kasiningan at pagka-epektibo ng kanyang isinulat.
Ang paggamit ng teoryang resepsiyon ang maghahatid sa pag-aaral
na ito ng totoong epekto at damdamin na hatid ng mga awitin sa mga tao. Ang pagsusuri ng kanta ang mas magpapakita sa mga mahahalagang liriko na dapat na maunawaan at maramdaman ng mga tao. Ang damdamin o emosyon, pati na ang epekto nito sa isang katauhan ay malaking ambag sa kung ano ang nais na maabot ng may-akda bago pa man niya maiplabas ang mga awitin.
Makakatulong din ang Teoryang Bayograpikal sa mga mananaliksik
para sa pag-aaral na ito. Ang teoryang ito ay ang pag-alam sa pagkatao ng mang-aawit o may akda ng awitin ng sa gayon mas maliwanagan kung bakit ang mga naisulat at inawit nito ay may naiibang mensahe.
Sa pagkasunod-sunod na pag-analisa ng mga datos gamit ang mga
teoryang nasa itaas, malalaman ang mensahe, liriko, at damdamin ng mga kanta pati na rin ang manunulat ng mga napiling awitin. Ang pinakapokus ng pananaliksik ay ang pag-alam sa kung ano ang epekto ng mga kanta sa mga salik ng pananaw, panahon, at karanasan.