‫علم‬

‫المناعة‬

‫بالدارجة‬
 ‫بسم هللا الرحمان الرحيم الحمد هلل رب العالمين و الصالة والسالم‬

‫على أشرف المرسلين‬

‫في هذا الجزء سنهتم بعلم المناعة من التعرف و التفريق بين ما‬

‫هو ذاتي يتم حمايته و ما هو غير ذاتي و تتم محاربته تم التطرق‬

‫لكل اآلليات التي يتدخل بها الجهاز المناعي للقضاء على‬

‫العناصر الدخيلة مع التعرف على بعض المشاكل المناعية في‬

‫حالة االستجابة المفرطة و القصور المناعي و في األخير نذكر‬

‫بعض الوسائل لدعم الجهاز المناعي كما ستتواجد تمارين‬

‫مصححة مع توجيهات و تعليمات إلنجازها ‪.‬‬

‫نجيبو الباكـ‬
‫‪1‬‬
 ‫قبل ما ندخل للدرس نتمنى أنك تطبق هدشي ‪.‬‬
‫هنا غنحاول ما أمكن أنني نبسط الدرس كنتمنى أنك تاخد هدشي على أساس أنك باغي تعرف كيفاش الجسم‬
‫ديالك كيحارب كل جسم دخيل يعني أنك باغي تعرف كيفاش المناعة ديالكـ خدامة فهاد الوقت كتحارب عدد‬
‫كبير ديال المخاطر حاول أنكـ تفهم أش طاري و شنو كيطرا عالش كتمرض وكتشافى بال دوا ‪.‬‬
‫عالش مرة كتمرض كتبقى ناعس مدة كبيرة و مرة أخرى دغيا كتبرى الى مرضتي بنفس الطريقة‬
‫من بعد غتلقى تمارين مصحة و بعض التوجيهات معاها تما فين فكر فاإلمتحان و كيفاش تجيب النقطة‪.‬‬

‫تقديم‬
‫الوسط لي كيعيش فيه اإلنسان كيشكل عليه خطر اي حاجة تقريبا لي‬
‫دايرة بيك و كتخدم بها كيكون فيها شي كائنات أو أجسام لي كتشكل‬
‫عليك الخطورة و على صحتكـ هدشي لي بعض االحيان كيمرضك‬
‫و كطلع ليك السخانة و لكن من بعد أيام كترجع صحيح‪.‬‬
‫هدشي بفضل الجهاز المناعي ديالكـ لي عرف أن شي حاجة أجنبية‬
‫دخالت للجسم و قضى عليها‪ .‬وبعض المرات كيكون شي مشاكل‬
‫فالجهاز المناعي لي كيعطي يا إستجابة كتر من القياس (أرجية ) أو‬
‫كيكون ضعيف كتر من القياس (قصور مناعي ) كمثال عليها السيدا‬
‫كذالك كاين طرق يمكن أننا نعاونو بها الجهاز المناعي‬
‫فهاد الدرس أول حاجة غتعرفها هي كيفاش الجهاز المناعي يمكن ليه يتعرف على االجسام الغريبة (غير الذاتي) تم شنو‬
‫العناصر لي بها كيعرفو (‪ ) CMH‬تم من بعد غنتعرفو على كيفاش الجهاز المناعي كيحمي الجسم و غنتعرفو على أول‬
‫وسيلة دفاع ضد العناصر الخارجية (الحواجز الطبيعية ) تم في حالة تم اختراق هاد الحواجز فغنشوفو كيفاش كيتدخل‬
‫الجهاز المناعي يعني غنتعرفو على االستجابة المناعية بنوعيها (غير نوعية و النوعية ) و غنشوفو كيفاش كتم كل وحدة‬
‫و العناصر لي كتدخل فيها و الوسائط لي كتدخل كذالكـ فالمناعة النوعية غنتعرفو على ‪ 2‬أنواع لي فيها (الخلطية و‬
‫الخلوية ) بالخصائص ديالهم و الخاليا لي خدامة فكل وحدة ‪ .‬تم من بعد غنشوفو إظطرابات الجهاز المناعي في حالة‬
‫اإلستجابة المفرطة غنتعرفو على األرجية بالمراحل ديالها و داك شي تم في حالة القصور المناعي لي غنشوفو فيه‬
‫السيدا غنتعرفو على فيروس ‪ VIH‬من البنية للدورة ديالو و الكشف عليه تم غندوز لبعض الطرق لي بها كيتم تدعيم‬
‫الجهاز المناعي (التلقيح ‪ ،‬اإلستمصال ‪ ،‬زرع النخاع العظمي ) ‪.‬‬
‫غتخرج من هاد الكتيب ديال المناعة و راسكـ عامر بمعلومات زوييينة و كذالك غتخرج و أنت عارف كيفاش تجيب النقاط‬
‫ديال تمارين المناعة‪.‬‬

‫الذاتي و غير الذاتي‬ ‫‪.I‬‬

‫كأول حاجة خاص نعرفو هي نفرقو بين ما هو ذاتي‬
‫و غير ذاتي ‪.‬‬
‫كيف قرينا فدرس الخبر الوراثي ان البروتينات ما‬
‫هي اال تعبير للمعلومات الوراثية لي ف ‪ ADN‬وهاد‬
‫الخصائص لي ناتجة على تعبير الخبر الوراثي فهي‬
‫لي كنسميوها الذاتي فخاليا الجسم الطبيعية كاملة هي‬
‫الذاتي لي كيحميها الجهاز المناعي ‪.‬‬
‫غير الذاتي هو داك شي لي خارجي على الجسم و‬
‫الى دخل للجسم كتنوض (يثير) استجابة مناعية و‬
‫كنسميوه "مولد مضاد"‪.‬‬
‫بكتيريا جراثيم فيروسات طفيليات اجسام غريبة و كذالك‬
‫طعم مخالف(داك شي ديال زاعة األعضاء و األنسجة)‪..‬‬
‫وكاين حتى الذاتي المغير كالخاليا السرطانية و كذالك‬
‫بعض االفراد كتكون عندهم حساسية مثال من الوبر ديال بعض الحيوانات أو حبوب اللقاح ‪....‬‬
‫هاد العناصر كاملة كتهدد الصحة ديال الجسم و كتشكل عليه خطورة و هنا كيتدخل الجهاز المناعي باش يقضي عليها ‪.‬‬
‫ولكن كيفاش الجهاز المناعي كيعرف الذاتي وكيخليه و غير الذاتي و كيقضي عليه ‪.‬‬
‫السؤال المطروح هو كيفاش الجهاز المناعي كيتعرف و كيفرق بين الذاتي و غير الذاتي‪.‬‬

‫‪2‬‬
 ‫الواسمات الرئيسية للذاتي‬ ‫‪.1‬‬
‫هنا التجارب ديال التطعيم كنقل االعضاء أو االنسجة كتبين أن قبول الطعم كيعتامد على العامل الوراثي يعني ماحد كيكون‬
‫واحد التطابق وراثي مابين المتلقي و ال ُمعطي ماحد نسبة قبول الطعم كتكون أكبر‪.‬‬

‫و بما أن هاد المسألة ديال‬

‫قبول الطعم أو الرفض ديالو‬
‫راجعة باألساس للعامل‬
‫الوراثي والى بقيتو عاقلين‬
‫فدرس الخبر الوراثي عرفنا‬
‫أن ‪ ADN‬كيتم تعبيره الى‬
‫بروتينات إذا فالعنصر لي‬
‫غيكون مسؤول على هاد‬
‫العملية خاص تكون الطبيعة‬
‫ديالو بروتينية ‪.‬‬
‫هدشي لي كتأكدو التجارب فالغشاء السيتوبالزمي ديال‬
‫الخاليا كاينة واحد الجزيئات بروتينية هي ‪CMH‬‬
‫الواسمات الرئيسية للذاتي ماحد كيكون هاد الواسمات‬
‫متشابهة و متطابقة بين معطي و متلقي لطعم ماحد كيكون‬
‫نجاح عملية التطعيم أكبر ‪ .‬فهنا ديكـ ‪ CMH‬هي لي كتحدد‬
‫داك التالؤم النسيجي ‪.‬‬
‫‪( CMH‬الواسمات الرئيسية للذاتي ) عدنا فيه ‪ 2‬أنواع ‪:‬‬
‫‪ : CMH I‬كيتكون من سلسلة ‪ α‬و سلسلة ‪ β2m‬و‬
‫كيتواجد فجميع الخاليا ديال الجسم إال لي ماعندهمش النواة‬
‫( الكريات الحمراء) كيعرض البروتينات الذاتية ‪.‬‬
‫‪ : CMH II‬كيتكون من سلسلة ‪ α‬و سلسلة ‪ β‬كيتواجد‬
‫فقط فشي خاليا مناعية كيعرض العناصر غير الذاتية‬

‫بطبيعة الحال كل واحد عندو واحد ‪ CMH‬كيميزو و مختالف على الخرين يعني كاين واح التنوع كبيييير فهاد ‪CMH‬‬
‫و هاد التنوع كنفسروه بكون هاد الجزيئة البروتينية كيتحكم فيها ‪ 4‬المورثات و كل مورثة فيها عدد كبيير ديال الحليالت‬
‫لي متساوية السيادة شي لي كيعطي إحتماالت كبييرة لتركيبات ديال ‪ CMH‬داك شي عالش كل واحد عندو واحد‬
‫‪ CMH‬مميز ليه ‪ .‬و مكاينش عند اخر ‪.‬‬
‫وهدا هو السباب لي كيخلي احتمال كبير أنه يتم رفض واحد الطعم من طرف الجسم‪.‬‬

‫‪3‬‬
 ‫هاد الحزيئات كتاخد عينة من المحتوى البروتيني ديال الخاليا و‬
‫كتعرضها فالغشاء السيتوبالزمي و كتجي الخاليا المناعية كتعرف‬
‫على داك شي لي معروض و الى كان عادي كدير بحال ماشافت والو‬
‫و لكن الى كان شي حاجة غير ذاتية هنا كتبدا محاولة من الجهاز‬
‫المناعي للقضاء على كل عنصر شاذ‪.‬‬
‫‪ ‬مسلكـ داخلي‬
‫كتكون واحد األنزيمات فالخلية لي كتفرتت عينة من‬
‫البروتينات ديال الخلية و كترتابط ب ‪ CMH I‬لي كتاخد ديك‬
‫العينة و كتعرضها فالغشاء السيتوبالزمي ديال الخلية و من‬
‫بعد كيجي الدور ديال الجهاز المناعي لي كيراقب داك شي‬
‫المعروض الى كان عادي هانية و لكن الى كان شي عينة‬
‫ديال بروتين طافر تما كتبدا االستجابة المناعية للقضاء عليه‬
‫‪ ‬مسلك خارجي‬
‫في الخاليا العارضة للمولد مضاد (من الخاليا المناعية ) لي كتبتالع مولد مضاد كيتم تحليل ديالو وعرض عينة منو‬
‫فالغشاء ديال الخلية بواسطة ‪ CMH II‬تم كيجي الدور ديال خاليا أخرى لي كتعرف عليه تم كتعطي بداية المحاولة للقضاء‬
‫عليه‪.‬‬

‫الواسمات الثانوية للذاتي‬ ‫‪.2‬‬

‫كيف قلنا أن ‪ CMH‬كتواجد فقط فالخاليا لي عندها النواة ‪.‬‬
‫يعني كمثال الكريات الحمراء خاليا ماعندهاش النواة و باش تا هي يتم التمييز بين العناص الدخيلة عندها واسمات ثانوية‬
‫لي كتحدد ليا الفصائل الدموية فنظام ‪. ABO‬‬
‫هنا كذالك كتكون واحد البروتينات فالغشاء ديال الكريات الحمراء لي إذا تواجدات مع واحد الجزيئات أخرى‬
‫كتكون فالمصل كتأدي لتلكد الدم (تجلط ‪ /‬تختر) شي لي كيعطي مشاكل تقد توصل حتى للموت ‪.‬‬
‫هنا تلكد الدم تاهو كيتعتابر إستجابة مناعية فالجسم تعرف على أن واحد العينة من الدم غير موافقة ليه شي لي‬
‫غيعطي داك المشكل ‪.‬‬

‫بالنسبة للجزيئات لي كاينة فالغشاء ديال الكريات الحمراء كتسمى مولد اللكد مثال الكريات الحمراء لي فيها مولد اللكد ‪A‬‬
‫هي لي عند الناس صحاب الفصيلة الدموية ‪ A‬و فالمصل كاين عندهم اللكدين ‪ . B‬النه الى كان عندهم اللكدين ‪A‬‬
‫غيسبب ارتباط الكريات الحمراء بينها و هو ما يسمى باللتلكد ‪.‬‬
‫نفس الشي الكريات الحمراء لي فيها مولد اللكد ‪ B‬هي لي عند الناس صحاب الفصيلة الدموية ‪ B‬و فالمصل كاين‬
‫عندهم اللكدين ‪ A‬في حين صحاب الفصيلة ‪ AB‬الكريات الحمراء فيها مولدات اللكد ‪A‬و‪ B‬و ماعندهمش فالمصل أي‬
‫لكدين النه إذا كان عندهم ولو واحد من ‪ 2‬لكدين لي كاينين غيجمع ليهم الكريات الحمراء مسببا تلكدها ‪.‬‬
‫بالنسبة للناس من الفصيلة ‪ O‬ماعندهمش مولد اللكد ال ‪ A‬ال ‪ B‬ولكن عندهم اللكدين ‪ A‬و كذالك ‪. B‬‬
‫و بالتالي فصحاب الفصيلة ‪ O‬يمكن ليهم يتبرعو بالدم لباقي الفصائل دون أي مشاكل (معطي عام ) ولكن مايمكن ليهم‬
‫ياخدو من عند حد إال من نفس فصيلة ديالهم ‪ .‬و صحاب الفصيلة ‪ AB‬يمكن ياخدو الدم من الجميع (متلقي عام ) ‪.‬‬

‫‪4‬‬
 ‫بالنسبة لمولد اللكد لي كيتواجد فالغشاء ديال الكريات الحمرا التنوع‬
‫ديالهم راجع للمورثة لي كتحكم فالتركيب ديالهم و ممثلة ب ‪ 3‬الحليلت‪:‬‬
‫حليل ‪ A‬متساوي السيادة مع الحليل ‪ B‬و الحليل ‪ O‬متنحي ‪.‬‬
‫* االفراد لي عندهم الفصيلة ‪ A‬عندهم النمط الوراثي ‪ A//A‬أو ‪A//O‬‬
‫*االفراد لي عندهم الفصيلة ‪ B‬عندهم النمط الوراثي ‪ B//B‬أو ‪B//O‬‬
‫*االفراد لي عندهم الفصيلة ‪ AB‬عندهم النمط الوراثي ‪A//B‬‬
‫*االفراد لي عندهم الفصيلة ‪ O‬عندهم النمط الوراثي ‪O//O‬‬
‫بالنسبة للحليل ‪ O‬كينتج عليه أنزيم غير نشيط‬

‫لحد هنا تعرفنا على شنو هي العناصر لي كيدخل ضدها الجهاز المناعي و كيفاش يمكن أنه يتعرف عليها ‪.‬‬
‫قلنا أن أي عنصر لي كتادي إلحداث إستجابة مناعية فهو غير ذاتي (مولد مضاد ) كيتم التعرف عليه بفضل ‪ CMH‬لي‬
‫كيعرض المحتوى البروتيني ديال الخاليا فالغشاء السيتوبالزمي شي لي كيسمح لخاليا الجهاز المناعي أنها تعرف عليه و‬
‫تحدد الطبيعة ديالو ‪.‬‬
‫تعرفنا فهاد شي على أن باش يكون واحد التالؤم نسيجي كيتطلب يكون تطابق بين هاد ‪. CMH‬‬
‫كذالك شفنا أن للكريات الحمراء وسيلة ديالها لي هي الواسمات الثانوية و هي لي كتحدد الفصائل الدموية فنظام ‪. ABO‬‬

‫االن غنرفو على الوسائل لي كيدافع الجهاز المناعى على الجسم ضد العناصر غير الذاتية ‪.‬‬
‫‪ .II‬وسائل دفاع الجسم عن ماهو ذاتي‬
‫من بعد ما كيتعرف الجهاز المناعي على عنصر غير ذاتي كيبد محاولة القضاء عليه‬
‫فكاين مجموعة من الطرق و الوسائل لي كتحمي الجسم من العناصر االجنبية أولها كاين حواجز طبيعية لي الدور ديالها‬
‫فقط منع دخول أي دخيل للجسم تم من بعد كاين إستجابة مناعية لي فيها نوعين‬
‫إستجابة غير نوعية لي مكتفرقش بين أنواع مولد مضاد و كاين إستجابة نوعية لي كتدخل بطريقة معينة بالنسبة لكل مولد‬
‫مضاد ‪.‬‬
‫الحواجز الطبيعية للجسم‬ ‫‪.1‬‬
‫الطبيعة ديال الوسط لي كيحيط باإلنسان و االنتشار ديال الكائنات المجهرية فكل االدوات و االشياء لي كيخدمها اإلنسان‬
‫كالبكتيريا و الجراتيم و الميكروبات و الهواء كذالك يمكن ينقله عدوى دياال فايروس كتهدد الصحة ديالو إال أن االنسان‬
‫كيمتالك وسائل كيدافع بها على راسو ‪.‬‬
‫أولها هي الحواجز الطبيعية فهاد الحواجز كتمنع دخول و‬
‫تكاتر العناصر األجنبية للجسم يمكن أنها تتوزع على‬
‫مجموعة من األصناف ‪:‬‬
‫‪ ‬حواجز ميكانيكية ‪ :‬من هاد الحواجز كاين الجلد‬
‫بفضل التركيبة ديالو كتحبس دخول أي حاجة للجسم و كاين‬
‫كذالك المخاط لي كيكون فالمسالك التنفسية و البولية والتناسلية‬
‫شي لي كيمنع دخول بعض الكائنات المجهرية‬
‫‪ ‬حواجز كيميائية ‪ :‬العرق و العصارة المعدية بفضل‬
‫الحمضية ديالهم كيمنعو و كيقضيو على بعض البكتيريا و‬
‫الجرتيم‬
‫‪ ‬حواجز بيوكيميائية ‪ :‬الدموع و اللعاب زيد عليه داك‬
‫شي لي كيخرج من النيف (المخاط ) فيهم شي أنزيمات لي‬
‫كتحلل البكتيريا‬
‫‪ ‬حواجز إيكولوجية ‪ :‬كاين واحد البكتيريا كتعيش‬
‫فاإلنسان و هي مفيدة و كتقضي على بكتيريا اخرى ضارة‬
‫(عالقة تنافس) ‪.‬‬

‫هاد الحواجز هي أول دفاع ديال جسم اإلنسان إال أنه كاين إمكانية أنه يتم تجاوز ديالها من طرف شي عنصر غير ذاتي‬
‫هنا الجسم كيقوم بواحد رد فعل ضد هاد العنصر األجنبي باش يحمي الجسم هاد رد الفعل هو اإلستجابة المناعية ‪.‬‬

‫‪5‬‬
 ‫اإلستجابة المناعية غير النوعية‬ ‫‪.2‬‬
‫هاد االستجابة غير نوعية يعني أنها موجهة ضد جميع أنواع المولد المضاد بنفس الكيفية و مكتفرقش بين مولد مضاد و‬
‫اخر ‪.‬‬
‫هي إستجابة طبيعية كاينة و واجدة و فورية مع مع غير يدخل مولد مضاد كتخدم كما أنها غير نوعية‬

‫مع كيدخل المولد مضاد كتبدا هاد االستجابة لي كتعطي أعراض اإللتهاب لي هي إحمرار إنتفاخ و األلم ‪.‬‬
‫اإلحمرار ناتج على ارتفاع جريان الدم فمنطقة اإللتهاب و اإلنتفاخ نتيجة تمدد األوعية الدموية و و تهييج النهايات العصبية‬
‫هو لي كيعطي األلم ‪.‬‬
‫من بعد ما كيدخل المولد مضاد ‪ ،‬الخاليا المناعية فبؤرة اإللتهاب (منطقة اإللتهاب ) كتفرز مجموعة من الوسائط‬
‫اإللتهابية مثال الخاليا البدينة كتفرز الهيستامين لي الدور ديالو هو كيمدد االوعية الدموية شي لي غيسهل على البلعميات‬
‫(نوع من الكريات البيضاء ) أنها تخرج من العروق الدموية بفضل عملية اإلنسالل و من بعد هاد البلعميات كتبدا تبتالع‬
‫داك المولد المضاد (ظاهرة البلعمة ) ‪.‬‬
‫باإلظافة الى الهيستامين كاين وسائط إلتهابية أخرى كتدخل فهاد اإلستجابة المناعية غير النوعية كالكينين لي كيدير نفس‬
‫الخدمة ديال الهيستامين و البروستاغالندين تا هو كيزيد من نفادية ديال األوعية الدموية شي لي كيسهل عملية اإلنسالل‪.‬‬
‫كذالك كاين خاليا أخرى كتدخل فهاد اإلستجابة لي يمكن نصنفها ل ‪2‬أصناف الوحيدات فيها (الوحيدات و البلعميات‬
‫الكبيرة ) و كاين المحببات (العدالت القعدات الحمضات و الخاليا البدينة لي سبق وشفناها) ‪.‬‬
‫تم كاين عنصر اخر كيتدخل فهاد العملية لي هو عامل التكملة لي هو عبارة على مجموعة من البروتينات ( ‪،C1‬‬
‫‪ ) C9....... C3 ، C2‬و كيتدخل ب ‪ 3‬األدوار ‪:‬‬

‫‪ ‬اإلنجداب الكيميائي ‪ :‬فاإلستجابة اإللتهابية كتقوم‬

‫عينة من بروتينات عامل التكملة (‪ C3a‬و ‪ )C5a‬بجدب‬
‫الخاليا المناعية لبؤرة اإللتهاب ‪.‬‬
‫‪ ‬تشكيل مركب الهجوم الغشائي ‪ :‬عبارة على‬
‫واحد التقب أو قناة كتركبها مجموعة من بروتينات عامل‬
‫التكملة فالمولد مضاد كيدخل منها الماء و كيفرقع داك‬
‫المولد مضاد ‪.‬‬
‫‪ ‬تسهيل البلعمة ‪ :‬شي جزيئات ديال عامل التكملة‬
‫(‪ ) C3b‬كتحيط بالمولد مضاد و كترتابط به (التعتيم )‬
‫شي لي كيسهل على البلعمية أنها تعرف عليه بسرعة و‬
‫كتسرطو ‪.‬‬

‫عامل التكملة كيكون خامل (ناعس ماخدامش ) تا كيتم‬

‫تنشيطه فمسلك تناوبي من طرف المولد مضاد أو فمسلك‬
‫كالسيكي بمضاد أجسام ‪.‬‬

‫‪6‬‬
 ‫البلعمة‬
‫وحدة من أهم الظواهر فالمناعة لي كتقوم فيها واحد الخاليا مناعية‬
‫بإبتالع العناصر األجنبية و كتحللها و كتم ف ‪ 4‬المراحل ‪.‬‬
‫‪ )1‬تثبيت ‪ :‬كيتم تثبيت المولد مضاد فالغشاء ديال البلعمية‬
‫‪ )2‬اإلبتالع ‪ :‬البلعمية كتبدا دخل عندها المولد مضاد كتحيط بيه‬
‫بواحد األرجل كاذبة ‪.‬‬
‫‪ )3‬الهضم ‪ :‬فهاد المرحلة كتجي الليزوزومات و كتخوي شي‬
‫أنزيمات فيها لي كتحلل المولد مضاد ‪.‬‬
‫‪ )4‬طرح الحطام ‪ :‬هنا البلعمية كتخرج البقايا ديال المولد مضاد ‪.‬‬

‫البلعمة هي الوسيلة األساسية للقضاء على العناصر الدخيلة في الجسم‬

‫فاإلستجابة المناعية غير النوعية ولكن هاد العملية مشي ديما كتكون‬
‫ناجحة و كتمشي بهاد الطريفة ففبعض األحيان كيبقى داك المولد مضاد‬
‫داخل البلعمية و مكيتحللش و كذالك يمكن أنه يزيد يتكاثر و يدمر‬
‫البلعمية و يكمل طريقو هدشي كيمثل فشل ديال االستجابة المناعية غير‬
‫النوعية و هنا خاص ضروري ما يتم التخلص من هاد العنصر األجنبي‬
‫بأي طريقة و إال المسألة غتكون عندها عواقب خطيرة على الجسم‪.‬‬

‫من بعد ما تعرفنا على االستجابة غير النوعية و الظواهر لي كتكون فيها االن غنتعرفو على طريقة أخرى كيتدخل بها الجهاز‬
‫المناعي ضد غير الذاتي و هي أكتر كفاءة و مكتكون إال بعد دخول المولد مضاد (مكتسبة ) و كتاخد الوقت باش تعرف على‬
‫المولد مضاد و تركب عناصر لي غتهاجمو (غير فورية) و كل نوع من مولد المضاد كتهاجمو بطريقة (نوعية)‪.‬‬
‫اإلستجابة المناعية النوعية‬ ‫‪.3‬‬
‫الى كان شي فرد ممنع (عندو مناعة ) ضد شي مولد مضاد هذا اليعني أنه محمي ضد شي مولد مضاد اخر هدي هي‬
‫المناعة النوعية أي أن هاد اإلستجابة كتكون ضد العناصر غير الذاتية كل واحد لوحدو ‪.‬‬
‫من بعد ما كيتعرف الجهاز المناعي على المولد مضاد كيتم إنتاج وسائل خاصة ونوعية للمولد مضاد لي غتقضي عليه‬
‫كذالكـ كتنتج خاليا ذاكرة لي كتدخل في حالة دخل نفس المولد مضاد للجسم وكتكون بشكل أسرع و أفضل‪.‬‬
‫بالنسبة لبعض العناصر الدخيلة كيتم القضاء عليها بفضل مضادات األجسام لي كتفرزها البلزميات و هاد البلزميات كتكون‬
‫فاألصل خاليا لمفاوية ‪ B‬هذا مسلكـ خلطي‬
‫و عناصر أخرى كيتم القضاء عليها بفضل اللمفاويات ‪ T‬هذا مسلكـ خلوي‪.‬‬
‫فهاد المناعة غير النوعية كيكون واحد التعاون خلوي بين مجموعة من الخاليا بهدف القضاء على مولد مضاد‬

‫فين ما تلقى أن شي واحد اكتسب مناعة ضد شي مولد مضاد و مولد مضاد اخر ال ‪ ،‬يعني هنا عندكـ النوعية‬
‫الى شي حد اكتسب مناعة أو كانت عندي شي استجابة مناعية بفضل مضادات االجسام يعني استجابة مناعية‬
‫خلطية‬
‫الى شي حد اكتاسب مناعة أو كانت عندي شي استجابة مناعية بفضل الكريات اللمفاوية يعني إستجابة مناعية‬
‫خلوية‬
‫بعض المرات كيعطيكـ منحنى لي كيبين التركيز أو كمية أو العدد ديال الكريات اللمفاوية أو مضادات األجسام الى‬
‫بان ليك شي حد منهم ارتافع يعني هو لي تدخل‬
‫بعض المرات كيتدخلو ب ‪ 2‬يعني استجابة خلوية و خلطية‪.‬‬
‫في حالة عطاوكـ شي تمرين لي كيبين أنه كان إصابة ‪ 2‬مرات بنفس المولد مضاد و فاالصابة التانية كانت‬
‫اإلستجابة بشكل أحسن (مثال كان إفراز أكبر ديال مضادات األجسام أو تم رفض واحد الطعم بشكل أسرع ) هنا تم‬
‫الكشف عن خاصية الذاكرة المناعية‪.‬‬

‫‪7‬‬
 ‫أ‪ .‬الخاليا المتدخلة في اإلستجابة المناعية النوعية‬

‫جميع الخاليا كتشكل فالنخاع العظمي األحمر إنطالقا من خلية أصل (خلية جدعية ) وكتبدا تتفرع و تتفرق و منها كتجي‬
‫الخاليا لي كتدخل فاالستجابة غير النوعية و النوعية منها خلية أصل للكريات اللمفاوية لي منها كتجي اللمفاويات ‪ B‬و‬
‫اللمفاويات ‪( T‬كتدخل فاإلستجابة المناعية النوعية )‪.‬‬
‫اللمفاويات ‪ T‬فيها ‪ 2‬أنواع لمفاويات ‪ T4‬و ‪ T8‬تم من بعد فواحد المراحل كتبان عدنا أصناف أخرى من‬
‫اللمفاويات‪ Tc(T‬و ‪T8‬ذاكرة و ‪T‬مساعدة )‬
‫و اللمفاويات ‪ B‬من بعد كتعطي تاهي خاليا أخرى (‪B‬ذاكرة و بلزميات )‬
‫اللمفاويات ‪ B‬أو ‪ T‬كتنتج فالنخاع العظمي ‪ B‬كتشكل و كتنضج فالنخاع العظمي األحمر بالنسبة للمفاويات ‪ T‬كتكمل‬
‫النمو و النضج ديالها فالغدة السعترية (كتكتاسب الكفاية المناعية فالغدة السعترية) ‪.‬‬
‫ففي حالة دمرنا خاليا النخاع العظمي (بالتشعيع) لي غنالحظو هو أنه مغتكونش ال خاليا ‪ B‬ال ‪. T‬‬
‫كما أنه الى خلينا النخاع العظمي و حيدنا (إستئصال) الغدة السعترية لي غيكون هو عدم إنتاج اللمفاويات ‪. T‬‬
‫فالى لقيتي أنه كانت شي استجابة مناعية بالرغم من أنه مكايناش الغدة السعترية يعني أنها تمت بتدخل اللمفاويات ‪ B‬يعني‬
‫إستجابة خلطية ‪.‬‬

‫الكريات اللمفاوية ‪T‬‬

‫قلنا أن الكريات اللمفاوية ‪ T‬كت ًك ْون فالنخاع العظمي‬
‫األحمر تم كتنتاقل للغدة السعترية و فيها كتنضج (كتكتاسب‬
‫الكفاية المناعية) يعني كتركب واحد المستقبالت خاصة و‬
‫كتولي واجدة للمهام ديالها ‪.‬‬
‫باإلظافة للمستقبل ‪ T‬لي كيتكون من مناطق ثابتة و مناطق‬
‫متغيرة و جزء كيتبت فيه المولد مضاد الغشاء‬
‫السيتوبالزمي ديال اللمفاويات ‪ T‬كيتوفر على واحد‬
‫الجزيئات كيمكن أننا نفرقو بين ‪ 2‬أنواع منها و هي لي‬
‫كتعطي اإلختالف فاللمفاويات ‪: T‬‬
‫مستقبل ‪ CD4‬كيتواجد فسطح اللمفاويات ‪.T4‬‬
‫مستقبل ‪ CD8‬كيتواجد فسطح اللمفاويات ‪.T8‬‬

‫‪8‬‬
 ‫‪ ‬نضج اللمفاويات ‪T‬‬
‫فالغدة السعترية باش كنحصلو على كريات لمفاوية ‪ T‬ناضجة كتعرض ل ‪ 2‬إنتقاءات بحال إختبارات و الخاليا لي‬
‫تجاوزات هاد اإلختبارات هي الخاليا ‪ T‬الناضجة و لي فشالت كيتم اإلقصاء ديالها‪.‬‬

‫‪ ‬إنتقاء إيجابي‪ :‬لي فيه كيتعرض على اللمفاويات ‪ T‬عنصر ذاتي فالخاليا لي تعرفات عليه كيتم الحفاظ عليها و‬
‫الخاليا لي ماتعرفاتش عليه كيتم القضاء عليها ‪.‬‬
‫بالنسبة للخاليا لي تعرفات على الذاتي ف ‪ CMH-I‬كتبقى تركب غا المستقبل ‪ CD8‬و بالتالي هي اللمفاويات ‪T8‬‬
‫بالنسبة للخاليا لي تعرفات على الذاتي ف ‪ CMH-II‬كتبقى تركب غا المستقبل ‪ CD4‬و بالتالي هي اللمفاويات ‪T4‬‬
‫‪ ‬إنتقاء سلبي‪ :‬فيه لي تفاعل مع الذاتي كيتعرض لإلقصاء ولي ماتفاعلش معاه كيتم اإلحتفاظ عليه و هي‬
‫اللمفاويات الناضجة لي من بعد كتنتاقل لألعضاء اللمفاوية المحيطية و كتبقى مخزنة تما تا كيكون شي هجوم ديال شي‬
‫مولد مضاد ‪.‬‬
‫‪9‬‬
 ‫كيف قلنا أن اللمفاويات ‪ T‬كتبقى مخزنة فاألعضاء‬
‫اللمفاوية المحيطية حتى كيبان شي مولد مضاد و‬
‫كتنشط و كتكاتر و كتركب خاليا ‪ Tc‬قاتلة لي‬
‫محسسة و نوعية ضد مولد مضاد واحد فقط تم‬
‫كتنتاقل عبر الجسم كتقلب على الخاليا المعفنة قبل‬
‫ماتهاجم هاد اللمفاويات ‪ Tc‬أي خلية فهي كتقوم‬
‫بعملية كتسمى التعرف التنائي أي أنها خاصها تعرف‬
‫على ‪ CMH‬و خاص يكون مطابق و مماثل و تم‬
‫كتعرف على المولد مضاد لي خاص يكون هو لي‬
‫محسسة ضدو يعني هو لي تعرفات عليه فالبدية و‬
‫تكاترات و تفرقات ‪.‬‬

‫من بعد ما كيتم التعرف التنائي اللمفاويات ‪ Tc‬كتبدا‬

‫الهجوم بإفراز جزيئات البيرفورين لي مع الكالسيوم‬
‫كدير تقوب فالخلية الهدف (الخلية المعفنة )كذالكـ‬
‫كتفرز الغرانزيم لي كينشط تفاعل كيحلل ‪ ADN‬ديال‬
‫الخلية المعفنة لي كتموت ‪.‬أو كيدخل الماء و االمالح المعدنية شي لي كيأدي لإلنفجار الخلية الهدف‬

‫الكريات اللمفاوية ‪B‬‬

‫اللمفاويات ‪ B‬كتشكل فالنخاع العظمي األحمر و فيه كتنضج و كتوجد ‪.‬فالغشاء السيتوبالزمي كتوفر على مضادات أجسام‬
‫غشائية لي كيسمح ليها أنها ترتابط بمولد مضاد‪.‬‬
‫من بعد اإلتصال بعنصر أجنبي كتنشط هاد اللمفاويات و‬
‫كتحول لبلزميات لي عندها بنية أكبر بفضل إكتسابها لشبكة‬
‫سيتوبالزمة باإلظافة لجاهز غولجي شي لي كيمكنها تفرز‬
‫مضادات أجسام هاد مضادات األجسام هي لي كتقضي على‬
‫المولد مضاد فاإلستجابة المناعية النوعية دات مسلكـ خلطي‪.‬‬

‫‪10‬‬
 ‫‪ ‬نضج اللمفاويات ‪B‬‬
‫فالنخاع العضمي كتعرض الكريات اللمفاوية ‪ B‬إلنتقاء سلبي فكيتعرض عليها الذاتي الخاليا لي تفاعالت معاه كيتم‬
‫إقصاءها و لي ما تفاعالتش كيتم الحفاظ عليها و هي اللمفاويات الناضجة لي كتخزن كذالكـ فاألعضاء اللمفاوية‬
‫المحيطية ‪.‬‬

‫بالنسبة للمفاويات ‪ B‬من بعد دخول مولد مضاد كتعرف عليه مباشرة و كيتم تنشيطها من طرف ‪ T4‬كتكاتر و كتفرق و‬
‫كتعطي لمفاويات ‪ B‬ذاكرة لي كتدخل في حالة دخل نفس المولد مضاد مجددا و كتعطي كذالكـ بلزميات لي كتفرز‬
‫مضادات األجسام لي كتدخل ضد المولد مضاد ب‪ 3‬الطرق‪.‬‬

‫‪ ‬إبطال مفعول المولد مضاد‪:‬‬

‫مضادات األجسام كترتابط بالمولد مضاد (المركب المنيع) شي لي كيمنع أن المولد مضاد يرتابط أو يتطفل على شي خلية‬
‫(ذاتي) وهاد العملية مكتقضيش نهائيا على المولد مضاد و غالبا كتبعها البلعمة ‪.‬‬
‫‪ ‬تسهيل البلعمة ‪:‬‬
‫مضادات األجسام كترتابط بالمولد مضاد كما أن الغشاء السيتوبالزمي ديال البلعمية كيتوفر على مستقبالت خاصة لمضاد‬
‫االجسام شي لي كيسهل بلعمة المركب المنيع (مضاد األجسام ‪ +‬مولد مضاد )‬
‫‪ ‬تنشيط عامل التكملة ‪:‬‬
‫عامل التكملة لي هو مجموعة من البروتينات كتكون خاملة الى ان تنشط من طرف مضاد االجسام تم كيعمل (عامل‬
‫التكملة) على تشكيل مركب الهجوم الغشائي لي كتدخل منو الماء و االمالح المعدنية تم كينفاجر المولد مضاد (الصدمة‬
‫األسموزية)‪.‬‬

‫‪11‬‬
 ‫ب‪ .‬الجهاز اللمفاوي‬
‫من بعد ما تركبات اللمفاويات ‪ T‬و ‪ B‬و النضج ديالها فاألعضاء اللمفاوية المركزية (النخاع العظمي و الغدة السعترية )‬
‫كتنتاقل عبر الدورة الدموية‬
‫لألعضاء اللمفاوية المحيطية‬
‫(الطحال ‪ ،‬اللوزتان ‪ ،‬صفائح‬
‫‪ payer‬و العقد اللمفاوية )‪.‬‬
‫كتخزن تما تا كيبان شي مولد‬
‫مضاد لي كيتم العرض ديالو‬
‫عليها تم كتنشط بعد ذالكـ و‬
‫كتكاثر شي لي كيأدي إلنتفاخ‬
‫االعضاء اللمفاوية المحيطية ‪.‬‬
‫و من بعد كتغادرها الخاليا لي‬
‫كتقوم بعملية القضاء على المولد‬
‫مضاد ‪.‬‬

‫ت‪ .‬الذاكرة المناعية‬

‫كاين لي كيتصاب بشي مرض ناتج عن شي عدوى‬

‫ديال فيروس مثال و كياخد الوقت باش يتشافى ولكن‬
‫الى تصاب بنفس الفيروس مرة أخرى كيتشافى‬
‫فمدة أقل ‪.‬‬
‫هذي هي الذاكرة المناعية خاصية من خواص‬
‫المناعة النوعية هنا الجهاز المناعية فالعدوى األولى‬
‫عاد تعرف على داك المولد مضاد و كون طرق‬
‫باش يهاجموهدي إستجابة أولية كذالك نتجات‬
‫خاليا ذاكرة لي كتحتافظ بمعلومات على ذاك المولد‬
‫مضاد فالعدوى التانية االستجابة المناعية كتاخد‬
‫وقت أقل و كتكون أفضل و هدي إستجابة ثانوية ‪.‬‬

‫ث‪ .‬التعاون الخلوي‬

‫باش تم واحد اإلستجابة مناعية خاص يكون واحد التعاون بين مجموعة من الخاليا المناعية فيما بينها فاللمفاويات ‪T‬‬
‫مايمكنش ليها تتعرف على المولد مضاد الى مجاتهاش واحد‬
‫المساعدة من خاليا لي غتعرض ليها عينة من هاد المولد مضاد‬
‫كذالكـ اللمفاويات ‪ T‬بيناتها كاين ‪ T4‬لي كتساعد ‪ T8‬بحيت‬
‫كتفر وسائط مناعية (أنترلوكينات) لي كتنشط ‪ T8‬و كتساعدها‬
‫باش تتكاتر و تتفرق ل ‪ Tc‬قاتلة ‪.‬‬
‫كذالك اإلستجابة الخلطية ضروري مايكون حضور و تعاون‬
‫بين اللمفاويات ‪ B‬و ‪ T‬ألن ‪ T4‬كتنشط اللمفاويات ‪ B‬و‬
‫كتحرضها على التكاتر و التفريق ‪.‬‬
‫الخاليا المناعية كتواصل بنها بين وسائط مناعية لي بوسطتها‬
‫كتواصل كاألنترلوكينات و انترفرون و الماف‪.....‬‬
‫كذالك بعرض محدد مستضادي من المولد مضاد لخاليا أخرى‬
‫هاد التعاون ضروري يتم باش تكون استجابة مناعية‪.‬‬

‫‪12‬‬
 ‫من بعد ماتعرفنا على اإلستجابة المناعية النوعية بمسلكيها الخلطي و الخلوي فعرفنا الى تدخالت الخاليا اللمفاوية‬
‫عندي إستجابة خلوية و الى دخالت مضادات األجسام إستجابة خلطية و شفنا األصل ديالها عرفنا أن اللمفاويات ‪ B‬و ‪T‬‬
‫كيتشكلو فالنخاع العظمي األحمر بالنسبة ل‪B‬ك تنضج فيه نيت و لكن اللمفاويات ‪ T‬كتنضج فالغدة السعترية و من بعد‬
‫النضج ديالهم كيتخزنو فاألعضاء اللمفاوية المحيطية تا كيطرا شي هجوم فكيتاكترو و كيركبو الخاليا لي غتقضي على‬
‫العنصر الدخيل عاد كتنتاقل فالجسم بحثا عن المولد مضاد و كيفاش كتدخل للحد و القضاء على المولد مضاد فعرفنا أن‬
‫اللمفاويات ‪ T‬كتقضي عليه من بعد ماتعرف على ‪ CMH‬و المولد مضاد (التعرف الثنائي) تم بفضل اإلفرازات ديال ‪Tc‬‬
‫(بيرفورين و الغرانزيم ) كيتم القضاء على العنصر غير الذاتي و فالمسلك الخلطي عرفنا أن مضادات األجسام كتحد و‬
‫كتقضي على العنصر األجنبي بفضل ‪ 3‬التقنيات تقدر ديرهم ‪ :‬تنشيط عامل التكملة ‪ ،‬إبطال مفعول المولد مضاد و تسهيل‬
‫البلعمة ‪ .‬شفنا بعض الخصائص ديال اإلستجابة المناعية منها الذاكرة عرفنا أنه الى دخل نفس المولد مضاد ‪ 2‬مرات‬
‫فالمرة األولى الجهاز المناعي كيدير إستجابة أولية لي كتكون أبطئ و أضعف من المرة اإلستجابة الثانوية لي كتكون‬
‫في حالة دخل نفس المولد مضاد مرة ثانية و كتكون بشكل أسرع و أكثر كفاءة و شفنا التعاون الخلوي فعرفنا أن‬
‫الخاليا المناعية كتعاون بينها للقضاء على المولد مضاد كاين خلية للمساعدة ديالها كثمتل فعرض المولد مضاد لباقي‬
‫الخاليا و كاين خاليا لي كتفرز وسائط مناعية لي كتعمل على تنشيط خاليا أخرى و كتكاتر و كتفرق ‪.‬‬

‫‪ .III‬الية اإلستجابة المناعية النوعية‬

‫بالنسبة إلستجابة المناعية خلوية أو خلطية كتم ف ‪ 3‬المراحل اساسية لي هي الحث ‪ ،‬التضخيم تم اخيرا التنفيد اإلستجابة‬
‫الخلوية كتكون بتدخل اللمفاويات ‪ T‬فقط مع خاليا لي غتعرض المولد مضاد و بالنسبة لإلستجابة الخلطية كتطلب تواجد‬
‫اللمفاويات ‪ B‬باإلظافة الى ‪ T4‬لي كتنشطها ‪.‬‬

‫‪13‬‬
 ‫مراحل اإلستجابة المناعية النوعية دات مسلكـ خلوي‬ ‫‪.1‬‬

‫هكدا كيبان لينا البالن من الفوق الخلية العارضة من‬

‫كتعرض محدد المستضادي‬

‫‪ ‬طور الحث‬
‫كيدخل مولد مضاد كتشدو الخاليا العارضة (بلعميات كبيرة ‪ ،‬خاليا تغصنية) من بعد البلعمة كتاخد واحد العينة و‬
‫كتعرضها فالغشاء ديالها بفضل ‪ CMH-I‬و ‪ CMH-II‬كتجي كتعرف عليه اللمفاويات ‪ T4‬كتعرف عليه و ‪ T8‬هنا هديك‬
‫‪T4‬كتفرز ‪ MAF‬لي كينشط الخلية العارضة و تا هي غتفرز انترلوكين ‪ 1‬غينشط ‪ T4‬و هاد‪ T4‬غتفرز انترلوكين ‪2‬‬
‫غينشطها و كتحول ل ‪ Th‬لي غتفرز انترلوكين ‪ 2‬لي غينشط( ‪ ) T8‬بعض المرات هديك ‪ Th‬شي تمارين كيقول عليها‬
‫‪.(T4‬‬
‫اللمفاويات لي تعرفات عليه هي نوعية ضد داك المولد مضاد تم إنتقاءها (اختيارها) من بين باقي اللمفاويات و هدشي هو‬
‫لي كيتسمى اإلنتقاء اللمي ‪.‬‬
‫‪ ‬طور التضخيم‬
‫بفعل ثأتير األنترلوكين ‪ 2‬لي كينشط الممفاويات ‪ T8‬غتكاتر بعدد مهم (الثكاتر ) كذالكـ غتفرق منها غيولي ‪T8‬ذاكرة لي‬
‫كتدخل مباشرة في حالة دخل نفس العنصر مجددا و ‪ Tc‬لي كتقضي على المولد مضاد (التفريق)‬
‫‪ ‬طور التنفيذ‬
‫اللمفاويات ‪ Tc‬كتنتاشر فالجسم كتقلب على الخاليا المعفنة تم كدير التعرف الثنائي بحيت كتعرف على المولد مضاد و‬
‫‪ CMH‬و من بعد كتفرز البرفورين و الغرانزيم األول كيدير تقوب فالخلية الهدف و التاني كيدخل ينشط تفاعالت لي‬
‫كتهدم ‪ ADN‬ديال الخلية المعفنة ‪.‬‬
‫أو كيدخل الماء و األمالح المعدنية شي لي غيأدي الإنفجارها (الصدمة األسموزية )‪.‬‬

‫مراحل اإلستجابة المناعية النوعية دات مسلكـ خلطي‬ ‫‪.2‬‬

‫‪ ‬طور الحث‬
‫اللمفاويات ‪ B‬كتعرف بطريقة مباشرة على المولد مضاد بفضل المستقبالت ديالها كيتم اإلنتقاء اللمي اللمفاويات لي‬
‫تعرفات على المولد مضاد كذالكـ اللمفاويات ‪ T4‬كتعرف على المولد المضاد لي كيكون معروض ليها كيتم إفراز وسائط‬
‫مناعية لي كتنشط الخلية العارضة و بدورها كتنشط ‪ T4‬لي كتفرز أنترلوكينات للمفاويات ‪.B‬‬
‫‪ ‬طور التضخيم‬
‫بفعل تأثير األنترلوكينات كتكاتر اللمفاويات ‪ B‬و من بعد كتفرق للمفاويات ‪ B‬ذاكرة و بلزميات لي كتفرز مضادات‬
‫األجسام‪.‬‬
‫‪ ‬طور التنفيذ‬
‫مضادات األجسام كتنتاشر في أنحاء الجسم كتقلب على العناصر األجنبية بطبيعة الحال المحسسة ضده و كتدخل ب‪3‬‬
‫الطرق ‪ :‬إبطال مفعوله و تسهيل البلعمة أو تنشيط عامل التكملة لي كيدير مركب الهجوم الغشائي ‪.‬‬

‫بالنسبة لمضادات األجسام فيها مجموعة من األنواع ‪IgM‬و ‪ IgA‬و ‪ IgG‬و ‪ IgE‬و ‪( IgD‬شوفا الدوار ديالها‬
‫فالدرس عندك )‬

‫‪14‬‬
 ‫الى لقيتي أنه تم إكتساب مناعة بفضل اللمفاويات أو من بعد دخول شي مولد مضاد ارتافع تركيز اللمفاويات ‪T‬‬
‫يعني هنا عندنا إستجابة مناعية نوعية دات مسلكـ خلوي ‪.‬‬
‫الى تم اكتساب مناعة بفضل المصل (المصل فيه مضادات األجسام ) أو عطاك مضادات األجسام مباشرة او من بعد‬
‫شي عدوى ارتافع تركيز مضادات االجسام يعني عندنا استجابة خلطية‬
‫بعض المرات كيكونو ب‪2‬‬
‫في حالة تم ابعاد شي عنصر و مكانتش استجابة مناعية يعني راه من شروط حدوث استجابة مناعية مثال باش‬
‫تكون استجابة خلطية ضروري ما يكون اللمفاويات ‪B‬و ‪T‬الن هاد االخيرة هي لي كتنشط ‪ B‬باش دير خدمتها ‪.‬‬
‫اللمفاويات ‪ T4‬من أهم الخاليا أو أهم خلية فالمناعة النوعية ألنها كتفرز انترلوكينات لي الدور ديالها هو تنشيط‬
‫المفاويات ‪ T8‬فالمسلكـ الخلوي و اللمفاويات ‪ B‬فالمسلكـ الخلطي باش تتكاتر و تفرق ‪.‬‬
‫الى مكانتش ‪ T4‬أو مكانتش مستقبالت ديال االنترلوكين فالخاليا يعني مكاين والو ‪.‬‬
‫اللمفاويات ‪ B‬كتعرف على المولد مضاد مباشرة في حين اللمفاويات ‪ T‬ضروري مايعرضوه ليها الخاليا العارضة‬
‫(بلعميات كبيرة ‪ .‬خاليا تغصنية ) ‪.‬‬
‫اللمفاويات ‪ B‬أو ‪ T‬التكاتر ديالها كيتم فاالعضاء اللمفاوية المحيطية من بعد ما كيبان شي مولذ مضاد إذا الى لقيتي‬
‫إرتفاع فتركيز أو كمية اللمفاويات أو مضادات األجسام أو إنتفاخ العقد اللمفاوية مثال هذشي دليل على تكاتر‬
‫اللمفاويات يعني كاينة شي استجابة مناعية ‪.‬‬
‫البلزميات ناتجة عن تفرق اللمفاويات ‪ B‬و هاد البلزميات كتفرز مضادات األجسام ومن بعد كتموت ‪.‬‬
‫في حالة لقيتي دخل شي مولد مضاد ‪ 2‬خطرات فالمرة االولى استجابة مناعية كانت معطلة شوية و الخاليا المناعية‬
‫المتدخلة كانت بكمية متوسطة و فاللمرة التانية كانت اإلستجابة بمدة أقل و أفضل هنا كشفنا على خاصية الذاكرة‬
‫المناعية اإلستجابة اللولة إستجابة أولية و التانية إستجابة ثانوية ‪.‬‬
‫اللمفاويات ‪ T‬المهلكة ‪/‬القاتلة (‪ )Tc‬مكتهاجم حتى كتعرف على المولد مضاد خاص يكون نفس المولد مضاد النوعية‬
‫ضدو و كذالك خاص تعرف على ‪ CMH‬تم كتهاجم ‪.‬‬

‫متبقاش تفصل الدرس عن التمارين‬

‫‪15‬‬
 ‫تمارين‬
‫تمرين من الدورة العادية لسنة ‪ 2008‬شعبة علوم الحياة و األرض‬

‫بالنسبة للسؤال ‪ 1‬طلبو من تفسير لغياب مضادالت األجسام عند الطفل يعني "عالش" ماعندوش مضادات األجسام هنا خاص نشوف‬
‫الوثيقة لي عندي لي باين فيها عدد اللمفاويات ‪ B‬و‪ T‬و مضادات األجسام هنا خاص من الدرس نتفكر العالقة بن هاد ‪ 3‬العناصر و بطبيعة‬
‫الحال اللمفاويات ‪ T‬كتنشط ‪ B‬لي كتفرق و كتعطي بلزميات لي كتفرز مضادات األجسام هنا الجدول كيبين أن هاد الطفل ماعندوش‬
‫اللمفاويات ‪ T‬إذا هذا هو المشكل ‪.‬‬
‫السؤال التاني طلبو عالش مكتكاترش الخاليا اللمفوية ف الوسطين ‪ 1‬و ‪ 3‬هنا يكفي أنه نشوف عالش تكاترات فالوسط ‪ 2‬باش نقشع‬
‫المشكل فالوسط ‪ 2‬عدنا الفيروس ‪ V‬و ‪ T4‬الحظنا تكاتر اللمفاويا فالوسط ‪ 1‬حيدنا ‪ T4‬للفأر المدروس الحظنا ماتكاتراش اللمفاويات ‪T‬‬
‫خاص تكون عارف الدور ديال ‪( T4‬كتفرز األنترلوكينات ) باش تعطي المشكل و فالوسط ‪3‬مكاينش فيروس ‪ V‬يعني ما غيطرا والو بطبيعة‬
‫الحال‪.‬‬
‫السؤال‪ 3‬نقولو عالش الطفل كتبان عندو أمراض تعفنية هنا مكاينش ‪ T4‬مكاين تنشيط والو ال مناعة خلوية ال خلطية‬

‫‪16‬‬
 ‫التصحيح‬

‫مشي ضروري أنك تكتب نفس اإلجابة‬

‫حرفيا فقط نفس األفكار بكلمات بسيطة و‬
‫سهلة ومفهومة وخط واضح ماتفوتش‬
‫المطلوب و ماتعطيش قل من المطلوب و‬
‫األرضالدرس باش تحدد‬
‫شوية‬ ‫خاص تكون شاد‬
‫تمرين من الدورة العادية لسنة ‪ 2008‬شعبة علوم الحياة و‬
‫تمرين من الدورة العادية لسنة ‪ 2008‬شعبة علوم الحياة و األرض‬
‫الوثيقة باش تحدد‬ ‫العالقة بين عناصر‬
‫تمرين من الدورة العادية لسنة ‪ 2008‬شعبة علوم الحياة و األرض‬

‫الجواب المطلوب ‪.‬‬

‫‪17‬‬
‫تمرين من الدورة العادية لسنة ‪ 2010‬شعبة علوم الحياة و األرض‬

‫‪18‬‬
 ‫بالنسبة للسؤال ‪ 1‬خاص تحدد الشرط الضروري لقبول الطعم هنا بال ماترجع للدرس أبدا فقط شوف الوثيقة و شوف الحالة في كاين قبول‬
‫الطعم و فين مكاينش قبول الطعم و جبد اإلختالف لي كاين هو الشرط المطلوب‬
‫السؤال التاني طالبين منك عالش خرجات لينا ديك النتائج هنا عندي غنخدمو ‪ Cr‬المشع فين تسمع بحال هدشي (بالبال المشع أو إيسام‬
‫‪ )...‬عرف بغينا نتبعو المسار ديال شي حاجة بحال ديك التويشية لي فاألفالم كيدر شي لعيبة فبورطابل أو فطوموبيل وكيبقى تابعو ب ‪GPS‬‬
‫تقريبا نفس اللعيبة‬
‫المهم هنا درنا داك ‪ Cr‬المشع فخاليا طعم ديال الفأر و الى تم تدمير ديك الخاليا كيخرج داك ‪ Cr‬المشع و ماحد خرج بكترة يعني تم تدمير‬
‫عدد مهم من الخاليا ‪.‬‬
‫فالوسط ‪ 1‬مكاين تا خلية مناعية يعني داك شي عادي تا من الكروم المشع لي خرج راه قليل‬
‫الوسط ‪ 2‬درنا ‪ T4‬و ‪ T8‬المالحظ أن مكاينش شي حاجة مهمة ماخرجش لينا ‪ Cr‬المشع هنا نرجعو للدرس و نشوف واش خاص ‪ T8‬و ‪T4‬‬
‫باش تخدم فطور الحث هاد ‪ 2‬خاليا الى ماتعرضش عليهم المولد مضاد من طرف خلية أخرى را مايديرو والو‪.‬‬
‫الوسط‪ 3‬درنا ‪ T8‬و ‪ T4‬و بلعميات كبيرة هنا كان خروج مهم ديال الكروم المشع يعني كان عدنا واحد التدمير مهم ديال خاليا الطعم هدشي‬
‫راجع لتواجد ‪ T8‬و ‪ T4‬و بلعميات كبيرة لي تعاونات بينها بلعميات كبيرة عرضات المولد مضاد ‪ T4‬نشطات ‪ T8‬لي تفرقات و عطات ‪Tc‬‬
‫لي دمرات خاليا الطعم ‪.‬‬
‫الوسط ‪ 4‬زدنا مضادات أجسام ضد ‪ CMH II‬يعني غيتم تدمير ‪ CMH II‬و من الدرس كنعرفو أن ‪ T4‬كتعرف على المولد مضاد مني‬
‫كيتعرض عليها ب ‪ CMH II‬هنا مكاينش هاد ‪ CMH II‬يعني ‪ T4‬ماغتنشطش ‪ T8‬و بالتالي ماغيتم تدمير والو ‪.‬‬
‫السؤال ‪ 3‬طلبو منا كيفاش داك العالج كيساعد على قبول الطعم هنا خاص نركز فالمعطيات ديالي لي منها ديك المادة ‪ Cyclosporine‬لي‬
‫كتكبح تركيب األنترلوكين ‪. 2‬‬
‫هنا مكاينش األنترلوكين ‪ 2‬مكاينش تنشيط و تفريق ‪ T8‬ل ‪ Tc‬مكايناش ‪ Tc‬يعني مكاينش لي غيدمر خاليال طعم و بالتالي كيتم قبول الطعم‬
‫التصحيح‬

‫ديما التركيز مع المعطيات ديالتمرين و خدم شوية الدماغ وبشوية‬

‫بشوية عليكـ و ماتنساش الدرس بالمراحل ديال كل عملية و الدور‬
‫ديال كل عنصر كيتدخل‬

‫‪19‬‬
‫تمرين من الدورة العادية لسنة ‪ 2014‬شعبة علوم الحياة و األرض‬

‫‪20‬‬
 ‫ا‬
‫السؤال‪ 1‬فقط المقارنة هنا كاين هدش و طرا هدشي و تما كين هداك شي و طرا داك شي تم خاص تخرج طبيعة‬
‫اإلستجابة المناعية خاص غا تشوف شنو العامل لي تدخل الى شفتي واحد المالحظة تما قالو لينا كاينة اللمفاويات ‪ B‬و‬
‫البلزميات يعني ‪.......‬‬
‫السؤال التاني فقط الوصف داك شي لي فالمبيان نحطو على شكل جمل و من بعد حدد ليهم العالقة بين البلزميات و‬
‫مضادات األجسام تا هنا غا من الوثيقة و شوية الدكاء تحددها ف الى الحظتي أن مني كيتزاد عدد البلزميات كيرتافع‬
‫تركيز مضادات األجسام فالعالقو الممكنة بينهم هي أن ديك البلزميات هي لي كتفرز مضادات األجسام ‪.‬‬
‫السؤال ‪ 3‬قول ليهم عالش البلمزية و اللمفاويات ‪ B‬عندها داك العدد فالبداية ديال العدوى و فاليوم الخامس واليوم العاشر و‬
‫الخامس و عشرون ‪.‬‬
‫فبداية العدوى اللمفاوية ‪ B‬العدد ديالها تقريبا شي ‪ 80‬مليون و البلزميات مكاينينش هنا عاد بدات العدوى يعني عاد‬
‫غتعرف ‪ B‬على المولد مضاد وباقي ما تفرقاتش ‪ B‬لبلزميات ‪.‬‬
‫اليوم الخامس انخفض شوية عدداللمفاويات ‪ B‬و ارتافع عدد البلزميات مباشرة هنا خاص نعرف أن اللمفاويات ‪ B‬بدات‬
‫كتفرق لبلزميات‬
‫اليوم العاشرارتافعات اللمفاويات ‪ B‬و البلزميات هدشي كنفسروه غا بتكاتر و التفريق ديال اللمفاويت ‪B‬‬
‫اليوم الخامس و عشرون ‪ B‬كتزاد يعني كيستامر التكاتر ديالها و البلزميات كتنقص هدا راجع لكون أن البلزميات من بعد‬
‫ما كتفرز مضادات األجسام كتموت ‪.‬‬
‫السؤال ‪ 4‬داك شي لي فالوثيقة نحطو ليهم تاني على شكل جمل خاص تالحظ أنه عاطينك داك الفيروس كيفاش كيرتابط و‬
‫من بعد االرتباط عاطينك دوك المعلومات تاهما ندختهم فالجواب‬
‫السؤال ‪ 5‬خطاطة بسيطة كتبين مراحل االستجابة من دخول المولد مضاد و التعرف عليه و من بعد التكاتر و التفريق د‬
‫يال المفاويت ‪ B‬للبلزميات لي كتعطي مضادات أجسام لي كتبطل مفعول المولد مضاد ‪.‬‬
‫التصحيح‬

‫علوم الحياة و األرض تفهم الوثيقة ماتلقاش مشكل غا عرف شنو لي‬
‫كتبين الوثيقة و الفقرة من الدرس لس عندها معاها عالقة‬

‫‪21‬‬
‫تمرين من الدورة العادية لسنة ‪ 2016‬شعبة علوم الحياة و األرض‬

‫‪22‬‬
 ‫من الوثيقة ‪ 1‬فقط وصف داك شي لي تما ببساطة داك شي لي فالمبيان حطو على شكل كلمات ارتافعات هدي و‬
‫انخافضات من ي وصالت وووو‪......‬‬
‫وحدد االستجابة المناعية الى الحظتي تما عندك ارتافع تركيز مضادات األجسام يعني استجابة خلطية ‪.‬‬
‫السؤال ‪ 2‬نحدد العالقة بين تركيز الفيروس فالدم و عدد اللمفاويات ‪.‬‬
‫بكل سهولة مني نشوف المبيان كيبان ليا مني ارتافع عدد اللمفاويات ‪ Tc‬انخافض تركيز الفيروس و مني انخافض تركيز‬
‫الفيروس بدا العدد ديال اللمفاويات ‪ Tc‬كيتراجع و هنا عند اللمفاويات ‪ Tc‬هي لي تدخالت يعندي أستجابة خلوية‪.‬‬
‫السؤال ‪ 3‬كيفاش كتدخل مضادات االجسام و اللمفاويات ‪ Tc‬الوثيقة و شوية الدرس تجاوب عليه‬
‫التصحيح‬

‫ديما خدم داك شي لي طالبين منكـ ما تسبقش األحداث و‬

‫ماتزيدش على المطلوب قال ليك من الوثيقة ‪ 1‬خدم من الوثيقة ‪1‬‬
‫فقط طلب من من الوثيقة ‪ 2‬من الوثيقة ‪ 2‬و نسى الوثيقة طلب‬
‫‪ 1‬طلب منكـ من المعطيات السابقة خدم داك شي لي داز طلب و‬
‫الى طلب منكـ من المعارف لي عندكـ يعني دخل تا الدرس‬

‫‪23‬‬
‫تمرين من الدورة اإلستدراكية لسنة ‪ 2011‬شعبة علوم الحياة و األرض‬

‫‪24‬‬
 ‫التصحيح‬

‫حاول تشوف تصحيح ديال مجموعة من التمارين و تعلم‬

‫كل سؤال كيفاش كتجاوب عليه و حاول تخدم تمارين‬
‫أخرى و هكذا تا تعلم‬

‫‪25‬‬
 ‫‪ .IV‬إضطربات الجهاز المناعي‬
‫الجهاز المناعي الدور ديالو هو حماية الجسم من العناصراألجنبية و الدخيلة (غير الذاتية ) لي كتهدد السالمة ديال و‬
‫كيدير هاد العملية عن طريق استجابة مناعية نوعية أو غير نوعية إال أن هاد الجهاز المناعي فبعض الحاالت‬
‫ماكايكونش هو هداك ‪.‬‬
‫تقدر تكون إستجابة مناعية مفرطة (كتر من القياس ) لي كتمثل فاألرجية لي كنسميوها الحساسية هنا الجهاز المناعي‬
‫كيخدم بطريقة غير عادي كيدخل شي جسم لي فاالغلب ماعندو تا شي تأثير إال أنه عند البعض مشكل كبير بسبب‬
‫أعراض اإلستجابة األرجية ‪.‬‬
‫و فبعض الحاالت ماكاتخدمش االستجابة المناعية لسبب من األسباب فمثال غياب اللمفاويات ‪ T4‬مثال يعني مكاين ال‬
‫مناعة خلوية ال خلطية الن ‪ T4‬هي لي كنتشط الخاليا المناعية فهاد الحالة المناعة ماقيماش بالدور ديالها ضعيفة أو‬
‫مكايناش نهائيا (قصور مناعي ) كمثال داء السيدا لي غنشوفوه من بعد ‪.‬‬

‫اإلستجابة األرجية‬ ‫‪.1‬‬

‫المعروف أن حبوب اللقاح ماعندها تا شي تأثير على الجسم و لكن بعض الناس غا كتوصلهم شوية لألنف ديالهم كتكون‬
‫مشكلة لهاد الناس الن عندهم لي كنسميوها بالحساسية (األرجية) ‪.‬‬
‫حبوب اللقاح ‪ ،‬وبر الحيوانات ‪ ،‬غبار المنازل ‪ ،‬بعض األغدية هدي عناصر لي‬
‫فالعادة ماعندها تا شي تأثير إال أنه ا كتشكل تهديد للبعض (األرجيون) كذالكـ‬
‫كاين أدوية و مواد كيميائية لي كدير نفس المشكل و كتسبب ليهم فأعراض‬
‫األرجية‪.‬‬
‫تعريف‬ ‫أ‪.‬‬
‫اإلستجابة األرجية هي إستجابة مناعية مفرطة لي ناتجة على دخول مؤرجات لي‬
‫هي فالعادة عناصر غير ممرضة دخول ديالها كيسبب أرجية ‪.‬‬

‫أعراض اإلستجابة األرجية‬ ‫ب‪.‬‬

‫الناس األرجيون الى دخل ليهم شي مؤرج كتبان عندهم مجموعة من األعراض لي كتكون على حسب نوع المؤرج منها‬
‫السعال ‪،‬العطس ‪،‬إفرازات مخاطية مفرطة ‪،‬عسر التنفس‪،‬تقلصات فالمسالك التنفسية‪،‬طفح جلدي ‪ ،‬التهابات ‪ ،‬انتفاخ ‪....‬‬
‫وتتوصل للموت ‪.‬‬
‫اإلستجابة األرجية مكتبان حتى لإلتصال التاني بالمؤرج ففاإلتصال االول كتسمى المرحلة التحسيسية عاد الجسم كيولي‬
‫محسس فالى دخل نفس المؤرج المرة التانية هنا كتبان االرجية باالعراض ديالها و هاد المرحلة التانية كتسمى مرحلة‬
‫الحساسية المفرطة‪.‬‬
‫الية اإلستجابة األرجية‬ ‫ت‪.‬‬
‫من العناصر لي كتدخل فاإلستجابة األرجية كاين الخاليا البدينة و واحد نوع من مضادات األجسام لي هو ‪. IgE‬‬
‫المالحظة بينات أن الخاليا البدينة عند االرجيون قبل النوبة االرجية كتكون عادية كتحتوي على حبيبات لي عامرة‬
‫بالهيستامين و من بعد النوبة االرجية الخاليا البدينة مكتبقاش عندها ديك الحبيبات شي لي كيبين أن الخاليا البدينة كتفرز‬
‫داك الهيستامين لي كيساهم فظهور النوبة االرجية كذالك عند االرجيون كيبان ارتفاع فتركيز مضاد االجسام ‪. IgE‬لي‬
‫كيبين أنه تا هو كيتدخل فهاد الحالة‪.‬‬
‫‪ ‬مراحل االستجابة األرجية‬
‫المرحلة التحسيسية‬
‫فالبدية فاش كيدخل المؤرج كتشدو البلعميات‬
‫الكبيرة كديرليه البلعمة و كتعرض عينة‬
‫منو لي كتعرف عليها ‪ T4‬لي بدورها كتنشط‬
‫اللمفاويات ‪ B‬لي كتحول لبلزميات و كتفرز‬
‫مضادات األجسام ‪ IgE‬نوعية للمؤرج ‪.‬‬
‫مضادات األجسام كترتابط بالخاليا البدينة‬
‫و القعدات فالدم ‪.‬‬

‫‪26‬‬
 ‫مرحلة الحساسية المفرطة الفورية‬
‫الى دخل نفس المؤرج مرة أخرى كيرتابط مباشرة بمضادات االجسام المرتبطة بالخاليا البدينة لي غتفرز الهيستامين‬
‫كيف عرفنا فاالستجابة غير النوعية الهيستامين من العناصر لي كيدير أعراض اإلستجابة االلتهابية وهنا هو لي كيسبب‬
‫ديكـ األعراض ديال األرجية ‪.‬‬
‫و كذالكـ كيرتابط المؤرج بمضادات األجسام لي مرتابطة بالقعدات فالدم لي بدورها غتفرز وسائط إلتهابية أخرى‬
‫وهدشي كامل كيسبب فالنوبة األرجية ‪.‬‬

‫مرحلة الحساسية المفرطة المتأخرة‬

‫من بعد ‪ 24‬ساعة تال ‪ 48‬ساعة بعد اإلصابة االولى كيبقى الهيستامين خدام و كيجدب القعدات و الحمضات لجيهت‬
‫المؤرج لي تاهو كيرتابط بمضاد األجسام ‪ IgE‬لي فيهم و كتفرز وسائط التهابية لي كتعطي من جديد االعراض ديال‬
‫اإلستجابة األرجية و كتبقى غادة القضية ‪......‬‬
‫كاين بعض الطرق و محاوالت لمواجهة هاد االرجية منها مضادات الهيستامين و مضادات ديال وسائط األخرى و كاين‬
‫تا استخدام ديال شي مواد لي كتمنع إفراز المواد األرجية و كذالكـ كتوسع من المسالك التنفسية و العروق الدموية ‪.‬‬
‫كتم طريقة أخرى لي كإزالة التحسس األرجي بمنع افراز مضاد األجسام ‪ IgE‬بكمية كبيرة ‪.‬‬

‫القصور المناعي‬ ‫‪.2‬‬

‫عند شي حاالت كيكون الجهاز المناعي ضعيف مكايدريرش خدمتو لشي نقص فالخااليا المناعية أو مشكل فتنشيطها‬
‫هدشي كيسبب (قصور مناعي ) لي كيعطي مشاكل خطيرة منها أمراض تعفنية و انتهازية حتى أبسط عناصر غير الذاتي‬
‫كيكون خطير على الجسم ‪.‬‬
‫‪ ‬داء فقدان المناعة المكتسبة ‪ -‬السيدا‬
‫لي كيسببو فيروس ‪ VIH‬لي كيدمر الجهاز المناعي شي لي كيأدي‬ ‫السيدا ‪SIDA‬‬ ‫داء فقدان المناعة المكتسبة‬
‫لقصور مناعي لي معاه كتبان أمراض إنتهازية و تعفنية لي كتهدد السالمة ديال الجسم ‪.‬‬
‫)‪SIDA (Syndrome d'ImmunoDéficience Acquise‬‬
‫‪VIH(Virus d'Immunodéficience Humaine‬‬
‫بنية فيروس ‪VIH‬‬ ‫أ‪.‬‬
‫بالنسبة للبنية ديالو ممثلة فالصورة‬
‫كيتوفر على كليكوبروتينات (‪)GP‬‬
‫لي كتمكنو من االرتباط بالخاليا‬
‫المستهدفة )‪ (GP120‬كذاكـ فهو‬
‫فيروس لي المعلومات الوراثية‬
‫ديالو محمولة ف ‪ ARNm‬داخل‬
‫كبسيدة كذالك كيتواجد عندو أنزيم‬
‫الناسخ العكسي لي كيمكن من‬
‫ترجمة ‪ ARNm‬الى ‪ ADN‬هدشي‬
‫عالش كيتسمى فيروس قهقري‪.‬‬
‫كيتميز بكثرة الطفرات شي لي‬
‫كيصعب من الجهاز المناعي أنه‬
‫يتعرف عليه و كيهاجم الخاليا عندها‬
‫المستقبالت ‪( CD4‬اللمفاويات ‪ T4‬و‬
‫البلعميات الكبيرة)‪.‬‬

‫‪27‬‬
 ‫الية التعرف على الخاليا الهدف و دورة فيروس ‪VIH‬‬ ‫ب‪.‬‬

‫فيروس ‪ VIH‬كيستهدف الخاليا لي‬

‫عندها المستقبالت ‪ CD4‬و هذا راجع‬
‫لواحد التكامل بنيوي بين ‪ GP120‬ديال‬
‫‪ VIH‬و ‪. CD4‬‬
‫تم من بعد ما يتعرف على الخلية الهدف‬
‫(غالبا اللمفويات ‪ )T4‬كيرتابط بها و‬
‫كيلتاحم الغشاء ديالو مع الغشاء ديالها‬
‫بفضل مجموعة من المستقبالت الغشائية‬
‫(‪CCR5‬أو ‪CXCR4‬فالخاليا المستهدفة‬
‫و ‪ GP41‬الفيروسي لي كيسهل الغلتحام‬
‫بين الغشائين )تم كيحقن المحتوى ديالو‬
‫هنا ‪ Arn‬الفيروسي كيتنسخ بتدخل‬
‫الناسخ العكسي هاد العملية كطرا فيها‬
‫أخطاء شي لي كيعطي طفرات و بالتالي‬
‫كيفلت من الجهاز المناعي من بعد النسخ العكسي لي كيعطينا لولب ديال ‪ ADN‬كطرا ليه عملية التضاعف تم من بعد‬
‫كينتاقل داك ‪ADN‬لي األصل ديالو فيروسي كيدخل للنواة و كيتدمج ب ‪ ADN‬ديال الخلية المستهدفة وهنا كتم عملية نسخ‬
‫و ترجمة ‪ ADN‬بما أنه كاين ‪ ADN‬ديال ‪ VIH‬فغتركب كذاك بروتينات فيروسية لي من بعد غيتركب بها عينة جديدة من‬
‫‪ VIH‬لي غتنتاقل تطفل على خاليا أخرى ‪.‬‬

‫مراحل السيد‬ ‫ت‪.‬‬

‫من بعد ماكيدخل ‪ VIH‬كيبدا يتطفل على الخاليا‬
‫المستهدفة و هنا كتبدا اإلستجابة المناعية بظهور‬
‫مضادات األجسام يعني الفرد المصاب كيولي‬
‫إيجابي المصل (كينتج مضادات أجسام نوعية ضد‬
‫‪ . ) VIH‬فكيتراجع الفيروس هدي مرحلة التعفن‬
‫األولى و كتبان فالمصاب أعراض بسيطة كتشبه‬
‫ألعراض الزكام عياء حمى و كذالكـ إنتفاخ العقد‬
‫اللمفاوية جيهت العنق ‪.‬‬
‫من بعد كتجي مرحلة الكمون هنا الجسم كيبدا يفقد‬
‫العديد من اللمفاويات ‪ T4‬وبالتالي مكاينش تنشيط‬
‫‪ T8‬و مغتكونش ‪ Tc‬و مغيكونش تنشيط اللمفاويات‬
‫‪ B‬و مغتكونش بلزميات يعني كيولي هنا قصور‬
‫مناعي فهاد المرحلة مكتكون تا شي أعراض كيبان‬
‫المصاب عادي كتبقى هاد المرحلة عدة سنوات ‪.‬‬
‫المرحلة األخيرة من بعد ما فقد الجسم المناعة كتبدا األمراض اإلنتهازية بسباب جراتيم لي كتستغل و كتنتاهز القصور‬
‫المناعي و كتهاجم المريض تم كتبان تعفنات خطيرة وسرطنات و كذالك كيتدهور الجهاز العصبي فاالخير كتأدي لموت‪.‬‬

‫‪28‬‬
 ‫الية تدمير اللمفاويات ‪T4‬‬ ‫ث‪.‬‬
‫‪ VIH‬كيتسبب فتدمير اللمفاويات ‪ T4‬بمجموعة من الطرق‬
‫بما أن اللمفاويت ‪ T4‬تدمج فيها ‪ ADN‬لي االصل ديالو من‬
‫فيروس فغتنتج بروتينات فيروسية لي غيتعرف عليها الجهاز‬
‫المناعي و غيدمرها‪.‬‬
‫كذالكـ فدورة حياة ‪ VIH‬من بعد ما كيتطفل على اللمفاويات‬
‫كيخرج عن طريق تبرعم شي لي كيدمر الغشاء السيتوبالزمي‬
‫ديال اللمفاويات ‪.T4‬‬
‫باإلظافة الى هذشي فبروتينات ‪ VIH‬كتحرض ‪ T4‬على‬
‫اإلنتحار الخلوي بحيت كتكاتف النواة ديالها او كتجمع عدد‬
‫ديال الخاليا في إنتحار جماعي ‪.‬‬
‫وأيضا بعض الخاليا الغير المعفنة كتنتاحر كذالك بسب تماس‬
‫بينها و بين خلية معفنة لي كتحرضها على اإلنتحار ‪.‬‬
‫اختبارات الكشف عن السيدا و بعض المحاوالت للعالج‬ ‫ج‪.‬‬
‫اختبارات الكشف عن السيدا باألساس كتعتامد على الكشف عن مضادات األجسام النوعية ضد فيروس ‪ VIH‬فالى تم‬
‫الكشف عن تواجد مضادات االجسام عند شي شخص يعني أنه إيجابي المصل أي أنه مصاب بالسيدا ‪.‬‬
‫والى مكانتش عندو مضادات األجسام ضد السيدا يعني أنه سلبي المصل و غير مصاب بالعدوى‪.‬‬

‫‪ ‬اختبار ‪ELISA‬‬
‫‪Enzyme Linked ImmunoSorbent Assay‬‬
‫من بعد ما كيتبت ‪ VIH‬كتزاد ليه المصل لي بغينا‬
‫نحللوه الى كانت فيه مضادات األجسام غترتابط ب‪VIH‬‬
‫تم من بعد كتغسل الدعامة باش نحيدو مضادات األجسام‬
‫لي مارتابطاتش بالمولد مضاد ‪.‬‬
‫من بعد كنضيفو مضادات أجسام نوعية لمضادات‬
‫األجسام البشرية موسومة (معلمة) بأنزيم غترتابط‬
‫بمضادات األجسام لي درناها فاالول و من بعد نغسلو‬
‫من جديد إلزالة مضادات األجسام لي مارتابطات بوالو ‪.‬‬
‫و من بعد غنزيدو مادة لي كتفاعل مع األنزيم لي مرتابط‬
‫بمضادات األجسام ‪.‬‬
‫الى تعطى شي تلون يعني أنه كاينة مضادات أجسام‬
‫نوعية ضد ‪ VIH‬أي أن هاد الشخص مصاب بالسيدا‬
‫(إيجابي المصل )‪.‬‬
‫والى مكان تا شي تلون يعني شخص سليم (سلبي‬
‫المصل ) ‪.‬‬

‫هاد اإلختبار ممكن توقع في أخطاء لذاكـ يمكن يتم‬

‫إختبار اخر أكتر دقة‬

‫‪29‬‬
 ‫‪ ‬اختبار ‪Western Blot‬‬

‫كتعزل البروتينات الفيروسية و كتحط‬

‫فمعدات تجريبية معينة و كتعرض للهجرة‬
‫الكهربائية شي لي غيعزل البروتينات كيتم‬
‫هدشي فواحد الوريقة لي غتقطع‬
‫لمجموعة من األشرطة وكل شريط كيتدار‬
‫ليه إختبار ‪ELISA‬فكنحصلو على العديد‬
‫من النتائج بدل جواب واحد ‪.‬‬
‫احتمال الخطأ فهاد اإلختبار ضعيف‬

‫محاولة الحد من ‪ VIH‬كاينة مجموعة‬

‫من الطرق لي فقط كتنقص من الحدة‬
‫ديالو مشي كتخلص منو نهائيا ‪.‬‬
‫منها حقن مضادات أجسام نوعية ل‬
‫‪ GP120‬شي لي كيعرقل االرتباط‬
‫بالخاليا المستهدفة ‪.‬‬
‫أو كيتم حقن مستقبالت ‪ CD4‬حرة لي‬
‫كتقوم بإلهاء الفيروس ‪.‬‬
‫كذالك كتم محاولة تدمير ‪ARN‬‬
‫الفيروس بمواد معينة ‪.‬‬
‫إيقاف عملية النسخ العكسي بإبطال و‬
‫إيقاف أنزيم الناسخ العكسي‪.‬‬
‫كذالك كيتم تدعيم الجهاز المناعي‬
‫اإلستمصال و المضادات الحيوية‬
‫كذالكـ كيتم معالجة األمراض اإلنتهازية‬
‫‪.‬كتبقى فقط محاولة للتخفيف‬

‫حاليا كاين واحد التقدم فمعالجة هاد الداء بإستخدام التعديل الوراثي بتقنية‬
‫كتسمى كريسبر لحد األن داك شي غادي شوية مزيان ولكن مرة مرة كيخرج‬
‫ولد الحرام من الجنب بش طفرة جديدة هادشي ماكينش عندكم ‪VIH‬ليهم‬
‫فالدرس ونتوما غير مطالبين به أبدا إال في حالة كنتي باغي تصور على والد‬
‫قسمك و تبان قدام األستاد ديال راك متابع األحداث مثال ‪.‬‬

‫‪30‬‬
 ‫‪ .V‬تدعيم الجهاز المناعي‬
‫إضطربات الجهاز المناعي كتشكل خطر كبير على الجسم و بالخصوص حالة القصور المناعي شي لي كيتطلب تدخل‬
‫لمساعدة و تدعيم الجهاز المناعي لي غنشوفو هنا ‪ 3‬الطرق‬
‫التلقيح‬ ‫‪.1‬‬
‫كلنا فالصغر مشينا ضربنا البرا (الجلبة) ديال بوحمرون السل ‪....‬‬
‫شنو لي طرا‬
‫مثال أنا شفت واحد الوريقة ولقيت ضمن المواد لي تحقنت بها هي ‪BCG‬‬
‫لي هو لقاح فيه بكتيريا كدير سل خفيف ماكيشكل تا شي خطورة ‪.‬‬
‫الهدف هو أن الجسم يكتاسب مناعة ضد السل من بعد لو تصابيت بالسل‬
‫فغتكون ضدو إستجابة ثانوية لي غتكون فمدة صغيرة و بكفاءة‬
‫التلقيح كيعتامد على خاصية الذاكرة المناعية من بعد التلقيح بداك المولد‬
‫مضاد الوهن غير ممرض كتكون إستجابة مناعية أولية لي فيها الجسم‬
‫كيكتاسب مناعة ضد المولد مضاد و كتكون خاليا ذاكرة لي كتدخل من‬
‫بعد لو اتعرض الجسم لنفس المولد مضاد و كتكون إستجابة ثانوية لي‬
‫فورية و قوية ‪.‬‬
‫المفعول ديال التلقيح كيكون دائم وبطبيعةالحال نوعي ألن المناعة لي‬
‫تكتاسبات موجهة ضد نوع معين من المولد مضادو الهدف ديال وقائي‬

‫اإلستمصال‬ ‫‪.2‬‬
‫هاد العملية كتعتامد على حقن المصل ديال شي فرد ممنع لشخص اخر‬
‫مريض بطبيعة الحال بنفس المولد مضاد‪.‬‬
‫المصل كيتوفر على مضادات أجسام نوعية ضد مولد مضاد معين كيتم‬
‫نقلها لشخص لي تصاب بعدوى ديال نفس المولد المضاد هنا نقلنا مناعة‬
‫جاهزة و المفعول ديالها مؤقت و بطبيعة الحال نوعية‪.‬‬
‫يمكن يتم النقل من إنسان إلنسان و بعض األحيان كيتم حقن شي حيوان‬
‫مثال حصان بمولد مضاد شي لي كيخليه ينتج مضادات أجسام لي كتخاد‬
‫فالمصل ديالو و كتحقن إلنسان مصاب ‪.‬‬

‫زرع النخاع العظمي‬ ‫‪.3‬‬

‫ضمن أمثلة القصور المناعي كاين لي كيتزاد به وراثي شي لي‬
‫كيتطلب تدخل و من أنجع الطرق هي زراعة نخاع عظمي‪.‬‬
‫كيتطلب كأول مرحلة إختيارالمتبرع لي خاص يكون أقرب ما‬
‫يمكن للمتلقب ف بالنسبة ل‪ CMH‬تم من بعد تخدير المعطي‬
‫كتخاد منو عينة ديال النخاع العظمي لي كتعالج من بعد‬
‫بالقضاء على اللمفاويات ‪B‬و‪ T‬لي كاينة فيه باش ما تهاجمش‬
‫الخاليا ديال المتلقي و كيتم ازالة الكريات الحمراء تجنبا للتلكد‬
‫فكيتم أخد الخاليا االصل فقط و من بعد كيتم تجهيز المتلقي لي‬
‫كيتعرض للتشعيع للقضاء على الخاليا المناعية ديالو لي تقدر‬
‫ترفض الطعم شي لي كيتطلب أنه يبقى فواحد الظروف معينة‬
‫نظرا لغياب المناعة عندو و كيتم حقن العينة فالدم‪.‬‬

‫‪31‬‬
 ‫تمارين‬
‫تمرين من الدورة العادية لسنة ‪ 2011‬شعبة علوم الحياة و األرض‬

‫‪32‬‬
 ‫بالنسبة للسؤال ‪ 1‬عملية الوصف فقط داك شي لي فالمبيان حطو على شكل جمل تم خرج خاصيتين ديال اإلستجابة‬
‫المناعية فالى الحظتي تما عدنا الحقن التاني بالمولد مضاد ‪ A‬عطى غستجابة اسرع واحسن من الحقن االول يعني من‬
‫بعد الحقن االول الجهاز المناعي بقى عاقل على المولد مضاد و تدخل بسرعة المرة التانية يعني عدنا الذاكرة المناعية و‬
‫كذالك مني حقنت مولد مضاد ‪ B‬الحظت أن االستجابة كانت ضعيفة و معطلة فعاد أول مرة غيتعرف عليه الجهاز المناعي‬
‫يعني هنا عندي تا النوعية ‪.‬‬
‫السؤال التاني تقريبا نفس الخدمة توصف ليهم داك شي لي تما و من بعد عطيهم طبيعة اإلستجابة المناعية هنا كي‬
‫كتالحظ عندك من بعد اإلصابة ارتافع تركيز اللمفاويات ‪ Tc‬و مضادات األجسام يعني عندك االستجابة الخلوية و الخلطية‪.‬‬
‫السؤال ‪ 3‬خدمة ديال المقارنة غتقارن تركيز مضادات األجسام بين نفس المحددات المستضادية مثال غتشوف مضادات‬
‫األجسام لي موجهة ضد المحدد المستضادي ‪ A‬فالسن التانية و قارنها مع السن الخامس و نفس الشي لباقي المحددات‬
‫المستضادية مشي تقارن ‪A‬مع ‪ B‬وال شي حاجة هكدا ال ال ال الاااا و خرج ليهم خاصية المناعية لي تما الى شفتي ملي‬
‫كانت عندو ‪ 5‬سنين تصاب مرة أخرى و كان افراز ديال مضادات االجسام كبر يعني بكل بساطة هنا عندك الذاكرة‬
‫المناعية ‪.‬‬
‫السؤال ‪ 4‬واش التلقيح ضد الساللة ‪ 1‬كيحمي من الساللة ‪ 2‬لي خاص تكون عارفو ان التلقيح كيعتامد على الذاكرة‬
‫المناعية و هنا تحققات لينا هاد القضية بالنسبة لمحددين مستظاديين في حين الخرين ال إذا مكيحميش‬
‫التصحيح‬

‫‪33‬‬
‫تمرين من الدورة اإلستدراكية لسنة ‪ 2008‬شعبة علوم الحياة و األرض‬

‫‪34‬‬
 ‫السؤال ‪ 1‬خرج ليهم دالئل كتبين تنشيط الجهاز المناعي بكل سهولة كتشوف تما واش كاينة شي حاجة لي كتبين انه كاينة‬
‫شي استجابة مناعية ببساطة عندك من بعد االصابة كيرتافع تركيز مضادات األجسام و ‪. Tc‬‬
‫السؤال ‪ 2‬طلبو منك عالش خرجات لينا ديك النتائج فالمبيان وطلبو منا اننانخدمو الوثيقة ‪.2‬‬
‫اول حاجة نشوفو هاد شي لي عدنا فالوثيقة ‪ 3‬كيدويو على ‪ CD4‬و الناسخ العكسي و فالوثيقة ‪ 2‬كاين عندي تما الناسخ‬
‫العكسي و ‪ CD4‬يعني الهضرة عليهم الى شفنا الوثيقة ‪ 2‬عندي تما كيفاش كيتطفل ‪ VIH‬على الخاليا أول حاجة كيرتابط‬
‫‪ GP120‬مع ‪ CD4‬ومن بعد كيحقن الفيروس داك شي ديالو لداخل من بينهم الناسخ العكسي لي كيساهم فالتكاتر ديال‬
‫الفيروس هدشي كيتم فحاالت عادية و هو نفس الشي لي كيطرا فالوسط ‪ 2‬بالرغم من أننه كاينة مضادات أجسام إال أنها‬
‫غير نوعية ل ‪ CD4‬و بالتالي مادير ليها والو و لكن فالوسط ‪ 1‬كاين مضادات أجسام نوعية ل ‪ CD4‬وبالتالي ديك‬
‫مضادات األجسام كترتابط ب ‪ CD4‬شي لي كيمنع ارتباط الفيروس باللمفاوية و التطفل عليه و بالتالي مغيتكاترش شي لي‬
‫كيفسر كمية الناسخ العكسي المتدنية فالوسط ‪1‬‬
‫السؤال‪ 3‬تكلم على كيفاش كتدخل االستجابة المناعية ضد هاد الفايروسوبما أنه عندك مناعة خلوية و خلطية دوي عليهم‬
‫ب‪. 2‬‬
‫التصحيح‬

‫فهم الدرس و تعلم كيفاش تخدم الوثائق و فراسك تيق و نسى العوائق‬

‫رأيك يهمنا لمعرفة كيفية إنجاز باقي الدروس لذا المرجو أن تعطي وجهة نظرك تقييمك انتقادكـ أو تنويهك لهذا الكتيب في‬
‫تعليق أينما وجدت هذا الكتاب في صفحة أو موقع فقط اترك تعليقا وشكرا‬

‫نجيبو الباكـ ‪2017‬‬

‫‪www.fb.com/njibolbac.com‬‬

‫‪35‬‬