Professional Documents
Culture Documents
Sarah Palasan Poems
Sarah Palasan Poems
Pangaw
Dalamhati…
Sikil sa pag-aglahi.
Lipos ng pagsisisi.
Dayukdok sa kandili
Dahil sa pagkakamali.
Disiplina…
Baligho ma’t pasaliwa,
Pananalig at panghihinawa.
Simbolo’y tanikala
Parusang nagsisilbing babala.
Dalisay…
Hangaring ituwid,
Diwang nakapinid.
Mapukaw nawa kapatid
Pusong may balakid.
Dasal…
Sa pagtatapos ng pagpapagal.
Matapos matigmak at masakal
Magpatuloy ng may pagmamahal
Karanasan ay magsilbing aral
Pangaw…
Parusa sa nagkamali.
Subalit sa marami,
Sangkap sa pagpapanatili
Matiwasay na mga sandali.
Paalam
Paalam…
Masakit man at luhaan.
Ito ba’y kaparusahan?
Paalam..
Hindi dahil pumanaw ka
Kung ‘di dahil lumisan ka.
Paalam…
Kung gaano katagal ika’y hinintay
kaybilis mong nahulog sa ibang kamay.
Paalam…
Masakit man sa kalooban.
Kailangan ika’y pakawalan.
Paalam..
Hindi ka pa dumarating.
Wala pa man saking piling.
Paalam…
sweldo.