Kagawaran ng Edukasyon

Pambansang Punong Rehiyon

Tanggapan ng mga Paaralang Sangay
Sangay sa Pagpapatupad ng Kurikulum

PAGMAMASID AT PAGHAHATID NG KURIKULUM SA FILIPINO

Maynila

MUNGKAHING LUNSARAN SA PAGTUTURO AT PAGKATUTO

( Sekundarya- JHS, Baitang 7 )
IKATLONG MARKAHAN

Baitang/ Seksyon Oras Silid Blg.

7 – MASIGASIG (19) 6:00 – 6:45 B3 317

7 – MASIPAG (23) 6:45 – 7:30 B3 317

7 – MAKATAO (2) 8:30 – 9:15 B3 317

7 – MAALALAHANIN (7) 9:15 – 10:00 B3 317

7 – MAHINAHON (16) 10:45 – 11:30 B3 317

Guro: Ariane F. Mendizabal

Paaralan: Mataas na Paaralang Jose Abad Santos
Baitang at Pangkat: B7 – Masipag (23)
Asignatura: Filipino 7
Petsa: Marso 20, 2024
Paksa ng Aralin: Panitikan: Pagsusuri sa Dulang Pantelebisyon
Markahan: Ikatlong Markahan
Linggo: Ikaanim na Linggo

LINANGIN (PANITIKAN)
I. LAYUNIN:
A. Nasusuri ang mga elemento at sosyo-historikal na konteksto ng napanood na dulang
pantelebisyon F7PD-IIIf-g-15

II. PAKSANG-ARALIN
A. Paksa: Panitikan: Pagsusuri sa Dulang Pantelebisyon
Mga Tiyak na Kasanayang Pampagkatuto:
1. Nabibigyang-kahulugan ang mga salita sa tindi ng pagpapakahulugan
2. Nasusuri ang isang dulang pantelebisyon gamit ang mga elemento nito
3. Nakabubuo ng sariling paraan sa paglinang ng kasanayan sa panonood upang
patuloy na magkaroon ng kamalayan sa lipunang ginagalawan

B. Sanggunian
Mapped MELCS Filipino 7
Filipino - Ikapitong Baitang
Panitikang Rehiyunal 7
C. Kagamitan
Mga Larawan, Powerpoint presentation, Sipi ng bidyo mula sa Youtube
D. Pagpapahalaga
Mapahalagahan at matukoy ang importansya ng dulang pantelebisyon bilang isang
paraan ng pagpapahayag ng at paglalarawan ng mga damdamin at mga pananaw ng
mga tao sa partikular na bahagi ng kasaysayan ng isang lugar.

E. Integrasyon ng mga kasanayan, Isyu at kalakaran

- ESP (Matutuhang unawain at irespeto ang damdamin, pananaw at kulturang mayroon
ang ibang grupo ng indibidwal na ipinakikita sa mga dulang pantelebisyon)
- AP (Mapahalagahan ang kultura at kasaysayang mayroon ang isang partikular na lugar
batay sa mga ipinalabas sa dulang pantelebisyon)

III. PAMARAAN
A. Panimulang Gawain
1. Paunang Pagtataya

Panuto: Isulat ang TAMA kung wasto ang pahayag at MALI naman kung hindi.

_______1. Ang tauhan sa dula ang naghahatid at nagbibigay ng mga diyalogo batay sa
nabuong iskrip.

_______2. Pinangungunahan ng direktor ang kabuoang ayos at galaw ng produksyon ng

dulang pantelebisyon.

_______3. Nakaugnay sa mga usapin at isyung panlipunan ang mga pangyayari sa

kontekstong sosyolohikal.

______4. Ang pelikulang "Heneral Luna" at "GOYO: Ang Batang Bayani" ay mga pelikulang
nakaugnay sa historikal na konteksto.

______5. Sa pagsusuri ng isang dulang pantelebisyon, hindi mahalagang makita ang mga
larawan at tunog na lumilikha ng kapaligiran pati ang mga karanasang malapit sa
katotohanan.

2. Balik-aral

Panuto: Suriin ang mga larawan sa ibaba at sagutin at sagutin ang mga tanong na
ibibigay ng guro.

Mga Tanong:

1. Pamilyar ka ba sa mga palabas na ito?

2. Makatotohanan ba ang mga pangyayaring ipinakita sa mga palabas na ito?
3. Mula sa tatlong palabas na ito, ano ang tumatak sa iyo at bakit?
B. Panlinang na Gawain
1. Pagganyak

Panuto: Hanapin ang mga salitang nasa ibaba mula sa Word Hunt. Lagyan ng linya o
palatandaan ang mga salitang mahahanap.

2. Paglinang ng Talasalitaan

Panuto: Piliin ang kasingkahulugan ng salitang may salungguhit sa loob ng

kahon. Isulat ang titik at ang mga salitang kasama ng titik sa sagutang papel.
A. Pagtitipong nauukol sa pagpapasiya ng anuman ng isang kapisanan o
samahan.
B. Saklawin; okupahin; ipailalim sa kapangyarihan.
C. Táong may hawak ng tungkuling may mabigat na pananagutan at
kapangyarihan.
D. Karapatan at kapangyarihan ng sinuman na mabuhay at gumawa nang
ayon sa kaniyang niloloob.
E. Pinakamataas na pinunò ng isang hukbong militar.
F. Isa sa mga tauhang sandatahan na bumubuo sa hukbo ng isang bansa
pára sa pagtatanggol sa anumang panganib, pagsalakay, at iba pang
pinsala ang maaaring dumating.

___________1. Siya ay agad na umayos ng tayo nang makita niyang

papalapit na ang heneral.
___________2. Hindi naging madali ang buhay ng mga Pilipino nang sakupin
ng mga dayuhan ang bansang Pilipinas.
 ___________3. Maraming kawal ang nagbuwis ng buhay maprotektahan
lang ang ibang mamamayan mula sa gulong nangyari.
___________4. Maagang dumating sa bulwagan ang mga kasapi sa pulong
na magaganap.
___________5. Maayos at matiwasay ang lagay ng bansa dahil isa siyang
magaling at maaasahang pinuno.

3. Pagbabasa/panonood ng trailer ng “Heneral Luna”

Mula sa: https://www.youtube.com/watch?v=WIc1VuKhjAI

4. Pagtalakay sa Aralin (Pagbibigay Input ng Guro)

Panuto: Matapos mapanood ang trailer ng Heneral Luna, sagutin ang mga tanong na
ibibigay ng guro.

1. Sino ang pangulo ng Pilipinas sa panahon ng pakikipaglaban ni Heneral Luna

para sa kalayaan ng bansa?
2. Anong katangian ni Heneral Luna ang nais mong tularan? Bakit?
3. Anong pangyayari sa kuwento ang nagpapatunay na ang inggit ay walang
maidudulot na mabuti?

DULANG PANTELEBISYON
Alam mo ba na…

Ang dulang pantelebisyon ay binubuo ng gumagalaw na mga larawan at tunog na lumilikha

ng kapaligiran at mga karanasang malapit sa tunay na karanasan at pangyayari sa buhay ng tao.
Mabisang nailalarawan ang mga ito sa tulong ng taglay nitong natatanging mga sangkap.

ELEMENTO NG DULANG PANTELEBISYON

1. KARAKTER/AKTOR - gumaganap na mga tauhan at nagsasabuhay sa iskrip. Sila ang

bumibigkas ng dayalogo o bumibitaw ng mga linya.

2. DAYALOGO - ang mga binibitiwang linya ng mga aktor na siyang sandata upang maipakita
at maipadama ang mga emosyon.

3. DIREKTOR O TAGA-DIREHE- ang nagpapakahulugan sa isang iskrip.

4. ISKRIP- ang nagsisilbing kaluluwa ng isang dula. Dito makikita ang banghay sa isang dula.
 5. MANONOOD- ang nagbibigay halaga sa dula.

6. TANGHALAN- tumutukoy sa lugar kung saan napagpasyahang itanghal ang isang dula.
Maaaring sa kalsada, isang silid, o tahanan

7. TEMA- ang pinakapaksa ng isang dula.

8. DISENYO - ang lahat na biswal na sangkap ng mapapanood kasama na ang set o tagpuan,
kostyum, make-up, props, at pati na ang “visual effects.”

Ano naman ang sosyo- historikal? Ito ay mula sa mga salitang sosyolohikal at
historikal.
Sosyolohikal– mahihinuha sa pananaw o teoryang ito ang kalagayang panlipunan nang panahong
isinulat ang akda. Makikita rito ang kalagayang panlipunan ng mga tauhan at kung paano ito
nakaaapekto sa kanilang gawi sa daloy ng akda.

Historikal– ang layunin ng panitikan ay ipakita ang karanasan ng isang lipi ng tao na siyang
masasalamin sa kasaysayan at bahagi ng kanyang pagkahubog. Nais din nitong ipakita na ang
kasaysayan ay bahagi ng buhay ng tao at ng mundo

Ang walong elementong ito ang siyang nagbibigay ng sinematikong katangian o

nagpapaganda sa mga dulang pantelebisyon. Ang mga ito ang binibigyang pansin ng mga
bumubuo o nagpoprodyus ng mga palabas sa telebisyon. Mahalagang masuri rin natin ang mga ito
upang mapataas ang ating panlasa bilang manonood. Dagdag pa rito, ang pagpapataas sa kalidad
ng mga nalilikhang palabas sa ating bansa.

Ayon kay Reyes (2002) ay mahalagang makita rin sa pagsusuri ang kontekstong
Sosyolohikal/Historikal. Nangangahulugan itong sinasalamin rin ng mga dulang pantelebisyon ang
mga isyu o suliraning panlipunan. Na ang mga ito ay hindi lamang palabas na nakakalibang kundi
bunga rin ng kasaysayan at mga katotohanan sa buhay ng tao at lipunan.

Batay sa ginawang pagsusuri ni Sanchez (2016) tungkol sa mga pinakamahuhusay na

teleserye, “Mabuti ang isang teleserye kung tumutulong itong maipaunawa sa madla ang mga
katotohanan ng kasalukuyan. Mabuti ang pagganap kung nagtatanghal ito ng makatotohanang
pagsasalaysay ng kilos, saloobin, at motibasyon ng kasalukuyan.”

Sa madaling salita, upang mapahalagahan ang mga dulang pantelebisyon ay mahalagang

masuri ang kalakasan (magagandang punto) at kahinaan (bahagi na dapat pang pagbutihin) batay
sa mga elemento nito at kontekstong Sosyo-Historikal.

5. Pagsasanay

Tele-Suri: Pumili ng isang dulang pantelebisyon na iyong napanood at suriin ito

batay sa sumusunod na pamantayan. Gawin ito sa isang buong papel.

A. Pamagat: ________________________________________________________________
 B. Buod: __________________________________________________________________
C. Kalakasan: Itala ang magagandang katangian at bahagi ng napanood batay sa mga
elemento ng dulang pantelebisyon. __________________________________________
___________________________________________________________________________
D. Kahinaan: Ibigay ang iyong mungkahi sa mga napansin mong dapat pang pagbutihin sa
napanood. ________________________________________________________
___________________________________________________________________________
E. Kontekstong Sosyo-Historikal: Isa-isahin ang mga pangyayaring inilahad sa palabas na
may kaugnayan sa mga nagaganap sa kasalukuyan at maituturing na bunga o sibol ng ating
kasaysayan.__________________________________________________________________
___________________________________________________________________________
F. Kaisipang Natutuhan: _______________________________________________________
___________________________________________________________________________

C. Paglalahat
1. Pagninilay/Sintesis

Panuto: Mayroong tatlong kulay ng papel at bawat kulay ay mayroong simbolo. Pipili
ang mga mag-aaral ng kulay batay sa kanilang naunawaan sa talakayang naganap sa
araw na ito. Pagkatapos, ididikit sa pisara ang mga ito at kailangang magkakasama
ang mga papel na pareho ng kulay.

Berde- aking natutuhan

Dilaw- nais pang matutuhan
Kahel- hindi masyadong malinaw

2. Pangwakas na Pagtatasa
Panuto: Isulat ang TAMA kung wasto ang pahayag at MALI naman kung hindi.

______1. Ang pelikulang "Heneral Luna" at "GOYO: Ang Batang Bayani" ay mga
pelikulang nakaugnay sa historikal na konteksto.

______2. Pinangungunahan ng direktor ang kabuoang ayos at galaw ng produksyon

ng dulang pantelebisyon.

______3. Sa pagsusuri ng isang dulang pantelebisyon, hindi mahalagang makita ang

mga larawan at tunog na lumilikha ng kapaligiran pati ang mga karanasang malapit
sa katotohanan.

______4. Ang tauhan sa dula ang naghahatid at nagbibigay ng mga diyalogo batay sa
nabuong iskrip.

______5. Nakaugnay sa mga usapin at isyung panlipunan ang mga pangyayari sa

kontekstong sosyolohikal.

D. Kasunduan
Panuto: Isulat ang pamagat at buod ng paborito mong pelikula. Pagkatapos, gumawa ng
bagong wakas para sa pelikulang ito.

Pamagat:
 Buod:
Bagong wakas:

Pangalan at Lagda ng Guro: ARIANE F. MENDIZABAL Posisyon: Guro I

Pangalan at Lagda ng Nagmasid: FELICITAS A. DE LUNA Posisyon: Dalubguro I

Pangalan at Lagda ng Nagmasid: RUTH R. HERNANDEZ Posisyon: Puno, Kagawaran ng

Filipino