HHhH

Ang kuwento ng Ibong Adarna ay isinulat bilang isang korido o isang uri
ng awit na mayroong walong pantig ang bawat taludtod. Ang mga korido
ay isinusulat noon bilang panalanging iniaalay sa Birheng Maria.Hindi
matukoy kung sino ang tunay na nagsulat ng akdang ito na naging
malaking bahagi ng panitikan ng Pilipinas. Ngunit sinasabing nagmula
ang korido sa bansang Mexico at nakarating lamang sa Pilipinas noong
1610.
Mula noon at hanggang sa kasalukuyan ay wala pa ring katiyakan kung
sino ang totoo na sumulat ng nasabing epiko. Mayroon nagsasabi na ito
ay sinulat ni Jose dela Cruz (Huseng Sisiw) at may ibang ulat naman na
ito raw ay epiko ng mga Kastila na dinala ni Manuel Lopez de Legazpi
noong siya ay pumunta ng Pilipinas.
Ang Ibong Adarna ay isang koridong Tagalog na isinulat ng hindi kilalang
may-akda. Ang buong pamagat nito ay Korido at Buhay na Pinagdaanan nang
Tatlong Prinsipeng Magkakapatid na Anak nina Haring Fernando at Reyna
Valeriana sa kahariang Berbania. Walang tiyak na petsa ang tula.
Ang kasaysayan ng Ibong Adarna ay maaaring hango sa mga kwntong bayan
ng iba’t ibang bansa tulad ng
Germany,Denmark,Romania,Australia,Finland,at Indonesia.Mayroong motif at
cycle ang Ibong Adarna na matatagpuan sa kwentong bayan.
Kahit hindi isinulat ng isang Pilipino, niyakap ito ng marami dahil naangkop sa
kultura at pagpapahalaga ng bansa ang takbo ng kuwento nito, kabilang ang
pagmamahal sa pamilya, pagpapahalaga sa magandang ugnayan ng bawat
miyembro, at ang pagiging mabuting anak. Kabilang din sa aral na makukuha
sa korido ay ang pananampalataya.
Ang orihinal na bersiyong nakarating sa Pilipinas ay mayroong 1,056 na
saknong at ang kabuuan ng aklat ay mayroong 48 na pahina.
Dahil sa mga aral na makukuha sa korido ay ginawa itong kabahagi ng pag-
aaral ng mga kabataan at isa sa mga akdang pampanitikang tinatalakay sa
highschool.