Makikita sa salitang “sanaysay” ang mga salitang “sanay” at “salaysay” o masasabi ng isang ‘sanay” o eksperto sa isang paksa. Ang sanaysay ay isang piraso ng sulatin na kadalasang naglalaman ng punto de vista (pananaw) ng may katha. Ang mga sanaysay ay maaaring magkaroon ng mga element ng pagpuna, opinyon, impormasyon, obserbasyon, kuru-kuro, pang-araw-araw na pangyayari, ala-ala ng nakaraan at pagmumuni-muni ng isang tao. BAHAGI O BALANGKAS NG SANAYSAY PANIMULA- Sa bahaging ito madalas inilalahad ang pangunahing kaisipan o pananaw ng may-akda at kung bakit mahalaga ang paksang tinatalakay. GITNA O KATAWAN- Inilalahad sa bahaging ito ang iba pang karagdagang kaisipan o pananaw kaugnay ng tinalakay na paksa upang patunayan o suportahan ang inilahad na pangunahing kaisipan WAKAS- Nakapaloob sa bahaging ito ang kabuuan ng sanaysay. Mga Elemento ng Sanaysay TEMA- Tumutukoy sa isang paksa ANYO AT ESTRUKTURA- Ang anyo at estruktura ng sanaysay ay isang mahalagang sankap sapagkat nakaaapekto ito sa pagkaunawa ng mga mambabasa. KAISIPAN- Mga ideyang nabanggit na kaugnay o nagpapalinaw sa tema WIKA AT ESTILO- Ang uri at antas ng wika at estilo ng pagkakagamit nito ay nakakaapekto rin sa pag unawa ng mambabasa. URI NG SANAYSAY Pormal Sanaysay na tumatalakay sa mga seryosong paksa at nangangailangan ng masusing pag-aaral at malalim na pagkaunawa sa paksa. Di-Pormal Sanaysay na tumatalakay sa magaan na paksang magaan, karaniwan, pang- araw-araw at pampersonal. Layunin nitong magbigay ng aliw sa mambabasa