Kanlungan Ko'y Ikaw

ni Florencia F. Caisip
Tampok Elementary School
Hagonoy West District, SDO Bulacan

Kanlungan ko'y ikaw

Guro kong tagapayo
Ikaw ang humimok at pumukaw
Sa karunungang angkin ko
Pandemyang dinaranas di na namin alintana
Sapagkat ikaw na aming pangalawang ina
Ang siya naming tulay na daraanan
Sa magandang kinabukasan
Sa kahit ano mang kaparaanan
Modyul at telepono sya mong laging tangan
Sa bawat turo at leksyon mo
Sabik sa bawat Online Kumustahan mo
May leksyon sa modyul kung minsan ay ‘di na maarok
Sa aking isip, aral ay ayaw pumasok
Ikaw ay agad tumatalima
Matatamis na ngiti mababanaag pa
Lahat man ay nagbago
Dating nakagawian ay naglaho
Isa lang ang nalalaman ko
Pagmamahal mo sa amin nakatatak na sa puso ko