ACHIEVEMENT TEST Ang pagsusulit na ito ay batay sa mga kakayahang itinuro na nakapaloob sa silabus at isa itong pagsusulit na pangwakas. Layunin ng pagsusulit na ito ay malaman ang hangganan ng pagkatutong natamo ng mga mag-aaral sa mga layuning itinakda para sa isang tiyak na panahon. 2. PANURING PAGSUSULIT O DIAGNOSTIC TEST Ito ay ibinibigay bago simulan ang pagtuturo ng isang kasanayan upang matiyak kung taglay ng mga mag-aaral ang mga panimulang kakayahan (pre-requisite skills). Ang pagsusulit sa natamong kabatiran sa isang baitang ay maaring magsilbing panuring pagsusulit ng kasunod na baitang. 3.PAGSUSULIT SA KAHUSAYAN O PROFICIENCY TEST Ito ay pagsusulit na naglalayong malaman ang kakayahan ng isang tao sa isang wika na hindi isinasaalang-alang ang anumang kasanayan na taglay niya sa wikang ito. 4.PAGSUSULIT NA APTITYUD O APTITUDE TEST Ito ay sumusukat sa kakayahan sa pag-aaral ng isang wika o isang lawak o disiplina. 4.2 PAGSUSULIT AYON SA DAMI NG KAKAYAHANG SINUSUBOK NG BAWAT AYTEM 1. PAGSUSULIT NA DISCRETE POINT Sinusubok nito ang isa lamang kakayahan sa bawat aytem. Dumaraan sa mga kritisismo dahil sa mga makabagong pananaw tungkol sa wika maging sa layunin at komunikatibong kalikasan nito. Halimbawa: Sa paghahanda ng mga pagsusulit na diskrito, ginagamit ang mga pagsusulit na obhektibo tulad ng: maramihang pagpipiliin (multiple choice test) dalawahang pagpipilian (alternate response test) pagpupuno (completion form) pagtatapat-tapat (matching type test). 2. PAGSUSULIT NA INTEGRATIVE Sinusubok nito ang pangkahatang kasanayan sa wika. Nilalayon ng pagsusulit na integrative na masubok ang iba’t ibang kakayahan ng isang indibidwal sa bawat aytem. Halimbawa: a. Cloze Ito ay pagsusulit na binubuo ng isa o higit pang talata na may puwang para sa mga kinaltas na mga salita. Kung ang pagkakaltas ay laging ikalima, ikasampu, o anumang ratio na napili, ito ay tinatawag na- fixed ratio deletion. Kung ang pagkakaltas ay walang sinusunod na ratio dahil mga pangngalan o mga pandiwa lamang ang kinakaltas, ito ay tinatawag na variable ratio deletion. Kung may pagpipiliang sagot ang mga mag-aaral, ito ay multiple choice cloze at kung wala naman ito ay basic cloze. b. Pagsusulit na idinidikta o Dictation Test Sinusubok nito ang kakayahansa pakikinig, sa talasalitaan, sa kayarian, maari ring sa pagbabaybay at sa wastong paggamit ng malalaking titik at ng bantas. Ang ganitong uri ng pagsusulit ay nahahati sa dalawang uri. Una ay ang standard dictation na isinusulat ng mga mga-aaral ang buong talatang ididikta. Ikalawa ay ang partial dictation. Binibigyan ng sipi ang mga mag- aaral ng talatang idinidikta, pero may mga kaltas na mga parirala o pangungusap. Pupunan na lamang niya ang mga puwang upang mabuo ang talata. c. Interbyu Sinusubok nito ang kakayahan ng isang tao sa pamamagitan ng pagkuha ng impormasyon, kaalaman, reaksyon, at kuro-kurong kailangan sa paghahanda ng isang bagay na ilalathala sa pahayagan. 4.3 AYON SA GAMIT NG KINALABASAN NG PAGSUSULIT 1. Pagsusulit na Norm-referenced- Inihahambing ang bawat mag-aaral sa kanyang kapwa mag-aaral. 2. Pagsusulit na Criterion-referenced-ito ay itinatakdang pamantayan na dapat mapagtagumpayan ng eksameni. 4.4 AYON SA PARAAN NG PAGMAMARKA AT PAGWAWASTO 1.Obhektibong pagsusulit na ang pagmamarka ay walang kaugnayan sa pansariling saloobin o opinion ng taong nagwawasto ng mga papel. Halimbawa: Maramihang pamimili ng sagot (multiple choice) Pagpupuno ng patlang (completion type) Pagtatapat-tapat (matching type) Dalawang pamimili (alternative response test) Pagsusulit cloze Pagsusulit padikta Pagtukoy sa mali (error recognition test) 2. Subhektibong pagsusulit na ang pagwawasto ay maaaring maimpluwensyahan ng pansariling saloobin ng nagwawasto ng papel. Halimbawa: Pagsasalin (translation) Pagsulat ng sanaysay (essay type) Tanong na walang limitasyon (open-ended questions). 4.5 MGA URI NG AYTEM NG PAGSUSULIT 1. True or False/Pagsusulit na Tama o Mali a. Simpleng Tama o Mali b. Modified true or false c. True or False with correction d. Cluster true or false e. True or false with option 2. Error Recogniton Test o Pagtukoy sa Mali Hinahati ang pangungusap sa apat na bahagi. Ang bawat bahagi ay may salungguhit at may nakasulat na titik sa ibaba. Nilalagyan ng guhit ang pagitan ng mga bahagi ng pinaghating pangungusap. Mga piling salita lamang ang sinasalungguhitan. Ang mali sa pangungusap ay maaring isang salita o bahagi ng salita na nawala. Maaari ring magsama ng mga pangungusap na walang mali . 3. Multiple Choice Test o Uring papili a. Pangungusap na hindi natapos b. Pangungusap na may puwang c. Pangungusap na buo d. Pangungusap na nagtatanong 4. Completion Test o Pagsusulit na Pagpupuno sa Patlang Ito ay ang pagpupuno ng mga nawawalang salita o lipon ng mga salita sa isang pangungusap o talata. Ito ay pagsusulit na obhektibo na sa halip na pinamimili ang mag- aaral sa wastong sagot ay ipinabibigay ang tamang sagot. 5. Cloze Test- ito ay isang uri ng pagsusulit na binubuo ng isa o higit pang talata na may puwang para sa mga kinaltas na salita. Ang pagkaltas ay maaaring tuwing ikalima, ikaanim, ikapito o ikawalong salita. 5. Pagtatapat-tapat o matchingtype ito ay may dalawang grupo o kolumn ng mga salita, pangungusap o kung ano pa na naglalaman ng mga sagot at tanong. 4.6 MGA SIMULAING DAPAT SUNDIN SA PAGBUO NG PAGSUSULIT NA MAY PINAMIMILIANG SAGOT a. Ang STEM Ang pangunahing layunin ng stem ay mailahad sa kumukuha ng pagsusulit ang suliraning aytem. Dapat maging maikli ngunit malinaw ang stem. Iwasan ang paggamit ng maliligoy na mga salita. Iwasan ang pag-uulit ng mga opsyon ng mga salitang maaaring ilagay sa stem. Isulat ang stem sa anyong positibo. b. Ang mga Opsyon
Hangga’t maaari, gawing halos
magkakasinghaba ang mga opsyon. Huwag gawing pinakamahaba o pinakamaikli ang wastong sagot. Kung hindi ito maiiwasan may mga padron na maaaring sundin. c. Ang mga distraktor
Ang bawat distraktor ay dapat maging kaakit-
akit sa mga sasagot sa pagsusulit. Dapat tanawin ng mga eksameni na halos tamang sagot lahat ng opsyon. Hindi dapat maging mas mahirap ang mga distraktor kaysa sa tamang sagot. c. Ang tamang sagot
Tiyaking isa lamang ang tamang sagot.
Pag-iba-ibahin ang posisyon ng wastong sagot. Iwasang gawing pinakamahaba o pinakamaikli ang wastong sagot. d. Ang buong aytem
Dapat sukatin ng bawat aytem ang layuning
kinakatawan nito. I-angkop ang bokabularyo at kayarian ng aytem sa mga sasagot nito. 4.7 TALAHANAYAN NG ISPESIPIKASYON Ang layunin nito ay upang mailarawan ang nakamtang domeyn na sinusukat at upang masigurado na patas ang bawat narepresentang halimbawa ng mga katanungang lalabas sa pagsusulit. tinatawag naman itong two-way tsart ni Chase (1991) na naglalarawan ng paksa na saklaw sa isang pagsusulit. Sina Carroll at Hall (1985)ay nagsabing ang TnI ay pinal na produkto sa unang hakbang ng pagbubuo ng pagsusulit. Para naman kay de Guzman Santos (2007), isang mapa ng pagsusulit ang TnI na gabay ng titser sa pagbuo ng pagsusulit. Ito ay nagsisilbing plano sa lahat ng kasunod na mga hakbang sa pagbubuo ng pagsusulit at ang gamit nito. Sa kabuuan, katulad ng pahayag nina Brown at Hudson (2002:87), ang TnI ay nagbibigay patnubay kung ano ang dapat sukatin ng titser sa ginawang pagtuturo. Ginagamit ito bilang gabay ng titser sa pagsulat/paggawa ng pagsusulit.