GABAY SA PAGBUO NG PAGSUSULIT PANGWIKA

Upang maging maayos ang pagsusulit at masukat nito nang buong katapatan ang mga
kasanayan at kabatirang nais sukatin, kailangan ang maayos na pagpaplano at paghahanda.

1. Pagpaplano ng pagsusulit
a. Tiyakin ang layunin ng pagsusulit.
 Upang masukat ang natutunan ng mga mag-aaral sa ginawang pagtuturo ng
guro o kung may natutunan ba ang mag-aaral sa itinuro.
 Upang matiyak kung taglay na ng mag-aaral ang mga panimulang kakayahan
(pre-requisite skills) o upang malaman ang kaalaman at mga bahagi ang
kailangang linangin sa mga mag-aaral.
b. Tukuyin ang mga kakayahan na susukatin ng pagsusulit
 Kaalaman (Knowledge)
 Komprehensyon (Comprehension)
 Paglalapat (Application)
 Pagsusuri (Analysis)
 Pagbubuod (Synthesis)
 Pagatataya (Evaluation)
c. Itala ang mga layuning pangkagawian (behavioral objectives) batay sa mga
kasanayan at kakayahang susukatin.
d. Ihanda ang talahanayan ng ispesipikasyon. Makikita sa talahanayan ang
kabuuang saklaw ng pagsusulit.
Ang Talahanayan ng Ispesipikasyon ay isang plano sa pagsusulit kung anong
topiko o konsepto ang ilalagay sa pagsusulit. Isa itong matrix na kung saan ay may
mga espisipikong topiko o kasanayan at ang layunin nito’y nakabatay sa Bloom’s
Taxonomy. Tinatawag din itong: blueprint sa pagsusulit, test grid o content validity
chart.
e. Pagpasyahin ang mga uri ng pagsusulit na gagamitin.
Halimbawa:
 True or False Test o Pagsusulit na Tama o Mali – isang uring papalit na
pagsusulit na dalawa lamang ang pamimilian ng gumaganap. Pinakapayak at
pinakamarami ang anyo ay ang wasto-mali at oo-hindi. Tiyak na nag-aanyaya
sa paghuhula.
 Error Recognition Test o Pagtukoy sa Mali – isang uri ng pagsusulit na
integratibo sapagkat sinusubok nito ang pangkalahatang kasanayan sa wika.
 Multiple Choice Test o Uring Papili – ay nabibilang sa uring pakilala na may
binubuong pahayag na di-ganap at sinusundan ng mula sa tatlo hanggang
limang kasagutan. Isang sagot lamang ang pipiliin na siyang pamuno sa
pangungusap.
 Completion Test o Pagsusulit na Pagpupuno ng Patlang – ay ang pagpupuno ng
mga nawawalang salita o lipon ng mga salita sa isang pangungusap o talata.
  Cloze Test – isang uri ng pagsusulit na binubuo ng isa o higit pang talata na
may puwang para sa mga kinaltas na salita.
 Pagsusulit-C – isa pang uri ng cloze test. Iniiwang buo ang unang pangungusap
ng teksto. Simula sa ikalawang pangungusap, tuwing ikalawang salita ay
kinakaltas ang ilang titik. (Depende sa haba ng salita ang bilang ng letrang
kakltasin). Ang pag-iwang buo sa una at huling pangungusap ay magsisilbing
gabay sa pagsagot ng mga mag-aaral.
2. Paghahanda ng Pagsusulit
a. Isulat ang mga aytem. Gamitin ang talahanayan ng isang ispesipikasyon bilang patnubay
hinggil sa kung ilang aytem ang bubuuin para sa bawat kasanayang susukatin.
b. Suriin ang aytem. Makatutulong kung maipasusuri sa isa o dalawang kaguro ang mga
aytem. Magagamit ang mga sumusunod na mga tanong sa pagsusuri ng aytem.
1. Sinubok ba ng bawat aytem ang isang tiyak na kasanayang kasama sa talahanayan?
2. Akma bas a sinusubok na kasanayan amg bawat uri ng aytem sa pagsusulit?

3. Maliwanag bang nakasaad ang hinihingi ng bawat aytem?

4. Wala bang mga di-kailangang ssalita o pahiwatig ang aytem.
5. May sapat bang antas ng kahirapan ang aytem para sa mga kukuha ng pagsusulit?

6. Ang mga distractor o joker ba ay sadyang mabuti at maayos ang pag babalanseat
hindi magtutunton sa wastong sagot?
7. May sapat na dami ba ng aytem para sa bawat layunin o kasanayan sa talahanayan ng
ispesipikasyon.
8. Hindi ba kakikitaan ng regular na pardon ang paghahanay ng mga wastong sagot?

c. Ayusin ang mga aytem sa pagsusulit.

1. Pagsama-samahin ang mga aytem na magkakauri.
2. Isaayos ang mga aytem ayon sa antas ng kahirapan. Ilahad muna ang madaling
aytem bago ang mga mahihirap na aytem.
d. Ihanda ang mga panuto.
1. Ang mga panuto ay dapat gawing payak at maikli. Ito ay dapat magbigay ng mga
sumusunod na impormasyon:
a. Ang layunin ng pagsusulit.
b. Ang panahong nakalaan sa pagsagot ng pagsusulit,
c. Paano ang pagsagot ng mga aytem? Titik lamang ba ng tamang sagutang
isusulat o sisipiin bas a sagutang papel ang sagot?
Halimbawa:
 PANUTO: Basahin at unawaing mabuti ang mga pahayag na
nakaitalisado. Kilalanin kung anong uri ng tayutay ang mga ito.
Isulat ang sagot sa patlang. Sagutan lamang ito sa loob ng isang
(1) oras.

2. Kung higit sa isang uri ng pagsusulit ang kabuuan ng pagsusulit,

kailangang magkaroon ng isang pangkalahatang panuto at may
mga tiyak na panuto para sa bawat partikular na uri ng
pagsusulit.

3. Pagbibigay ng pagsusulit at pagwawasto ng mga papel.

4. Pagpapahalaga ng pagsusulit.
Pagsusuri ng bawat aytem upang malaman ang pagkamabisa ng mga aytem.
1. Kahirapan ng aytem (index of difficulty) – ang porsyento ng
mga estudyante na nakakuha ng tamang aytem.
2. Kakayahang magtangi (discrimatory power) – ang pagkakalayo
ng mga nakakuha ng mataas at ng mababa.
3. Pagkamabisa ng bawat distractor.

5. Pagbibigay ng kahulugan sa kinalabasan ng pagsusulit.

Kapag mababa ang marka o kinalabasan ng pagsusulit, maaaring uulitin
ng guro ang topiko upang maintindihan ng lusbusan ng mga mag-aaral ang mga
hindi naintindihan at kapag naman katamtaman o mataas ang nakuha nilang
marka ay maaari nang ipagpatuloy ng guro ang susunod na topiko.