2. Nasusuri ang mga tauhan sa epikong ito. 3. Nailalahad ang mga kultura/kaugalian sa epikong ito. Ang epiko o epic sa Ingles ay isang uri ng panitikan na panulaan. Matatagpuan ito sa mga grupong etniko gamit ang makalumang pananalita. Ang karaniwang tema ng epiko ay tumutukoy sa kabayanihan o makabayan. Dagdag pa rito, maaaring tumutukoy rin ito sa kaganapan o isang dakilang tao na nabuhay. May-akda ng Alim sa tagalog
Ang epikong Alim (Epiko ng Ifugao) ay isinasay ng
mga Ifugao. Ang Alim ng mga Ifugao ay isang kwento tungkol sa kanilang bathala at sa ilang pangyayari sa ipinalalagay na langit ng mga Ifugao. ALIM EPIKO NG MGA IFUGAO Ang epikong alim ng mga Ifugao ay nagsasalaysay ng isang panahong ang lupain ay saganang-sagana. Maging ang mga ilog at dagat ay sagana sa isda. Ang mga kagubatan ay maraming mga hayop na madaling hulihin. Walang suliranin ang mga tao tungkol sa pagkain. Pa-ibig nilang kumain, wala silang gagawin kundi pumutol ng biyas na kawayan at naroroon na ang bigas na isasaing. Ang biyas ng kawayan ay siya ring pagsasaingan. Noon, ang daigdig ay Patag na Patag maliban sa dalawang bundok: ang Bundok ng Amuyaw at ang Bundok ng Kalawitan. Dumating ang panahong hindi pumatak ang ulan. Natuyo ang mga ilog. Namatay ang mga tao. Humukay ang ilang natitirang tao ng ilog. Ang tubig ay bumalon. Natuwa ang mga tao at sila ay nagdiwang. Subalit bumuhos ang malakas na ulan, umupaw ang mga ilog. Tumaas nang tumaas ang tubig. Nagsipagtakbo ang mga tao sa dalawang bundok subalit inabot din sila ng baha.Nalunod na lahat ang mga tao maliban sa magkapatid na sina Bugan at Wigan. Nang bumaba na ang baha, nagpaningas ng apoy si Bugan sa bundok ng Kalawitan. Nakita ito ni Wigan sa kanyang kinaroroonan sa bundok ng Amuyaw. Pumunta si Wigan kay Bugan. Nalaman nilang silang dalawa lamang magkapatid ang natirang tao sa daigdig. Nagtayo ng bahay si Wigan na tinirahan nila ni Bugan. Pagkaraan ng ilang panahon, si Bugan ay nagdalangtao. Dahil sa malaking kahihiyan tinangka ni Bugan na magpakamatay. Pinigilan siya ng isang matanda. Ito’y bathala ng mga Ifugao, si Makanungan. Ikinasal ni Makanungan si Wigan at si Bugan. Nagkaroon sila ng siym na anak, limang lalaki at apat na babae. Nang dumating sila sa hustong gulang, ang apat na lalaki ay ikinasal sa apat na babae. Ang bunsong lalaki na si Igon ang natirang walang asawa. Namuhay silang masagana. Paglipas ng ilang panahon, nakaranas sila ng tagtuyot. Wala silang ani. Naalala ni Wigan at ni Bugan si Makanungan. Sila’y nanawagan dito at hinandugan nila ng alay na daga. Patuloy parin ang tagtuyot. Naisipan nilang si Igon ang patayin at siyang ihandog sa Bathala. Natapos ang pagsasalat at tagtuyot. Subalit nagalit si Makanungan sa ginawa nilang pagpatay at paghahandog ng buhay ni Igon. Isinumpa niya ang mga anak nina Wigan at Bugan. Sinabi niyang maghihiwa- hiwalay ang magkakapatid sa timog, sa hilaga, sa kanluran, sa silangan. Kapag sila’y nagkita-kita, sila’y mag-aaway at magpapatayan. Kaya’t ang mga tribong ito ng mga tao sa kabundukan, magpahanggang ngayon ay naglalaban at nagpapatayan. Ang mga mga tauhan sa Epikong Alim
1. Bugan – Si Bugan ang kapatid ni Wigan na napadpad sa bundok ng
kalawitan. 2. Wigan – Si Wigan ay ang kapatid ni Bugan na napadpad sa bundok ng Amuyaw. 3. Makanungan – Si Makanungan ay ang matandang bathala ng mga Ifugao. 4. Siyam na Anak – Sila ang mga anak nina Bugan at Wigan. Sila ang limang lalaki at apat na babae. 5. Igon – Si Igon ay ang bunso sa limang anak na lalaki nina Bugan at Wigan. KONKLUSYON
Ang epikong Alim ay umiikot sa kwento ng magkapatid na sina
Bugan at Wigan. Ang lahat ng kaganapan dito ay mahiwaga. Isa itong epiko na nakawiwiling basahin dahil pinapalawak nito ang ating imahenasyon.
Ang mensahe ng epikong ito ay nakatuon sa ideya na ang paggawa
natin ng hindi mabuti ay palaging may masamang kahihinatnan. Gaano man kasalat ang ating buhay, huwag tayong pumaslang o gumawa ng masamang bagay para sa ating pansariling kapakanan. KULTURA
Ang kulturang Pilipino na masasalamin sa epikong
Wigan at Bugan ay ang kanilang paniniwala at pag- aalay sa mga nilalang ng mga sinaunang Diyos. Ang paniniwala sa mga iba’t-ibang ritwal na maaring magdala ng magagandang kaparalan at magbibigay kasagutan sa kanilang nais ay isa sa mga masasalamin dito. Pati narin ang pagiging matapang ng mga Pilipino na harapin ang anumang problemang kakaharapin na hanggang ngayon ay taglay ng bawat Pilipino ang pagiging matapang sa mga hamon sa buhay na ating kinakaharap. MARAMING SALAMAT SA INYONG PAKIKINIG